Morgunblaðið - 19.02.2004, Síða 53

FRÉTTIR
MORGUNBLAÐIÐ FIMMTUDAGUR 19. FEBRÚAR 2004 53
ÁTAKSHÓPUR Höfuðborgarsam-
takanna og Samtaka um betri
byggð hefur sent frá sér eftirfar-
andi athugasemdir í framhaldi af
umfjöllun Morgunblaðsins um
Hringbraut í sunnudagsblaðinu 15.
febrúar. Millifyrirsagnir eru blaðs-
ins.
„Átakshópur Höfuðborgarsam-
takanna og Samtaka um betri
byggð þakkar lofsvert framtak
Morgunblaðsins í umfjöllun þess sl.
sunnudag um færslu Hringbrautar.
Átakshópurinn bendir á að ekki
er mögulegt að ræða um kostnað
við mannvirki án þess að reikna
með kostnaði vegna landsins, sem
þarf að leggja til. Það er grundvall-
aratriði við hverja framkvæmd að
gerð sé nákvæm grein fyrir þeirri
fórn samfélagsins að leggja til land.
Gildir þá einu hvort um er að ræða
skrifstofubyggingar, íbúðarhús,
flugvelli, sjúkrahús, stofnbrautir
eða virkjanir. Sömuleiðis gildir einu
hvar er byggt og hver byggir.
Stutt er síðan þjóðin klofnaði í
afstöðu til virkjana. Kjarni málsins
þar var huglægt mat á verðmæti
ósnortins víðernis. Í miðborg
Reykjavíkur er hins vegar þekkt
markaðsverð fyrir byggingarland
og samlegðaráhrif af nýtingarstigi
byggingarlands og útivistarsvæða í
miðborginni eru einnig vel þekkt.
Þögn borgaryfirvalda um þennan
meginþátt málsins, verðmæti
landsins, sem fer undir nýja Hring-
braut, er því með öllu ólíðandi og
óverjandi.
Svör borgaryfirvalda til Höfuð-
borgarsamtakanna vegna deili-
skipulags Hringbrautar vorið 2003,
sem þau vitna nú óspart til, voru
fullkomlega út í hött. Samtökin
kærðu þau því umsvifalaust til úr-
skurðarnefndar með kröfu um
stöðvun framkvæmda.“
Á ekki við rök að styðjast
„Fullyrðingar viðmælenda í
Morgunblaðsgreininni um að of
seint sé í rassinn gripið og fullyrð-
ing í Reykjavíkurbréfi, að athuga-
semdir (samtakanna) séu of seint
fram komnar og að ekki hafi verið
gerðar athugasemdir við umhverf-
ismat og deiliskipulag, eiga ekki við
rök að styðjast samanber viður-
kenningu Steinunnar V. Óskars-
dóttur í Silfri Egils 15. febrúar.
Hið rétta er að frá stofnun hafa
bæði Samtök um betri byggð og
síðar Höfuðborgarsamtökin beitt
sér af öllum mætti til að vekja at-
hygli á fyrirhugaðri færslu Hring-
brautar og skelfilegum afleiðingum
af framkvæmdinni.
Rangt er það, sem einn viðmæl-
enda fullyrðir, að brúin, sem byggð
var við Bústaðaveg 1990, sé svo dýr
að hún réttlæti ein og sér áfram-
hald þessarar fráleitu áætlunar.
Hið rétta er að brúin er býsna létt-
væg í því heildardæmi, sem um er
að ræða. Þó skal bent á að sam-
tökin nýta brúna að fullu í sinni til-
lögu að hringgatnamótum þar.
Sami viðmælandi fullyrðir að
skipulag í Reykjavík hafi í áratugi
miðast við færslu Hringbrautar. Sú
fullyrðing fær vart staðist. Lík-
legra er að færsla Hringbrautar sé
til komin í vanmáttugri viðleitni
borgaryfirvalda að komast fram
hjá Reykjavíkurflugvelli með stofn-
brautina, sem á skipulagsuppdrátt-
um lá um sunnanvert flugvallar-
svæðið vestur í Ægisíðu fram á 8.
áratug síðustu aldar.“
Urðu að beita
upplýsingalögum
„Á árunum 2000 og 2001 efndu
Samtök um betri byggð til tveggja
samráðsfunda um færslu Hring-
brautar með þátttöku fulltrúa frá
Háskóla Íslands, Borgarfræðasetri,
Miðborgarstjórn, Landspítala – há-
skólasjúkrahúsi, eigendum Um-
ferðarmiðstöðvar og íbúasamtök-
um.
2001 þurftu samtökin tvívegis að
beita upplýsingalögum til að knýja
embætti borgarverkfræðings til að
afhenda opinber gögn um Hring-
braut. Samtökin höfðu þá þegar
reynt að koma á framfæri þeim til-
lögum samtakanna, sem nú liggja
fyrir og hafa verið grófhannaðar og
verðmetnar.
