Morgunblaðið - 22.07.2003, Blaðsíða 41
ÍÞRÓTTIR
MORGUNBLAÐIÐ ÞRIÐJUDAGUR 22. JÚLÍ 2003 41
Súlumót frá formaco
● úr pappa
● einföld og þægileg í notkun
● fæst í mörgum lengdum
og breiddum
Gylfaflöt 24-30 • 112 Reykjavík
Sími 577 2050 • Fax 577 2055
formaco@formaco.is • www.formaco.is
HREFNA Huld Jóhannesdóttir,
miðherji úr KR, tryggði ungmenna-
liði kvenna, skipað leikmönnum
undir 21 árs, jafntefli gegn Noregi
á opna Norðurlandamótinu í Dan-
mörku í gær, 1:1. Hún skoraði
glæsilegt mark þremur mín. fyrir
leikslok – með góðu skoti af löngu
færi og knötturinn hafnaði í mark-
horninu.
Edda Garðarsdóttir var nærri
búinn að skora mark í byrjun leiks
er hún spyrnti knettinum í stöng úr
aukaspyrnu. Norðmenn náðu að
skora eftir hornspyrnu á 21. mín.
Hrefna Huld
með glæsi-
mark
Ákefðin var mikil í liði Skaga-manna eftir að Egill Már Mark-
ússon hafði flautað til leiks. Barist
var hart um hvern
bolta og greinilegt
að heimamenn ætl-
uðu ekki að gefa nein
færi á sér. Stefán
Þórðarson framherji ÍA lét mikið að
sér kveða eftir að hafa tekið út leik-
bann gegn FH í síðasta leik. Stefán
átti fyrstu tvö marktækifæri leiks-
ins, skot og skalla sem bæði fóru yfir
mark Grindvíkinga. Ólafur Gott-
skálksson var ekki í liði Grindvíkinga
að þessu sinni og stöðu hans í mark-
inu tók ungur heimamaður, Helgi
Már Helgason, og þurfti hann að
taka á stóra sínum á 12. mínútu er
hann bjargaði liði sínu frá því að fá
mark á sig.
Það var líkt og að tilþrif Helga
hefðu vakið vonir í brjósti leikmanna
Grindavíkur þar sem liðið náði í kjöl-
farið þremur ágætum sóknum í röð
og endaði sú þriðja með því að Óli
Stefán Flóventsson skallaði knöttinn
í markstöng ÍA á 14. mínútu.
Eftir þessa skorpu Grindvíkinga
tóku heimamenn öll völd á vellinum
og fengu svo sannarlega tækifæri til
þess að skora mörk. Fyrst ber að
nefna færi sem Garðar Gunnlaugs-
son fékk á 21. mínútu, Hjörtur
Hjartarson fékk annað færi á 30.
mínútu, Stefán skallaði í þverslána á
37. mínútu og að síðustu varði Helgi
vel skalla frá Garðari á 40. mínútu og
var það síðasta marktækifæri fyrri
hálfleiks.
Síðari hálfleikur var ekki eins
kraftmikill og sá fyrri. Skagamenn
náðu að brjóta ísinn eftir fast leik-
atriði á 57. mínútu þar sem Gunn-
laugur Jónsson fleytti knettinum aft-
ur fyrir sig með höfðinu eftir
hornspyrnu frá hægri. Ekki var gott
að sjá hvort knötturinn hafnaði í
sóknarmönnum ÍA eða varnarmönn-
um Grindvíkinga á leið sinni að
markinu en svo virðist sem Ólafur
Örn Bjarnason hafi sett knöttinn í
eigið mark.
Eftir markið varð leikur ÍA var-
kárari, enda ekki furða þar sem
staða liðsins var vænleg.
Óli Stefán náði hjartslætti stuðn-
ingsmanna beggja liða af stað á ný
þegar hann skallaði yfir úr góðu færi
á 70. mínútu og var það annað um-
talsverða færi liðsins í leiknum. Og
jafnframt það síðasta.
ÍA náði tökum á leiknum á ný,
sköpuðu sér færi sem þeir unnu afar
illa úr og sérstaklega Garðar Gunn-
laugsson á 85. mínútu þar sem hann
slapp einn í gegnum vörn Grindavík-
ur og átti aðeins eftir að koma knett-
inum yfir markvörð Grindvíkinga en
knötturinn fór yfir markið.
