Morgunblaðið - 26.02.2004, Qupperneq 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 26. FEBRÚAR 2004 VERÐ Í LAUSASÖLU 190 KR. MEÐ VSK.
Sími 588 1200
BETRI
INNHEIMTUÁRANGUR
Lágmúla og Smáratorgi
opið kl. 8-24
alla daga
SAUTJÁN stjórnendur Flugleiða,
þar með talið forstjóri félagsins, hafa
gert samning við stærsta hluthaf-
ann, Oddaflug, um að kaupa af hon-
um 6,3% hlut í félaginu. Fyrir eiga
stjórnendurnir 3,6% í félaginu og
eftir kaupin verður hlutur þeirra
tæplega 10%. Hlutur Oddaflugs
minnkar að sama skapi og fer úr
38,5% í 32,2%.
Flugleiðir birtu ársuppgjör sitt í
gær og þar kom fram að hagnaður af
rekstri félagsins dróst saman um
57% milli ára og nam rúmum 1,1
milljarði króna í fyrra. Fyrir skatta
og söluhagnað er þetta þó næstbesta
afkoma félagsins frá upphafi, árið
2002 er eina árið sem afkoman var
betri á þennan mælikvarða.
Tekjur Flugleiða námu 37,6 millj-
örðum króna og minnkuðu um 4%
milli ára. Samdrátturinn skýrist af
því að tekjur af flutningum, einkum
farþegaflugi, minnkuðu um 15%.
Stjórn fyrirtækisins leggur til að
640 milljónir verði greiddar í arð til
hluthafa.
Hlutur stærsta hluthafans í Flugleiðum minnkar
Stjórnendur eignast 10%
 Hagnaður/C1
 Stjórnendur/C1
BAKTERÍA af gerðinni meningókokkar B, sem
getur m.a. valdið heilahimnubólgu, hefur greinst í
einu barni í leikskóla í Hafnarfirði og grunur leikur
á sýkingu hjá öðru barni í sama skóla. Að sögn Þór-
ólfs Guðnasonar, yfirlæknis á sóttvarnarsviði land-
læknis, verða öll börnin í skólanum, tæplega 100,
ásamt starfsmönnum, sett á sýklalyf fyrir helgi,
eða á annað hundrað manns.
Foreldrum barnanna í skólanum var gert við-
vart um þetta í gær og fær heimilisfólk þeirra
tveggja barna, sem hafa greinst eða hafa grun um
sýkingu, einnig sýklalyfjameðferð. Þórólfur vill
ekki gefa upp hvaða leikskóli þetta er en sam-
kvæmt upplýsingum Morgunblaðsins er það Álfa-
steinn við Háholt í Hafnarfirði.
Að sögn Þórólfs hefur það ekki verið staðfest að
seinna tilvikið á leikskólanum sé bakteríusýking en
einkennin hafi verið þau sömu og í fyrra tilvikinu í
skólanum. Um 4 og 5 ára börn er að ræða, strák og
stelpu, og voru þau lögð inn á Barnaspítala Hrings-
ins. Að sögn læknis var líðan þeirra góð miðað við
aðstæður og sýklalyfjagjöf farin að virka.
Þórólfur segir meningókokka B vera alvarlega
bakteríu sem meðhöndla þurfi strax til að koma í
veg fyrir frekari einkenni eða útbreiðslu. Bóluefni
er ekki til við meningókokkum B en öll börn voru
bólusett fyrir tæpum tveimur árum við bakteríu af
C-stofni. Þórólfur segir B-stofninn alltaf vera við-
loðandi, áður fyrr hafi 10–15 tilfelli á ári verið al-
geng en í fyrra hafi þau verið innan við 10.
Baktería sem getur valdið heila-
himnubólgu greinist í leikskóla
Yfir 100
manns fá
sýklalyf
LIÐSMENN alþjóðlegu rústabjörgunarsveitar
Slysavarnafélagsins Landsbjargar hófu ekki leit í
gærkvöldi þegar þeir komu í marokkósku borgina
Al Hoceima. Sveitin verður send á annað svæði í
dag. Hjálpargögnum var dreift til fólks sem hafði
misst heimili sín í jarðskjálftanum aðfaranótt
þriðjudags. Ásgeir Böðvarsson, stjórnandi sveit-
arinnar, sagði í gærkvöldi að búið væri að bjarga
öllum á þessu svæði og enga örvæntingu að finna
hjá fólkinu. Heil hús sæjust inni á milli fallinna
bygginga og margir hefðust við í tjöldum.
