Morgunblaðið - 19.02.2004, Side 11

LÍKFUNDURINN Í NORÐFIRÐI
MORGUNBLAÐIÐ FIMMTUDAGUR 19. FEBRÚAR 2004 11
FRÁBÆRT VERÐ !
OSRAM flúrperur
Lumilux Daylight,
Lumilux Cool White
Lumilux Warm White
Lumilux Interna
Kaupbætir fy lg i r hver jum
100 stk af perum.
Jóhann Ólafsson & Co Johan Rönning Reykjavík/Akureyri Rekstrarvörur Reykjavík
Rafbúðin Álfask. Hfj. Rafbúð R.Ó. Keflavík Árvirkinn Selfoss
Faxi Vestmannaeyjar Rafás Höfn S.G. Raftv. Egilsstaðir
Víkurraf Húsavík Ljósgjafinn Akureyri Tengill Sauðárkrókur
Straumur Ísafjörður Glitnir Borgarnes Rafþj.Sigurdórs Akranes
Það birtir til með OSRAM
Inger: Og við erum að leita aðstoð-
ar ykkar.
Hörður: Þannig að hægt sé að
tengja hann við einhvern hér, hann er
alveg einangraður eins og er.
Spurning: Er eitthvað sem bendir
til þess hvert maðurinn hafi verið að
fara og hvert þessi fíkniefni voru ætl-
uð, hvert átti að fara með þau?
Hörður: Nei.
Inger: Ekki á þessu stigi.
Spurning: Þið eruð ekki með neina
kenningu, eins og þú segir, þú veist
ekki til þess að menn hafi fundist með
svona mikið magn inn í sér áður, hvað
slíkur maður er að gera á Neskaup-
stað? Ég segi ekki af öllum stöðum,
en það er kannski ekki alræmt fíkni-
efnabæli?
Hörður: Ég held að það hljóti að
liggja í augum uppi að maður sem
stendur í svona vill vera einhvers
staðar á afviknum stað, með fullri
virðingu fyrir Neskaupstað, þá vill
maður vera á afviknum stað, því það
getur nú tekið dálítinn tíma að losa
sig við annað eins og þetta. Það er
ekki óþekkt í þessum bransa að menn
fari einhvers staðar á afvikinn stað.
Menn þrífast tæplega inni á venju-
legu heimili með þetta.
Spurning: Menn tengja þetta ekki
við Kárahnjúka eða eitthvað slíkt, að
það hafi verið ætlaður sölustaður?
Hörður: Nei, ekkert frekar.
Spurning: Ykkur hefur ekki tekist
að sanna nein tengsl við aðra, en hef-
ur ekki tekist að finna neina ættingja
þessa manns í Litháen?
Hörður: Nei, það var bara í dag
sem komu fyrstu vísbendingar um
það sem hann var að segja, um hver
þessi maður væri.
Spurning: Þannig að það er enginn
hér á Íslandi sem veit um ferðir þessa
manns, enginn litháískur sem býr hér
eða er hér, sem þekkir hann?
Hörður: Nei og þar af leiðandi eng-
inn sem saknar hans, ef það er það
sem þú átt við.
Arnar: Ef ég má aðeins bæta við í
sambandi við þetta. Að sjálfsögðu eru
einhverjir á Íslandi sem vita um ferð-
ir þessa manns og að því beinist rann-
sóknin að vita hverjir það eru. Mjög
líklega eru þeir aðilar að horfa á okk-
ur, það er nú m.a. ein ástæðan fyrir
því að það er ekki hægt að segja allt í
svona rannsókn. Prinsippið er nú oft
þannig að því minna sem hinir
grunuðu vita, þeim mun sterkari er
staða þeirra sem eru að rannsaka og
við verðum að geta haldið til haga
ákveðnum upplýsingum til að vera í
betri stöðu til að finna hina grunuðu.
Að sjálfsögðu er maðurinn grunaður
um að hafa verið að flytja hér í þágu
einhverra íslenskra tengiliða.
Spurning: Hafa verið einhver
tengsl við Litháen eða Litháa hér á
landi í fíkniefnamálum eða skipulögð-
um fíkniefnainnflutningi á síðustu ár-
um?
Hörður: Nei, ég held ég verði að
svara því þannig, ég minnist þess
ekki.
