Morgunblaðið - 22.10.2003, Blaðsíða 12

VIÐSKIPTI/ATHAFNALÍF
12 MIÐVIKUDAGUR 22. OKTÓBER 2003 MORGUNBLAÐIÐ
TALSMENN Sjóvár-Almennra
trygginga og Vátryggingafélags Ís-
lands segja samkeppni á trygginga-
markaði harða og telja ekki fyrirsjá-
anlegt að innkoma Baugs á
markaðinn muni breyta miklu.
Baugur hyggst, að fengnu leyfi
Fjármálaeftirlitsins, setja nýtt
hlutafé inn í starfsemi vátrygginga-
félagsins Varðar á Akureyri. Starf-
semi Varðar, sem er gagnkvæmt
tryggingafélag og því í eigu tryggj-
enda, verður færð inn í hlutafélag
undir sama nafni sem verður til helm-
inga í eigu Baugs og eignarhalds-
félags sem stofnað verður upp úr
Verði.
Dótturfélag Baugs, Hringur, á 65%
í Allianz-umboðinu, sem starfar aðal-
lega við sölu á söfnunarlíftryggingum
og viðbótarlífeyrissparnaði. Að sögn
framkvæmdastjóra Varðar, Óla Þórs
Ástvaldssonar, er ætlunin að Vörður
og Allianz-umboðið muni hafa með
sér samstarf í framtíðinni, en að-
spurður segir hann samruna ekki inni
í myndinni, enda starfsemi félaganna
ólík. Hann segir að nýju félagi hafi
ekki verið mörkuð stefna, en þó liggi
fyrir að ætlunin sé að efla félagið og
umboðsskrifstofum verði fjölgað,
meðal annars með opnun skrifstofu í
Reykjavík.
Hart barist á tryggingamarkaði
Guðmundur Jóhann Jónsson,
fulltrúi forstjóra hjá Sjóvá-Almenn-
um tryggingum, segir að aðkomu
Baugs að Verði hafi borið snöggt að
og ekki hafi gefist tóm til að fjalla um
málið. Hann segist þó ekki telja að
ástæða sé til að bregðast sérstaklega
við þessu að sinni að minnsta kosti, lít-
ið sé vitað um hvað muni gerast, en fé-
lagið muni fylgjast með framvindu
mála hjá Verði. Hann bendir jafn-
framt á að Vörður hafi verið á mark-
aðnum í nokkur ár og tekið þátt í
þeirri baráttu sem þar sé. Það verði
að koma í ljós hvort um stefnubreyt-
ingu verði að ræða hjá Verði og þá
hver hún muni verða og hvort einhver
viðbrögð verði nauðsynleg.
Guðmundur Jóhann segir að Sjóvá-
Almennar kvíði ekki samkeppninni,
enda hafi félagið verið á samkeppn-
ismarkaði til margra ára og þar sé
hart barist.
Vitað var um
áhuga Baugs
Ásgeir Baldurs, forstöðumaður hjá
Vátryggingafélagi Íslands, segir að
félagið hafi vitað af áhuga Baugs á
tryggingamarkaðnum, þannig að
þessi þátttaka Baugs í Verði komi
VÍS ekki í opna skjöldu. Hann segir
að það eigi eftir að koma í ljós hvaða
breytingar verði á rekstri Varðar, en
staðan á markaðnum sé þannig að
samkeppni sé grimm, verðið virðist á
niðurleið og hart sé barist um hvern
viðskiptavin.
Ásgeir segir að þetta muni því ekki
breyta miklu fyrir VÍS og félagið geri
alltaf ráð fyrir mikilli samkeppni í
áætlunum sínum. Þegar samkeppnin
aukist þurfi það þó að standa sig enn
betur, sem sé alltaf markmiðið.
Ekki sérstök
viðbrögð vegna
innkomu Baugs
TÖLVUMYNDIR hf. hafa fest kaup
á 51% hlut Íslenskrar erfðagrein-
ingar í eMR hugbúnaði hf. Eftir
kaupin eiga TölvuMyndir 95% hlut í
eMR. Öðrum hluthöfum verður gert
yfirtökutilboð. Kaupverð er ekki
gefið upp í tilkynningu.
