Pressan - 12.12.1991, Blaðsíða 25

FIMMTUDAGUR PRESSAN 12. DESEMBER 1991
25
ækur &
’akkelsi
Oskabækur
Ungpólitíkus, óperusöngkona, verkalýðsforingi, kvikmyndagerðarmaður, leikkona, alþingismaður,
ráðherrafrú, fréttamaður, sykurmoli, blaðakona, fyrrverandi ráðherra, dægurtónlistarmaður, prest-
ur. Hvað vilja þau lesa yfir jólin?
Sigþór Sigurjónsson er bak-
arameistari hjá Bakarameist-
aranum í Suðurveri.
Sigþór Sigurjónsson
Óhræsið
„Óhræsið eftir Jónas Hall-
grímsson. Passar það ekki vel
núna þegar herðir að hjá
rjúpunni? Annars gæti ég líka
nefnt Stjána bláa.“
Ein er upp til fjalla,
yli húsa fjær,
út um hamra hjalla,
hvít með loðnar tær,
brýst í bjargarleysi,
ber því hyggju gljúpa,
á sér ekkert hreysi
útibarin rjúpa.
Mædd á manna besta
miskunn loks hún flaug,
inn um gluggann gesta
guðs i nafni smaug.
Uti garmar geltu
gólið hrein í valnum.
Kastar hún sér í keltu
konunnar i dalnum.
Gæðakonan góða
grípur fegin við
dýri dauðamóða —
dregur háls úr lið.
Plokkar, pils upp brýtur,
pott á hlóðir setur,
segir: „Happ þeim hlýtur!" —
og horaða rjúpu étur.
Árni Ibsen er Ijóðskáld. í fyrra
gaf hann út bókina Vort skarða
líf.
Árni Ibsen
Gúmmilaðiterta
„Þessi einfalda sælgætis-
terta gengur undir ýmsum
nöfnum þar sem ég þekki til,
sumum dónalegum. Betri
borgarar kalla þetta sjálfsagt
marensköku, en það er allt of
flatneskjulegt nafn á jafnmik-
ið sælgæti. Það ætti ekki að
vefjast fyrir tannlausum að
hesthúsa nokkrar sneiðar af
þessu því ekkert bráðnar eins
ljúflega á ljóðatungunni.
Uppskriftin:"
4 eggjahvítur
150 g sykur
50 g púðursykur
Petta er látið saman í skál og
stífþeytt.
Þetta var efnið, en síðan
kemur rímið:
Það eru tekin 100 g af súkkulaði og
'/2 pakki af döðlum og allt brytjað
i smátt.
Þessi rímaði mulningur er þvi næst
látinn út í og hrært saman við.
Þá er það byggingin:
Þá er smjörpappír látinn í tvö
grunn form og öllu gumsinu hellt
þar í.
Þetta er svo bakað við 150 gráða
hita (celsius) í 30 mínútpr.
Loks er 1 peli af rjóma þeyttur og
látinn milli laganna tveggja.
Rjóminn er bókbandið.
DAVÍÐ STEFÁNSSON
formaður Sambands ungra sjálf-
stæðismanna
„Ég hef frétt að það sé að
koma út ritgerðasafn eftir
Matthías Johannessen. Ég
hef alltaf haldið úpp á Matthí-
as. Eins er annar ritstjóri, EU-
ert Schram, að senda frá sér
safn með greinum — og ég
held líka sögum. Mér líst vel á i
þessar bækur; þetta eru
áhugaverðir menn og skrifa
um áhugaverð efni.“
GUÐRÚN HELGADÓTTIR
alþingismaður
„Við þrælarnir í stóra hús-
inu við Austurvöll höfum víst
lítið labbað í bókabúðir enn-
þá. Þó er ég búin að lesa eina
bók, eftir Illuga Jökulsson,
það er hið snotrasta verk.
Eigulegar þykja mér bækur
um Jónas frá Hriflu og Krist-
ján Eldjárn, og það er alltaf
forvitnilegt að sjá hvað Vig-
dís, Steinunn og Guðbergur
láta frá sér. Annars sýnist mér
menn uppteknari af því að
búa til bækur en að skrifa
bækur og þá sakar varla að
níða skóinn af náunganum í
leiðinni — ég hef ekki mikinn
áhuga á svoleiðis."
BRYNDÍS SCHRAM
ráöherrafrú
„Tveir höfundar sem ég hef
mikið dálæti á eru að gefa út
skáldsögur: Steinar Sigur-
jónsson sendir loksins frá sér
bók eftir mörg ár — ég held
reyndar að ég eigi allar bæk-
urnar hans — og líka Guð-
bergur Bergsson. Ég sé að
Dimmalimm er að koma út
aftur, ef ég gef barni bók
verður það örugglega hún.
