Morgunblaðið - 22.10.2003, Blaðsíða 20

SUÐURNES
20 MIÐVIKUDAGUR 22. OKTÓBER 2003 MORGUNBLAÐIÐ
Reykjanesbæ | Liðlega tveimur
milljörðum af þeim 3,3 milljörðum
sem Reykjanesbær fékk út úr sölu á
fasteignum sínum til Eignarhalds-
félagsins Fasteignar hf. var varið til
að greiða niður skuldir. Afgangurinn
fór í fjárfestingu í Fasteign hf.,
stofnun Manngildissjóðs og fjár-
mögnun yfirstandandi. Kom þetta
fram þegar bæjarstjórn samþykkti
samhljóða endurskoðaða fjárhags-
áætlun ársins.
Samkvæmt fjárhagsáætluninni
verður bæjarsjóður rekinn með 310
milljóna króna afgangi á árinu og
samstæða bæjarsjóðs og dóttur-
félaga með 193 milljóna króna af-
gangi. Eru þetta veruleg umskipti
frá fyrra ári þegar 306 milljóna
króna tap varð af rekstrinum. Tekið
er fram í fréttatilkynningu frá
Reykjanesbæ að þessi breyting
skýrist nær einvörðungu af sölu-
hagnaði vegna flutnings eigna yfir til
Eignarhaldsfélagsins Fasteignar hf.
sem Reykjanesbær er aðili að. Geng-
ið var frá því máli fyrr á þessu ári.
Söluhagnaður varanlegra rekstrar-
fjármuna nam 878 milljónum kr.
Umsamið söluverð fasteignanna,
að frádregnu viðhaldi umfram það
sem eðlilegt er talið, var rétt liðlega
3,3 milljarðar. Af þessari fjárhæð
voru rúmir 2 milljarðar notaðir til að
greiða niður lán, jafnt langtímalán
sem yfirdrætti og skammtímalán.
Hins vegar gengu 525 milljónir til
hlutafjárkaupa í Eignarhaldsfélag-
inu Fasteign hf. og 500 milljónir voru
lagðar í Manngildissjóð sem veitir
styrki til ýmissa þrifamála í bæjar-
félaginu. Afgangur söluverðsins hef-
ur verið nýttur til að fjármagna
framkvæmdir sem standa yfir.
Eftir sölu eignanna þarf Reykja-
nesbær að leigja fasteignirnar.
Breytingin hefur þau áhrif að í end-
urskoðaðri fjárhagsáætlun er leigu-
kostnaður fasteigna nú reiknaður
inn í útgjöld málaflokka, samtals 193
milljónir kr., mest vegna grunnskóla
og íþróttamannvirkja. Vegna niður-
greiðslu lána og hagstæðrar geng-
isþróunar lækka fjármagnsliðir um
230 milljónir umfram það sem gert
var ráð fyrir í fjárhagsáætlun.
Lægri tekjur en meiri útgjöld
Skatttekjur verða 100 milljónum
kr. lægri en áætlað var í byrjun árs.
Nú er reiknað með að íbúafjöldi
standi í stað á árinu en í fjárhags-
áætlun var búist við 1,5% fjölgun.
Þess má geta að samkvæmt tölum
Hagstofu Íslands fluttu 85 frá
Reykjanesbæ fyrstu níu mánuði árs-
ins umfram þá sem þangað fluttu.
Kemur það til viðbótar lítils háttar
fækkunar sem varð á árinu 2002. Þá
kemur fram í greinargerð með end-
urskoðaðri fjárhagsáætlun að skatt-
tekjur hafi ekki fylgt verðlagsþróun.
Í því sambandi er nefnt að atvinnu-
ástand hafi verið með verra móti á
árinu og nýskráningum einkahluta-
félaga fjölgað. Er áætlað að bæjar-
sjóður tapi um 30 milljónum vegna
þessa á árinu.
Kostnaður eykst hins vegar frá
því sem gert var ráð fyrir í upphafi
árs. Kostnaður bæjarins vegna
hækkunar launaliða nemur um 113
milljónum kr. Þar af er tæpur helm-
ingur vegna grunn- og leikskóla en
tæpar 40 milljónir vegna seinkunar á
breyttu rekstrarfyrirkomulagi Þjón-
ustumiðstöðvar.
Tveimur milljörðum
varið til að greiða skuldir



 

   
   

 

 

  

 








 



!"#$%


!"#$%

&%
% ( )##

* 


+


!'$!#
",%
% * -
" $#

!'
" 

