Morgunblaðið - 29.07.2004, Blaðsíða 4

FRÉTTIR
4 FIMMTUDAGUR 29. JÚLÍ 2004 MORGUNBLAÐIÐ
ÁKÖF leit 130 björgunarsveitar-
manna frá Slysavarnafélaginu
Landsbjörg að Sri Rhamawati bar
ekki árangur í gær, en mikil áhersla
hefur verið lögð á að finna hina látnu
að undanförnu. Leitað var út frá
Presthúsatanga fram á kvöld í gær
og þá leituðu tíu kafarar frá Lands-
björg og lögreglu í Hofsvík en mikið
þang á botni gerði þeim erfitt fyrir.
Dagbjartur Brynjarsson hjá
Slysavarnafélaginu Landsbjörg seg-
ir að hafstraumar í Hofsvík séu eðli-
legir, hvorki sterkir né veikir. Á hinn
bóginn liggi mjög sterkur straumur
inn og út úr Hvalfirðinum. Tveir
straumar úr Hofsvíkinni séu sterk-
astir. Annar gæti hugsanlega borið
með sér lík inn í Hvalfjörð, þó varla
lengra en að munna Hvalfjarðar-
ganga. Hinn straumurinn liggur í átt
til Reykjavíkur. Dagbjartur segir
erfitt að segja til um hvar best sé að
leita enda óvissuþættirnir margir.
Sakborningurinn í málinu, Hákon
Eydal, féllst á að sýna lögreglunni
hvar hann kom líkinu af fyrrverandi
sambýliskonu sinni fyrir á þriðju-
dagskvöld og var sjónum leitar-
manna því beint að Hofsvík og næsta
nágrenni. Geðrannsókn á Hákoni
hófst í byrjun vikunnar en óvíst er
hvenær niðurstöður hennar liggja
fyrir.
Áköf leit ber
engan árangur

       







 
 




       


  
 



 





     

SALA á fellihýsum fer ekki minnk-
andi þrátt fyrir að fleiri hjólhýsi hafi
selst á þessu sumri miðað við fyrri ár
að mati sölumanna sem Morgunblað-
ið ræddi við í gær. Hjólhýsin komi
sem hrein viðbót við aðra sölu. Fólk
sé að leita að meiri þægindum þegar
það ferðist og hafi meiri fjárráð til að
kaupa betri útbúnað. Í fyrra voru 38
hjólhýsi nýskráð á Íslandi samkvæmt
upplýsingum frá Umferðarstofu.
Fyrstu sex mánuði þessa árs hafa 89
hjólhýsi verið nýskráð. Er það aukn-
ing um 134% þrátt fyrir að árið 2004
sé aðeins hálfnað.
Þrúðmar Karlsson hjá Netsölunni
segir að fólk sem eigi stór fellihýsi
skipti gjarnan yfir í hjólhýsi. Þetta sé
fólk á aldrinum 30 ára til fimmtugs.
Þeir sem kaupi húsbíla séu aðallega
eldra fólk. Hann spáir því að smærri
fellihýsin haldi hlutdeild sinni en þau
stóru víki fyrir hjólhýsum. Fólk vilji
meiri lúxus og það sé mikill munur
þarna á milli hvað það varði á meðan
minna munar á verði. Ekki þurfi held-
ur öflugri bíla til að draga hjólhýsi
eins og þau séu byggð núna.
Betri vegir og öflugri bílar
Netsalan hefur verið að selja hjól-
hýsi frá árinu 2000 og bjóst Þrúðmar
þá strax við miklum áhuga fólks á
þessum ferðamáta. Áhuginn hafi svo
kviknað af alvöru í ár og salan komið
sem hrein viðbót við aðra sölu.
Ástæðan sé m.a. miklu betri vegir,
öflugri bílar, minni vindur og fólk sé
að læra að nota og njóta hjólhýsanna.
Fyrir 25 árum þegar hjólhýsin komu
fyrst hafi þessar aðstæður einfald-
lega ekki verið til staðar.
Helgi Berg Halldórsson hjá Evró
segir eftirspurn eftir fellihýsum ekk-
ert vera að minnka þrátt fyrir aukinn
fjölda húsbíla og hjólhýsa. Þetta sé í
fyrsta skipti sem Evró selji húsbíla og
hjólhýsi og áhuginn hafi verið mikill.
Margir sem kaupi húsbíla eigi eldri
húsbíla og þeir sem kaupi hjólhýsi
eigi góð fellihýsi fyrir. Áhuginn á hjól-
hýsum hafi aukist gífurlega.
Karl Jónsson, framkvæmdastjóri
Gísla Jónssonar ehf., segir munstrið
að breytast og markaðinn að stækka.
Salan hafi minnkað í tjaldvögnum,
fellihýsin haldi sínu striki og svo komi
hjólhýsi og húsbílar sem aukning.
Greinilegt sé að fólk vilji meiri þæg-
indi á ferðalögum og hafi efni á því.
Máli sínu til stuðnings segir Karl
að fyrstu sex mánuðina í fyrra hafi
263 fellihýsi verið nýskráð á landinu
en í ár séu þau 396 eftir sex mánuði.
Aukning í sölu haldi áfram á milli ára
þrátt fyrir ýmsar nýjungar á öðrum
sviðum. Þetta sé svona tröppugang-
ur; þeir sem eigi tjaldvagna kaupi
fellihýsi, þeir sem eiga fellihýsi kaupi
hjólhýsi.
Það sama segir Björgvin Barðdal
hjá Seglagerðinni Ægi. Fellihýsin eru
alltaf jafnvinsæl og salan í ár svipuð
og í fyrra. Þó segir hann söluaðila
sitja meira uppi með notaða tjald-
vagna og fellihýsi en áður. Það sé eðli-
leg þróun þegar endurnýjunin er búin
að vera eins hröð eins og raun ber
vitni.
Hraust ferðafólk
Björgvin segir fólk milli 40 og 50
ára vera stærsta kaupendahóp hjól-
hýsa. Þetta sé hraust fólk sem vilji
ferðast mikið og oft með eitt til tvö
börn með sér. Þetta sé líka fólk sem
áður var með stór fellihýsi en fékk sér
hjólhýsi í framhaldinu.
Seglagerðin byrjaði að selja hjól-
hýsi í fyrra en Björgvin segir söluna
þá ekki hafa verið eins mikla og í ár.
Fólki sem velji húsbíla fari líka ört
fjölgandi.
Metsala á hjólhýsum og fellihýsi seljast áfram vel
Fólk vill meiri þæg-
indi á ferðalögum
Morgunblaðið/Hafþór Hreiðarsson
Íslendingar vilja þægindi á ferðalögum, segja sölumenn fellihýsa og hjól-
hýsa en sala slíkra gripa hefur aukist gríðarlega undanfarin misseri.