Önnur endurútgáfa er
Rubayiat, ábyggilega mjög
falleg bók sem væri dásam-
legt að eiga. Gamall sam-
kennari minn, Guðjón Frið-
riksson, skrifar Sögu Reykja-
víkur og ævisögu Jónasar frá
Hriflu; það eru bækur sem
maður verður að eignast.
Æviminningarnar setja mig
hins vegar í vandræði, þar
eru heilir fimm vinir mínir á
ferðinni: Heiðar Jónsson,
Árni Tryggva, Jónas Jónas-
son, Laddi og Ómar. Ég get
varla farið að gera upp á milli
þeirra. Ég efast hins vegar
ekki um Ellert bróður minn.
Bókina hans vil ég fá.“
GUÐMUNDUR J.
GUÐMUNDSSON
formaður Dagsbrúnar
„Mér hefur alltaf verið
ákaflega hlýtt til Árna
Tryggvasonar og hef í hyggju
að lesa bókina um hann. Áð
vísu er auðvelt að fara illa
með gott efni, en trúi ekki að
Ingólfur Margeirsson geri
það. Kristján Eldjárn hef ég
líka í huga og kannski bókina
um Jónas frá Hriflu. Ég er þó
ekki viss um að ég þori að
lesa þá bók. Það þarf mikinn
skilning og djúpa þekkingu til
að skrifa af viti um mann eins
og Jónas.“
SIGRÚN HJÁLMTÝSDÓTTIR
söngkona
„Þær eru ansi margar. Ég
get nefnt Ijóðabókina hennar
Vigdísar, mig langar svolítið í
hana, bókina hans Illuga Jök-
ulssonar og nýju skáldsöguna
eftir Ólaf Jóhann Ólafsson.
Ég vona að ég fái tækifæri til
að lesa þessar bækur. Hins
vegar sé ég ekki að nein af
þessum ævisögum og endur-
minningabókum heilli mig —
að minnsta kosti ekki þessi
jólin.“
VALGEIR GUÐJÓNSSON
tónlistarmaður
„Þær eru nokkrar bækurn-
ar sem mig langar að lesa,
kannski fyrst og fremst bókin
um Jónas frá Hriflu. Hvers
vegna þá? Jú, hann var
óvenjulegur maður sem hafði
mikil áhrif á samtíma sinn og
líka á samtíma okkar — eðli-
lega langar mann að vita
meira um slíka menn. Svo
fljúga í gegnum hausinn á
mér titlar á bókum þeirra
Þórarins Eldjárns, Péturs
Gunnarssonar, Ólafs Jóhanns
og Guðmundar Andra Thors-
sonar. Og ekki vil ég gleyma
Matthíasi Johannessen, hann
er öndvegisskáld. Ég vona
bara að þetta komi ekki niður
á plötusölunni, heldurðu það
nokkuð?"
EINAR ÖRN BENEDIKTSSON
sykurmoli
„Eða fá gefins. Til að lesa.
Ég man ekki eitthvað um ský-
in eftir Sjón. Ég hef alltaf lesið
hans bækur, ekki ennþá bú-
inn að fá leið á því. Ég ætla að
lesa aftur Ansjósurnar eftir
Braga Ólafsson, af því það er
góð bók, þó ég þekki hann
vel. Svo langar mig í Ástarat-
lot. Já, kynlífsbókina frá For-
laginu. Af því það er fasíner-
andi bók. Én það er ein bók
sem mig langar ekki að lesa
— á ég að segja þér hvaða
bók það er — bókin eftir
hann Ólaf Jóhann Ólafsson.
Absolútt ekki.“
HILMAR ODDSSON
kvikmyndagerðarmaöur
„Það er eitt og annað sem
ég ætla að lesa. Eftir samstarf
við Matthías Johannessen,
ljóðabók eftir hann. Líka ljóð-
in hennar Vigdísar Gríms, ég
vil fylgjast með því sem hún
gerir. Ég reyni örugglega að
ná í bókina hans Guðbergs,
og ég er forvitinn um bókina
Illuga Jökulssonar. Annars
sýnist mér fáar stórkanónur
vera á ferðinni með skáld-
verk; fyrst svo er ekki hlýtur
maður að láta ritgerðasafn
eftir Thor duga. Nú þegar
seinna bindið af Kar-
amazov-bræðrunum er að
koma út hlýt ég að reyna að
lesa það fyrra og vonandi það
seinna líka. Bókina um Érró
mundi ég líta í ef hún lægi fyr-
ir framan mig.“
HELGI MÁR ARTHÚRSSON
fréttamaður
„Helst hefði ég viljað skella
mér á Shakespeare eins og
hann leggur sig. Punktur og
basta. Hún stendur hér uppi í
hillu á fréttastofunni og freist-
ar mín. Svo geri ég fastlega
ráð fyrir því að bókin hans
Ólafs E. Friðrikssonar um
Gísla Sigurðsson lækni og gísl
sé vönduð og upplýsandi.
