Morgunblaðið - 22.10.2003, Blaðsíða 40
ÍÞRÓTTIR
40 MIÐVIKUDAGUR 22. OKTÓBER 2003 MORGUNBLAÐIÐ
GUÐJÓN Valur Sigurðsson og fé-
lagar hans í Essen drógust á móti
rúmenska liðinu Steaua Búkarest í
3. umferð Evrópukeppni bikarhafa í
handknattleik.
ÅRHUS GF, sem þeir Róbert
Gunnarsson og Þorvarður Tjörvi
Ólafsson leika með, mætir Boavista
frá Portúgal í sömu keppni.
DAGUR Sigurðsson og lærisvein-
ar hans í austurríska liðinu Bregenz
eiga í vændum erfiða leiki í Evrópu-
keppni bikarhafa en þeir drógust á
móti Créteil frá Frakklandi.
RAGNAR Óskarsson og samherj-
ar hjá franska liðinu Dunkerque
mæta Dudelange frá Lúxemborg í
áskorendakeppni Evrópu.
LEIKMENN norska úrvalsdeild-
arliðsins Lilleström í knattspyrnu,
sem þeir Gylfi Einarsson og Davíð
Þór Viðarsson eru á mála hjá, hafa
óskað eftir því við stjórn félagsins að
það leysi þjálfarann Arne Erlandsen
undan samningi.
FRANSKI framherjinn Frederic
Kanoute, sem leikur með Totten-
ham, verður frá keppni og æfingum
næstu tvo mánuðina vegna meiðsla
sem hann hlaut á ökkla í leik á móti
Leicester um helgina. Kanoute var
tæklaður harkalega af Muzzy Izzet
og var í fyrstu óttast að hann hefði
fótbrotnað. Í ljós kom hins vegar að
liðbönd sködduðust.
DANSKI miðvallarleikmaðurinn
Thomas Gravesen, sem leikur með
Everton, mun missa af fyrsta leik
Dana á EM í Portúgal næsta sumar.
Hann fékk að sjá rauða spjaldið á
síðustu mínútu í leik Dana í Bosníu á
dögunum, 1:1.
MARCEL Desailly, fyrirliði
Chelsea, getur ekki leikið með
Lundúnaliðinu í kvöld þegar það tek-
ur á móti Lazio í Meistaradeild Evr-
ópu. Desailly á enn við meiðsli að
stríða og gat hann ekki spilað gegn
Arsenal um helgina.
EMMANEL Petit verður eins og
Desailly fjarri góðu gamni í liði
Chelsea vegna meiðsla en líklegt er
að Juan Sebastian Veron komi inn í
liðið á nýjan leik.
HERNAN Crespo, argentínski
framherjinn í liði Chelsea, gat ekki
æft í gær vegna lítilsháttar tognunar
en reiknað er með að hann verði klár
í slaginn í kvöld. Líklegt er að hann
og Adrian Mutu verði saman í
fremstu víglínu á kostnað Eiðs
Smára Guðjohnsen og Jimmy Floyd
Hasselbaink.
CLAUDIO Ranieri stjóri Chelsea
ætlar að halda tryggð við markvörð-
inn Carlo Cudicini, en Ítalinn sem
gerði sig sekan um hræðileg mistök í
leiknum við Arsenal, verður á milli
stanganna hjá Chelsea í leiknum við
Lazio.
FÓLK
JESPER Sörensen og Katie
Wolfe hafa skrifað undir samn-
inga um að spila með meistara-
flokkum KR í vetur. Sörensen er
KR-ingum að góðu kunnur, en
hann var leikstjórnandi meist-
araflokks karla þegar KR varð
Íslandsmeistari fyrir þremur ár-
um. Hann hefur síðan leikið með
danska meistaraliðinu BF
Köbenhavn þar til liðið varð
gjaldþrota á dögunum.
Katie Wolfe er bandarísk kona
sem lék með kvennaliði BF
Köbenhavn.
Sörensen hafði samband við
KR-inga á dögunum. Eftir nokk-
urra daga umhugsun ákváðu
KR-ingar að fá hann til liðs við
sig, enda lék Daninn afar vel með
KR-liðinu á sínum tíma.