Að sögn Garðars Más Birg-
issonar, framkvæmdastjóra eMR,
liggur fyrir að aukið hagræði náist í
rekstri eMR í kjölfar kaupa Tölvu-
Mynda á fyrirtækinu. „Þetta breikk-
ar okkar svið og gerir okkur betur
kleift að takast á við þau verkefni
sem við erum að sinna,“ segir Garð-
ar Már.
TölvuMyndir eiga fyrir tvö fyr-
irtæki, Doc ehf. og Theriak ehf.,
sem framleiða hugbúnað fyrir heil-
brigðiskerfið. Þróun hugbúnaðar
fyrir heilbrigðiskerfið er eitt af fjór-
um kjörsviðum TölvuMynda og er
því enn styrkari stoðum rennt undir
það svið með kaupunum.
Fyrirtækið verður sterkara
„Þó að þessi fyrirtæki séu öll að
vinna fyrir heilbrigðisgeirann þá
hafa viðfangsefnin ekki skarast
nema að litlu leyti. Við höfum í
sjálfu sér ekki verið í samkeppni við
þessi fyrirtæki og með þessum
breytingum á eignarhaldi auðveld-
ast samstarf fyrirtækjanna. Hjá
þeim starfar mjög hæft starfsfólk
sem hefur hvert á sínu sviði öðlast
umtalsverða þekkingu á heilbrigð-
istengdri upplýsingatækni und-
anfarin ár. Sameiginlegt eignarhald
mun styrkja öll félögin rekstralega,
þróunar- og þjónustulega og
breikka grunninn undir allri starf-
seminni. TölvuMyndir er félag sem
hefur verið í farsælum rekstri í tæp
20 ár og þar er gríðarlega mikil
reynsla af hugbúnaðargerð. Okkar
fyrirtæki verður sterkara innan
TölvuMynda,“ segir Garðar Már.
eMR vinnur að þróun hugbún-
aðarlausna fyrir kjarnastarfsemi
heilbrigðisstofnana, svo sem vinnu
við öflun og úrvinnslu heilsufars-
gagna til varðveislu í rafrænum
sjúkraskrám. Fyrirtækið veitir
einnig ráðgjöf um vélbúnað, hug-
búnað og skilgreiningu verkferla
fyrir innleiðingu hugbúnaðar fyrir
heilbrigðisstofnanir. Helstu hug-
búnaðarlausnir eMR eru kerfin
Lega Saga, DAX og Baktus.
eMR þjónar yfir 100 við-
skiptavinum en 17 sérfræðingar á
sviði læknis-, hjúkrunar-, lyfja-,
verk- og tölvunarfræði starfa hjá
fyrirtækinu. Starfsstöðvar eru í
Reykjavík og á Akureyri.
Tölvumyndir kaupa eMR
Tölvumyndir kaupa 51% hlut
Íslenskrar erfðagreiningar í eMR.
VÁTRYGGINGAFÉLAGIÐ Vörður
er smátt í samanburði við trygg-
ingafélögin Sjóvá-Almennar trygg-
ingar, Tryggingamiðstöðina og
Vátryggingafélag Íslands. Bók-
færð iðgjöld Varðar á síðasta ári
voru 274 milljónir króna, en bók-
færð iðgjöld hinna þriggja lágu á
bilinu 6,3 til 8,2 milljarðar króna.
Það stærsta hinna félaganna var
því á síðasta ári allt að 30 sinnum
stærra en Vörður á þennan mæli-
kvarða. Bókfærð iðgjöld Varðar
voru rúmlega 1% af markaðnum í
heild.
Vátryggingaskuld, eða bóta-
sjóðir, Varðar nam 307 milljónum
króna. Vátryggingaskuld hinna fé-
laganna þriggja var 11,7 til 18,2
milljarðar króna og stærsta félagið
var því með nær 60 sinnum meira í
bótasjóðum sínum en Vörður.
Lítill Vörður
BÆJARSTJÓRN Húsavíkur sam-
þykkti samhljóða á fundi sínum í
gær samkomulag milli Vísis hf. í
Grindavík, Fiskiðjusamlags Húsa-
víkur hf. (FH) og Húsavíkurbæjar
um viðskipti með hlutabréf í Fisk-
iðjusamlagi Húsavíkur hf., upp-
byggingu á veiðum og vinnslu á
rækju á Húsavík og uppbyggingu
bolfiskvinnslu á Húsavík.