Í liði heimamanna bar mest á
Gunnlaugi Jónssyni og Hjálmi Dór
Hjálmssyni í vörn liðsins. Grétar
Rafn Steinsson gaf ekkert eftir á
miðjunni ásamt Pálma Haraldssyni
og Stefán Þórðarson var að leika
einn af sínum betri leikjum í sumar.
Í liði gestanna var Óli Stefán Fló-
ventsson einmana í fremstu víglínu
og greinilegt að liðið saknaði Ray
Jónssonar sem var í leikbanni líkt og
Óðinn Árnason. Miðja liðsins var flöt
og máttlítil og aðeins Eysteinn Húni
Hauksson sem lét að sér kveða.
Helgi Már Helgason stóð sig vel í
marki Grindvíkinga og verður ekki
sakaður um markið þrátt fyrir að
hafa verið „hent út í djúpu laugina“
með stuttum fyrirvara.
Sjálfstraustið var lítið
Gunnlaugur Jónsson fyrirliði
Skagamanna sagði að sigurinn væri
mikilvægur fyrir liðið þar sem sjálfs-
traust leikmanna væri ekki mikið
enda hefði gengið illa að finna leið að
marki andstæðingana í sumar og
staða liðsins í neðri hluta deildarinn-
ar væri óskemmtileg. „Við erum að
skapa okkur færi en eins og áður þá
nýtum við þau ekki nógu vel og
kannski er sjálfstraust okkar ekki
nógu mikið til þess að koma boltan-
um í netið. Það er hinsvegar alltaf
gaman að vinna leiki og bikarkeppn-
in verður krydd í tilveruna hjá okk-
ur,“ sagði fyrirliðinn en hann svaraði
á heimasíðu félagsins frétt sem birt-
ist á íslenskum netmiðli í vikunni
þess efnis að upplausnarástand ríkti
í herbúðum liðsins. „Þegar slíkar
fréttir eru bornar á borð er þeim
svarað á heimasíðu ÍA, annað var
ekki hægt enda ekki fótur fyrir því
sem sagt var. Neikvæð umræða um
liðið hefur áhrif á okkur sem lið en
við höfum unnið markvisst í okkar
málum og ég tel að markastíflan sem
við höfum reist fyrir framan mark
andstæðinga okkar muni bresta áður
en langt um líður.“
Vorum andlausir
Óli Stefán Flóventsson átti hættu-
legasta marktækifæri Grindvíkinga í
fyrri hálfleik er hann skallaði knött-
inn í stöng af stuttu færi eftir skyndi-
upphlaup liðsins. Hann var hinsveg-
ar undrandi á hve illa liðið hefði náð
sér á strik að þessu sinni. „Okkur
hafði gengið vel í síðustu leikjum,
unnið sex leiki í röð, fimm í deild-
arkeppninnni og einn í bikarkeppn-
inni og menn voru vel stemmdir fyrir
leikinn. Það skilaði sér ekki úti á vell-
inum og við vorum andlausir í þess-
um leik,“ sagði Óli Stefán en Grind-
víkingar hafa ekki riðið feitum hesti
frá Akranesi í bikarkeppninni und-
anfarin ár. „Það er svart og hvítt í
deild og bikar hjá okkur á þessum
velli. Undanfarin fjögur ár höfum við
þrívegis tapaði í bikarkeppninni á
meðan okkur hefur gengið vel í
deildarkeppninni.“
Morgunblaðið/Árni Sæberg
Grétar Rafn Steinsson, ÍA, og Gestur Gylfason úr Grindavík háðu margar rimmur á Jaðarsbakka-
velli í gær og fylgist Hjálmur Dór Hjálmsson með úr fjarlægð en heimamenn fá nú tækifæri til þess
að leika á ný í undanúrslitum bikarkeppninnar eftir 1:0 sigur á Grindvíkingum.