Wolfe er 23 ára gömul og kem-
ur frá Grand Rapids í Michigan í
Bandaríkjunum. Hún spilað
körfubolta með háskólaliði Oak-
land. Hún gerði 2.056 stig á fjór-
um árum hjá Oakland. Á síðasta
ári sínu þar skoraði hún 19,9 stig
að meðaltali í leik, og var tuttug-
asti stigahæsti leikmaðurinn í
bandaríska háskólaboltanum.
Katie er 178 cm á hæð og leikur
stöðu skotbakvarður og fram-
herja.
Sörensen aftur til KR
ÍSLENSKA 19 ára landslið
pilta í knattspyrnu sigraði
Moldavíu, 3:2, í síðasta leik
sínum í undankeppni Evrópu-
mótsins í Moldavíu í gær en
sá sigur dugði liðinu ekki til
að komast áfram. Hollend-
ingar urðu efstir í riðlinum
með 5 stig en Íslendingar og
Ísraelsmenn fengu 3 stig.
Ísraelsmenn komast áfram í
öðru sæti þar sem þeir höfðu
betur í innbyrðisleik þjóð-
anna.
Eyjólfur Héðinsson, Fylki,
Hjálmar Þórarinsson, Þrótti,
og Baldur Sigurðsson, Völs-
ungi, skoruðu mörk Íslend-
inga gegn Moldövum.
Sigur á
Moldóvum
dugði ekki STJÓRN Alþjóðafrjálsíþróttasam-
bandsins, IAAF, gaf frá sér yfirlýsingu
í gær þar sem fram kemur að öll lyfja-
próf sem tekin voru á Heimsmeistara-
mótinu í Frakklandi 23.–31. ágúst sl.
verði skönnuð á ný til þess að sjá hvort
þau innihaldi niðurbrotsefni nýs stera-
lyfs, THG, sem hefur fram til þessa
ekki komið fram á lyfjaprófum.
Um er að ræða um 400 lyfjapróf og
segir Istvan Gyulai, talsmaður IAAF,
að allt verði gert til þess að ganga úr
skugga um að íþróttamenn og -konur
hafi ekki haft rangt við í París með
hjálp THG.
Vilja ekki svindlara
„Við viljum hafa íþróttina hreina.
Það kemur ekki til greina að búa við
það að í okkar röðum séu hugsanlegir
svindlarar,“ segir Gyulai.
Eitt tæknilegt atriði þarf þó að leysa
áður en að þessu kemur en samkvæmt
samkomulagi sem gert var við frönsk
yfirvöld má aðeins rannsaka þau sýni
sem tekin voru á HM í Frakklandi en
aðeins rannsóknarstofa UCLA-
háskólans í Bandaríkjunum býr yfir
tækni til þess að finna niðurbrotsefni
THG.
IAAF segir að þau mál verði leyst á
næstunni, enda aðeins um tæknilegt
atriði að ræða.
Tveggja ára bann
Ef það kemur í ljós að einhverjir
íþróttamenn hafi notað THG á HM í
París segja forráðamenn IAAF að þeir
hinir sömu verði sviptir titlum sínum
hafi þeir á annað borð unnið til verð-
launa og dæmdir í tveggja ára keppn-
isbann.
Öll lyfjapróf frá HM í
París verða skönnuð á ný
gengið ágætlega í Blackburn.“
Spurður hvort bakvarðarstaðan
eða miðvarðarstaðan henti sér bet-
ur segir Hermann: „Þetta eru bæði
toppstöður en fyrir mig skiptir
ekki máli hvora stöðuna ég spila.
