Pressan - 23.01.1992, Page 16

16
FIMMTUDAGUR PRESSAN 23. JANÚAR 1992
Magnús
selur
og selur
Magnús Hreggviösson í
Frjálsu framtaki berst nú
harðri baráttu vegna versn-
andi stöðu fyrirtækisins.
Hann hefur sett margar ef
eigin fasteignum og eins fast-
eignir Frjáls framtaks á sölu.
Magnús hefur einnig selt
hluta af bílum sínum. Þar á
meðal er einn merkilegasti
fornbíll landsins, Buick ár-
gerð 1947. Bíllinn var í miklu
uppáhaldi hjá Magnúsi.
Nú eru um fjögur ár frá því
Magnús, eða öllu heldur
Frjálst framtak, keypti Smára-
hvammslandið í Kópavogi.
Ekki hefur gengið eins vel að
selja lóðir og Magnús hugði
þegar hann keypti landið.
Þessi langi tími fer illa með
Magnús. Stór hluti kaup-
verðsins var fenginn að láni
og það kostar umtalsvert fé
að greiða af þrjú eða fjögur
hundruð milljónum króna.
Það er einmitt þess vegna
sem Magnús freistar þess að
selja sem flestar eignir sínar
og Frjáls framtaks.
Blöndal
búinn
aðfá
jeppann
Keyptur hefur verið nýr
ráðherrabíll handa Halldóri
Blöndal. Halldór valdi Ford
Explorer sem kostaði 2,7
milljónir króna. Eins og
PRESSAN greindi frá í síðustu
viku á enn eftir að ganga frá
reglugerð sem kveður á um
að Innkaupastofnun skuli sjá
um kaup á bílum ráðuneyt-
anna, og þá geta ráðherrarnir
ekki valið sér bíl eftir sínu
höfði. Halldór slapp fyrir
horn, því Innkaupastofnun
hafði ekkert með þessi kaup
að gera.
„Gamli bíllinn er módel
1987 og var orðinn óheyri-
lega dýr í rekstri," sagði Þór-
hallur Jósepsson, aðstoðar-
maður Halldórs í samgöngu-
ráðuneytinu, í samtali við
PRESSUNA. Gamli bíllinn var
Cherokee-jeppi og sagði Þór-
hallur að svo sannarlega
hefði verið kominn tími á
þann bíl.
Ásmundur
gerði
athuga-
semdir
Asmundur Stefánsson, for-
seti Alþýðusambands íslands,
gerði athugasemd vegna
þeirrar ákvörðunar bæjar-
stjórnar Kópavogs að hækka
vatnsskatt á bæjarbúa.
Bæjarstjórnarmenn í Kópa-
vogi eru ekki ánægðir með
þetta framtak Ásmundar,
ekki endilega vegna þess að
hann fann að skattahækkun-
inni, heldur ekki síður vegna
þess að Ásmundur hefur ekki
gert neinar athugasemdir við
þær bæjarstjórnir aðrar sem
hafa hækkað útsvarsálögur á
bæjarbúa.
Þar á meðal eru bæjar-
stjórn Hafnarfjarðar, Mos-
fellsbæjar og fleiri bæja.
Borgarfoss með
lokaðan síma
Ekki hefur tekist að fá end-
urgreidda miða á tónleika
Bryans Adams sem áttu að
vera í Laugardalshöll um
miðjan desember. Aðstand-
endur Borgarfoss voru búnir
að lofa endurgreiðslum í síð-
asta lagi í þessari viku. Skrif-
stofa fyrirtækisins er lokuð
og síminn lokaður vegna van-
skila.
„Fyrir krakkana eru þetta
miklir peningar. Ég veit að
sumir þeirra lögðu aleiguna í
þetta," sagði Gunnar Hjartar-
son, sem er búinn að reyna
mikið til að fá endurgreiddan
miða fyrir dóttur sína. Hver
miði kostaði fjögur þúsund
krónur.
Gunnar sagðist hafa náð
tali af Borgarfossmönnum í
‘síðustu viku og hefðu þeir þá
lofað að borga eftir helgi.
Hann er búinn að fara nokkr-
ar ferðir á skrifstofu fyrirtæk-
isins, en alltaf komið að lok-
uðum dyrum, og nú er lífsins
ómögulegt að ná sambandi
símleiðis.
Skoðanakönnun SKÁÍS fyrir
PRESSUNA
Þorri
fólksá
móti
einka-
væðingu
Ef það er stuðningur við sölu á einhveiju stóru ríkisfyrirtæki,
þá er það Áfengis- og tóbaksverslun ríkisins. fslendingar
virðast hins vegar alls ekki vilja missa Landsbankann úr
ríkiseign.
í skoðanakönnun SKÁÍS
fyrir PRESSUNA um sölu rík-
isfyrirtækja kom fram al-
menn andstaða gegn slíkum
aðgerðum. Spurt var um af-
stöðu þátttakenda til sölu á
fimm fyrirtækjum. Fæstir
vildu selja Landsbankann,
eða tæp 18 prósent þeirra
sem tóku afstöðu. Flestir
vildu selja Áfengis- og tób-
aksverslun ríkisins eða rúm
46 prósent.
MEIRA EN 80
PRÓSENT VILL
AÐ RÍKIÐ EIGI
LANDSBANKANN
Eins og áður sagði var
minnstur áhugi fyrir sölu á
Landsbankanum. Af þeim
sem tóku afstöðu til spurning-
arinnar sögðu 82,2 prósent
nei. 17,8 prósent voru hins
vegar fylgjandi sölu bankans.
