Morgunblaðið - 08.08.2003, Síða 6

FRÉTTIR
6 FÖSTUDAGUR 8. ÁGÚST 2003 MORGUNBLAÐIÐ
REKSTRARHALLI hjá embætti
lögreglustjórans í Reykjavík í árs-
lok 2002 nam 40 milljónum króna
og er stefnt að því að minnka hall-
ann um helming á þessu ári. Ekki
verða ráðnir lögreglumenn í þær
stöður sem losnað hafa á undan-
förnum vikum og mánuðum, en
upplýsingar um hve margar stöður
er um að ræða lágu ekki fyrir þeg-
ar spurst var fyrir hjá lögreglunni í
gær.
Þá verður sem fyrr ekki ráðið í
26 stöður sumarafleysingamanna
sem halda áfram námi sínu við
Lögregluskóla ríkisins í haust.
295 stöðugildi eru hjá lögregl-
unni í Reykjavík og eru um 260
stöður mannaðar fyrir utan sum-
arafleysingamenn. Fæstir voru
lögreglumennirnir haustið 2001,
eða 250 til 255, en flestir 1998 til
1999, er allar stöður voru mann-
aðar.
Ekki er
ráðið í laus-
ar stöður
COLUMBIA Ventures Corporation,
móðurfyrirtæki Norðuráls á Grund-
artanga og stór eigandi símafyrir-
tækisins Og Vodafone, hefur komist
að samkomulagi við eigendur
bandaríska símafyrirtækisins CTC
Communications. Tilboð Columbia
Ventures upp á 32 milljónir dollara,
eða nærri 2,5 milljarða króna, í öll
hlutabréf CTC hefur verið tekið.
CTC hefur gengið í gegnum end-
urskipulagningu og endurfjármögn-
un síðustu mánuði vegna rekstrar-
erfiðleika en fyrirtækið hefur
sérhæft sig í nýjustu breiðbands-
tækni og gagnaflutningum og aðal-
lega sinnt meðalstórum og stórum
fyrirtækjum á norðausturströnd
Bandaríkjanna, frá Virginíu til
Maine. CTC hefur verið skráð á
hlutabréfamarkað í Bandaríkjunum.
Bjarni K. Þorvarðarson, fram-
kvæmdastjóri þróunarsviðs Col-
umbia Ventures, segir að þó að til-
boði hafi verið tekið geti það tekið
nokkra mánuði í viðbót að kaupin
gangi í gegn. Columbia Ventures
ætli sér að halda starfsemi CTC
áfram í nær óbreyttri mynd, þannig
að það geti staðið áfram í sam-
keppni við stóru símafyrirtækin í
Bandaríkjunum og boðið hagstæð-
ari kjör.
Bjarni segir að Columbia Vent-
ures geti haft óbeint hagræði af
þessari fjárfestingu fyrir aðrar fjár-
festingar í fjarskiptaheiminum síð-
ustu misserin, engin samlegðaráhrif
séu þó af þessu vegna fjárfestinga á
Íslandi. Fyrirtækið festi nýlega
kaup á sæstreng milli Bandaríkj-
anna og Evrópu, Hibernia Atlantic,
auk þess sem það á 40% hlut í síma-
fyrirtækinu Og Vodafone á Íslandi,
sem varð til með sameiningu Tals,
Íslandssíma og Halló.
Haft er eftir Ken Peterson, for-
stjóra Columbia Ventures, í erlend-
um fjölmiðlum að töluverðir vaxtar-
möguleikar séu í CTC og
samlegðaráhrif með öðrum fjárfest-
ingum vestanhafs.
Columbia Ventures, eigandi Norðuráls á Grundartanga
Tilboði tekið í bandarískt síma-
fyrirtæki fyrir 2,5 milljarða
Í GÆR var sett á Hótel
Nordica tuttugasta
þing norrænna skjala-
varða. Það var forseti
Íslands, Ólafur Ragnar
Grímsson, sem setti
þingið en það sitja
rúmlega 360 skjala-
verðir frá Norður-
löndum.