Krydd í tilveruna
BIKARKEPPNI KSÍ verður líkast til krydd í tilveruna hjá leikmönnum
ÍA þetta árið eftir 1:0 sigur á Grindvíkingum í átta liða úrslitum á
Akranesi í gær. Staða heimamanna í deildarkeppninni hangir enn
sem rigningarský yfir knattspyrnubænum þar sem liðinu gengur af-
ar illa að skora mörk þrátt fyrir að marktækifærin séu til staðar.
Leikur ÍA var oft á tíðum ágætur og sigur liðsins sannfærandi en lið
Grindavíkur hefur oft leikið betur og átti til að mynda aðeins eitt al-
vöru færi í leiknum er knötturinn hafnaði í stönginni.
Sigurður Elvar
Þórólfsson
skrifar
ÞORSTEINN Jónsson, sem lék
með KR og FH í efstu deild knatt-
spyrnunnar, er genginn til liðs við
Fjölni í Grafarvogi og lék sinn fyrsta
leik með liðinu þegar það gerði jafn-
tefli við Völsung um helgina.
RAGNA Lóa Stefánsdóttir er búin
að skipta yfir í KR, en hún var skráð-
ur leikmaður hjá Ipswich í Englandi.
GEORGE Karl er hættur sem
þjálfari Milwaukee Bucks í NBA-
körfuboltanum. Karl hefur verið
þjálfari liðsins síðustu fimm ár.
ALI Benarbia, fyrirliði Manchest-
er City, á síðustu leiktíð er hættur
hjá félaginu. Benarbia er 34 ára
gamall miðjumaður en hann hefur
verið í miklu uppáhaldi hjá stuðn-
ingsmönnum City.
BARNSLEY hefur leyst varnar-
manninn Chris Morgan, 25 ára, fyr-
irliða liðsins, undan samningi, en
hann átti eitt ár eftir af samningi sín-
um við liðið. Morgan, sem hafði leik-
ið 200 leiki fyrir Barnsley, var inni í
framtíðarplani Guðjóns Þórðarson-
ar, knattspyrnustjóra liðsins.
SCOTT Parker, leikmaður Charl-
ton, hefur gert nýjan fimm ára
samning við liðið. Parker er 22 ára
gamall miðjumaður og var valinn
leikmaður tímabilsins hjá Charlton
síðasta vor. Parker hefur verið eft-
irsóttur af Chelsea, Tottenham og
Everton.
DAMIEN Duff er genginn til liðs
við Chelsea frá Blackburn í ensku
úrvalsdeildinni í knattspyrnu.
Chelsea þarf að borga Blackburn
um 2100 milljónir íslenskra króna
fyrir Duff sem er 24 ára gamall en
hann er fjórði leikmaðurinn sem
Chelsea kaupir í sumar.
ÍTÖLSKU úrvalsdeildarliðin í
knattspyrnu AC Milan og Lazio
skiptust í gær á leikmönnum. Miðju-
maðurinn Demetrio Albertini fór til
Lazio en varnarmaðurinn Giuseppe
Pancaro fór til Milan í staðinn.
LEICESTER City, nýliðarnir í
ensku úrvalsdeildinni, fengu í gær
góðan liðstyrk. Þá gekk Craig Hig-
nett til liðsisns frá Blackburn Rov-
ers.
FRAMHERJINN, Kevin Davies er
genginn til liðs við Bolton Wander-
ers frá Southampton. Davies hefur
átt erfitt uppdráttar á undanförnum
árum eða allt frá því hann var seldur
frá Southampton til Blackburn á sjö
milljónir punda.
FÓLK
Grindavík
með Dana
í sigtinu
BJARNI Jóhannsson,
þjálfari Grindvíkinga,
vonast til þess að geta
krækt í framherja frá
Danmörku til þess að
styrkja leikmannahóp
liðsins fyrir lokaátökin á
Íslandsmótinu og átti
Bjarni von á því að fá
svör frá Dananum í dag.
„Ég held að það sé best
að segja sem minnst ef
þetta gengur ekki í gegn
en við höfum verið að
leita að framherja og er-
um í samningaviðræðum
við einn slíkan frá Dan-
mörku. Við vonumst til
þess að því máli ljúki á
morgun (í dag) og að
hann verði klár í slaginn
um leið og það gerist,“
sagði Bjarni.