Morgunblaðið - 22.07.2003, Blaðsíða 39
ÍÞRÓTTIR
MORGUNBLAÐIÐ ÞRIÐJUDAGUR 22. JÚLÍ 2003 39
Árangurinn var ekki í samræmivið það sem við bjuggumst við.
Hann byrjaði illa sem er ólíkt honum
og fann aldrei taktinn. Örn sagði mér
sjálfur eftir sundið að honum hefði
einfaldlega liðið illa í vatninu. Þetta
eru okkur vissulega vonbrigði því við
vorum orðnir bjartsýnir eftir undan-
rásirnar fyrr um morgunin sem
gengu mjög vel. Yfir heildina er ég
ánægður með okkar fólk hér í Barce-
lona. Þau eru flest að bæta sína tíma
og meira get ég ekki beðið um,“ sagði
Steindór Gunnarsson í samtali við
Morgunblaðið í gær.
Bandaríkjamaðurinn Aaron
Peirsol náðum bestum tíma, kom í
mark á 25,28 sek.
Þrjú heimsmet voru sett
Það voru sett þrjú heimsmet í
sundhöllinni í Barcelona í gær. Ástr-
alarnir Matt Welsh og Leisel Jones
settu tvö þau fyrstu, en síðan kom
Japaninn Kosuke Kitajima með eitt.
Kitajima fagnaði sigri í 100m
bringusundi á 59,78 sek. og bætti
tveggja ára met Rússans Roman
Sloudnovs um 0,16 sek., en hann setti
metið á HM í Fukuoka.
Þessi 20 ára sundmaður frá Japan
varð annar sundmaðurinn í heimin-
um til að synda vegalengdina undir
mínútu.
Hinn 26 ára Welsh, sem hóf að æfa
og keppa í sundi 18 ára, bætti tveggja
ára met landa síns Geoff Heugills, í
50 m flugsundi, um 1/100 úr sekund –
synti á 23,43 sek. Welsh á einnig
heimsmetið í 200 m flugsundi.
„Það var engin pressa á mér og ég
var mjög ánægður með byrjunina.
Mér tókst vel upp. Þetta var stór-
kostlegt,“ sagði Welsh.
Hin 19 ára Leisel Jones, sem fékk
silfur á Ólympíuleikunum í Sydney í
100 m bringsundi, setti heimsmet í
undanúrslitunum er hún synti á
1.06,37 mín. og getur hún hæglega
bætt metið í úrslitasundinu í dag.
Hún bætti gamla metið, sem Pene-
lope Heyns frá Suður-Afríku átti frá
1999, um 0,15 úr sek.
„Það hjálpaði mér mikið að sjá
Matt setja heimsmet rétt áður en ég
stakk mér til sunds,“ sagði Jones.
Jenny Thompson frá Bandaríkjun-
um varð heimsmeistari í 100 m flug-
sundi kvenna á 57,96 sek. og. Jana
Klotsjkova fra Úkraínu varð sigur-
vegari í 200 m fjórsundi á 2.10,75 mín.
Morgunblaðið/Brynjar Gauti
Íris Edda Heimisdóttir keppti í 100 metra bringusundi á heimsmeistaramótinu í Barcelona í gær.
Örn náði sér
ekki á strik
Örn Arnarson var á ferðinni á heimsmeistaramótinu í Barcelona.
ÍRIS Edda Heimisdóttir, ÍRB,
og Anja Ríkey Jakobsdóttir,
SH, kepptu í gær á heims-
meistaramótinu í sundi í
Barcelona á Spáni en komust
ekki í undanúrslit í sínum
greinum.
Íris Edda keppti í 100 metra
bringusundi og varð í 34. sæti
af alls 45 keppendum á tíman-
um 1.13,28 mín. Íslandsmetið í
greininni á Ragnheiður Run-
ólfsdóttir sem sett var árið
1991 í Aþenu, 1.11,87 mín.
Íris Edda tryggði sér rétt til
að taka þátt í Ólympíuleikun-
um í Aþenu 2004. Lára Hrund
Bjargardóttir, SH, hafði náð
þeim áfanga á sunnudaginn.
Alls hafa fimm sundmenn
tryggt sér farseðla á ÓL í
Aþenu, þar sem fyrir HM
höfðu Örn Arnarson, ÍRB,
Jakob Jóhann Sveinsson, Ægi,
og Kolbrún Ýr Kristjánsdóttir,
ÍA, tryggt sér rétt á að keppa í
Aþenu.
Anja Ríkey keppti í 100
metra baksundi og varð líkt
og Íris Edda í 34. sæti af 45
keppendum. Anja Ríkey kom í
mark á 1.05,80 mín en Íslands-
metið í greininni á Kolbrún Ýr
Kristjánsdóttir, 1.05,61 mín.
Íris Edda
með ÓL-
farseðil
til Aþenu LEEDS United klófesti í gær
varnarmanninn Zoumana Camara
frá franska liðinu Lens. Camara
gerði eins árs lánssamning við
Leeds en hann er 24 ára gamall og
hefur leikið einn landsleik fyrir
Frakkland. Camara er annar leik-
maðurinn á stuttum tíma sem
gengur til Leeds en miðjumaðurinn
Jody Morris skrifaði undir hjá
Leeds á föstudaginn.