Í fréttatilkynningu
frá Þjóðskjalasafninu
segir að helsta við-
fangsefni fundarins sé
breytt staða skjala-
safna í ljósi upplýs-
ingasamfélags og op-
innar stjórnsýslu. „Fjallað verður
um nýjar kröfur sem leiða af al-
mennri notkun netsins þar sem í æ
ríkara mæli er unnt að sækja alls
kyns fróðleik til safnanna. Jafn-
framt verður fjallað um rafræna
stjórnsýslu og þær kröfur sem hún
gerir til varðveislu gagna á raf-
rænu formi,“ segir í tilkynning-
unni.
Meðal fyrirlesara á þinginu eru
pr. Peter Seipel frá Stokkhólmshá-
skóla og dr. John McDonald frá
Kanada. Þá verða haldnar mál-
stofur um helstu viðfangsefni nor-
rænna skjalasafna og gerð grein
fyrir niðurstöðum nokkurra nor-
rænna samstarfsverkefna.
Í tilefni ráðstefnunnar opnaði
Þjóðskalasafn Íslands tvær sýn-
ingar. Önnur er helguð því að þrjú
hundruð ár eru síðan heildstætt
manntal var fyrst tekið á Íslandi. Á
hinni sýningunni eru til sýnis þrjár
íslenskar stjórnarskrár og er sú
sýning haldin í tilefni þess að Danir
hafa afhent Íslendingum skjalasafn
Stjórnarráðs Íslands frá 1848 til
1904.
Þá hefur Þjóðskjalasafn opnað
nýjan gagnagrunn; Heimildir um
íslenska sögu frá siðaskiptum til
heimastjórnar.
Þjóðskjalasafnið hefur einnig
gefið út ný kynningarrit um safnið
á íslensku, ensku og dönsku.
Ræða um breytta
stöðu skjalasafna
Morgunblaðið/Þorkell
Menntamálaráðherra sagði m.a.
í ræðu sinni að ráðstefnan væri
lýsandi fyrir þann metnað og þrótt
sem einkennt hefði starf Íslensku
menntasamtakanna frá stofnun
þeirra. „Samtökin hafa borið með
sér ferska vinda í íslenskt sam-
félag og auðgað íslenska skóla-
samfélagið,“ sagði hann.
TÓMAS Ingi Olrich mennta-
málaráðherra sagði í setningar-
ræðu sinni við upphaf árlegrar
ráðstefnu Íslensku mennta-
samtakanna (ÍMS) í gær að einka-
skólar gegndu mikilvægu hlut-
verki í íslensku menntakerfi og að
hann vonaðist til að hlutur slíkra
skóla færi vaxandi.
Auðgað skólasamfélagið
Ráðstefna ÍMS ber heitið Mennt-
un á 21. öldinni og fer hún m.a.
fram í Háskólanum í Reykjavík
næstu daga. Aðalfyrirlesarar á
ráðstefnunni eru hjónin dr.
Howard Gardner og dr. Ellen
Winner. Gardner hefur m.a. fjallað
um þá kenningu sína að hver mað-
ur búi yfir mismunandi tegundum
greindar. Spurningin eigi því ekki
að snúast um það hversu greint
barnið sé heldur á hvaða sviðum
það sé greint.
Ráðherra fjallaði einnig um þær
breytingar sem orðið hefðu á ís-
lenska skólakerfinu á undan-
förnum árum. „Unnið hefur verið
að valddreifingu í skólakerfinu og
ýtt hefur verið undir sjálfstæði
skóla.“ Sagði hann að það svigrúm
sem lög og reglugerðir veittu
grunnskólunum væri verulegt.
