Pressan - 03.09.1992, Blaðsíða 32
32
FIMMTUDAGUR PRESSAN 3. SEPTEMBER 1992
H E F U R
Þ U
T 1 IVI A
A F L Ö G U
Guðmundur Guðleifsson kveðst lengi
hafa haft áhuea á ættfræði.
NAMS-
FLOKKAR
REYKAVÍKUR
Innan prófadeildar Nánrsflokka
Reykjavíkur er boðið upp á
nám bæði á grunnskóla- og
framhaldsstigi. Frístundanámið
innan skólans er margþætt og
skiptist í verklegar og bóklegar
greinar.
Postulínsmálun: Meðal þeirra
verklegu greina sem kenndar
verða í skólanum í vetur eru
skrautskrift, postulínsmálun,
bókband, fatasaumur, módel-
teikning, teikning og litameð-
ferð fyrir unglinga og hluta-
teikning.
Lestrartækni: Nýjung í vetur er
kennsla í lestrartækni, ætlað
þeim er eiga við lestruflanir og
aðra lestrarörðugleika að etja.
Af öðrum bóklegum greinum
verður m.a. boðið upp á
kennslu í tékknesku, búlgörsku,
hebresku, rússnesku, portú-
gölsku, ítölskum bókmenntum,
íslenskri stafsetningu og mál-
fræði.
NÝI DANS-
SKÓLINN
Kynningarnámskeið: Sú ný-
breytni verður í starfsemi Nýja
dansskólans að bjóða upp á
tveggja tíma kynningarnám-
skeið þennan mánuð. Kynning
verður á hverju kvöldi frá 1. til
10. september. Meðal þess sem
kennt verður í skólanum í vetur
er bug, swing, samkvæmis-
dansar, bæði standard- og suð-
ur- amerískir, gömludansarnir
og barnadansar. Gestakennarar
í vetur verða tveir Englending-
RYMI
Nýr myndmenntaskóli, Rými,
er um þessar mundir að hefja
starfsemi í nýja listahúsinu við
Engjateig. Fyrirhugað er að
bjóða upp á ýmiss konar
kvöldnámskeið fyrir byrjendur
og lengra komna og er verðið
ábilinu 14.000 til 21.000
krónur. Auk þessa verða haldin
styttri helgarnámskeið með
það fyrir augum að gefa starf-
andi myndlistarmönnum, auk
áhugamanna, möguleika á að
auka við tæknikunnáttu sína á
stuttum en markvissum nám-
skeiðum með fremstu mynd-
listarmenn okkar sem leiðbein-
endur.
Kvöldnámskeið: Meðal þeirra
námskeiða sem haldin verða í
vetur má nefna vatnslitamálun
og litafræði sem ætlað er eldri
borgurum og teiknun og málun
fyrir unglinga, 13 til 16 ára. Þá
verða m.a. boðin námskeiðin
teikning og blönduð tækni, ol-
íumálun og módelteikning, þ.e
teikning og málun eftir lifandi
fyrirmynd. Auk þess verða
kynntir hinir ýmsu tæknilegu
möguleikar á notkun glers í
myndverkagerð.
Helgarnámskeið: Meðal þess
sem fjallað verður um á stuttu
námskeiðunum sem haldin
verða á vegum Rýmis um helg-
ar í vetur má nefna steint gler,
veggmyndagerð, uppsetningu
sýninga, steypt í gips, umhverf-
isverk, pappírsgerð, stein-
steypu, grafík, töluvugrafík og
þrívíða hugsun.
SKÖPUN
Ofurminnisnámskeið: Fyrirtæk-
ið Sköpun býður nú annað árið
í röð upp á ofurminnisnám-
skeið, að bandarískri fyrir-
mynd. Kennd er ákveðin tækni
sem auðveldaj fólki að muna
hvað sem er s.s. símanúmer,
mannanöfn eða andlit fólks.
