Morgunblaðið - 19.02.2004, Qupperneq 4

FRÉTTIR
4 FIMMTUDAGUR 19. FEBRÚAR 2004 MORGUNBLAÐIÐ
Plúsfer›ir • Hlí›asmára 15 • Sími 535 2100
Po
rtúg
al
38.270kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
46.855 kr. á mann ef 2 ferðast saman.
Innifalið er flug gisting í 7 nætur á Sol Dorio, 10.000 kr. bókunarafsláttur
og ferðir til og frá flugvelli erlendis.
Halldóra Friðjónsdóttir
formaður BHM
Byrjað á öf-
ugum enda
HALLDÓRA Friðjónsdóttir, for-
maður BHM, segir að niðurstaða
skýrslu KPMG styðji það sem sam-
tökin hafi sagt frá upphafi að með
uppsögnum sé verið að byrja á öfug-
um enda. Það vanti stefnumótun í
þessum efnum og kannski hafi stjórn-
endur spítalans verið of fljótir að
stökkva á það sem virðist augljós leið
ef einungis sé horft á hlutfall launa-
kostnaðar miðað við önnur útgjöld
spítalans.
„Við spyrjum líka af hverju réðu
þeir ekki bara ráðgjafarfyrirtæki til
að gera þetta verk alveg eins og við?
Af hverju fengu þeir ekki einhvern ut-
anaðkomandi til að fara ofan í saum-
ana á þessu og koma með tillögur?“
sagði Halldóra.
Hún sagði að það vantaði sárlega
stefnumótun í þessum efnum. Það
yrði að vera ríkisvaldið sem ákvæði
hvaða verk það væru sem sjúkrahúsið
ætti að framkvæma.
Íhuga málsókn
Bandalag háskólamanna íhugar að
höfða mál vegna uppsagnanna þar
sem ákvæði laga um hópuppsagnir
hafi verið brotin. Málið var til um-
ræðu á miðstjórnarfundi í gær en
frestað að taka ákvörðun þar að lút-
andi.
Halldóra sagði að á fundinum hefði
verið ákveðið að gefa stjórnendum
spítalans kost á að fara yfir skýrsluna
og koma með athugasemdir. Auk
þess ætli þau að sjá aðeins til þar sem
þessar aðgerðir séu enn í gangi. Til
standi að breyta ýmsum þáttum í
kjörum fólks sem jafngildi uppsögn
og því vilji þau sjá hvað það séu í raun
og veru margir sem álíti sig vera að fá
uppsögn í þessum aðgerðum, en það
ætti að skýrast um mánaðamótin.
GUÐRÚN Gísladóttir, kennari í
Hvassaleitisskóla, byrjaði að notast
við hreyfimyndagerð í myndmennta-
kennslu í fyrra og fljótlega fékk hún
annan kennara í lið með sér í
tengslum við mynd sem nemendur
unnu í íslensku.
Að sögn hennar virðast nemendur
hafa mjög gaman af vinnunni og til
dæmis ætlar einn bekkur í 6. árgangi
að gera stuttmynd þar sem fjallað er
um einelti og verður hluti af vinnu nemendanna í lífs-
leikni. Þá vinnur Guðrún með hópi 8. bekkinga að gerð
leikinna mynda, klippi- og leirmynda um þjóðsögur en
um er að ræða samstarfsverkefni fjögurra þjóða;
Ítalíu, Tékklands og Þýskalands, auk Íslands.
En hvað segir Guðrún um hugmyndir um að bjóða
upp á stuttmyndagerð í auknum mæli fyrir nemendur í
grunnskólum? „Það er frábært að vinna með þetta en
það þarf að gefa þessu miklu meiri tíma. Það er vinna í
þessu sem er þess eðlis að maður getur ekki verið með
heilan bekk saman, t.d. við að klippa saman myndir.“
Nemendur hafa gaman af
Guðrún Gísladóttir
HREYFIMYNDAGERÐ virðist
stöðugt sækja í sig veðrið hér á landi
og til marks um það voru helmingur
stuttmynda á kvikmyndahátíð
grunnskóla í fyrra hreyfimyndir og
stefnir í að þær verði jafnvel fleiri í
ár.
Átján kennarar úr grunnskólum
Reykjavíkur sóttu á dögunum nám-
skeið í hreyfimyndagerð sem haldið
var í myndveri grunnskóla í Rétt-
arholtsskóla en það byggist á fyrra
námskeiði sem haldið var um sama
efni sl. vetur. Hreyfimyndagerð get-
ur verið af ýmsum toga, s.s. teikni-
myndir, klippimyndir, leirmyndir og
brúðumyndir.