Ég er meira í boltanum í bakvarð-
arstöðunni og tek meiri þátt í
sókninni en í miðvarðarstöðunni er
maður meira áberandi sem varn-
armaður enda að skalla og í tækl-
ingum og í návígi við sóknarmenn
Hermann segir að það hafi ekkikomið til greina að missa af
fjórða leiknum í röð en hann gat
ekki verið með
Charlton í leikjun-
um þremur á undan
vegna meiðsla í
hné. „Það hjálpaði
mér mikið að geta spilað landsleik-
inn á móti Þjóðverjum. Ég fann
þar að ég var búinn að yfirstíga
meiðslin.“
Um markið segir Hermann:
,,Það var rosalega gaman að
skora markið og enn betra að það
tryggði okkur sigurinn. Við Di
Canio vorum búnir að leggja á ráð-
in í sambandi við að láta hlutina
ganga upp í sambandi við horn-
spyrnur. Þó svo að hlutirnir hefðu
ekki alveg gengið upp á æfingunni
á sunnudaginn – Di Canio tók ein-
hverjar tíu hornspyrnur sem áttu
að rata á kollinn á mér en hver ein-
asta spyrna mistókst – heppnaðist
þessi á hárréttum tíma.“
Hermann spilaði í leiknum við
Blackburn í stöðu vinstri bakvarð-
ar í fjögurra manna vörn og hann
gerir fastlega ráð fyrir því að hann
verði í sömu stöðu í leiknum við
Arsenal næsta sunnudag.
„Líklega get ég ekki verið eins
sókndjarfur og í leiknum við
Blackburn. Curbishley vill að ég
taki eins mikinn þátt í sókninni og
mögulegt er og ég held að það hafi
andstæðinganna. Ég var orðinn
ansi þreyttur undir lok leiksins við
Blackburn og skýringin er þessi
drullupest sem ég fékk. Ég náði þó
sem betur fer að halda út sem og
allt liðið.“
Fór lengst á viljanum
Hermann meiddist sem kunnugt
er á fyrstu æfingu Charlton-liðsins
eftir landsleikinn hér heima við
Þjóðverja og í kjölfarið gat hann
ekki verið með í þremur leikjum
liðsins. Hann tók hins vegar þátt í
leiknum við Þjóðverja í Hamborg
þrátt fyrir að Alan Curbishley,
stjóri Charlton, hefði sett spurn-
ingamerki við að Hermann væri
tilbúinn í átökin.
Skipti meðferðin sem þú fékkst
hjá læknum íslenska landsliðsins
sköpum að þú spilaðir í Hamborg?
„Nei, það held ég ekki. Ég var í
meðferð á hverjum degi hjá
Charlton en svona meiðsli taka
alltaf sinn tíma að gróa. Ég var í
kapphlaupi við tímann um að ná
leiknum í Hamborg og það sem ég
held að hafi skipt mestu máli var
að ég vildi bara alls ekki missa af
leiknum. Ég fékk jú góða meðferð
hjá sjúkraþjálfurum og læknum
KSÍ, en lengst fór ég á viljanum.
Curbishley hélt að ég væri ekki
orðinn alveg heill en ég var stað-
ráðinn í að láta á það reyna hvort
ég gæti spilað. Ég var orðinn mjög
ákafur að leika eftir að hafa verið
frá um tíma.“
Hermann og félagar taka á móti
toppliði Arsenal á heimavelli sín-
um, Valley Park, á sunnudaginn og
segir Hermann að það sé einmitt
Hermann Hreiðarsson gaf ekkert eftir í leiknum gegn Black-
burn Rovers, þó svo að hann hafi leikið veikur. Hér á hann í
höggi við David Thompson, leikmann Blackburn.
AP
Leikmenn Charlton fagna í leikslok – Hermann Hreiðarsson,
hinn litríki Paolo Di Canio og Matt Holland.
Hermann Hreiðarsson ánægður að vera kominn aftur á ferðina með Charlton
Æfingar Hermanns og
Di Canio báru ávöxt
„ÉG fékk svona heiftarlega í magann á sunnudaginn. Ég gat ekki
æft á mánudagsmorguninn og satt best að segja leit ekki út fyrir að
ég gæti spilað. Þegar líða tók á daginn lagaðist ég. Ég fékk mér rist-
að brauð og epladjús í kaffinu og eftir það hringdi ég í stjórann og
sagðist vera klár í slaginn,“ sagði Hermann Hreiðarsson við Morg-
unblaðið í gær, en Hermann var hetja Charlton í fyrrakvöld þegar
hann tryggði liði sínu sigurinn á Blackburn með eina marki leiksins
– skallaði glæsilega í netið eftir hornspyrnu Paolo Di Canios.
Guðmundur
Hilmarsson
skrifar