Þeir sem fást við stuttaraleg-
ar fréttir af stóratburðum
komast varla hjá því að kíkja
á það sem hann hefur að
segja í bók. Annars vildi ég að
kæmi meira út af bókum eins
og Með hug og orði, sem var
greinaog ritgerðasafn Vil-
mundar Jónssonar landlækn-
is. En það þýðir víst varla að
biðja um slíkt — þeir eru fáir
eftir sem skrifa svoleiðis."
HALLDÓR ÁSGRÍMSSON
alþingismaður
„Ég ætla að byrja á því að
lesa um vin minn Vilhjálm
Hjálmarsson, það er mér
bæði ljúft og skylt. Svo tók ég
eftir bók um annan fram-
sóknarmann, Jónas frá
Hriflu; það var orðið tíma-
bært að skrifa ítarlega ævi-
sögu hans og það sem ég hef
heyrt um bókina lofar góðu.
Ég hef líka áhuga á að lesa
skáldsöguna eftir Ólaf Jó-
hann Ölafsson, en annars
verð ég að játa að ég er ekki
mikið farinn að hugsa fyrir
bóklestri. Samtalsbækurnar
eru náttúrlega þó nokkrar og
það er misjafnt hvað þær
hafa vakið mikinn áhuga hjá
mér. Þó finnst mér eins og úr-
valið sé ívið vandaðra en
undanfarin ár.“
STEINAR BERG ÍSLEIFSSON
hljómplötuútgefandi
„Eitthvað er það sem mig
langar að lesa, held ég. Til
dæmis kolkrabbabókin hans
Örnólfs Árnasonar. Ég vona
að hún geti varpað ljósi á
samliggjandi hagsmuna-
tengsl sem eru víða í þessu
þjóðfélagi. Þótt bókin eftir
Jón Óttar Ragnarsson sé
skáldsaga er hún líka í snert-
ingu við þennan veruleika,
sem vissulega er til. Ég er
hins vegar ekki ennþá farinn
að venja mig á að lesa ævi-
sögur og á ekki von á að það
breytist, jafnvel þótt mér sýn-
ist þær bækur um margt at-
hyglisverðari en í fyrra. Nei,
nei, ég er ekkert hræddur við
að mæla með bókum þótt ég
gefi út plötur; ég held að fólk
hljóti að geta gengið og tugg-
ið í einu, hlustað á góða tón-
list og lesið góðar bækur.
Bókin er og verður einn meg-
inþáttur í skemmtana-,
menningar- og lífsmynstri
fólks, rétt eins og tónlistin."
EDDA BJÖRGVINSDÓTTIR
leikkona
„Má ég ekki nefna bók sem
ég er reyndar búin að lesa.
Gúmmíendur synda ekki
heitir sú bók og er í einu orði
sagt lífsreynsla sem allir
verða að lesa. Svo ætla ég að
eiga til góða um jólin bókina
um Árna Tryggvason og bók-
ina um bann Ladda vin
minn."
AGNES BRAGADÓTTIR
blaðamaður
„Ég er spennt fyrir bókinni
Óðfluga eftir Þórarin Eldjárn
— handa börnunum mínum.
Hvað úr hinni súpunni? Bók-
ina um Erró eftir Aðalstein
Ingólfsson líst mér vel á, ég
held hún verði spennandi
lesning. Á mínu sviði sýnist
mér hins vegar afskaplega
fátt koma út. Kannski, þegar
ég hef tíma til, verð ég mér
úti um og les ævisögu Krist-
jáns Eldjárns eftir Gylfa Grön-
dal. Það er þó ekki bók sem
ég fer að hlaupa af stað til að
ná í. Og kannski líka baráttu-
sögu Borisar Jeltsín. Annars
finnst mér ég eiga samúð
skilda, ég hef nefnilega svo
lítinn tíma til að lesa.“
SÉRA HANNA MARÍA
PÉTURSDÓTTIR
þjóögarðsvörður
„Ég á mér nokkrar
draumabækur. Sú fyrsta er
dálítið óvenjuleg. Það er sjálf
Grágás, í nýrri útgáfu með nú-
tímastafsetningu og aðgengi-
leg til lestrar. Þannig verður
manni kleift að komast með
góðu móti inn í fornan og
heillandi heim. Mig langar
líka að lesa ævisöguna henn-
ar Sigurveigar Guðmunds-
dóttur, kennara í Hafnarfirði,
og bókina hans Ólafs Jó-
hanns, Fyrirgefningu synd-
anna. Svo verð ég alltaf upp-
veðruð þegar konur eru að
gefa út ljóðabækur; ég sé að
bæði Steinunn Sigurðardóttir
og Vigdís Grímsdóttir eru
með nýjar ljóðabækur."