Morgunblaðið - 05.06.2004, Blaðsíða 48

48 LAUGARDAGUR 5. JÚNÍ 2004 MORGUNBLAÐIÐ
Grettir
Grettir
Smáfólk
ÞAÐ STENDUR HÉRNA Í
BÓKINNI AÐ ALLIR JÓÐLARAR
ÞURFI AÐ HITA UPP
VIÐ ÆTTUM AÐ FARA
MEÐ ÞETTA ÚT
KOMDU
AFTUR
HINGAÐ!
HVER VILL FARA AÐ KLÓRA
ÖLL HÚSGÖGNIN?
ÉG!
ÉG!
KEM RÉTT
STRAX
MÉR LÍKAR EKKI VIÐ
ÞETTA GLOTT!
ÞÓ AÐ FYRSTU
DAGARNIR
HAFI VERIÐ
BJARTIR, ÞÁ
BYRJAÐI
FLJÓTT AÐ
DIMMA.
LÍF MITT HEFUR VERIÐ EIN
STÓR ÞRAUTARGANGA.
ÞRAUTAR-
GANGA?
HVAÐ MEINARÐU?
ÉG HEF ALLTAF
VERIÐ GÓÐUR VIÐ
ÞIG! ÞÚ HEFUR
ÁTT AUÐVELT LÍF!
ER
ÞAÐ?
ÞETTA GÆTI
EYÐILAGT
SJÁLFSÆVISÖGUNA...
Risaeðlugrín
© DARGAUD
EINMITT ÞAÐ SEM ÉG
HÉLT. VATNSLÁSINN ER
STÍFLAÐUR
KOMIÐ!
AAAAAAA
ÞETTA ER
NÚ GOTT! TAKKFYRIR
DÍNÓ!
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FRAMUNDAN er spennandi sumar
í handboltanum 6. júní nk. verða spil-
aðir tveir mikilvægir landsleikir.
A-landslið kvenna spilar í Tékklandi
seinni leik sinn gegn Tékkum þar
sem stelpurnar eru að spila um laust
sæti á Evrópumótinu í handknattleik
(EM) og A-landslið karla spilar hér
heima gegn Ítölum um laust sæti á
HM í Túnis 2005.
19 ára landslið kvenna er komið í
lokakeppni EM sem fram fer í Tékk-
landi í ágúst nk. stelpurnar spila í
sterkum riðli á móti Noregi, Þýska-
landi og Austurríki.
20 ára landslið karla Evrópu-
meistarnarnir okkar frá því í fyrra
keppa aftur í lokakeppni EM í Lett-
landi núna í ágúst nk. strákarnir eru
líka í mjög sterkum riðli á mótinu
spila gegn Ungverjalandi, Sviss og
Rúmeníu.
18 ára landslið karla tryggði sér
um daginn sæti á lokakeppni EM
sem fram fer í Serbíu í ágúst nk. þeir
munu spila á móti Serbíu, Eistlandi
og Svíþjóð.
Þetta er frábær árangur yngri
landsliða HSÍ, kostnaðurinn er mik-
ill og þurfa leikmenn að standa í fjár-
öflunum samhliða því að æfa fyrir
mótin sem framundan eru. Því miður
er fjárhagsstaða HSÍ enn ekki orðin
það góð að við getum greitt allan
kostnað sem fellur á vegna þátttöku
yngri landsliða HSÍ en við erum
bjartsýn að nú fari að styttast í slíkt
hjá sambandinu. Því betri árangur
hjá landsliðum HSÍ því meiri kostn-
aður fellur á sambandið þetta ætti að
vera öfugt. Engir styrkir koma að
utan frá EHF vegna þessara liða
sem komin eru í lokakeppni EM.
Umgjörð landsliðanna og stuðn-
ingur landans við þau tel ég aldrei
hafi verið meiri. Nú fer A-landslið
karla á Ólympíuleikana í ágúst nk.
með stuðningi þjóðarinnar og sam-
starfsaðilum HSÍ. Við höfum aldrei
átt fleiri leikmenn sem spila í Evr-
ópu og aldrei fleiri upprennandi
hetjur hér heima bæði hjá stelpun-
um og strákunum enda alltaf fleiri og
fleiri að gera samninga við erlend lið.
