Morgunblaðið - 19.02.2004, Side 1

STOFNAÐ 1913 49. TBL. 92. ÁRG. FIMMTUDAGUR 19. FEBRÚAR 2004 PRENTSMIÐJA ÁRVAKURS HF. mbl.is
Saltkjöt og
baunir
Ekki seinna vænna að undirbúa
sprengidaginn | Daglegt líf 26
FRANSKA varnarmálaráðuneytið íhugar
að senda af stað herskip til að elta uppi
vöruflutningaskip frá Filippseyjum sem nú
er statt á Rauðahafi. Grunur leikur á að
skipið hafi siglt niður franskan togbát,
Bugaled Breizh, í grennd við England 15.
janúar. Með honum fórust fimm manns.
Neðansjávarrannsókn á flakinu sýndi
merki um árekstur við stórt skip en þeir
sem sigldu á bátinn létu ekki vita af slysinu.
Hafa Frakkar kannað ferðir nokkurra skipa
en grunur beinist nú fyrst og fremst að um-
ræddu fragtskipi. Það er um 39.000 tonn að
stærð, heitir Seattle Trader og er á leið til
Kína. Eigendurnir vísa því á bug að skipið
hafi verið viðriðið slysið.
Þurfa samþykki Filippseyinga
Frönsk freigáta mun nú vera í grennd við
Djibouti við suðurenda Rauðahafs. Tals-
maður varnarmálaráðuneytisins í París,
Jean-Francois Bureau, sagði flotann fylgj-
ast vel með þróun mála. „Svo getur farið að
gripið verða til ákveðinna aðgerða þegar
búið er að fullnægja lagalegum skilyrðum –
einkum þarf að fá samþykki ríkisins þar
sem skipið er skráð,“ sagði hann.
Íhuga aðgerð
gegn fragtskipi
París. AFP.
HOWARD Dean, fyrrverandi ríkisstjóri í
Vermont, tilkynnti í gær að hann væri
hættur baráttu fyrir því að verða útnefnd-
ur forsetaefni Demókrataflokksins í
Bandaríkjunum í kosningunum í nóvem-
ber. Dean fór mikinn í upphafi barátt-
unnar í fyrra og naut um hríð öflugs fylgis
í könnunum en honum hefur ekki tekist að
vinna neinar forkosningar demókrata. Í
gær endaði hann í 3. sæti í Wisconsin á eft-
ir öldungadeildarþingmönnunum John
Kerry og John Edwards.
„Ég sækist ekki lengur eftir forseta-
embættinu,“ sagði Dean þegar hann
ávarpaði stuðningsmenn sína í Burlington
í Vermont. Dean, sem starfaði sem heim-
ilislæknir áður en hann hóf afskipti af
stjórnmálum, sagðist ætla að stofna nýja
hreyfingu og halda áfram að koma stefnu-
málum sínum á framfæri innan Demó-
krataflokksins. Hann hét því hins vegar að
fara ekki í sérframboð, þrátt fyrir von-
brigðin.
Nú þykir ljóst að aðeins Kerry og Ed-
wards eigi möguleika á að verða forseta-
efni en fylgi Edwards í Wisconsin kom
mjög á óvart. Hlaut hann um 35% en
Kerry sigraði, fékk 40% atkvæða. /14
Reuters
Howard Dean talar í farsíma, rétt áður en
hann segir frá ákvörðun sinni.
Dean dregur
sig í hlé
Burlington. AFP.
ALÞJÓÐANEFND Rauða krossins, ICRC,
sagði í yfirlýsingu í gær, að múrinn, sem Ísra-
elar væru að reisa á Vesturbakkanum, að
þeirra sögn vegna öryggismála, væri brot á
alþjóðalögum. Mjög fátítt er, að samtökin lýsi
skoðunum sínum með þessum hætti en yfir-
leitt reyna þau að gæta fyllsta hlutleysis.
„Skoðun ICRC er sú, að múrinn brjóti gegn
alþjóðalögum að svo miklu leyti sem hann vík-
ur frá Grænu línunni [milli svæða Ísraela og
Palestínumanna] og er á hernumdu svæði,“
sagði í yfirlýsingunni. Alþjóðadómstóllinn í
Haag fjallar um múrinn í næstu viku.
ICRC reynir að tryggja að farið sé eftir
Genfarsáttmálanum í stríðsátökum og tjáir
sig sjaldan um mál, sem tengjast stefnu ein-
stakra ríkja. Yfirlýsinguna í gær gáfu sam-
tökin hins vegar út með tilvísan til ábyrgðar
og skyldna Ísraels sem hernámsveldis.
„Múrinn sviptir þúsundir Palestínumanna
aðgangi að brýnustu nauðsynjum eins og
vatni, heilsugæslu og menntun og kemur
einnig í veg fyrir, að þeir geti framfleytt sér
með jarðyrkju eða annarri atvinnu. Palest-
ínumenn milli ísraelsku landamæranna og
múrsins hafa í raun verið aðskildir frá sínu
eigin samfélagi. Vegna múrsins hafa Ísraelar
gert upptækt land og aðrar eignir Palest-
ínumanna og eyðilagt byggingar og akra,“
sagði í yfirlýsingunni.
Fordæma múr Ísraelsstjórnar
Genf. AFP.
LÍK mannsins sem fannst í höfn-
inni á Neskaupstað miðvikudaginn
11. febrúar er af 27 ára gömlum
manni frá Litháen, og staðfesti
fingrafarasamanburður frá lögregl-
unni í Þýskalandi í gær hver mað-
urinn er. Maðurinn er á sakaskrá
erlendis en ekki er vitað í hvaða
löndum eða fyrir hvaða glæpi.