Að sögn Marteins Sigurgeirsson-
ar, umsjónarmanns myndvers
grunnskóla og kvikmyndahátíðar
grunnskóla, hefur mikill kraftur ver-
ið í hreyfimyndagerð með tilkomu
stafrænnar tækni sem auðveldar
alla vinnslu. Margir skólar hafi yfir
að ráða klippiforritum og margir
þeirra muni án efa endurnýja búnað
sinn í kjölfar námskeiðsins. Gömlu
handbrögðin verði þó alltaf fyrir
hendi sem fyrr, þ.e. að teikna, líma
og klippa sem síðan er byggt ofan á
með aðstoð tölvutækninnar.
Að sögn Marteins er verið að
reyna að koma kvik- og hreyfi-
myndagerð að sem valgrein í grunn-
skóla en a.m.k. einn skóli, Öldusels-
skóli, kennir þessi fög sem
skyldufög.
„Það er draumurinn að slíkt mód-
el verði í öllum skólum. Þ.e. að nem-
endur fái að prófa eitt og annað í
list- og verkgreinum í 6–7 vikna
námskeiðum og svo taki við val-
greinar í 9. og 10. bekk,“ segir hann.
„Ég sé fyrir mér að margmiðl-
unartölvur verði á skólasöfnum þar
sem nemendur fara með verkefnin
sín og vinna sjálfstætt, fá mynda-
vélar og fara út í þjóðfélagið og
vinna sjálfstætt og skila af sér af-
kvæmi sem þeir taka ábyrgð á,“ seg-
ir hann og líkir kvikmynda- og
hreyfimyndagerð við „penna nú-
tímans“.
Þegar Morgunblaðið leit inn í
heimsókn í gær voru kennarar að
vinna með forrit á borð við CTP og
Flash og ganga frá og klippa stutt-
myndir sem þau hafa verið að vinna
að að undanförnu.
Áhugi á hreyfimynda-
gerð fer vaxandi
18 kennarar sóttu
framhaldsnám-
skeið um hreyfi-
myndagerð í
Réttarholtsskóla
Morgunblaðið/Jim Smart
Halldór Bragason leiðbeinir um notkun á CTP-forritinu í Réttarholtsskóla.
GERA má ráð fyrir að þær aðgerðir
sem gripið hefur verið til á Landspít-
ala – háskólasjúkrahúsi komi til með
að skila 738 milljónum króna sparn-
aði í ár, en að mati stjórnenda spít-
alans þarf að lækka kostnað við
reksturinn um 800–1.000 milljónir
kr. Jafnframt eru líkur á að grípa
þurfi til frekari aðgerða á næstu tólf
mánuðum til að vinna á þeim vanda
sem LSH er að fást við, en vandinn
er meðal annars tilkominn vegna
óljósrar skilgreiningar á hlutverki
og þar af leiðandi þeirri þjónustu
sem spítalanum er ætlað að sinna.
Þetta kemur meðal annars fram í
skýrslu KPMG fyrir Bandalag há-
skólamanna þar sem mat er lagt á
hagræðingaraðgerðir spítalans í
tengslum við hópuppsagnir í janúar
síðastliðnum. Segir að hagræðingar-
aðgerðirnar virðist hafa verið nokk-
uð vel undirbúnar og þær virðist
taka mið af eðlilegri forgangsröðun
spítalans. Ljóst sé að líkur séu á að
nokkur samdráttur verði í þjónustu í
ýmsum þáttum starfseminnar og
einnig sé nokkur óvissa um að þau
svið sem hafi átt í erfiðleikum við að
halda niðri rekstrarkostnaði á síð-
ustu árum nái að fylgja eftir þeim
áætlunum sem gerðar hafi verið.
Í skýrslunni, sem kynnt var á
blaðamannafundi BHM í gær, er
einnig farið yfir aðra möguleika og
valkosti í þessum efnum. Bent er á
að leita megi leiða til aukinnar stýr-
ingar á aðgangi að bráðamóttökum,
en í dag megi segja að allir sem komi
á bráðamóttökur LSH fái þá þjón-
ustu sem beðið sé um óháð því hvort
um sé að ræða bráðatilfelli.