Áfram stelpur og strákar, áfram
HSÍ.
ÁSGERÐUR
HALLDÓRSDÓTTIR,
gjaldkeri HSÍ.
Áfram stelpur
og strákar
Frá Ásgerði Halldórsdóttur:
Morgunblaðið/Brynjar Gauti
VIÐ státum okkur af að vera elsta
lýðveldi í heimi, samt veit enginn
hvernig á að framkvæma þjóðarat-
kvæðagreiðslu. Einhvern tíma hafa
nú verið gefin út bráðabirgðalög af
minna tilefni.
Mér þykir eðlilegt að allir atkvæð-
isbærir menn á Íslandi eigi rétt á að
greiða atkvæði í þjóðaratkvæða-
greiðslu. Það ætti ekki að vera neitt
stórmál að dreifa einni já- eða nei-
spurningu á sérstökum seðli um leið
og við kjósum okkur forseta.
Það þarf tvö þing til að samþykkja
breytingar á stjórnarskrá, samt
koma málsmetandi menn fram, hver
um annan þveran, og lýsa ákvæði í
stjórnarskránni eins og hverri ann-
arri prentvillu.
Forsætisráðherra lýsir forseta Ís-
lands vanhæfan (hvernig var sagan
um bjálkann og flísina?). Forsætis-
ráðherra og utanríkisráðherra lýstu
yfir stríði við annað land, án þess að
það fengi umfjöllun í utanríkismála-
nefnd. Ég veit ekki við hvern for-
sætisráðherra ráðfærði sig, en sl.
þriðjudag fengum við, óbreyttir
kjósendur, þær upplýsingar að utan-
ríkisráðherra hefði ekki borið stríðs-
yfirlýsinguna undir þingflokk sinn.
Dómsmálaráðherra telur sig ekki
þurfa að fara að lögum, sem eru börn
síns tíma. Þetta er þingræðið, sem
við búum við. Við þetta má bæta að
sæti stjórnarþingmanna eru oftast
auð, þegar lagafrumvörpum þeirra
er andmælt. Málin eru nefnilega af-
greidd annars staðar en á þingi.
Veitir okkur nokkuð af því að hafa
þann öryggisventil, sem forsetinn
er? Hann hefur nú vísað fjölmiðla-
lögunum til þjóðarinnar. Sumir
segja að þetta mál sé slíkur hégómi
að það sé ekki ástæða til að grípa til
þessa umdeilda ákvæðis stjórnar-
skrárinnar vegna þess.
Ég tel að málið snúist ekki bara
um fjölmiðlalögin, þótt frumvarpið
hafi verið kýlt í gegn illa unnið og
margir lögfróðir menn telji að það
brjóti í bága við stjórnarskrána (en
hún er jú barn síns tíma). Ég tel ekki
síður mikilvægt að fá úr því skorið
fyrir næstu forsetakosningar, hvort
stjórnarskráin heldur fyrir þessum
banana-herrum, sem nú stjórna
landinu og fylgismönnum þeirra.
Mér var boðið að skrifa undir
áskorun til forsetans um að sam-
þykkja ekki lögin. Ég skrifaði ekki
undir vegna þess að ég treysti for-
setanum fullkomlega til að gera upp
hug sinn sjálfur, annars hefði ég ekki
kosið hann. Nú hefur hann gert það
og hefur fyllilega reynst trausts
míns verður.
Ég treysti forsetanum fyllilega til
að hygla ekki ættingjum sínum eða
vinum umfram aðra Íslendinga og
það er meira en ég get sagt um alla
þingmennina okkar og ráðherra.
Mér finnst að við Íslendingar eig-
um ekki að kjósa okkur forseta sem
við ekki treystum í hvívetna, hvaða
lygalaupa sem við svo veljum að
kjósa á þing.
ÞÓRHALLUR
HRÓÐMARSSON,
Hveramörk 4,
810 Hveragerði.
Lýðveldið Ísland
Frá Þórhalli Hróðmarssyni: