Morgunblaðið - 01.11.2003, Blaðsíða 4
FRÉTTIR
4 LAUGARDAGUR 1. NÓVEMBER 2003 MORGUNBLAÐIÐ
FYRIRTÆKIÐ Mógúllinn hefur keypt heimssýn-
ingarrétt á leikritinu Sellófon eftir Björk Jak-
obsdóttur í Ameríku og Evrópu, utan Skandinavíu.
Í Bandaríkjunum fer Fran Drescher sem er þekkt
fyrir hlutverk sitt í sjónvarpsþáttunum „The
Nanny“ eða Barnfóstran með hlutverk Ellenar.
Komnir eru samstarfsaðilar í Bandaríkjunum og
víða í Evrópu sem munu setja Sellófon á fjalirnar.
Þegar er farið að sýna leikritið í Zürich við góða
aðsókn að sögn Helga Björnssonar, eins forsvars-
manna Mógúlsins. Samstarfsaðilinn í Bandaríkj-
unum er William Morris Agency. „Er það ein
stærsta umboðsskrifstofa í Bandaríkjunum. Með-
framleiðandi að sýningunum þar í landi verður
Bob Balaban, sem er virtur leikstjóri, leikari og
framleiðandi í Hollywood. Hann hefur meðal ann-
ars framleitt og leikið í kvikmyndinni „Gosford
Park“. Fyrsta kvikmyndin sem hann lék í var
„Midnight Cowboy“.
Helgi segir ljóst að samstarfsaðilarnir ytra ætli
sér stóra hluti með verkið: „Þeir vildu ekki ganga
frá samningum fyrr en við værum búnir að tryggja
okkur sjónvarps- og kvikmyndaréttinn að Selló-
fon.“
Fyrsta sýningin vestra á Sellófoni verður í New
York í lok mars á næsta ári. Helgi segir ráðgert að
fara með leikritið á milli borga eins og Chicago,
San Francisco og Saint Louis. „Ég held að leikritið
eigi eftir að höfða til Bandaríkjamanna. Viðfangs-
efnið hefur alþjóðlega skýrskotun.“ Það kemur
fram að þeir félagar eru búnir að tryggja sér sjón-
varps -og kvikmyndaréttinn að Sellófoni.
Frægar leikkonur og leikstjórar
Markmiðið er að fá þekktar leikkonur og leik-
stjóra í hverjum landi til að vinna með þeim fé-
lögum. „Í Zürich er hlutverk Ellenar í höndum
þekktrar leikkonu, Monicu Amrein. Við fórum á
frumsýninguna í Zürich ásamt höfundinum Björk
og var frábært að finna að höfundurinn hefur hitt á
einhvern sammannlegan tón því svissnesku áhorf-
endurnir hljógu jafnhjartanlega og þeir íslensku.“
Eftir áramót verður Sellófon sett upp í Þýska-
landi, Póllandi og Tékklandi og á Spáni næsta
haust. „Sem dæmi má nefna að í Póllandi erum við
með eina fremstu leikkonu þeirra í aðalhlutverk-
inu, Kaisa Figura. Á Spáni leikstýrir Sellófoni ein
frægasta leikkona Spánar en hún er þekkt úr
Almodovar-kvikmyndunum, og heitir Rosy de
Palma. Og í Þýskalandi leikstýrir þýska stjarnan
Esther Schweins.
Fyrirtækið Mógúllinn var stofnað um síðastliðin
áramót. Að því standa auk Helga þeir Jón
Tryggvason, Guðjón Hauksson og Bergsveinn
Jónsson. Hópurinn á rætur í kvikmynda- og aug-
lýsingageiranum. „Markmið Mógúlsins er að
kaupa sýningarrétt að góðum leikverkum, bæði ís-
lenskum og erlendum. „Það skiptir ekki máli hvað-
an þau koma ef þau eru góð.“
Helgi segir að það að ferðast með verk á milli
landa sé tiltölulega nýtt í leikhúsheiminum. „Þessu
má líkja við verslunarkeðju sem starfar í mörgum
löndum. Það eykur auk þess veltu og arðsemi fyr-
irtækisins til muna að vera með leikrit sem eru
ekki mannmörg og hafa ótvírætt skemmtanagildi
og sammannlega þætti sem allir skilja sama á
hvaða tungumáli er leikið.
Við erum sem dæmi búnir að kaupa sýning-
arrétt á tveim spænskum leikritum sem heita 5
strákar.com og 5 stelpur.com. Þessi leikrit eru
mest sóttu leikrit sem sett hafa verið upp á Spáni.