Á árunum 2000–2002 sendu sam-
tökin borgarráði, borgarstjóra og
borgarverkfræðingi allmörg erindi
um færslu Hringbrautar. Á árun-
um 2002–2003 gerðu Samtök um
betri byggð og Höfuðborgarsam-
tökin formlegar athugasemdir við
umhverfismat Hringbrautar og við
aðal- og deiliskipulagsbreytingar
vegna fyrirhugaðra framkvæmda
við brautina. Vorið 2003 kærðu
Höfuðborgarsamtökin svör og
málsmeðferð borgaryfirvalda eins
og áður er sagt.“
Flutningurinn sýndur
í aldarfjórðung
„Fullyrðing viðmælenda í Morg-
unblaðsgreininni um að færsla
Hringbrautar hafi verið á dagskrá í
3 áratugi er ekki rétt. Hið rétta er
að færslan var sýnd á skipulags-
uppdráttum sem einfalt strik á
blaði í röskan aldarfjórðung. Fram-
kvæmdin komst ekki á dagskrá
fyrr en samgönguyfirvöld sáu fyrir
endann á byggingu nýs flugvallar í
Vatnsmýri fyrir 5 árum. Frá þeim
tíma hafa samtökin barist með oddi
og egg gegn þessum áformum.
Engin marktæk samgöngubót
hlýst af tillögu Vegagerðarinnar.
Margt bendir jafnvel til þess að að-
stæður muni versna, m.a. með til-
komu nýrra gatnamóta við Bar-
ónsstíg. Fjarlægðin þeirra frá
Njarðargötu (450 m) er langt undir
viðmiðunarmörkum fyrir braut af
þessu tagi og getur aðeins leitt til
mikilla umferðartafa. Bæði þessi
ljósagatnamót eru auk þess sömu
gerðar og nú er reynt að losna við
á mótum Miklubrautar og Kringlu-
mýrarbrautar. Því muni ábati af
viðstöðulausum gegnumakstri á
Hringbraut við Bústaðaveg t.d.
ekki skila sér.
Átakshópur Höfuðborgarsamtak-
anna og Samtaka um betri byggð
ítrekar það, sem áður var sagt, að
ekki er mögulegt að ræða um
kostnað við mannvirkjagerð án
þess að reikna með kostnaði vegna
landsins, sem þarf að leggja undir.
Því eru fullyrðingar í Morgunblaðs-
greininni og í Reykjavíkurbréfinu
um háan kostnað við tillögu sam-
takanna alrangar.
Borgaryfirvöld hafa nýlega
hækkað kostnaðarmat á sinni fram-
kvæmd um 25%, úr 1.200 millj-
ónum í 1500 milljónir kr. Við nán-
ari athugun hafa samtökin
endurmetið kostnað tillögunar um
Hringbraut í stokk og telja nú að
hann geti numið um 3.000 millj-
ónum kr.
Borgaryfirvöld og Vegagerð taka
byggingarkostnað út fyrir sviga og
láta sem lóðakostnaður sé núll.
Samfélagslegt verðmæti landsins
er þó eftir sem áður jafn mikið.Yf-
irvöld eru einfaldlega að sóa dýr-
mætu landi, einn ganginn enn.
Einmitt þetta athæfi, að meta
landið einskis og fara illa með það,
er meginorsök þess, að miðborg
Reykjavíkur er að koðna niður og
byggðin á höfuðborgarsvæðinu er
tvístruð yfir svæði, sem evrópsk
stórborg væri fullsæmd af. Afleið-
ingin er sú að eina raunverulega
þéttbýli á Íslandi er mjög óskil-
virkt.
Óskilvirknin birtist m.a. í minni
afköstum samfélagsins, í glötuðum
tækifærum, í mikilli sóun fjármuna
og ekki síst í þeim þjáningum, sem
fylgja gengdarlausri tímasóun íbú-
anna. Þeir eru neyddir til að búa
við afleitt borgarskipulag, sem
kjörnir fulltrúar og ráðnir embætt-
ismenn pukrast með sem sitt eigið
einkamál.
Ólíklegt er að byggt verði á lóð
Landspítala við Hringbraut í náinni
framtíð. Ekki er byrjað að skipu-
leggja lóðina hvað þá að hanna og
fjármagna byggingar. Og engin
sátt er enn um grundvallarfyrir-
komulag. T.d. virðist mörgum, sem
vel þekkja til mála, hagkvæmt að
byggja upp hátæknideildir í Foss-
vogi en langlegu- og geðheilbrigð-
isdeildir við Hringbraut.“
Umferð ekki aukin
„Umferð hefur ekki aukist að
miðborginni á undanförnum árum.
Jafnvel hefur heldur dregið úr
henni eins og sést með samanburði
sniðtalninga (þversnið 1, frá 2000–
2003). Þessi minnkaða umferð end-
urspeglar hins vegar hina dapur-
legu hnignun miðborgarinnar.