Alþjóðabjörgunarsveitin kom til borgarinnar
um klukkan 19 í gærkvöldi og átti fund með vett-
vangsstjóra björgunaraðgerða. Að sögn Ásgeirs
fengu liðsmenn þau fyrirmæli að drífa sig í hvíld
eftir ferðalagið til að vera reiðubúnir í leit að fólki í
rústum húsa í dag. Gerði hann ráð fyrir að sveitin
yrði færð á annað svæði þar sem meiri þörf væri
fyrir hana. Hann vissi ekki hvert og svo virtist
sem ákveðið samskiptaleysi væri á milli björgun-
araðila á svæðinu og það vantaði heildaryfirsýn.
Ásgeir sagði þá ekki þreytta eftir langt ferðalag
enda hefðu allir verið búnir að stilla sig inn á að
þurfa að vinna um nóttina. Hann sagði að menn
yrðu reiðubúnir í verkefni dagsins.
Verða færðir á
annað svæði
Björgunarsveitin í Marokkó
 Leita enn /16
EF EKKI sæist í borholuvegginn lengst til
hægri mætti halda að maðurinn á myndinni
stæði undir eldspúandi gosmekki frá Heklu.
Í öllu falli virkar maðurinn smár í sam-
anburði við þykkan en goskenndan gufu-
strókinn frá borholu sjö hjá Orkuveitu
Reykjavíkur á Hellisheiði. Þarna eru gríð-
arkraftar á ferð, enda getur ein svona bor-
hola gefið allt að 8 megavött í rafmagni.
Morgunblaðið/RAX
Goskenndur gufustrókur
Í SKÝRSLU Umhverfisstofn-
unar um stöðu skólphreinsunar
á Íslandi segir að allt að 80%
sveitarfélaga séu vart byrjuð á
úrbótum í skólphreinsun. Þessi
staða sé óviðunandi og ekki verði
séð hvernig þessi sveitarfélög
ætli að uppfylla kröfur sem sett-
ar eru í reglugerð um fráveitur
og skólp, en samkvæmt henni
verða öll þéttbýlissvæði að vera
komin með skólphreinsun í lok
árs 2005.
Samkvæmt reglugerðinni,
sem kom út árið 1999, eiga öll
þéttbýlissvæði að vera komin
með skólphreinsun í árslok 2005.
Í dreifbýli og þar sem ekki er
sameiginleg fráveita er gert ráð
fyrir rotþró og siturlögn eða
sambærilegum búnaði. Enginn
frestur er gefinn í reglugerðinni.
„Mikill árangur hefur náðst í
skólphreinsun þéttbýlisstaða á
Íslandi á síðustu 10 árum en lið-
lega 60% íbúa landsins eru nú
tengd fráveitum með skólp-
hreinsun. Þennan árangur er
hins vegar fyrst og fremst að
þakka framkvæmdum fárra
sveitarfélaga. Það að allt að 80%
sveitarfélaga séu vart byrjuð að
taka til hendinni í úrbótum í
þéttbýli er óviðunandi ástand
því ekki verður séð hvernig þessi
sveitarfélög hyggjast ná að upp-
fylla hreinsikröfur reglugerðar-
innar […] innan tilskilinna tíma-
marka,“ segir í skýrslunni.
Helgi Jensson, forstöðumaður
á Umhverfisstofnun, segir að
stofnunin hefði viljað að sveitar-
félög væru komin lengra á veg
með verkefnið.
Eðlilegur tímafrestur?
Hann bendir þó á að lögin sem
reglugerðin er byggð á hafi verið
sett á grunni EES-samningsins og
flest aðildarríkja samningsins hafi
verið komin lengra en Íslendingar
í hreinsun á skólpi á þeim tíma. Því
sé spurning hvort sveitarfélögun-
um hafi verið gefinn eðlilegur
tímafrestur til að ljúka nauðsyn-
legum framkvæmdum. Erfitt sé að
svara hvernig eftirlitsstofnanir
muni bregðast við verði reglugerð-
inni ekki breytt og sveitarfélögin
standist ekki settar kröfur, en þær
hafi heimildir til að beita áminn-
ingum, sektum og lokunum.
80% sveitarfélaga ekki hafið úrbætur í skólphreinsun sem ljúka á 2005
Óvíst hvort sveitarfélög-
in nái að standast kröfur
SIV Friðleifsdóttir umhverf-
isráðherra segir að það sé til
skoðunar innan umhverfisráðu-
neytisins hvernig brugðist
verði við því ef sveitarfélög
verði ekki búin að ganga frá
frárennslismálum fyrir árslok
2005. Ákvarðanir liggi ekki fyr-
ir en m.a. sé verið að skoða
hvort breyta þurfi lögum.
Spurð hvort gripið verði til
fésekta eða annarra viðurlaga
segist Siv ekki eiga von á að
það verði gert. Ráðuneytið sýni
því ákveðinn skilning að sveit-
arfélögunum hafi ekki tekist
að ljúka þessum kostn-
aðarsömu framkvæmdum.
Er til skoðunar
♦♦♦