Tæpar tvær milljónir hafa séð þau á Spáni. Við er-
um með heimsréttinn að leikritunum. Mörg Evr-
ópulönd hafa þegar sýnt mikinn áhuga á þessum
verkum.“
Einleikurinn Sellófon seldur
til Bandaríkjanna og Evrópu
Morgunblaðið/Árni Torfason
Mógúlarnir Bergsveinn Jónsson, Guðjón Hauksson, Helgi Björnsson og Jón Tryggvason.
HJÖRDÍS Hákonardóttir, héraðs-
dómari, hefur kært ákvörðun Björns
Bjarnasonar, dómsmálaráðherra, að
skipa Ólaf Börk Þorvaldsson, dóm-
stjóra, í embætti hæstaréttardómara
til kærunefndar jafnréttismála.
Krefst Hjördís að kærunefndin
staðfesti í áliti að með skipuninni hafi
dómsmálaráðherra brotið gegn
ákvæðum laga um jafna stöðu og
jafnan rétt karla og kvenna.
Dómsmálaráðherra tilkynnti
ákvörðun sína ágúst 2003. Óskaði
Hjördís eftir rökstuðningi fyrir
ákvörðuninni og var sérstaklega á
því hvernig hún gæti staðist í ljósi
jafnréttislaga, góðra viðmiðunar-
reglna íslenskrar stjórnsýslu um
mat á hæfni einstaklinga við stöðu-
veitingar og greina stjórnarskrár-
innar, sem segir að konur og karlar
skuli njóta jafns réttar í hvívetna.
„Kærandi telur að brotið hafi ver-
ið gegn jafnréttislögum og góðum
stjórnsýsluháttum við embættisveit-
inguna. Kærandi sé af þeim sökum
og vegna þess hversu málefnasnauð-
ur og umdeilanlegur rökstuðningur
dómsmálaráðherra er, knúin til að
leita álits kærunefndar jafnréttis-
mála,“ segir í greinargerð Hjördísar.
Leitar álits
kærunefnd-
ar jafnrétt-
ismála
BOGI Þór Siguroddsson, rekstr-
arhagfræðingur og fyrrverandi for-
stjóri Húsasmiðjunnar, hefur samið
um kaup á 94,7% hlut í raftækja-
fyrirtækinu Johan Rönning hf.
Bogi Þór segir að hann þekki
markaðinn vel eftir störf sín hjá
Húsasmiðjunni og hann hafi verið
að kanna möguleika sína til að nýta
þá þekkingu. Hann hafi, eftir að
hafa kannað markaðinn, gert eig-
endum Johan Rönning kauptilboð
sem hafi verið tekið. Ráðgjafar
hans í viðskiptunum, Sparisjóður
Mýrasýslu og Sparisjóðabanki Ís-
lands, hafi aðstoðað við fjármögn-
un, en kaupverðið sé trúnaðarmál.
Seljendurnir eru Jón Magnússon
og Ásta Sylvía Rönning og ráðgjafi
þeirra vegna kaupanna, sem gerð
eru með fyrirvara um áreiðanleika-
könnun, var Deloitte.
1.300 milljóna króna velta
Í fréttatilkynningu vegna kaup-
anna segir að Johan Rönning hf.
hafi verið stofnað árið 1933 og fé-
lagið hafi lengi verið stærsta fyr-
irtækið í sölu á rafiðnaðarvörum á
landinu og sé umboðsaðili fyrir
ABB og fleiri stóra birgja á sviði
rafbúnaðar.
Bogi Þór segir að stærsti þátt-
urinn í rekstri fyrirtækisins sé sala
raftækja til fyrirtækja, svo sem
rafverktaka og veitustofnana. Þar
fyrir utan reki fyrirtækið verslun
með heimilistæki í Reykjavík og
aðra blandaða verslun á Akureyri.
Þá eigi Johan Rönning dótturfélag-
ið Ísberg, sem selji vörur í stór
eldhús, til dæmis til hótela og
mötuneyta. Hann segir veltuna í
fyrra hafa verið um 1.300 milljónir
króna og gert sé ráð fyrir svipaðri
veltu í ár. Fyrirtækið hafi verið
rekið með hagnaði á undanförnum
árum.
Bogi Þór Siguroddsson
kaupir Johan Rönning
UM áramót verða gerðar breytingar
á yfirstjórn umferðarmála og nokkr-
ir málaflokkar flytjast á milli dóms-
málaráðuneytis og samgönguráðu-
neytis. Þetta kom fram á
ríkisstjórnarfundi í gær.
Dómsmálaráðuneyti og sam-
gönguráðuneyti munu skiptast á
málaflokkum, og munu málefni
tengd umferðaröryggi, sem og Um-
ferðarstofa, flytjast yfir á sam-
gönguráðuneyti. Á sama tíma munu
málefni tengd leit og björgun flytjast
til dómsmálaráðuneytis.aðstoðar-
maður samgönguráðherra.
