Morgunblaðið - 01.11.2003, Blaðsíða 20
HÖFUÐBORGARSVÆÐIÐ
20 LAUGARDAGUR 1. NÓVEMBER 2003 MORGUNBLAÐIÐ
ÓSKA EFTIR LÚXUS ÍBÚÐ
Í LYFTUHÚSI
Nánari uppýsingar veitir Magnús Einarsson hjá Heimili fasteignasölu
í síma 898 5688 eða 530 6500
sími
530 6500
Finnbogi Hilmarsson
löggiltur fasteignasali
Opið mán.- fös. frá kl. 9-17
Hef verið beðin um að leita að vandaðri, minnst
100 fm, íbúð, 3ja-5 herbergja á svæði 101, 104,
105, 103 eða 108. Fjársterkir kaupendur og
góðar greiðslur. Verðhugmynd 20-30+ milljónir.Magnús Einarsson,
sölumaður
áform um byggingu íbúðarhúsnæðis
á Austurbæjarbíósreitnum hluta af
þéttingu byggðar og leið til þess að
færa fólk nær þjónustu og minnka
bílaumferð. „Það er ekki eðlilegt í
rauninni að halda í húsið miðað við
þær upplýsingar sem komið hafa
fram. Kostnaður við kaup og við-
gerðir á húsinu hleypur á hundr-
uðum milljóna. En á endanum snýst
það ekki einu sinni um það. Við erum
að byggja borg á löngum tíma og
þarfir svæða breytast. Við þrosk-
umst í óskum okkar og þörfum og
þarfir heillar borgar þroskast á svip-
aðan hátt og einstaklingarnir innan
hennar.
Borgin okkar býður upp á marga
möguleika á búsetu innan borg-
armarkanna, fólk getur valið að búa
í sveit, í úthverfi, í smáíbúðahverfi, í
þéttu hverfi og eiga líka aðgang að
höfuðborg. Eftirspurnin eftir hús-
næði í miðborginni er mikil og mikið
af fólki sem vill búa nálægt henni.
Þeim mun meira af fólki sem býr ná-
lægt miðborginni, þeim mun líklegra
er að við förum að upplifa alvöru
borgarstemningu hérna með allri
þeirri fjölbreytni sem henni fylgir.
Reykjavík hefur verið að þróast úr
því að vera bær yfir í að vilja vera
borg. Það eru allir sammála um að
heildarhagsmunir borgarinnar fel-
ast í uppbyggingu miðborgarinnar
og auðugra mannlífi innan hennar.
Ég bý til dæmis á Laugaveginum
og vinn á Laugaveginum, ég komst
inn í þá stemningu eftir að hafa
starfað erlendis, í New York og
London. Þúsundir aðila hugsa eins,
fólk vill geta labbað á inniskónum út
í bakarí eða kaffihús.
Ég hef unnið heillengi við að gera
upp gamlar byggingar, bæði hér á
landi og erlendis, það á við á sumum
stöðum, en annars staðar skipta
heildarhagsmunir borgarinnar
meira máli. Okkar áætlun er bara
einn angi af uppbyggingaráformum
miðborgarinnar. Skuggahverfið er
annar hluti af því og svo má nefna
Vatnsmýrina og fleiri staði þar sem
verið er að þétta. Allt kemur þetta
saman að því að mynda áhugaverð-
ari og skemmtilegri miðborg. Við
gerum ráð fyrir um hundrað og sjö-
tíu manns sem flytja í hverfið. Við
erum búnir að leysa bílastæðamálin
þeirra, við erum búin að gera mögu-
leika á verslun við þessa aðalgötu.
Maður þekkir það í svona þéttum
byggðum, þar er það mjög mikill
kostur að hafa búð sem maður getur
skotist í á leiðinni eitthvert.“ Árni
tekur undir þetta og segir mikinn
kost að hafa banka, búð og aðrar
verslanir í göngufæri.