Spurning: Nú hefur það verið
gagnrýnt á síðustu dögum hversu
takmarkaðar upplýsingar hafa feng-
ist af rannsókninni. Innihaldslitlar
fréttatilkynningar, með loforði um
frekari fréttatilkynningar sem svo
hafa ekki staðist. Símsvörun hjá
Neyðarlínunni þegar hringt er í
sýslumannsembættið á Eskifirði.
Hverju svarar þú þeirri gagnrýni?
Inger: Ég tel rétt að taka fram að
fyrstu tvo dagana voru veitt fjögur
viðtöl til stærstu fjölmiðla af lögregl-
unni, um helstu atriði sem áttu erindi
til almennings. Eftir þann tíma tók
við rannsókn af fullum þunga. Þetta
er lítið lið sem þarna er og við fáliðuð,
af rannsóknarhagsmunum var
brugðið á það ráð að vera með frétta-
tilkynningar og jafnframt höfðum við
ekki mannskap til að svara í síma.
Svona eins og 40-50 símtölum á dag,
það er útilokað, það er það lítið emb-
ætti, við hefðum þá ekki gert neitt
annað.
Spurning: Nú hafa um 40 manns
komið að rannsókninni.
Inger: Já, á Eskifirði.
Spurning: Símtölum hefur ekki
verið beint neitt annað til að fá svör,
við höfum verið skilin eftir alveg án
nokkurra svara.
Inger: Nei. Það var heldur ekkert á
þessu rannsóknarferli sem gaf tilefni
til fjölmiðla fyrr en í dag.
Spurning: Finnst þér framkvæmd
þessa máls og þessi mannskortur
sem þú lýsir fyrir austan gefa tilefni
til þess að það verði breytt reglum og
jafnvel búin til einhver liðsheild sem
þá kæmi út á land og tæki yfir svona
rannsóknir og hefði þá mannafla til
þess?
Inger: Ég tel að við höfum notið
góðrar aðstoðar hérna, færustu sér-
fræðinga. Ég skil spurninguna svo að
þetta sé gagnvart fréttaflutningi að-
allega.
Spurning: Ja, upplifir þú það þann-
ig að þú hafir ekki nægan mannafla til
að anna öllu því sem snýr að rann-
sókninni, upplýsingastreymi til al-
mennings hlýtur að falla undir það
líka..?
Inger: Það er hlutverk embættis-
ins að upplýsa þetta mál og það hefur
forgang. Til þess að svo sé að við get-
um upplýst ykkur um annað þá mun-
um við að sjálfsögðu gera það um leið
og efni og aðstæður leyfa.
Hörður: Ef þú ert að meina að fá
aðstoð að sunnan þá er hún stað-
reynd.
Spurning: Ég er bara að meina
þannig að það liggi fyrir fyrr en eftir
eina viku hvort það gangi laus morð-
ingi í samfélaginu.
Arnar: Ef ég má í sambandi við
þetta skýra það svolítið að samkvæmt
lögreglulögunum þá hefur embættið
hér, Ríkislögreglustjóraembættið,
ákveðin deild hér, það hlutverk að
vera til aðstoðar embættum úti á
landi þegar upp koma erfið sakamál.
Sýslumaðurinn leitaði strax til Rík-
islögreglustjórans og fór eftir þeim
leiðum sem löglegar og eðlilegar eru
og gert er ráð fyrir og leitaði síðan til
lögreglustjórans í Reykjavík varð-
andi tækniaðstoð. Eftir sem áður eru
rannsóknirnar á forræði sýslumann-
anna og við komum til aðstoðar með
þá sérfræðiþekkingu sem þarf í
hverju máli. Að okkar mati hér hefur
það gengið ákaflega vel hvað rann-
sóknina varðar. Það hefur verið unnið
dag og nótt, við vitum að kollegar
okkar fyrir austan hafa unnið dag og
nótt, bæði sýslumaðurinn og hennar
lið, við að reyna að upplýsa þetta mál
og það kann að hafa komið niður á því
hversu oft þau hafa getað svarað í
símann eða sinnt fjölmiðlum, en
svona eru línurnar lagðar í lögreglu-
lögunum og eftir því höfum við farið.
