Morgunblaðið - 01.11.2003, Blaðsíða 29

LISTIR
MORGUNBLAÐIÐ LAUGARDAGUR 1. NÓVEMBER 2003 29
ÞRIÐJU og síðustu tónleikar í röð-
inni Haustkvöld í Óperunni verða í
kvöld kl. 20. Þá verður Sigrún
Hjálmtýsdóttir sérstakur gestur Jó-
hanns Friðgeirs Valdimarssonar.
Auk þeirra koma fram þau Sesselja
Kristjánsdóttir, Ólafur Kjartan Sig-
urðarson og Davíð Ólafsson. Á pí-
anóið leikur Kurt Kopecky.
„Þessir tónleikar eru einskonar
kveðjutónleikar fyrir mig í bili,“
segir Jóhann Friðgeir, „því ég er á
förum til Þýskalands næsta ár og
syng í þarlendum óperuhúsum, að
mestu leyti, jafnvel í Austurríki og
víðar í Evrópu líka. Í heildina eru
þetta ítalskir tónleikar, bombur úr
þekktum óperum. Ég mun leyfa
áheyrendum að hlýða á mínar eft-
irlætis aríur sem eru algjört eyrna-
konfekt sem flestir ættu að
þekkja.“
Jóhann Friðgeir fékk Diddú til
liðs við mig og mun þau syngja dú-
etta úr La Bohème og Drykkju-
sönginn úr La Traviata. „Það er
alltaf mikil stemmning að flytja
Drykkjusönginn,“ segir Jóhann og
hlær við. „Síðan tekur Diddú
nokkrar flottar bombur, frægar
sópranaríur, t.d. É strano! É strano!
úr La Traviata og Casta diva úr
Normu. Ég syng sjálfur báðar
bomburnar úr Toscu, Recondita
armonia – É lucevan le stelle og ar-
íu úr Macbeth, Nessun dorma úr
Turandot og Vesti la giubba úr I
Pagliacci. Einnig syng ég aðal-
aríuna úr Madame Butterfly,
Addio, fiorito asil. Ekki má gleyma
íslensku tónskáldunum, ég býð
áheyrendum að hlýða á nokkur
Kaldalónskonfekt. Ólafur Kjartan
syngur aríu úr Il Pagliacci og Davíð
syngur tvær Verdi-aríur og Sess-
elja syngur aríu úr Werther.“
Þetta eru síðustu hausttónleikar
Íslensku óperunnar þetta misserið
en óperan Werther eftir Jules
Massenet verður frumsýnd í stutt-
formi 22. nóvember. „Þá verð ég
farinn til Þýskalands og Snorri
Wium kemur í minn stað,“ segir Jó-
hann Friðgeir að lokum.
Morgunblaðið/Jim Smart
Þau flytja óperuaríur í Íslensku óperunni: Ólafur Kjartan, Davíð, Sesselja, Kurt, Diddú og Jóhann Friðgeir.
Að hætti Jóhanns Frið-
geirs í Íslensku óperunni DAGNÝ Guðmundsdóttir myndlist-armaður opnar sýningu í ListhúsiÓfeigs, Skólavörðustíg 5, kl. 16 í dag.
Dagný hefur komið fyrir innsetn-
ingu með skúlptúrum sem hún nefn-
ir Horfum á karlmenn.
„Í vestrænum nútímasamfélögum
eru fagrir og vel stæltir líkamar í há-
vegum hafðir líkt og meðal Forn-
Grikkja en á sama tíma er líkamleg
vinna ekki hátt skrifuð,“ segir
Dagný. „Útlendingar eu fengnir til
að vinna erfiðustu líkamlegu vinnuna
en Grikkir notuðu útlenda þræla. Af
hverju eru menn að þjálfa líkamann
langt umfram það sem þörf er á
heilsunnar vegna? Vegna fegurðar-
innar? Fyrir okkur til að horfa á og
koma við? Horfa konur eins og karl-
menn? Hvernig sjá konur karl-
mannslíkamann?“
Sýningin er opin á verslunartíma.
Horft á
karlmenn
hjá Ófeigi
Í NORRÆNA húsinu opnar Ragn-
heiður Thorarensen, umboðsmaður
Georg Jensen Damask, sýningu á
nýjum mynstrum og litum í dúkum,
rúmfötum, handklæðum o.fl. kl. 13 í
dag, laugardag. Georg Jensen
Damask er rótgróið vefnaðarfyr-
irtæki og árlega koma fram ný
mynstur og litir.
Sýningin er einnig opin á morgun
kl. 13–17, báða dagana.
Sýning á
nýjum
mynstrum
♦ ♦ ♦
Þjóðmenningarhús kl. 14 Í Sögu-
stund les Ólafur Gunnar Guð-
laugsson upp úr nýrri bók sinni um
Benedikt búálf,
Höfuðskepnur
Álfheima. Sam-
hliða upplestr-
inum verða
myndir úr bók-
inni sýndar.
Þetta er fimmta
bók Ólafs um
Benedikt og fé-
laga hans búálf-
ana. Benedikt
búálfur fær gamla bók að gjöf á
153. afmælisdaginn sinn. Þar er
sagt frá hinum ægilegu höf-
uðskepnum Álfheima – Grjúpi,
Ægi, Dæsingi og Surti – og hvern-
ig megi vekja þær upp af löngum
og djúpum svefni sínum.
Verndari Sögustunda er Vigdís
Finnbogadóttir.
Í DAG
Ólafur Gunnar
Guðlaugsson
Nýheimar, Höfn í Hornafirði, kl.
14 Laufey Sigurðardóttir fiðluleik-
ari og Páll Eyjólfsson gítarleikari
leika m.a. lög eftir Sigfús Hall-
dórsson, sem Páll hefur umritað fyr-
ir fiðlu og gítar og einnig píanóverk
eftir Chopin útsett fyrir þessi hljóð-
færi af Páli. Laufey og Páll hafa
starfað saman frá árinu 1986. Þau
hafa haldið tónleika víðs vegar um
landið sem og erlendis og gert upp-
tökur fyrir útvarp og sjónvarp. Á
efnisskrá þeirrra eru verk frá bar-
okk-tímanum til okkar daga og ís-
lensk tónskáld hafa samið verk fyrir
þau sérstaklega.
Tónleikarnir eru styrktir af Félagi
íslenskra tónlistarmanna.
Á MORGUN
 Sjá einnig Staður og stund á mbl.is