KEVIN Davies mun leika með
Bolton á næstu leiktíð í ensku úr-
valsdeildinni. Davies var í herbúð-
um Southampton síðasta vetur en
fékk ekki nýjan samning hjá liðinu.
Davies er fjórði leikmaðurinn sem
kemur til Bolton í sumar en áður
hafa þeir Ivan Campo, Stylianos
Giannakopoulos og Florent Laville
skrifað undir samning við liðið.
SIR Alex Ferguson, knatt-
spyrnustjóri Manchester United,
er vonsvikinn að Brasilíumaðurinn
Ronaldinho hafi ekki komið til fé-
lagsins. „Ég er vonsvikinn en þó
ekkert gífurlega. Við höfum áður
misst af leikmönnum sem ég hef
viljað fá til United en það hefur
ekki stoppað okkur í að vera sigur-
sælt lið,“ sagði Sir Alex.
WAYNE Bridge skrifaði í gær
undir samning við Chelsea en hann
lék með Southampton síðasta vet-
ur. Bridge er varnarmaður og kost-
ar Chelsea um 850 milljónir ís-
lenskra króna. Graeme le Saux,
sem hefur leikið með Chelsea síð-
ustu ár, gekk til liðs við South-
ampton en Le Saux og Bridge leika
báðir í stöðu vinstri bakvarðar.
EGIL „Drillo“ Olsen fyrrverandi
landsliðsþjálfari Noregs gat ekki
fylgst með 19 ára liði Noregs í úr-
slitakeppni Evrópumóts landsliða
gegn Portúgal í Liechtenstein.
„Drillo“ er þjálfari liðsins ára liðs-
ins, en í stöðunni 2:0 fyrir Noreg
fékk hann óreglulegan hjartslátt og
varð að fá aðstoð frá læknum á
svæðinu í framhaldinu. „Drillo“
segir við norska fjölmiðla að hann
hafi þjáðst af óreglulegum hjart-
slætti undanfarin tíu ár og engin
hætta hafi verið á ferðum. Þess má
geta að Portúgal skoraði tvívegis í
síðari hálfleik og eru Norðmenn úr
leik eftir 2:2 jafnteflið.
ÞÓ svo að Kevin Keegan, hinn
litríki knattspyrnustjóri Manchest-
er City, hafi tryggt sér miðvall-
arleikmennina Michael Tarnat og
nú síðast Trevor Sinclair frá West
Ham, er hann ekki hættur að kaupa
leikmenn. Hann hefur hug á að
styrkja miðju liðsins enn frekar
með því að fá sé einn miðjumann til
viðbótar. Þeir leikmenn sem hafa
verið orðaðir við City eru Paul Bos-
velt, 33 ára, hjá Feyenoord og Ant-
oine Sibierski, 28 ára, hjá Lens.
Sibierski er líklegri til að verða
inni í framtíðarplani Keegans hjá
City.
FÓLK
INDRIÐI Sigurðsson, leik-
maður norska úrvalsdeild-
arliðsins Lilleström, er
undir smásjá þýska úrvals-
deildarliðsins Bochum
samkvæmt frétt staðar-
blaðsins Romerikes-Blad.
Lars Petter Fosdahl,
umboðsmaður Indriða,
segir að útsendarar Boch-
um hafi fylgst með leik-
manninum í leik Lille-
ström gegn Lyn sl. sunndag þar
sem Lilleström sigraði 2:0 á heima-
velli sínum Åråsen.
Indriði segir við Romerikes-Blad
að hann hafi ekki vitað af heimsókn
Bochum og að hann vilji
ekki vita af slíku fyrir
leiki þar sem það hafi ekki
góð áhrif á sig sem leik-
mann. Spurður um fram-
tíð sína hjá Lilleström
svarar Indriði því að hann
vilji ekki gera samning við
Lilleström á ný en samn-
ingur hans við félagið
rennur út í lok leiktíðar
og hann vilji komast að
hjá öðru liði í öðru landi á næstu
leiktíð. Þess má geta að tveir ís-
lenskir leikmenn eru á mála hjá
Bochum en það eru bræðurnir
Þórður og Bjarni Guðjónssynir.
Bochum fylgist með
Indriða Sigurðssyni
ÖRN Arnarson náði ekki að tryggja sér rétt til að keppa í úrslita-
sundinu í 100 metra baksundi á heimsmeistaramótinu í sundi sem
stendur yfir í Barcelona á Spáni. Örn komst í undanúrslit en varð í
7. sæti í sínum riðli og varð í 14. sæti í heildina. Þeir átta sundmenn
sem náðu bestum tíma tryggðu sér rétt til að keppa í úrslitasundinu
í dag. Örn var nokkuð frá sínu besta og synti á 55,67 sekúndum.
Steindór Gunnarsson, landsliðsþjálfari í sundi, sagði að hann og
Örn væru báðir óánægðir með árangurinn í sundinu.