Í samkomulaginu felst að Vísir hf.
kaupir allan hlut Húsavíkurbæjar í
FH, alls 26,3% hlut, fyrir rúmar 163
milljónir króna að nafnvirði á geng-
inu 1,91. Ennfremur felur sam-
komulagið í sér að FH leggur allar
eignir sínar sem lúta að rækju í nýtt
félag sem stofnað verður um rækju-
vinnslu á Húsavík, FH-Rækja hf.
Þar er um að ræða rækjuverk-
smiðju FH, auk aflahlutdeilda sem
FH hefur yfir að ráða í úthafsrækju,
Flæmingjarækju og innfjarðar-
rækju. Allar þessar eignir verða
fluttar án skulda í hið nýja félag.
Eigið fé hið nýja félags verður við
stofnun 750–800 milljónir króna.
Þar af er verðmæti þeirra eigna sem
FH leggur til félagsins metið á um
500 milljónir króna og Húsavíkur-
bær leggur til 150 milljónir króna.
Þá hefur Tryggingamiðstöðin lagt
til um 50 milljónir króna í hlutafé og
Ker hf. 40 milljónir. Ennfremur
hafa nokkur félög til viðbótar gefið
vilyrði fyrir því að leggja hlutafé í
FH-Rækju hf. Stefnt er að því að
vinnsla hefjist hjá hinu nýja félagi
um næstu áramót.
Kaupir skip og veiðiheimildir
af Ljósavík
Samhliða þessu hefur FH-Rækja
hf. samið við útgerðarfélagið Ljósa-
vík í Þorlákshöfn um kaup á tveimur
rækjuskipum félagsins, Aski ÁR og
Gissuri ÁR, ásamt aflaheimildum
sem nema um 6% af heildarúthafs-
rækjukvótanum. Kaupin eru gerð
með venjubundnum fyrirvörum.
Gissur ÁR hefur ekki verið gerður
út um nokkurt skeið og verður sett-
ur á sölu. Skipverjum á Aski ÁR
hefur þegar verið sagt upp störfum
en í samkomulagi milli FH-Rækju
og Ljósavíkur felst að þeim verður
boðið skipsrúm hjá nýjum eigend-
um.
Vísir hf. og tengdir aðilar eiga því
nú ríflega 90% hlut í FH en Húsa-
víkurbær kemur nú ekki lengur að
bolfiskvinnslu í bæjarfélaginu, í
fyrsta sinn um alllangt skeið.
Alls er stefnt að því að vinna 3.500
tonn af bolfiski hjá FH á þessu fisk-
veiðiári. Við bolfiskvinnslu félagsins
starfa nú um 40 til 50 manns. Þá
hefur rækjuvinnsla FH verið rekin
með fullum afköstum síðustu vikur
en þar starfa einnig hátt í 50 manns.
Öruggari hráefnisöflun
Pétur H. Pálsson, framkvæmda-
stjóri Vísis, segir að með þessum
viðskiptum sé fyrst og fremst verið
að tryggja rækjuvinnslunni örugg-
ari aðgang að hráefni. „Við vorum
tilbúnir til að fjárfesta í rækju-
vinnslu á Húsavík með öðrum, enda
teljum við að Fiskiðjusamlagið geti
ekki borið þann rekstur eitt og sér.