Borgin líti inn á við og stöðvi
hamslausa útbreiðslu
Ívar segir erlenda aðila víða um
heim sem hafa unnið í skipulags-
málum vilja miðla þeirri þekkingu
sem hefur áunnist. „Hlutir hafa mik-
ið breyst, í upphafi var mikið ein-
blínt á hvað við ættum mikið land og
ekki hugsað út í kostnaðinn við
hamslausa útbreiðslu borgarinnar,
til dæmis í samgöngum. Við getum
lært af mistökum fortíðarinnar í öðr-
um löndum. Erlendis eru menn
hættir að breiða úr sér endalaust og
farnir að líta sér nær, því borgin
horfir inn á við. Það kallast „Urban
sprawl“ þegar borgir breiðast hams-
laust út og það er ekki æskileg borg-
arþróun. Ný borgarstefna, eða
„New Urbanism“, er síðan dæmi um
hið gagnstæða, þar sem litið er inn í
borgina. Grundvallaratriðið í nýrri
borgarstefni er að borg horfir inn í
sig. Borgarsamfélagið snýst um það
sem borgararnir hafa fyrir stafni,
við viljum taka þátt í lífi og athöfnum
hver annars, miklu frekar en útsýni
til hafs eða fjalla. Vissulega er gott
ef það er mögulegt en lykilatriðið er
mannlífið. Þess vegna erum við að
reyna að þétta þennan litla kjarna í
gamla miðbænum. Húsið sem við
áformum að byggja mun auka verð-
mæti eignanna í kring og fegra um-
hverfið. Við leitumst við að gera
þessa byggingu vandaða í alla staði
og umhverfi sínu til sóma. Til dæmis
höfum við það markmið að viðhalda
miklu af því gróðurmagni sem nú er
á svæðinu. Við treystum því að nú-
tíðin sé jafnmikils virði og fortíðin og
hafi mikið gildi fyrir framtíðina.
Hagsmunir miðborgarinnar eru þeir
að auð svæði þurfa að lúta í lægra
haldi fyrir nýrri þróun. Það verður
meiri skuggamyndun og það verður
þéttari byggð, það verður meira um
nágranna. Það sem skiptir máli er að
græn svæði séu fókuseruð og vel
skipulögð. Þá verður gildi þeirra til
útivistar og skemmtunar miklu
meira. Vel skipulagt útivistarsvæði
þarf ekki að vera plássfrekt ef það er
vel úr garði gert. Þetta er líka ekki
bara spurning um skugga, því
skuggar eru óumflýjanlegir í mið-
borg. Hins vegar er mjög mikilvægt
að í þessu verkefni er gert ráð fyrir
góðri rýmismyndun. Gott rými
skiptir miklu máli.“
Þeir félagar segja einnig að þegar
búið verði að gera upp svæðið þar
sem Austurbæjarbíó stendur nú og á
reitnum inn af því, skapist tækifæri
og svigrúm til þess að bæta heild-
arsvip næsta nágrennis. „Það má
einnig líta til svæðisins við hliðina á
þessum reit, nær Laugaveginum, en
það þarfnast nauðsynlega einhvers
konar lagfæringa,“ segir Árni og Ív-
ar Örn bætir við að vel færi að bæta
það svæði með fallegu íbúðar-
húsnæði með bílakjallara og þjóna
þá betur þeim þörfum sem eru til
staðar.
„Eitt af því sem er mjög sjarm-
erandi í borgarstemningunni er að
þar er oft að finna lítil og spennandi
bíóhús og alls kyns sérvitringslegar
búðir. Svona fyrirtæki blómstra vel
þegar byggð hefur þést, því með
fleira fólki og þéttari byggð myndast
líka miklu fleiri möguleikar fyrir
fjölbreytt mannlíf,“ segir Ívar Örn,
sem langar til að færa fjölbreytni inn
í reykvískt borgarlíf. „Það besta sem
finnst í heimsborgum erlendis. Við
höfum möguleika á að skapa stór-
borg með öllum kostum smás sam-
félags.“
Húsafriðunarnefnd hefur nú mál
Austurbæjarbíós til skoðunar og
segist Árni vonast til þess að málið
fari þrautalaust í gegnum ferli hins
opinbera. „Ég tapa tveimur millj-
ónum á mánuði á meðan ég má ekki
hefja framkvæmdir, svo það liggur
mikið undir hjá mér. Ég trúi því
samt varla að menn muni finna for-
sendur fyrir verndun hússins, þar
sem það er illa farið og mjög erfitt að
taka fólk þarna inn.“ Ívar segir líka
tónlistarumhverfi hafa breyst mikið
á síðustu áratugum. „Þegar þetta
hús var byggt var ekki mikið af tón-
listaraðstöðu í Reykjavík. Nú er
músíkumhverfið í bænum inni á veit-
ingastöðum. Fólk fer á Gaukinn og
Nasa og alls konar staði til að hlusta
á tónlist. Þörfin fyrir þetta hús er
ekki lengur til staðar og umhverfi
þess ber heldur ekki bílastæðaþörf-
ina. Þörfin fyrir fallegt íbúðar-
húsnæði í miðborginni er hins vegar
mun brýnni.“
Norðurmýri | „Ég keypti húsið af
Sam-feðgum fyrir um fimmtán mán-
uðum og hugmyndin var náttúrlega
komin til af því að ég var búinn að
sjá hugmyndir Reykjavíkurlistans
um að þétta byggð,“ segir Árni, en
hann er forstjóri ÁHÁ-verktaka.