Kennsluaðferð sú sem notast er
við til að bæta minnið er
óhefðbundin, og er allt sem
þarf að muna sett í myndrænt
samhengi. Ekki síst námsmenn
hafa sótt ofurminnisnámskeið
þetta, enda kemur tæknin sér
vel þegar þarf að læra mikið
utanbókar.
fllllef eilthvað afl qpúska
Guðmundur Guðleifsson segist lengi hafa haft áhuga á að fræðast
um ættir manna, en hann hefur sótt námskeið Ættfræðiþjónust-
unnar síðastliðin sex ár og segist alltaf vera að grúska eitthvað
hpima.
„Eg hef alltaf verið svolítið forvitinn og trúlega hefur það ekki
orðið til að draga úr áhuga mínum á ættfræði að mitt fólk hefur
ávallt verið mjög vakandi fyrir skyldleikatengslum. Eg er meðal
annars af Fremra-Hálsætt í Kjós, en ég er af geysistórri fjölskyldu og
á ættir víða. Því hef ég haft næg viðfangsefni þegar ég hef verið að
grennslast fyrir um ættir mínar."
Guðmundur segir námskeið Ættfræðiþjónustunnar dýrmæt fyrir
alla þá sem áhuga hafa á ættfræði og vilja komast í góðar heimildir.
„Ættfræðiþjónustan hefur komið sér upp góðum gagnabanka þar
sem eru örfilmur af kirkjubókum af öllu landinu, auk annarra frum-
heimilda, bóka og handrita. Þetta eru ómetanlegar heimildir, ekki
síst fyrir útivinnandi fólk, þar sem Þjóðskjalasafn íslands mætir eng-
an veginn þörfum þess hóps, lokar klukkan fimm á daginn og er að-
eins opið fyrir hádegi á laugardögum að vetrarlagi. Eftir að hafa lært
aðferðina við að leita eftir upplýsingum um ættir er hægt að grúska
endalaust í gömlum heimildum og það er geysilega gaman að fræð-
ast þannig um ættir sínar og annarra."
Hann segist betur geta sinnt ættfræðinni á veturna, þegar meiri
tími gefist frá vinnu. „Ég er annars alltaf eitthvað að grúska og hef
komið mér upp nokkuð góðum bókum, til dæmis manntölunum
þremur sem prentuð hafa verið. Oftast leita ég upplýsinga um mín-
ar eigin ættir en hef engu að síður gaman af að fræðast um ættir
annarra. Það er til dæmis afskaplega gaman að komast kannski að
því eftir mörg ár að gamall vinur sé náskyldur manni. Sú varð raun-
in ekki alls fyrir löngu og kom þaö skemmtilega á óvart."
STJÓRN-
TÆKNISKÓLI
ÍSLANDS
Skólinn sérhæfir sig í nám-
skeiðum er lúta að mannlegum
samskiptum og stjórnun.
Samskiptaleikni: Á haustönn
býður skólinn upp á námskeið í
samskiptaleikni, þar sem
áhersla verður lögð á árangurs-
rík samskipti, framkomu og
tjáningu. Lögð er áhersla á
virka þátttöku og miðað að því
aö hver og einn fái þjálfun í því
að beita sér af fullum þunga og
einurð, án þess að skaða aðra.
Höfuðáhersla er lögð á verkleg-
ar æfingar í samtalstækni, fram-
komu og framsetningu efnis,
sem og hvetjandi viðmót og
ákveðni.
STJÓRNUN-
ARSKÓLINN
Dale Carnegie: Námskeiðið er
haldið í vetur á vegum Stjórn-
unarskólans, eins og fyrri ár.
Lögð er áhersla á að draga fram
þá jákvæðu eiginleika sem
hver einstaklingur býr yfir og
gefa honum þannig kost á að
byggja upp sjálfstraust sitt. Á
námskeiðinu læra menn að
hvetja aðra, taka við hrósi sjálf-
ir og síðast en ekki síst standa
upp og tala frammi fyrir hópi
fólks.
TÓM-
STUNDA-
SKÖLINN
Skólinn býður upp á fjölbreyti-
leg námskeið í vetur og er verð
þeirra á bilinu 2.400 til 18.300
krónur.