Hugmyndir um sölu Lands-
bankans eru ekki komnar
jafnlangt og hugmyndir um
sölu Búnaðarbankans. Þó
hefur verið rætt um að breyta
bankanum í hlutafélag, þótt
það yrði fyrst um sinn alger-
lega í eigu ríkissjóðs.
Af úrtakinu tóku 93,9 pró-
sent afstöðu. 77,1 prósent
sagðist andsnúið sölu en 16,8
prósent fylgjandi.
ÞRIÐJUNGUR
VILL SELJA
BÚNAÐARBANKANN
Fleiri voru á því að selja
Búnaðarbankann. Af þeim
sem tóku afstöðu sögðust
35,9 prósent fylgjandi sölu
bankans. 64,1 prósent vildi
hins vegar að bankinn yrði
áfram í eigu ríkissjóðs. Það er
því nokkuð góður meirihluti
fyrir áframhaldandi ríkis-
rekstri bankans.
Það er yfirlýst stefna ríkis-
stjórnarinnar að breyta Bún-
aðarbankanum i hlutafélag á
þessu ári og selja hlut ríkis-
sjóðs í kjölfar þess. Hins veg-
ar liggur ekki fyrir með
hvaða hætti það yrði gert.
Fram hafa komið hugmyndir
um að selja hlutabréfin á und-
irverði til að ofgera ekki
hlutabréfamarkaðinum. Eins
hefur því verið varpað fram
að dreifa einfaldlega ein-
hverjum hluta af hlutabréfum
í bankanum til eigenda hans;
almennings.
Sama hlutfall tók afstöðu til
.þessarar spurningar og þeirr-
ar um Landsbankann. 60,2
prósenLsögðu nei við sölunni
enJTrT^þrosent já.
TJÉftjR HELMINGUR
VILL SELJA ÁTVR
Miklu meira fylgi er við
sölu á Áfengis- og tóbaks-
verslun ríkisins. Af þeim sem
tóku afstöðu vildu 46,2 pró-
sent selja fyrirtækið. Hins
vegar vildu 53,8 prósent
halda því í ríkisrekstri. Þótt
núverandi rekstrarform
ÁTVR njóti minni hylli en
bankanna tveggja er enn
meirihluti fyrir því.
Þær hugmyndir sem uppi
hafa verið um sölu á ÁTVR
eða einkavæðingu hafa fyrst
og fremst snúist um birgða-
geymsluogsmásölu. ídagsér
ATVR um birgðahald fyrir
innflytjendur en hugmyndir
eru uppi um að láta innflytj-
endurna sjá um það sjálfa. Þá
hefur einnig verið rætt um að
gefa öðrum en ÁTVR kost á
að reka smásölu á áfengi.
Af úrtakinu tóku 94,4 pró-
sent afstöðu. 50,8 prósent
sögðu nei við sölu ÁTVR en
43,6 prósent já.
TÆPUR ÞRIÐJUNGUR
Á ÞVÍ AÐ SELJA
PÓST OG SÍMA
Góður meirihluti vildi
halda áfram ríkisrekstri á
Pósti og síma, þótt núverandi
rekstur njóti ekki jafnmikillar
hylli og ríkisrekstur Lands-
bankans. Af þeim sem tóku
afstöðu var 28,1 prósent á því
að selja Póst og síma. 71,9
prósent vildu hins vegar að
fyrirtækið yrði áfram í ríkis-
eign.
Ekki hefur farið mikið fyrir
hugmyndum um sölu á Pósti
og síma. Fyrirtækið er þó yf-
irleitt efst á blaði hjá þeim er-
lendu sérfræðingum og álits-
gjöfum sem hafa haldið hér
fyrirlestra. Sala á Pósti og
síma þeirra Breta þykir hafa
tekist einna best af einkavæð-
ingunni í Bretlandi á undan-
förnum árum.
Af úrtakinu tóku 93,9 pró-
sent afstöðu. 67,5 prósent
vildu halda fyrirtækinu í rík-
isrekstri en 26,4 prósent vildu
selja það.
TÆPUR FJÓRÐUNGUR
VILL SELJA
RÍKISÚTVA RPIÐ
Fyrir utan Landsbankann
vildu fæstir selja Ríkisútvarp-
ið. Af þeim sem tóku afstöðu
sagðist 76,1 prósent vilja
halda því í ríkisrekstri en 23,9
prósent vildu selja Ríkisút-
varpið.
Sjálfsagt er umræðan um
sölu á Ríkisútvarpinu eldri en
hugmyndir um sölu á öðrum
fyrirtækjum í ríkiseign. Ýmist
hefur verið rætt um að selja
Rás 2, Rikissjónvarpið eða
allt fyrirtækið. Það vakti
nokkra athygli þegar síðasti
landsfundur Sjálfstæðis-
flokksins samþykkti að stefnt
skyldi að sölu Rásar 2 og
spruttu af því deilur.
Af úrtakinu tóku 95,5 pró-
sent afstöðu, eða fleiri en til
spurninga um sölu á öðrum
ríkisfyrirtækjum. 72,6 pró-
sent sögðu nei en 22,9 pró-
sent já.
Spurt var hvort fólk væri
fylgjandi eða andvígt sölu of-
angreindra ríkisfyrirtækja.
Gunnar Smári Egilsson
A Að Selja Ríkisfyrirtæki?
Spurt var um afstöðu fólks til sölu einstakra ríkisfyrirtækja.
Andvígir Q/Fylgjandi
\feiigis
TÓBÁKSVjERsluN ÉÍKlÍlNS
90 80 70 60 50 40 30 20 10 0 10 20 30 40