Þeir hefðu því mikið svigrúm, ekki
síst við val á kennsluaðferðum, til
að mæta þeim markmiðum sem að-
alnámskrá setti. „Ég held ég geti
fullyrt það hér að núgildandi nám-
skrá setur engar hömlur á að
skólastjórnendur geti notfært sér
hugmyndafræði þá sem Íslensku
menntasamtökin byggja á.“
Tómas Ingi Olrich menntamálaráðherra við opnun árlegrar ráðstefnu ÍMS
Hlutur
einka-
skóla fari
vaxandi
Morgunblaðið/Jim Smart
STJÓRN söfnunar vegna rannsókn-
ar flugslyssins í Skerjafirði afhenti í
gær tæplega sjö hundruð þúsund
krónur til unglingastarfs björgunar-
sveita Landsbjargar.
Í gær voru þrjú ár frá því þegar
TF-GTI hrapaði í Skerjafirði með
sex manns innanborðs. Þeir létust
allir í kjölfar slyssins.
Fjármagnaði óháða rannsókn
Söfnunin var sett af stað til þess að
fjármagna óháða rannsókn á tildrög-
um slyssins. Bresku flugslysasér-
fræðingarnir Frank Taylor og
Bernie Forward voru fengnir til
verksins. Í fréttatilkynningu frá
stjórn söfnunar vegna flugslyssins í
Skerjafirði segir að rannsókn Bret-
anna hafi sýnt fram á agnúa á nið-
urstöðum Rannsóknarnefndar flug-
slysa og að í kjölfar skýrslu þeirra
hefði samgönguráðherra sett á fót
sérstaka rannsóknarnefnd undir for-
ystu Sigurðar Líndals lagaprófess-
ors.
5,2 milljónir söfnuðust
Í fréttatilkynningunni segir að 5,2
milljónir króna hafi safnast vegna
rannsóknar bresku flugslysasér-
fræðinganna. Um helmingur hafi
verið framlög einstaklinga en hinn
helmingurinn voru framlög frá ríkis-
stjórn Íslands, upp á eina milljón;
fjölskylda Muhamad Daghlas
heitins, flugmanns, lagði fram eina
milljón; og um 470 þúsund söfnuðust
á sérstökum styrktartónleikum í
Háskólabíói vorið 2002. Rannsókn
bresku sérfræðinganna reyndist
ódýrari en áætlað var og var því
nokkur afgangur af söfnunarpening-
unum. Ákveðið var að láta þá upp-
hæð, 685 þúsund krónur, renna til
styrktar ungliðastarfs björgunar-
sveita Landsbjargar.
Aðstandendur söfnunar vegna flugslyss í Skerjafirði
Styrktu ungliðastarf
björgunarsveitanna
Morgunblaðið/Arnaldur
Páll Helgi Hannesson, úr söfnunarstjórninni, afhendir Sigurgeiri Guð-
mundssyni, varaformanni Landsbjargar, söfnunarféð.
Í Morgunkorni Greiningardeildar
Íslandsbanka í gær er sagt frá því
að vinna við endurskipulagningu
hús- og húsnæðisbréfaflokka gæti
orðið til þess að einhverjir flokk-
anna sameinist.
„Nú eru í gangi viðræður um
endurskipulagningu hús- og hús-
næðisbréfaflokkanna. Sú vinna
gæti leitt af sér sameiningu flokka
og afnám uppgreiðsluheimildar
húsbréfa og má ætla að þróun upp-
greiðsluálagsins taki mið af vænt-
ingum um niðurstöðu endurskipu-
lagningarinnar,“ segir í
Morgunkorni Greiningardeildar Ís-
landsbanka.
Ávöxtunarkrafa húsbréfa lækk-
aði í gær en ávöxtunarkrafa hús-
næðisbréfa hélst óbreytt. Tilboð
gærdagsins gerðu öll ráð fyrir
auknu uppgreiðsluálagi húsbréfa,
að því er fram kemur í Morgun-
korni.
Húsbréfa-
flokkar
sameinaðir
♦ ♦ ♦