Fyrirtæki hans byggði meðal annars
Smáratorg, byggingu Nýherja og
átta hæða turnbyggingu við Snorra-
braut. „Mér fannst þetta alveg kjör-
ið svæði til slíkrar þéttingar og fékk
mjög góðar undirtektir fyrir því hjá
borginni að gera eitthvað við þetta
svæði. Síðan þá hefur verið ágæt-
issamstarf milli mín og borgarinnar í
þessu máli. Menn hafa verið að þróa
þessar hugmyndir og eru ennþá að
því.“
Enginn rekstrar-
grundvöllur fyrir bíói eða
tónlistarhúsi í húsinu
„Það er alveg klárt að það er ekki
rekstrargrundvöllur fyrir bíói eða
tónlistarhúsi í þessari byggingu. Það
hvarflaði aldrei að mér að þetta gæti
orðið friðað hús. Þetta er ekki þann-
ig hús í mínum augum að þetta gæti
verið eitthvert fallegt hús sem á að
friða. Það kostar svo mikið að gera
við það að það gengur engan veginn
upp. Borgin er sammála mér í því og
þá hefðum við heldur aldrei keypt
bíóið, það er alveg klárt mál. Það er
enginn grundvöllur til annars en að
rífa þetta. Hugmynd okkar var að
byggja þarna glæsibyggingar og það
hafa komið margar fyrirspurnir um
íbúðir þarna, en vissulega get ég
ekki gert neitt fyrr en ég fæ leyfi.
En sjónin er sögu ríkari og þessi
nýja íbúðarbygging gerir heild-
arsvip svæðisins mun fallegri. Þarna
verða áttatíu og tvær íbúðir og með-
alstærðin er um sjötíu til áttatíu fer-
metrar. Síðan er gert ráð fyrir þús-
und fermetrum af þjónustu- og
verslunarhúsnæði á jarðhæðinni.
Bílastæðin verða undir húsinu og því
leysast mikil bílastæðavandamál á
svæðinu, en mikill bílastæðavandi
fylgdi bíóinu á meðan það var rekið.
Við getum haft þau á einni eða
tveimur hæðum ef ríki eða borg vilja
bæta við aukabílastæðum til að létta
á bílastæðaþörf svæðisins í kring.“
Árni segir umhverfið í kringum
bíóið vera í nokkurri niðurníslu og
nauðsynlegt að fríska upp á það. „Til
dæmis er garðurinn á bak við bíóið
orðinn það ófrýnilegur að börn eru
hætt að fara inn í hann. Gamli rólu-
völlurinn er líka afar lítið notaður.“
Borgir þroskast samfara
þörfum einstaklinganna
Ívar Örn Guðmundsson hjá arki-
tektastofunni Nexus hefur unnið
með Árna að fjölda tillagna að nýju
skipulagi svæðisins. Hann segir
Eðlilegur hluti af
þroska borgarinnar
Mikil umræða hefur
verið undanfarnar vik-
ur um gamla Austur-
bæjarbíó og fjölmörg
sjónarmið komið
fram. Eigandi hússins,
Árni Jóhannesson og
arkitektinn Ívar Örn
Guðmundsson vilja
reisa á reitnum íbúð-
arhúsnæði fyrir um
hundrað og sjötíu
íbúa. Þeir sögðu Svav-
ari Knúti Kristinssyni
frá framtíðarsýn sinni
á svæðinu og hug-
myndum sínum um
þéttingu byggðar og
þroska borgarinnar.
Morgunblaðið/Jim Smart
svavar@mbl.is
Á þessum loftmyndum af svæðinu
má sjá annarsvegar hvernig hug-
myndir Árna og Ívars um byggingu
íbúðarhúsnæðis líta út og hinsvegar
hvernig svæðið lítur út í dag.
Vinstri myndin sýnir svæðið eins og
þeir vilja hafa það en sú hægri sýn-
ir Austurbæjarbíó í núverandi
mynd. Ef áætlanir þeirra ganga eft-
ir munu um 170 íbúar geta búið í
þeim 82 íbúðum sem verða reistar á
reitnum.
Á neðri myndinni eru Árni Jóhann-
esson húsasmíðameistari og for-
stjóri ÁHÁ verktaka ásamt Ívari
Erni Guðmundssyni hjá Nexus arki-
tektastofu.
Vilja íbúðarhúsnæði