Morgunblaðið - 22.10.2003, Blaðsíða 21
LANDIÐ
MORGUNBLAÐIÐ MIÐVIKUDAGUR 22. OKTÓBER 2003 21
Ólafsfirði | Menningarmálanefnd Ólafs-
fjarðarbæjar stóð á dögunum fyrir Menn-
ingarviku barna. Boðið var upp á leiklist-
arnámskeið, tónlistarnámskeið (aðallega
blús) og svo var efnt til ljóða-, smásagna-
og ljósmyndakeppni.
Menningarvikunni lauk með sýningu á
leikriti sem sýnt var fyrir fullu húsi í fé-
lagsheimilinu Tjarnarborg. Sýningin tókst
einstaklega vel. Það var Júlíus Júlíusson
frá Dalvík sem samdi og leikstýrði verk-
inu. Mikill fjöldi manns mætti í Tjarn-
arborg og var troðfullt út úr dyrum.
Á sama tíma voru veitt verðlaun fyrir
besta ljóðið, bestu smásöguna og bestu
ljósmyndina en menningarmálanefnd stóð
fyrir keppninni. Verðlaun fyrir besta ljóð-
ið hlaut Ílóna Kristinsdóttir (8. bekk), Stef-
án Björn Ragnarsson (8. bekk) var verð-
launaður fyrir bestu smásöguna og Katla
Björnsdóttir (einnig í 8. bekk) fékk verð-
laun fyrir bestu ljósmyndina.
Á fimmtudag og föstudag voru þeir
Halldór Bragason (öllu þekktari undir
nafninu Vinir Dóra) og Magnús G. Ólafs-
son (sem allir Ólafsfirðingar þekkja) með
blúsnámskeið í tengslum við Menning-
ardagana og lauk því með tónleikum
nokkurra framtíðartónlistarmanna Ólafs-
firðinga í Tjarnarborg.
Morgunblaðið/Helgi Jónsson
Gleði: Ílóna Kristinsdóttir, Katla Björns-
dóttir og Stefán Björn Ragnarsson.
Menningar-
dagar barna
Vestmannaeyjum | Það var 10. október árið
1973 sem Raftækjaverkstæðið Geisli í Vest-
mannaeyjum var stofnað í gömlu bakhúsi við
Strandveg sem í daglegu tali er kallað Kel-
iríið. En þar var starfrækt til margra ára eld-
smiðja, málmsteypa og blikksmíði af Vélsmiðj-
unni Magna hf. og húsið bar nafn Haraldar
Þorkelssonar, Halla Kela, trúlega síðasta eld-
smiðnum í Vestmannaeyjum.
Upphaflega hófu þrír starfsmenn vinnu hjá
Geisla, fyrrverandi starfsmenn Viðlagasjóðs í
Vestmannaeyjm, en fljótlega bættist í hópinn
Magnús Bergsson, Eyjamaður í húðog hár, og
starfar hann enn hjá Geisla og var í tilefni af-
mælisins heiðraður af eigendum Geisla, einnig
var Sveinn B. Sveinsson heiðraður á þessum
tímmótum en hann var fyrsti lærlingur Þór-
arins Sigurðssonar meistara. Geisli hefur alla
tíð lagt stund á alla almenna rafvirkjaþjón-
ustu, hvort heldur er minnstu viðgerðir á
þvottavélum eða stærstu útboð í Vest-
mannaeyjum og víðar enda var fyrirtækið
rekið á Reykjavíkursvæðinu fyrstu árin. Þjón-
usta við bátaflotann hefur trúlega verið aðall
félagsins frá upphafi, viðgerðir á fiskleit-
artækjum og siglingatækjum bátaflotans, kæli
og frystitækjum.
Starfsemin var fljót að sprengja Keleríið
utan af sér enda ekki nema 20 fermetrar og
var ráðist í að byggja nýtt húsnæði að Flötum
29 sem fyrirtækið flutti starfsemina í, í nóv-
ember 1976. Við það efldist fyrirtækið mjög
og unnu á tímabili 20 manns hjá því en að
jafnaði er starfsmannafjöldinn á bilinu 12-14.
Á síðustu árum hefur starfseminni vaxið fisk-
ur um hrygg, húsnæðið að Flötum hefur
stækkað og þar er rekin raftækjaverslun
ásamt rafvirkjaþjónustunni.
Eigendur Geisla frá upphafi eru Þórarinn
Sigurðsson og eiginkona hans Guðrún Jó-
hannsdóttir, en síðar komu Pétur Jóhannsson
bróðir Guðrúnar og eiginkona hans Vilborg
Stefánsdóttir að rekstrinum. Í tilefni afmæl-
isins var viðskiptavinum boðið upp á kaffi og
kökkur á sjálfan afmælisdaginn 10. október og
síðan heldu eigendur Geisla viðskiptavinum og
velunnurum fyrirtækisins veglega veislu í
Oddfellowhúsinu Herjólfsbæ í Vestmanna-
eyjum þar sem um 200 manns skemmtu sér
vel. Þar var glatt á hjalla og m.a. fyrsta við-
skiptavini Geisla afhentur blómvöndur en það
var útgerðarmaðurinn Bergþór Guðjónsson,
Beggi á Skuldinni, og þakkaði hann fyrir sig á
sinn hátt.
Raftækjaverkstæðið Geisli í Eyjum fagnar 30 ára afmæli
Byrjuðu í 20 fermetrum í Keliríinu
Morgunblaðið/Sigurgeir
Geisli: Húsnæði fyrirtækisins að Flötum 29.
Ánægð: Frá vinstri eru Þórarinn Sigurðsson og Guðrún Jóhannsdóttir,
sem stofnuðu Geisla, og Pétur Jóhannsson sem kom síðar að rekstrinum.
Langt samstarf: Þórarinn Sigurðsson, einn eigenda fyrirtækisins, og
Magnús Bergsson sem hefur lengstan starfsaldur hjá Geisla.
ICELAND REVIEW
Á 40 ÁRA AFMÆLI
GLE‹JUM ERLENDA VINI
ÁSKRIFTARSÍMI 512-7517
askrift@icelandreview.com
Í DAG ÚTNEFNIR HEIMUR, ÚTGEFANDI
ICELAND REVIEW, FER‹AFRÖMU‹ ÁRSINS 2003
VI‹ ATHÖFN Í BORGARLEIKHÚSINU
LJÓSMYNDAS†NINGIN HVERS VEGNA ÍSLAND?
HELDUR ÁFRAM Á 2. HÆ‹ Í KRINGLUNNI (VI‹
HAGKAUP)
og fla› er margt um a› vera ...