Lögregla hefur þegar fengið
nokkurn fjölda vísbendinga í kjöl-
far þess að mynd af hinum látna var
birt á mbl.is og kvöldfréttum sjón-
varpsstöðva í gær. Myndinni var
dreift til fjölmiðla á blaðamanna-
fundi um málið á vegum Ingerar L.
Jónsdóttur, sýslumanns á Eskifirði,
og embættis ríkislögreglustjóra, í
húsnæði ríkislögreglustjóra í gær.
Maðurinn var með rúmlega 400
grömm af fíkniefnum, líklega am-
fetamíni, innvortis þegar hann
fannst í höfninni, og hafði efninu
verið pakkað í 50 til 60 hylki, segir
Hörður Jóhannesson, yfirlögreglu-
þjónn hjá lögreglunni í Reykjavík.
Lögregla telur að maðurinn hafi
verið að flytja eiturlyfin fyrir ís-
lenska aðila, en þetta er mesta
magn fíkniefna sem lögregla veit til
að hafi verið flutt innvortis til lands-
ins.
Hinn látni hefur gengið undir
fleiri en einu nafni, en lögregla gef-
ur ekki upp nafn hans að svo
stöddu. Arnar Jensson, aðstoðaryf-
irlögregluþjónn hjá ríkislögreglu-
stjóra, segir að svonefnd burðar-
dýr, fólk sem flytur fíkniefni milli
landa, noti gjarnan mörg nöfn og nú
þurfi að finna rétt nafn mannsins og
láta ættingja hans vita.
Banamein ekki vitað
Ekki er enn vitað hvert bana-
mein mannsins var, en staðfest er
að hann var látinn þegar hann var
stunginn fjórum sinnum með hnífi,
pakkað inn í plast og varpað í höfn-
ina á Neskaupstað. Ekkert bendir
til þess að reynt hafi verið að skera
manninn upp til að ná fíkniefnunum
sem hann var með innvortis, og fyr-
ir utan hnífsstungurnar fjórar voru
engir áverkar á líkinu, segir Arnar.
Krufningu á líkinu er enn ekki
lokið, og segir Hörður að nokkrar
vikur geti tekið að klára allar próf-
anir á líkinu sem þurfi að gera áður
en lokaskýrsla um krufninguna
verður gerð. Lögregla hefur fengið
frumdrög skýrslunnar en ekki er
gefið upp hvað þar kemur fram.
Fram kom á fundinum að enn er
enginn grunaður í málinu, og engin
húsleit hefur verið gerð í tengslum
við málið. Það er ekki ljóst um
hvaða brot er að ræða í þessari
rannsókn, þó ljóst sé að um alvar-
legt brot á fíkniefnalöggjöfinni er
að ræða, sem og dularfullt manns-
lát.
Margir hafa haft samband við
lögreglu vegna málsins, þar á meðal
mikið af Litháum hér á landi. Alls
hafa á annað hundrað manns verið
yfirheyrðir vegna málsins, en eng-
inn þeirra hefur haft stöðu grunaðs
manns í málinu. Margir þeir sem
gáfu sig fram voru beðnir um að
bera kennsl á manninn af ljósmynd-
um, án árangurs.
Þrír menn sem voru yfirheyrðir á
mánudag, eins og sagt var frá í
blaðinu, eru á þessari stundu ekki
taldir tengjast málinu meira en
hverjir aðrir sem yfirheyrðir hafa
verið, segir Arnar. „Þeir eru bara
eins og hver önnur vitni sem talað
var við. Þeir gáfu upplýsingar og
liggja ekki frekar en aðrir undir
grun.“ Arnar vildi ekki svara því
hvort athugað hefði verið hvort
þessir menn hefðu farið til Litháen
nýlega.
Rannsókn lögreglunnar heldur
áfram, en á fjórða tug lögreglu-
manna hefur komið að rannsókn-
inni með einum eða öðrum hætti, að
sögn Ingerar sýslumanns.
Líkið í höfninni á Neskaupstað er af 27 ára gömlum manni frá Litháen
RANNSÓKN lögreglu beinist nú að því að
rekja ferðir hins látna hér á landi, og óskar
lögregla eftir öllum upplýsingum sem al-
menningur getur veitt um manninn. Hinn
látni var 27 ára Lithái, 182 cm á hæð, rúm-
lega meðalmaður í holdum, stuttklipptur og
ljósskolhærður.
Maðurinn kom hingað til lands með flugi
um Keflavíkurflugvöll 2. febrúar sl. og telur
lögregla að hann hafi komið hingað af og til
undanfarið. Lík mannsinns fannst í höfninni
á Neskaupstað að morgni miðvikudagsins 11.
febrúar. Allir þeir sem kunna að hafa upplýs-
ingar um manninn, ferðir hans eða hagi, eru
beðnir um að hafa samband við lögreglu.
Óskað eftir upplýsingum um þennan mann
Vísbendingar bárust
eftir myndbirtingar
Morgunblaðið/Júlíus
Blaðamannafundur í húsnæði RLS um gang rannsóknarinnar á líkfundinum á Neskaupstað, f.v. Arnar Jens-
son, aðstoðaryfirlögegluþjónn, Inger L. Jónsdóttir, sýslumaður og Hörður Jóhannesson, yfirlögregluþjónn.

Líkfundur /10
♦♦♦
Viðskiptablað og Ver
Viðskipti | Laun 5 bankastjóra 174 milljónir  Næg
verkefni fyrir Verslunaráðið Verið | Afli krókabáta
jókst Veiðar og vinnsla á ál talin möguleg hér