Þá sé rétt að kanna möguleika á að
úthýsa rekstrarþjónustu í enn ríkari
mæli en þegar hafi verið gert. LSH
eigi að leggja megináherslu á að
sinna kjarnastarfsemi sinni og reyna
að tryggja hagkvæma og skilvirka
stoðþjónustu í samræmi við þarfir
hennar. Fara þurfi yfir hvaða klín-
ískri stoðþjónustu LSH eigi sjálft að
halda úti sem nauðsynlegum hluta
fyrstu meðferðar og hvaða þjónustu
spítalinn vilji hugsanlega kaupa eða
jafnvel losna við að sinna, en breyt-
ingar á þjónustuframboði LSH í
þessum málum séu að miklu leyti
háðar stefnumótandi ákvörðunum
yfirvalda í heilbrigðis-, trygginga- og
félagsmálum.
Aukið svigrúm
Þá er bent á að kjarasamningar
starfsmanna ríkisins og lagarammi
hafi breyst í átt að því sem gerist á
almennum vinnumarkaði og stjórn-
endur LSH gætu nýtt sér betur það
aukna svigrúm sem stjórnendum
ríkisstofnana hafi verið skapað með
breyttum lögum um réttindi og
skyldur starfsmanna ríkisins.
Einnig kemur fram að launakostn-
aður LSH sé 67% af heildarútgjöld-
um á árinu 2003 og því sé eðlilegt að
horfa til að hagræða í þessum lið eins
og hægt sé. Fara þurfi á gagnrýninn
hátt yfir þætti eins og fjölda starfs-
manna í hverri stétt og verkaskipt-
ingu og hvort hugsanlegt sé að flytja
verkþætti frá hærra launuðum stétt-
um til þeirra sem þiggi lægri laun án
þess að dragi úr gæðum eða öryggi.
Þá segir að virkt stjórnskipulag sé
lykill að því að LSH nái markmiðum
í starfsemi sinni og ganga þurfi úr
skugga um hvort núverandi skipulag
á stjórnun sviða sé það heppilegasta
til að takast á við áskoranir í rekstri
þeirra.
Bent er á að legutími sé í einhverj-
um tilfellum of langur og að 158
manns hafi í síðasta mánuði beðið
eftir því að komast í varanlega vist-
un, en þetta geti skekkt rekstrarleg-
an samanburð við áætlanir og spítala
erlendis.
Sameiginleg innkaup
Fram kemur að kanna ætti mögu-
leika á sameiginlegum innkaupum
með erlendum aðilum á lyfjum og
leita leiða til að fá undanþágu fyrir
LSH frá útgáfu fylgiseðla á íslensku
vegna lyfja sem notuð séu innan spít-
alans.
Loks er bent á að umfang fast-
eigna- og tækjarekstrar LSH sé
verulegt og rétt sé að leita leiða til að
einfalda rekstur þeirra og auka skil-
virkni. Fara þurfi yfir hvaða rekstr-
arform henti best í því sambandi.
Í skýrslunni kemur einnig fram að
spítalinn sé að skila mjög góðum ár-
angri á vissum sviðum í samanburði
við nokkra erlenda spítala sé horft til
fjölda legudaga og þar sem árangur
sé lakari sé í flestum tilvikum um að
ræða greinar þar sem spítalinn sé að
sinna víðtækara hlutverki en saman-
burðarspítalarnir.
Skýrsla KPMG fyrir BHM vegna hópuppsagna á Landspítala – háskólasjúkrahúsi
Líkur á frekari sparnaðarað-
gerðum á næstu tólf mánuðum
Morgunblaðið/Þorkell
Gísli Tryggvason framkvæmdastjóri og Halldóra Friðjónsdóttir formaður
á miðstjórnarfundi Bandalags háskólamanna í gær.
„VIÐ erum að fikra okkur áfram
enda leggjum við mikla áherslu á
list- og verkgreinar og þar kemur
þetta inn í sem einn af aðalmögu-
leikunum,“ segir Jón Haukur Daní-
elsson, kennari í Brúarskóla, um
námskeið í hreyfimyndagerð og
hvernig það komi til með að nýtast
nemendum.
Brúarskóli er sérskóli fyrir nem-
endur með geðrænan, hegð-
unarlegan og félagslegan vanda og
byggir á grunni Einholtsskóla og Hlíðarhúsaskóla en
Einholtsskóli hefur einmitt náð góðum árangri á
kvikmyndahátíð grunnskóla Reykjavíkur. „Við
byggjum á góðri reynslu og hefð og það er spurning
um að halda því við,“ segir Jón Haukur.
Skólinn hefur fram að þessu unnið í litlum mæli að
hreyfimyndagerð en ætlunin er að bjóða upp á stutt-
myndagerð, einkum fyrir yngri nemendur, í sam-
starfi við myndmenntakennara skólans, að hans
sögn.
Mikil áhersla verkgreinar
Jón Haukur
Daníelsson