Morgunblaðið - 20.02.2004, Qupperneq 18

ERLENT
18 FÖSTUDAGUR 20. FEBRÚAR 2004 MORGUNBLAÐIÐ
BRETAR hafa lengi verið hrifnir af tepp-
um og hafa verið með þau í hólf og gólf á
heimilum sínum og jafnvel á vinnustöðum.
Allt er þó breytingum undirorpið og nú eru
teppin að detta úr tísku og parketið að taka
við. Það ætlar þó ekki ganga þrautalaust
fyrir sig því að á árinu 2002 ári slösuðu sig
hvorki meira né minna en 12.000 manns á
nýja gólfefninu sínu. Kom þetta fram í The
Times í gær og þar sagði, að mikill áróður
fyrir parketinu í sjónvarpi væri greinilega
farinn að skila sér. Talsmaður samtaka,
sem vinna gegn slysum, sagði, að líklega
þyrfti að kenna landsmönnum að umgang-
ast parket og benti á, að það gæti verið
varasamt að ganga á því á venjulegum
sokkum. Af öðrum slysum í heimahúsum
má nefna, að á fyrrnefndu ári fjölgaði
þeim, sem slösuðu sig við að falla úr stiga,
og voru 14.000 í stað 10.000 1999. Slysum,
sem tengdust pottablómum, fækkaði hins
vegar úr 5.300 í 3.500. Á þessu ári, 2002,
slösuðust 5.310 manns við það eitt að troða
sér í buxurnar en sem betur fyrir karl-
mennina, þá fækkaði heldur þeim, sem
meiddu sig á viðkvæmum stað með renni-
lásnum.
Ólympíuboðorðin 10
PRESTAR grísku rétttrúnaðarkirkjunnar
hafa fengið ný boðorð til að fara eftir og
koma þau beint frá æðstu yfirvöldum henn-
ar. Fyrsta boðorðið er, að þeir taki ærlega til
og þrífi kirkjurnar og það annað, að þeir sýni
stillingu og láti ekki þjóðerniskennd og
íþróttaæsing ná tökum á sér á Ólympíu-
leikunum í Aþenu í sumar. „Kirkjurnar
verða að vera tandurhreinar,“ sagði í blaðinu
Eleftheros Typos um hina nýju útgáfu af
boðorðunum 10. Eru prestarnir einnig var-
aðir alvarlega við að hringja kirkjuklukkum
„að ástæðulausu“ og þeir mega aldrei fara úr
svarta kuflinum sínum, sama hve heitt verð-
ur í veðri eða af öðrum ástæðum.
Ó, þvílík angan
NETNOTENDUR í Bretlandi mega brátt
búast við, að ljúf angan leiki um vit þeirra
þegar þeir opna póstinn sinn. Að því er seg-
ir í The Times, ætlar netþjónustufyrirtækið
Telewest Broadband að setja á markað sér-
stök „ilmhylki“, sem tengja má einkatölv-
unni með sama hætti og blekhylkin prent-
aranum. Í þeim verða 20 hólf fyrir ólíkan
ilm og unnt er að sameina anganina frá
þeim þannig, að um verður að velja 60 ilm-
tegundir. Sá, sem sendir tölvupóstinn,
ákveður ilminn með rafboðum. Netnot-
endur geta einnig stillt tölvuna sína þannig,
að hún láti þá vita af nýjum pósti með sér-
stakri lykt, til dæmis af nýbökuðu brauði
eða kaffi. Hjá fyrirtækinu fyrrnefnda er nú
verið að reyna þessa nýju tækni en búist er
við, að hún muni kosta til að byrja með um
25.000 ísl. kr.
Kýrnar á kjörskrá
BRENDA Gould hefur komist í kast við lögin
í annað sinn fyrir að skrá kýrnar sínar sem
kjósendur til sveitarstjórnar. Var þetta mál
tekið fyrir í bæjarstjórninni í East Cam-
bridgeshire á Englandi í gær og kom jafn-
framt fram, að þetta hefði hún einnig reynt á
síðasta ári. Þá skráði hún kýrnar sína tvær,
þær „Henry og Sophie Bull“, sem kjósendur
og líka þriðju persónuna, „Jake Woofles“.
Hún reyndist vera hundurinn hennar. Nú hélt
hún því fram, að bænum sínum hefði verið
skipt og heimilisföngin því tvö. Ætti hún ann-
að en tvær aðrar persónur hitt. Þær reyndust
náttúrulega vera kýrnar hennar og var Gould
að þessu sinni sektuð um 26.000 ísl. kr.
ÞETTA GERÐIST LÍKA
Bretum verður
hált á parketinu
Reuters
ÞESSI kona, klædd sem trúður, tók
þátt í kjötkveðjuhátíð í Köln í gær en
nú er fastan að hefjast og verður mest
um að vera á mánudag.
Kjötið kvatt í Köln
Myndin til vinstri sýnir gífurlega stórt svarthol rífa í sig stjörnu en
hvíti hringurinn sýnir hvar það er niðurkomið. Var myndin tekin
með 1,5 metra breiðum, dönskum stjörnukíki í La Silla-stjörnuat-
hugunarstöðinni í Chile. Er hún rekin af Evrópsku geimvís-
indastofnuninni. Myndin til hægri er skýringarmynd og sýnir
stjörnuna efst til vinstri og hvernig hún dregst að og flest út er
hún nálgast svartholið. Hvíti strengurinn næst svartholinu er sá
hluti stjörnunnar, sem hverfur inn í það, en aðrir hlutar hennar
þeytast út í himingeiminn.