Spurning: Það kom fram hjá lög-
reglumönnunum fyrir austan að þeir
hefðu aldrei lent í svona málum áður.
Hefði verið ástæða til að fá enn meiri
liðstyrk að sunnan af mönnum sem
hafa kannski meiri reynslu af svona
málum, að fá enn meiri liðstyrk
strax?
Inger: Hann var veittur, sá lið-
styrkur sem við fórum fram á. Við
teljum svo.
Spurning: Eru í reglum heimildir
fyrir Ríkislögreglustjóra að taka yfir
forræði rannsókna af þessu tagi?
Arnar: Það er möguleiki, já.
Spurning: Var það skoðað ein-
hvern tímann á einhverju stigi að það
væri gripið þannig inn í, þannig að
ríkislögreglustjóri tæki yfir forræði
þessarar rannsóknar?
Arnar: Nei, ég veit ekki til þess að
það hafi komið neitt til umræðu, enda
hefur að okkar mati málið og rann-
sóknin gengið eðlilega fyrir sig á allan
hátt.
Spurning: Var þessi fingrafara-
greining gerð í Litháen, sem leiddi til
þess að það voru borin þessi kennsl á
viðkomandi?
Hörður: Það voru að sjálfsögðu
tekin fingraför af líkinu og þau send
út til Interpol, hvaða skrifstofa Int-
erpol það var sem vann málið, hvort
það fór alla leið þangað eða í höfuð-
stöðvarnar í Lyon í Frakklandi, ég
bara veit það ekki.
Spurning: Ég spyr út af því að þú
segir að það séu mörg nöfn sem fylgja
þessum fingraförum, eru einhver
tengsl þarna grunuð við skipulagða
glæpastarfsemi í einhverjum tiltekn-
um ríkjum?
Arnar: Þeir sem flytja fíkniefni,
stundum kallaðir burðardýr fíkni-
efna, nota stundum mörg nöfn. Þau
eru kölluð alias-nöfn. Þeir ganga und-
ir ýmsum nöfnum og það þarf að
finna réttan aðila, rétt nafn á mann-
inn, þótt fingraförin séu þekkt og per-
sónan. En varðandi spurninguna um
hvert var leitað, þá var leitað auðvitað
til margra landa, en þetta hefur verið
staðfest af skrifstofunni í Vilnius og í
Wiesbaden.
Spurning: Þannig að hann hefur
verið á sakaskrá, þessi einstaklingur?
Arnar: Já, það hafa verið tekin af
honum fingraför erlendis vegna saka-
mála.
Spurning: Hvað gerðist í dag og
hvaða nafn fylgir fingraförunum í
Wiesbaden eða Vilnius?
Arnar: Á þessari stundu getum við
ekki gefið upp þau nöfn af ýmsum
ástæðum. Það á náttúrulega eftir að
finna út úr þessu nákvæmlega. Við
eigum eftir að bera þetta saman við
aðrar upplýsingar sem við erum með
og kanna svona hvernig þetta tengist
hinum íslensku aðstæðum. Þetta kom
bara í dag, það er vinna úti til þess að
hafa samband við fjölskyldu manns-
ins og ættingja, og af fleiri ástæðum.
Spurning: Er búið að bera þetta
nafn, sem stendur á fæðingarvottorði
mannsins, reikna ég með, við far-
þegalista þeirra sem hafa komið til
landsins undanfarið?
Arnar: Já.
Spurning: Þannig að þið getið stað-
fest að hann hafi komið hérna undir
þessu nafni?
Arnar: Já, undir einum af þeim
nöfnum sem að hann er þekktur fyrir.
Spurning: Fyrir Íslendinga sem
hafa þá mögulega þekkt hann undir
því nafni sem er á hans vegabréfi,
hvort sem...
Arnar: Nei, sú ákvörðun var tekin
að gefa ekki upp nafnið á þessari
stundu.
Spurning: Þannig að hann þekktist
á myndum við komuna?
Arnar: Já, við höfum séð hann á
farþegalista til landsins.
Spurning: Hefur hann komið áður
til landsins?
Arnar: Það er bara í skoðun, það er
í skoðun ennþá, ég get ekki svarað
því?