Á Húsavík er fyrir hendi mjög full-
komin verksmiðja, gott starfsfólk,
lega verksmiðunnar gagnvart
rækjumiðunum er góð og markaðs-
staða félagsins fyrir afurðirnar er
sterk. Ef allir samningar ganga eftir
mun félagið hafa yfir að ráða nærri
14% úthafsrækjukvótans og vera
með gott skip í rekstri. Við stefnum
á að nýja félagið komi til með að
ráða yfir um 20% veiðiheimilda í
rækju, eða um 6 þúsund tonnum ef
úthlutun verður sú sama og á síðast-
liðnu ári. Við teljum að verksmiðjan
þurfi hinsvegar að vinna úr 10 þús-
und tonnum af hráefni á ári og því
er ljóst að eitthvað hráefni þarf að
kaupa annars staðar frá, meðal ann-
ars af Flæmingjagrunni. Við teljum
að til að geta staðið í rækjuvinnslu í
náinni framtíð þurfi fyrirtækin að
geta fengið 60–70% af öllu hráefni af
eigin skipum.“ Pétur segir að staða
rækjufyrirtækja hafi verið mjög erf-
ið á undanförnum árum og þeim
fækkað mjög hér á landi. Hann spá-
ir því að þeim eigi eftir að fækka
enn frekar. „Eins og útlitið er í
rækjuiðnaði í dag spái ég því að inn-
an fárra ára verði aðeins fimm
rækjuverksmiðjur á landinu í heils
árs vinnslu og vinni úr um 50 þús-
und tonnum á ári. Þó að rækjuiðn-
aðurinn hafi átt í mjög miklum erf-
iðleikum á undanförnum árum,
virðist sem sala rækjuafurða gangi
betur nú en undanfarin ár og mark-
aðirnir virðast vera að stækka. En
samkeppnin við eldisrækju harðnar
hinsvegar stöðugt og ef einhvers
staðar er þörf á samþjöppun er það í
rækjuiðnaði,“ segir Pétur.
Treystir Húsavík í sessi
Reinhard Reynisson, bæjarstjóri
á Húsavík, segir að hlutur bæjarins
í FH hafi verið nánast áhrifalaus í
ljósi eignarhalds félagsins, þar sem
Vísir átti fyrir ráðandi hlut. Með
samkomulaginu við Vísi skapist
hinsvegar tækifæri til að efla bæði
rækjuveiðar og -vinnslu á Húsavík,
auk þess sem uppi séu áform um að
efla þar bolfiskvinnslu. „Með því að
leggja fram þessa fjármuni erum við
þátttakendur í stofnun öflugs félags
sem aðilar í greininni og fjárfestar
hafa trú á að geti staðið sig, þrátt
fyrir erfiða stöðu rækjuiðnaðarins.
Þannig teljum við okkur vera að
treysta Húsavík í sessi sem eitt af
þeim fáu byggðarlögum sem standa
af sér erfiðleika í rækjunni.“
Reinhard segir að á Húsavík sé
löng hefð fyrir rækjuvinnslu og þar
mjög góðar aðstæður fyrir starf-
semi af þessu tagi. „Í því felst meðal
annars styrkur okkar. Auk þess eig-
um við í góðu samstarfi við þá aðila
sem hafa undirtökin í fyrirtækjun-
um og þannig tekur samfélagið allt
þátt í uppbyggingu atvinnulífsins.“
Húsavíkurbær fær um 313 millj-
ónir króna fyrir hlut sinn í FH en
leggur 150 milljónir króna í hið nýja
félag. Reinhard segir að þarna sé
bæjarfélagið að losa um rúmar 160
milljónir króna sem hugsanlega
megi nýta til að styrkja atvinnu-
grunninn á Húsavík á öðrum svið-
um. Þó hafi ekki verið teknar neinar
ákvarðanir í þeim efnum.
Guðmundur Baldursson, fram-
kvæmdastjóri Ljósavíkur, vildi ekki
tjá sig um málið við Morgunblaðið í
gær. Samkvæmt heimildum blaðs-
ins stefnir félagið á að halda áfram
rekstri rækjuvinnslunnar Póls á
Siglufirði og útgerð rækjutogarans
Borgarinnar sem gerður er út undir
litháískum fána á Flæmingjagrunni.
Morgunblaðið/Hafþór Hreiðarsson
Starfsmenn Fiskiðjusamlags Húsavíkur við störf í rækjuverksmiðju félagsins í gær. F.v. Guðný Jóna Karlsdóttir,
Íris H. Ásgeirsdóttir og Rannveig Guðmundsdóttir.
Nýtt rækjufyrirtæki
stofnað á Húsavík
Vísir hf. kaupir
allan hlut Húsa-
víkurbæjar í
Fiskiðjusamlagi
Húsavíkur
Morgunblaðið/Hafþór Hreiðarsson
Rækjuskipið Askur ÁR verður gert út frá Húsavík en Gissur ÁR verður seldur.
ÚR VERINU