Morgunblaðið - 21.05.2004, Blaðsíða 2
FRÉTTIR
2 FÖSTUDAGUR 21. MAÍ 2004 MORGUNBLAÐIÐ
MANNFALL Á GAZA
Ísraelski herinn sendi skriðdreka
inn á Gaza-svæðið í gær og talið er
að minnst átta Palestínumenn hafi
týnt lífi í átökum á svæðinu. Alls
hafa minnst 40 Palestínumenn nú
týnt lífi í Rafah-flóttamannabúð-
unum á svæðinu eftir að aðgerðir
Ísraela hófust seint á mánudag. Þeir
segjast verða að eyðileggja jarðgöng
sem notuð séu til að smygla vopnum
frá Egyptalandi.
Skatta eða niðurskurð
Dönsk sérfræðinganefnd, sem fal-
ið var að meta framtíðarhorfur vel-
ferðarkerfisins, segir að annaðhvort
verði að hækka mjög skatta eða
skera þjónustuna harkalega niður.
Lögð er áhersla á að fleira fólk fari
út á vinnumarkaðinn og tryggja beri
að innflytjendur nýtist sem vinnuafl.
Fleiri pyntingamyndir
Nýjar myndir af misþyrmingum á
íröskum föngum Bandaríkjamanna í
Írak hafa verið birtar á sjónvarps-
stöð vestra. Sýna þær meðal annars
brosandi hermann yfir líki eins fang-
ans í Abu Ghraib-fangelsinu.
Kuldakast á Norðurlandi
Nokkuð hefur snjóað á Norður-
og Norðausturlandi undanfarið og
hefur jörð víða verið hvít af og til.
Bændur segja kuldaköstin lítil áhrif
hafa á sauðburð, sem er í fullum
gangi, en geti valdið kindum heilsu-
tjóni, þar sem mjólkurframleiðslan
fyrir lömbin gangi á fituforða þeirra.
Heilbrigðiskerfið óskilvirkt
Kanadísk skýrsla segir íslensku
og kanadísku heilbrigðiskerfin þau
dýrustu meðal OECD-ríkjanna. Þá
sé aðgengi og biðtími með verra
móti. Heilbrigðisráðherra telur
skýrsluna ónákvæma og byggjast á
röngum upplýsingum.
Áfall fyrir listalíf
Sýknudómur Hæstaréttar í mál-
verkafölsunarmálinu er gríðarlegt
áfall fyrir íslenskt myndlistarlíf að
mati Sambands íslenskra lista-
manna. Þá segir Atli Gíslason lög-
maður sýknudóminn áfellisdóm fyrir
þá sem undirbjuggu málið.
Y f i r l i t
Kynningar – Með Morgunblaðinu í
dag fylgir Ferðasumar 2004.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Í dag
Sigmund 8 Bréf 40
Viðskipti 12 Dagbók 42/43
Erlent 14 Íþróttir 44/47
Listir 16/21 Leikhús 48
Daglegt líf 22/23 Fólk 48/53
Umræðan 24/27 Bíó 50/53
Forystugrein 28 Ljósvakamiðlar 54
Minningar 30/36 Veður 56
* * *
HÚSDÝRA- og fjölskyldugarðurinn iðar nú sem liðin
sumur af lífi og fjöri. Dýr og menn spranga þar um og
njóta þess að vera til. Í fjölskyldugarðinum er alltaf
nóg um að vera, börn að leik í ýmsum tækjum sem þar
hefur verið fyrir komið. Það getur verið þrautin þyngri
að komast í gegnum breið rör, stiga úr reipi og annað
sem tengist kastalanum vinsæla. En allt hefst það að
lokum og ferð smáfólksins um völundarhúsið endar vel.
Morgunblaðið/Golli
Fjör í fjölskyldugarðinum
MAÐUR um tvítugt var handtekinn
um kl. 21.30 á miðvikudagskvöld þar
sem hann réðst á bíl með öxi. Lög-
reglan í Reykjavík var kölluð á vett-
vang og var maðurinn snúinn niður
og handtekinn, að sögn vitnis. Að
sögn lögreglu kom svo í ljós að mað-
urinn átti bílinn sem hann hjó í með
öxinni. Maðurinn var ölvaður og
þóttu tilburðir hans það ógnandi fyr-
ir öryggi annarra borgara að hann
var handtekinn fyrir að raska al-
mannafriði og færður á lögreglustöð.
Bíllinn er talsvert skemmdur, rúður
brotnar og göt á hliðum. Ekki er vit-
að hvað manninum gekk til með
þessu athæfi sínu, en hann var látinn
laus þegar honum var runnin reiðin.