Sala eigna snýr
tapi í hagnað
Vogum | Mikið fjör var hjá ungling-
unum í Vogum og gestum þeirra í
sundlaugarpartíi sem efnt var til
um helgina í tilefni af 10 ára afmæli
íþróttamiðstöðvarinnar. Ekki var
minna stuð hjá yngri börnunum
sem fengu Sollu stirðu úr Latabæ í
heimsókn.
Þorpsbúum var boðið í kaffi og
afmælisköku í tilefni af afmælinu
auk þess sem fólki er boðið upp á
leiðbeiningar og tíma án endur-
gjalds í tækjasal, jóga, júdó,
eróbikk, þrek og sund. Mun það
gilda út vikuna.
Mörg börn og foreldrar komu í
íþróttahúsið þegar von var á Sollu
stirðu úr Latabæ í heimsókn. Hún
flutti boðskap Latabæjar um hollt
mataræði og lét börnin og foreldra
þeirra hreyfa sig. Einnig minnti
hún á nauðsyn þess að nota reið-
hjólahjálma og á mikilvægi þess að
virða útivistartíma barna.
Á laugardagskvöldið kom hópur
nemenda úr 8.–10. bekk Grunn-
skóla Grindavíkur í heimsókn til
jafnaldra sinna og var slegið upp
sundlaugarpartíi af því tilefni. Þar
var tónlistin hátt stillt og bætt á
stemmninguna með viðeigandi lýs-
ingu í sundlauginni. Þá gátu þeir
sem vildu brugðið sér í körfubolta
eða aðra leiki í íþróttasalnum. Lena
Rós Matthíasdóttir tómstunda-
fulltrúi segir að ótrúlega góð mæt-
ing hafi verið í boðið, alls hafi um
80 krakkar verið í sundlauginni.
Var hún ánægð með báðar skemmt-
anirnar, sagði að vel hefði til tekist.
Ljósmynd/Jóhannes Kr. Kristjánsson
Solla stirða lét börn og fullorðna gera leikfimiæfingar í íþróttamiðstöðinni
og ráðlagði þeim hollt mataræði og að fara eftir reglum um útivist.
Skemmtun í lauginni
Solla stirða heimsótti yngri börnin
Keflavík | Tuttugu og átta ára
gamall karlmaður var í Héraðsdómi
Reykjaness dæmdur í tíu mánaða
skilorðsbundið fangelsi fyrir tilefn-
islausa árás á 37 ára mann á veit-
ingastað í Keflavík í mars sl.
Ákærði sló manninn hnefahögg
með þeim afleiðingum að hann
kjálkabrotnaði illa og missti tvær
tennur og hefur enn ekki náð sér að
fullu.
Ákærði var ofurölvi er hann réðst
á manninn og gat engar skýringar
gefið á framferði sínu. Hann játaði
hreinskilnislega brot sitt fyrir dómi
og sýndi að mati dómsins augljós
merki iðrunar. Ákærði á að baki
sakaferil, meðal annars líkamsárás-
ir, og var dómurinn í gær hegning-
arauki við fyrri dóma.
10 mánaða
fangelsi
fyrir árás
Skilorðsbundinn dómur
Aðalfundur SSS | Fjallað verður
sérstaklega um heilbrigðisþjón-
ustuna á aðalfundi Samtaka sveitar-
félaga á Suðurnesjum (SSS) sem
haldinn verður í Fjölbrautaskóla
Suðurnesja í Keflavík næstkomandi
laugardag. Fundurinn hefst klukkan
10 að morgni laugardags og lýkur
með 25 ára afmælisfagnaði í Eld-
borg um kvöldið.
Að loknum venjulegum aðalfund-
arstörfum hafa Jón Kristjánsson
heilbrigðisráðherra, Sigríður Snæ-
björnsdóttir framkvæmdastjóri
Heilbrigðisstofnunar Suðurnesja og
Jón Gunnarsson stjórnarmaður SSS
framsögu í umræðum um heilbrigð-
isþjónustuna á Suðurnesjum.
Árni Magnússon félagsmálastjóri
er meðal gesta sem ávarpa fundinn
og Siv Friðleifsdóttir gerir grein fyr-
ir tillögu að náttúruverndaráætlun.
  
Slökkvilið kallað út | Eldur
kviknaði í gaskút í iðnaðarhúsnæði á
Hólamiði 6 í Keflavík, gegnt hest-
húsahverfinu á Mánagrund, síðdegis
á mánudag. Slökkvilið og lögregla
voru kvödd á staðinn en starfs-
mönnum fyrirtækisins tókst að
henda kútnum út svo engar
skemmdir urðu á húsnæðinu.
♦ ♦ ♦