Reuters
Hamfarir í
himingeimnum
AP
EFTIR helgi mun Alþjóðadómstóllinn í Haag
taka fyrir lögmæti aðskilnaðarmúrsins á Vest-
urbakkanum og er það spá margra lögspek-
inga og einnig ísraelska dómsmálaráðherrans,
að múrinn verði úrskurðaður ólögmætur og
brot á alþjóðalögum.
Það var allsherjarþing Sameinuðu þjóðanna,
sem skaut málinu til dómstólsins og bað hann
um lagalegt álit á múrnum. Ísraelar halda því
aftur fram, að dómstóllinn hafi ekki lögsögu í
málinu þar sem um sé að ræða pólitískt mál
og rétt þeirra til sjálfsvarnar.
Sérfræðingar í alþjóðarétti vísa þessum rök-
semdum Ísraela á bug.
„Að mínu viti leikur enginn vafi á, að um er
að ræða lagalegt álitaefni. Það snýst um
ákveðin atriði alþjóðalaga: Hve langt megi
ganga í sjálfsvarnarskyni; um skyldur her-
námsveldis gagnvart óbreyttum borgurum og
um mikilvægi ákvarðana öryggisráðs og alls-
herjarþings Sameinuðu þjóðanna,“ segir Oli-
vier Ribbelink hjá TMC Asser-lagastofnuninni
í Haag.
Heikelina Verrijn Stuart, hollenskur lög-
fræðingur, sem fylgst hefur með málaferlum
fyrir Alþjóðadómstólnum, segir, að með allar
ályktanir allsherjarþingsins og öryggisráðsins
gegn Ísrael í huga, geti dómstóllinn ekki kom-
ist upp með að vísa málinu aftur til SÞ.
Sérfræðingarnir segja, að enginn efist um
rétt Ísraela til að reisa múr á landamærunum
en þeir hafa hins vegar reist hann inni á pal-
estínsku landi að stórum hluta.
Yossef Lapid, dómsmálaráðherra Ísraels,
sagði í síðustu viku, að hann byggist við „nei-
kvæðri niðurstöðu fyrir Ísrael“.
Múrinn brot á alþjóðalögum
Sérfræðingar í al-
þjóðarétti og dóms-
málaráðherra Ísraels
spá sömu niðurstöðu
Haag. AFP.
JEFFREY Skilling, fyrrverandi framkvæmdastjóri bandaríska orku-
sölufyrirtækisins Enron, gaf sig í gærmorgun fram við bandarísku alrík-
islögregluna í Houston í Texas. Skömmu síðar var hann settur í handjárn
og leiddur fyrir dómara og birt ákæra í 36 liðum. Hann kvaðst saklaus,
og var látinn laus gegn sem svarar 340 milljóna króna tryggingu.
Skilling er hæst setti yfirmaður Enron sem ákærður hefur verið í
tengslum við lögreglurannsókn á gjaldþroti Enron í desember 2001.
Hann sagði upp störfum hjá fyrirtækinu fjórum mánuðum áður, og hefur
ætíð neitað því að hafa aðhafst nokkuð glæpsamlegt. Kenneth Lay, sem
var stjórnarformaður Enron, hefur einnig sagst saklaus. En þegar Andr-
ew Fastow, fyrrverandi fjármálastjóri fyrirtækisins, lýsti sig sekan og
ákvað að veita lögreglu aðstoð við rannsókn málsins var fastlega búist við
að Skilling og Lay yrðu ákærðir í kjölfarið. Þessir fyrrverandi stjórn-
endur Enron eru grunaðir um að hafa falið stórfellt tap fyrirtækisins og
ýkt hagnað þess til að villa um fyrir hluthöfum og auðgast sjálfir á kostn-
að fyrirtækisins.
„Ekkert að fela“
Ákæran sem birt var Skilling í gær var 57 blaðsíðna löng og hljóðaði
m.a. upp á fjársvik, aðild að samsæri um fjársvik og að hafa veitt bók-
höldurum rangar upplýsingar. Þá kemur fram í ákærunni, að á árunum
1998-2001 hafi Skilling hagnast um 89 milljónir Bandaríkjadollara, eða
rúma sex milljarða króna, auk þess að hafa 14 milljónir dollara í árslaun,
eða rúmlega 950 milljónir króna. Verði hann fundinn sekur um öll
ákæruatriðin gæti hann átt yfir höfði sér fangelsisvist það sem hann á
ólifað.
Þegar ákæran hafði verið birt sagði einn verjenda Skillings, Dan
Petrocelli, að skjólstæðingur sinn hefði „ekkert að fela, hann er ekki sek-
ur um þjófnað, hann laug ekki, hann hefur ekki haft fé af nokkrum
manni“. Petrocelli sagði ennfremur að Skilling hefði gengist undir lyga-
próf og hefði það staðfest sakleysi hans. Lengd ákærunnar væri greini-
lega til þess gerð að fela þá staðreynd að saksóknarar hefðu ekki á neinu
að byggja.
Yfirmaður
Enron
ákærður
Houston. AFP.
Reuters
Jeffrey Skilling (í miðið) leiddur í járnum inn í dómshúsið í Houston.