Hattagerð: Hattar eru aftur
komnir í tísku og Helga Rún
Pálsdóttir ætlar að kenna
hvernig maður býr til sitt eigið
höfuðfat.
Myndlist fyrir börn: Önnur
nýjung er framhaldsnámskeið í
myndlist fyrir börn. Kennari er
Harpa Björnsdóttir.
Heimilið: Ýmiss konar nám-
skeið verða í boði er tengjast
heimilinu þar sem meðal ann-
ars verður fjallað um innan-
hússskipulagningu, garðaskipu-
lag, gróðurskála/gróðurhús og
sumarbústaðalandið.
Handmennt: Meðal námskeiða
má nefna silkimálun, glerskurð,
bókband, skrautritun, módel-
teiknun, pappírsgerð, vatnslita-
málun, myndlist fyrir börn,
unglinga og fullorðna.
Fjölmiðlun: Kennd verða skap-
andi skrif en einnig viðtöl og
greinaskrif. Meðal annarra
námskeiða má nefna Ijós-
myndatöku, framköllun og
stækkun, framsögn og upplest-
ur og ákveðniþjálfun fyrir kon-
ur.
TÖLVUSKÓLI
REYKJAVÍK-
UR
Skólinn hefur nú verið starf-
rækur í rúmlega tvö ár en
námskeiðum hans er skipt í
þrennt; byrjendanámskeið,
námskeið í notendahugbúnaði
og starfsmenntunarnámskeið.
Meðal byrjendanámskeiða má
nefna grunnnámskeið í PC og
bókhaldi. Algengustu námskeið
í notendahugbúnaði eru
Windows, ritvinnsla, töflu-
reiknir, gagnasafnsfræði og
tölvubókhald. Algengustu
starfsmenntunarnámskeiðin
eru skrifstofutækni, verslunar-
tækni og bókhald.
VERK-
MENNTA-
SKÓLINN Á
AKUREYRI
Kerta- og körfugerð: Nokkrar
nýjungar eru fyrirhugaðar í
námskeiðahaldi Verkmennta-
skólans á Akureyri í vetur, en
ekki hefur endanlega verið
ákveðið hverjar þær verða.
Meðal þess sem boðið var upp
á í fyrra og áfram verður á dag-
skrá í vetur er körfu- og kerta-
gerð, matreiðsla, borðskreyt-
ingar, silkimálun, íslenska fyrir
útlendinga, Ijósmyndun og
myndbandagerð. Jafnframt
verður áhugamönnum um
garðyrkju boðið ýmislegt við
sitt hæfi s.s. námskeið í skipu-
lagningu garða, gróðurhúsa,
sumarbústaðalanda og meðferð
pottaplantna.
ÆTTFRÆÐI-
ÞJÓNUSTAN
Starfsemi Ættfræðiþjónustunn-
ar hefur frá upphafi verið þrí-
þætt. Haldin eru námskeið fyr-
ir almenning, rannsóknir
stundaðar og samantekt gerð á
ættum og niðjatölum og loks
er veitt bóksöluþjónusta. Ætt-
fræðiþjónustan hefur flutt sig
um set og er nú til húsa við
Brautarholt, þar sem áður var
Málaskólinn Mímir.
Vetrardagskrá: í haust hefjast
ný grunnnámskeið fyrir byrj-
endur og framhaldsnámskeið
fyrir þá er lengra eru komnir. Á
námskeiðunum er veittur fróð-
leikur um fslenska ættfræði,
heimildir, leitaraðferðir sem og
úrvinnslu upplýsinga í ættar-
skrám af ýmsum toga. Auk
fræðslunnar fá nemendur gögn
í hendur til að rekja eigin ættir
og frændgarð.
Aðstaða til rannsókna hefur
verið bætt til muna og hefur
Ættfræðiþjónustan nú yfir að
ráða örfilmum af kirkjubókum
af öllu landinu, frá upphafi til
loka 19. aldar, auk annarra
frumheimilda, handrita og
prentaðra bóka.