Eyðilagði bíl sinn með öxi
Ljósmynd/Marco Mintchev
HÉRAÐSDÓMUR Reykjavíkur
hefur sýknað karlmann af ákæru
fyrir gáleysislegan akstur við Eiðs-
granda í nóvember 2003 með þeim
afleiðingum að bíll hans ók í veg fyrir
annan bíl og olli alvarlegum slysum á
ökumanni beggja bílanna.
Að mati dómsins þótti sannað að
bíll ákærða fór yfir á öfugan vegar-
helming með fyrrgreindum afleið-
ingum en á hinn bóginn taldi dóm-
urinn slysið ekki nægilega
rannsakað og því hefði ekki komið
fram lögfull sönnun um sekt ákærða.
Málið dæmdi Guðjón St. Mar-
teinsson héraðsdómari. Verjandi
ákærða var Guðmundur Óli Björg-
vinsson hdl. og sækjandi Þorsteinn
Skúlason, fulltrúi lögreglustjórans í
Reykjavík.
Sýknaður af
ákæru fyrir
gáleysis-
legan akstur
AFKOMA sjávarútvegs
verður heldur lakari í ár
en hún varð á síðasta ári,
þrátt fyrir auknar afla-
heimildir, að því er fram
kemur í nýrri þjóðhagsspá
fjármálaráðuneytisins. Í
því sambandi vegur
þyngst hækkun kostnað-
ar, óbreytt fiskverð á er-
lendum fiskmörkuðum og
almennt lakari rekstrar-
skilyrði.
Fram kemur að afkoma
sjávarútvegsins sé hins
vegar talsvert mismunandi eftir
einstökum greinum. Veiðar séu
þannig reknar með þokkalegum
hagnaði eða 5,5% af tekjum á
sama tíma og töluverður halli sé
á fiskvinnslunni sem geti numið
um 4,5% af tekjum.
Fram kemur einnig að sam-
kvæmt áætlunum sé gert ráð fyr-
ir að sjávarútvegurinn í heild
verði rekinn á núllinu í ár sam-
anborið við hagnað sem nam 1,3%
af tekjum á árinu 2003 og 10,2%
af tekjum árið þar á undan árið
2002. Á árinu 2005 er hins vegar
gert ráð fyrir að hagnaðurinn
aukist aftur og verði 2,9% af
tekjum. Reiknað er með að
það sé einkum hagur út-
gerðarinnar sem muni
batna, en fiskvinnslan verði
áfram rekin með umtals-
verðum halla.
Fram kemur að í þessum
framreikningum er stuðst í
meginatriðum við sömu for-
sendur og í þjóðhagsspá. Í
því sambandi sé stuðst við
spá Alþjóðagjaldeyrissjóðs-
ins um verð á olíu í ár og á
næsta ári, en þar er gert ráð
fyrir að olíutunnan kosti að með-
altali 30 dali í ár og 27 dali á
næsta ári. Ef hins vegar niður-
staðan verður sú að olíuverðið
verður að meðaltali 40 Banda-
ríkjadalir fyrir tunnuna í ár
stefni í að rekstrarhalli sjávarút-
vegsins verði um 2,5% af tekjum.
Lakari afkoma sjávar-
útvegs í ár en í fyrra
Morgunblaðið/Þorkell
ELDUR kviknaði í gasgrilli sem
stóð á svölum íbúðar á Strandgöt-
unni á Akureyri um kl. 22.15 í gær-
kvöldi. Vegfarandi tilkynnti Neyð-
arlínu um reyk sem steig upp af
svölum á 5. hæð hússins, og var allt
tiltækt lið slökkviliðs kallað til.
Slökkvilið þurfti að brjóta sér leið
inn í íbúðina, sem var mannlaus, til
að komast að grillinu. Þegar að var
komið var grillið í ljósum logum, og
mátti greina leifar af lambalæri á
grillinu. Vel gekk að slökkva í grill-
inu og var gaskúturinn kældur.
Að sögn slökkviliðsmanns sem
fór á vettvang mátti ekki miklu
muna að gaskúturinn hitnaði það
mikið að hann færi að leka, sem
hefði magnað eldinn mikið, og ef
hitinn hefði aukist enn meira var
veruleg hætta að kúturinn myndi
springa.
Eldur í Lundarskóla
Annar eldsvoði varð á Akureyri í
gær, rétt fyrir kl. 18 var slökkvilið
kallað að Lundarskóla þar sem
kveikt hafði verið í rusli í rusla-
geymslu. Vel gekk að ráða niðurlög-
um eldsins. Lögregla hefur sterkan
grun um hver kveikti í, en enginn
hafði verið yfirheyrður vegna máls-
ins þegar blaðið fór í prentun.
Kviknaði
í gasgrilli
á Akureyri
♦♦♦