Ekkert knýr því á um þessa
framkvæmd nú. Átakshópurinn
áréttar þá kröfu að borgaryfirvöld
fresti framkvæmdinni svo kjósend-
ur í Reykjavík geti kynnt sér allar
hliðar málsins. Hann krefst þess að
borgaryfivöld standi við þau fyr-
irheit, sem gefin eru í Aðalskipu-
lagi Reykjavíkur 2001–2024 að gert
verði heildarskipulag af Vatnsmýr-
arsvæðinu á yfirstandandi kjör-
tímabili. Hópurinn mælir með því
að skipulagsyfirvöld láti af því
óráðshjali, sem þeim er nú tamt, að
bútasaumsaðferðin í borgarskipu-
lagi sé hið besta mál, sbr. orð
Steinunnar V. Óskarsdóttur í Silfri
Egils sl. sunnudag og svipuð um-
mæli yfirmanna Borgarskipulags á
skipulagsráðstefnu nýverið.“
Athugasemdir við umfjöllun
um flutning Hringbrautar
LÖGREGLAN í Hafnarfirði biður
þá sem urðu vitni að umferðaróhappi
á gatnamótum Arnarnesvegar og
Fífuhvammsvegar hinn 13. febrúar
að hafa samband við lögreglu í síma
525-3300. Þar lentu saman Nissan
Patrol-jeppabifreið er ekið var vest-
ur Arnarnesveg og Toyota Yaris-
fólksbifreið er ekið var austur þann
sama veg með áætlaða akstursstefnu
norður Fífuhvammsveg.
Vitni óskast
LIONSKLÚBBURINN Fjörgyn
færði Barnaspítala Hringsins ný-
lega að gjöf tvo súrefnismett-
unarmæla og hjartsláttarvaka til
notkunar á spítalanum. Mælar
þessir eru nákvæmir og áreið-
anlegir og þannig gerðir að hreyf-
ingar barna trufla mælingar afar
lítið.
Lionsklúbburinn Fjörgyn hefur
undanfarin ár styrkt Barnaspítala
Hringsins ötullega. Þannig hafa
Lionsfélagar, einir eða í samstarfi
við aðra, fært Barnaspítala
Hringsins gjafir, þar á meðal önd-
unarvél fyrir nýbura og fyrirbura,
hitakassa fyrir fyrirbura, heilasí-
rita fyrir börn, brunabað fyrir
brunasjúklinga, magaspegl-
unartæki, lungnaspeglunartæki,
bakflæðimæli, ristilspeglunartæki,
stafræna myndavél og hjarta-,
öndunar- og súrefnisvaka fyrir
bráðamóttöku barna. Áætlað
heildarverðmæti gjafanna er um
15 milljónir króna.
Félagar úr Lionsklúbbnum Fjörgyn ásamt læknum af Barnaspítala Hrings-
ins og gullfiskinum Rauðhettu við afhendingu gjafarinnar.
Gáfu Barna-
spítalanum tæki
SLYSAVARNAFÉLAGIÐ Lands-
björg hefur gefið út námsefni í Lífs-
leikni um slys og slysavarnir. Höf-
undur bókanna, sem eru 6, er
Unnur María Sólmundardóttir.
Námsefnið byggist á sögu um gei-
málf frá plánetunni Varslys og er
ætlað til kennslu í 4.–6. bekk grunn-
skóla. Í byrjun vikunnar mættu þau
Aðalsteinn Magnússon og Lilja
Magnúsdóttir frá Björgunarsveit-
inni Tálkna í Grunnskóla Tálkna-
fjarðar og afhentu nemendum 4. og
5. bekkjar námsbækurnar að gjöf.
Útskýrði Lilja í fáum orðum fyrir
börnunum hlutverk og starfsemi
björgunarsveita og slysavarna-
félaga í landinu. Markmið Slysa-
varnafélagsins Landsbjargar með
útgáfu þessa námsefnis, er að vekja
athygli barna og foreldra á nauðsyn
þess að vera vakandi fyrir umhverfi
sínu og gæta varúðar hvar sem
maður er á ferð. Draga úr slysum
hjá börnum og unglingum og virkja
samvinnu heimila og skóla. Gera
börn meðvituð um ábyrgð á eigin
velferð. Verkefnið er unnið í sam-
starfi fjölmargra aðila. Til þess að
auka líkur á því að ná eyrum mark-
hópsins, var tekin sú ákvörðun að
gefa öllum nemendum í 4. bekk í
grunnskólum landsins bækurnar.
Morgunblaðið/Finnur
Lands-
björg
gefur
námsefni
Lilja Magnúsdóttir og Aðalsteinn
Magnússon afhentu þeim Helgu
Kristínu Tryggvadóttir og Sölku
Kolbeinsdóttur bækurnar, en þær
tóku á móti gjöfinni fyrir hönd
bekkjarins.
Tálknafirði. Morgunblaðið
Nemendurnir ásamt Ingólfi Kjartanssyni skólastjóra, Lilju, Aðalsteini og
Evu Lilju Ólafsdóttur kennara sínum. Börnin í fremri röðinni eru f.v.: Adri-
an, Helga, Tómas, Ólafur, Bjarki, Styrmir, Salka, Gunnlaugur og Hilmar.
♦♦♦