Spurning: Þið senduð fyrirspurn til
Vilnius á sunnudaginn, er það þessi
sami maður eða það sama nafn sem
þið voruð með þá, þið spurðust fyrir
um tiltekið nafn, og það er komið í
ljós að hann var þá ekki á skrá, en það
er þá þessi sami maður, eða hvað seg-
ir þú um það?
Arnar: Því getum við ekki svarað,
við höfum sent nokkrar fyrirspurnir
um nokkra aðila, þannig að við viljum
halda því lokuðu að svo stöddu.
Spurning: Þið hafið aðallega spurt
um tiltekið nafn.
Arnar: Við höfum spurt um nokkra
aðila.
Spurning: Hversu marga?
Arnar: Ég hef ekki töluna.
Spurning: Tugir eða?
Arnar: Nei, ekki tugir.
Spurning: Innan við tíu?
Arnar: Ég vil bara ekki gefa upp
fjöldann.
Spurning: Miðað við aðstæður á
þeim stað þar sem líkið fannst, eru þá
líkur á að einn maður hafi getað verið
að verki, eða er grunur um að þeir
hafi verið fleiri?
Hörður: Tæknirannsóknin og það
sem kom fram við hana, það finnst
okkur benda til þess að þetta hafi
ekki verið eins manns verk.
Spurning: Er búið að ákvarða dán-
arstund?
Hörður: Nei, en ég sagði áðan, nið-
urstaðan er ekki komin, þannig að
það liggur ekki fyrir report frá
meinafræðingunum sem krufðu,
þannig að ég er ekki með það.
Spurning: Ekki heldur þá hversu
lengi hann hefur verið í sjó?
Hörður: Nei, það er eitt af því sem
á eftir að koma fram.
Spurning: Þetta er mjög gagnlegur
fundur, miklar upplýsingar sem við
fáum. Þýðir þetta einhverja viðhorfs-
breytingu hjá þeim sem fara með
þessa rannsókn, að þeir verði með tíð-
ari tilkynningar um hvað er að gerast
og kannski aðeins um það hvernig þið
lítið á hlutverk lögreglu í því að gefa
fjölmiðlum upplýsingar um hvað er
að gerast í rannsókninni? Hvert væri
tilefni til að boða til svona fundar.
Munuð þið greina t.d. frá handtökum
í þessu máli?
Inger: Já, það munum við vænt-
anlega gera og nú hefur tæknilegi
hluti rannsóknarinnar færst töluvert
mikið, þó töluvert starf sé eftir óunnið
á Austfjörðum, færst hingað til
Reykjavíkur og það er m.a. tilefni
komunnar hingað, að yfirfara með
Ríkislögreglustjóraembættinu og
fleiri aðilum og nota þá tækifærið til
að tala við fjölmiðla í leiðinni. Það
kynni svo að vera í náinni framtíð að
það gæfist meiri tími þá fyrir austan.
Morgunblaðið/Júlíus
Blaðamannafundur í húsnæði RLS um gang rannsóknarinnar á líkfundinum í Neskaupstað.
LÖGREGLAN hefur nú lokið
rannsókn á bílnum sem sást á
bryggjunni aðfaranótt miðviku-
dags og lögreglan óskaði eftir
upplýsingum um.
Að því er fram kom á blaða-
mannafundinum var þar á ferð
grái jeppinn sem rannsakaður
var á Akureyri fyrr í vikunni.
Enn hefur ekkert komið út úr
rannsókn á honum, segir Hörður
Jóhannesson, yfirlögregluþjónn
hjá lögreglunni í Reykjavík.
Mennirnir sem leigðu bílinn tóku
við honum í Reykjavík, fóru á
honum austur á Neskaupstað og
til baka, en hann var svo leigður
af öðru fólki sem skildi við hann á
Akureyri. Þar var hann tekinn í
vörslu lögreglu og rannsakaður.
Lögregla á Austfjörðum hefur
undanfarið þrætt sumarhús og
gististaði í Norðfjarðarsveit og
leitað upplýsinga og vitna, og er
það liður í vinnu við að leita að
hugsanlegum vitnum og skoða
vísbendingar sem borist hafa,
segir Arnar Jensson, aðstoðaryf-
irlögregluþjónn hjá ríkislög-
reglustjóra. Meðal þess sem verið
er að athuga er hvort hinn látni
hafi komið þangað.
Sumarhús rannsökuð