„Þetta er miklu eðlilegra fyrir-
komulag, í flestum löndum í kringum
okkur er þetta með þeim hætti að
samgönguráðuneytin eru með þessi
umferðaröryggismál, “ segir Berg-
þór Ólafsson, aðstoðarmaður sam-
gönguráðherra.
Málefni tengd leit og björgun
flytjast svo yfir á dómsmálaráðu-
neytið. „Það er eðlilegt, þar er Land-
helgisgæslan og almannavarnir.“
Umferðarör-
yggismál færð
til samgöngu-
ráðuneytis
FUNDI, sem yfirmaður flota-
stöðvarinnar á Keflavíkur-
flugvelli, hafði boðað til með
hátt í 900 íslenskum starfs-
mönnum varnarliðsins í gær-
morgun var aflýst fyrirvara-
laust. Á fundinum átti að
útskýra þá ákvörðun varnar-
liðsins að segja upp níutíu ís-
lenskum starfsmönnum varn-
arliðsins. „Fundinum var
aflýst, en ég kann enga skýr-
ingu á því,“ sagði Friðþór Ey-
dal, blaðafulltrúi varnarliðs-
ins.
Friðþór segir að uppsagnir
starfsmanna og aðrar launa-
tengdar aðgerðir séu ekki
nema einn þriðji hluti af þeim
niðurskurði sem varnarliðið
verði að framkvæma.
Guðbrandur Einarsson, for-
maður Verslunarmannafélags
Suðurnesja, segir þessi um-
mæli Friðþórs staðfesta það
sem hann hafi haldið fram að
uppsögn íslensku starfsmann-
anna níutíu væri bara byrj-
unin. Þá segist Guðbrandur
líta á ummæli af hálfu varn-
arliðsins um að frestun á upp-
sögnum starfsmanna muni
leiða til enn frekari uppsagna
sem hreina hótun. „Við gefum
ekki mikið fyrir hana og get-
um það ekki. Þetta fólk á sinn
rétt hvað sem gerist í fram-
haldinu og við verðum að
sinna því. Það er okkar hlut-
verk,“ segir Guðbrandur.
Uppsagnir
varnarliðsins
Fundi með
starfs-
mönnum
aflýst
GISSUR Guðmundsson mat-
reiðslumeistari var sæmdur orðu,
sem Tarja Halonen Finnlands for-
seti veitir, sl. fimmtudag. Orðan,
sem heitir Finnlands hvítu rósar
orðan með gullkrossi, er talin með
virtari viðurkenningum sem veittar
eru í Finnlandi. Gissuri er veitt hún
fyrir vel unnin störf að fé-
lagsmálum matreiðslumanna á
Norðurlöndum og þá sérstaklega
fyrir það samstarf sem Gissur hefur
átt með finnskum matreiðslumön-
um og þar með stuðlað að því að
víkka sjóndeildarhring þeirra og
efla samstarf á milli þessara
tveggja vinaþjóða, að því er segir í
fréttatilkynningu.
Orðuna veitti Timo Koponen,
sendiherra Finnlands, fyrir hönd
forseta Finnlands, Tarju Halonen,
við hátíðlega athöfn í sendi-
herrabústaðnum á Hagamel 4. Giss-
ur er forseti Norðurlandasamtaka
matreiðslumeistara auk Klúbbs
matreiðslumeistara á Íslandi.
Sæmdur orðu Finnlands hvítu rósar
Morgunblaðið/Jón Svavarsson
Gissur Guðmundsson matreiðslumeistari tekur við finnsku orðunni úr
hendi Timo Koponen, sendiherra Finnlands, í sendiherrabústaðnum.
BILL Justinussen, heilbrigðisráð-
herra í færeysku landsstjórninni,
hefur rætt þann möguleika við Jón
Kristjánsson heilbrigðisráðherra að
færeyskir sjúklingar verði sendir til
Íslands í stað Danmerkur. Justinus-
sen hefur rætt óformlega við Fær-
eyska sjómannaheimilið hér um
samstarf um móttöku sjúklinga náist
samningar.
Justinussen segir að um 1.200
sjúklingar og um eitt þúsund að-
standendur þeirra séu sendir til út-
landa á hverju ári á kostnað lands-
stjórnarinnar. Langflestir fara til
Kaupmannahafnar en þar reki fær-
eysk yfirvöld dvalarheimili með 18
starfsmönnum. Kostnaður vegna
þessa alls sé árlega um einn millj-
arður íslenskra króna.
Justinussen segir að nú sé beðið
eftir svari Íslendinga með upplýs-
ingum um kostnað.
Færeyskir
sjúklingar
til Íslands?
♦ ♦ ♦
♦ ♦ ♦