    



    

   
 !
"#
  


$ #%$&'
      "
#$ 
 

( 



GATNAMÓT Stekkjarbakka og
Reykjanesbrautar voru formlega
opnuð í gærdag, en umferð var
hleypt á nýja brú og gatnamót þeim
fylgjandi í október á síðasta ári.
Samgönguráðherra, Sturla Böðv-
arsson, borgarstjórinn í Reykjavík,
Þórólfur Árnason, og forseti bæj-
arstjórnar Kópavogs, Gunnsteinn
Sigurðsson, klipptu á fánaborða sem
lá um brúna, en bygging brúarinnar
var samvinnuverkefni Vegagerð-
arinnar, Reykjavíkurborgar og
Kópavogsbæjar. Verkfræðistofan
Línuhönnun sá um hönnun mann-
virkisins, í samstarfi við Studio
Granda, Landmótun og Raf-
tæknistofuna, en Fjarhitun sá um
eftirlit með verkinu. Heildarkostn-
aður við gerð nýju gatnamótanna
var 960 milljónir króna.
Með nýju gatnamótunum fækkar
umferðarljósum á Reykjanesbraut
um þrenn, og tenging milli Stekkjar-
bakka og Smiðjuhverfis, og þar með
sveitarfélaganna Reykjavíkur og
Kópavogs, verður mun betri. Nýir
stígar, göngubrú og undirgöng bæta
einnig umferð gangandi og hjólandi
vegfarenda til muna.
Morgunblaðið/Árni Torfason
Borgarstjórinn í Reykjavík, samgönguráðherra og forseti bæjarstjórnar Kópavogs opnuðu gatnamótin formlega.
Brúar bilið milli sveitarfélaga
BLIKKANDI snuð verða ekki til
sölu hér á landi á næstunni en Lög-
gildingarstofa hefur lagt tímabundið
bann við sölu og afhendingu þeirra.
Snuðin eru seld undir vöruheitinu
Flashing Pacifer with Whistle
(blikkandi snuð með flautu) og er
bannið sett með hliðsjón af ábend-
ingu til allra ríkja á Evrópska efna-
hagssvæðinu um hugsanlega hættu
sem gæti stafað af því ef ung börn
nota slík snuð. Snuðin virðast ekki
ætluð til sambærilegrar notkunar og
hefðbundin snuð og hætta er talin á
að fólk taki blikkandi snuð í misgrip-
um. Þessi snuð ganga fyrir rafhlöð-
um en auðvelt er að taka þau í sund-
ur og getur það reynst ungum
börnum hættulegt þar sem smáir
fylgihlutir geta valdið köfnun. Lög-
gildingarstofa varar við öðrum sam-
bærilegum vörum sem kunna að
vera til sölu undir öðrum vöruheitum
eða án vöruheitis.
Blikkandi snuð geta reynst vara-
söm en flest eintök líta svona út.
Bann við
sölu á blikk-
andi snuðum
SALA garðálfa til
skemmtunar og augna-
yndis í heimilisgörðum
hefur aukist mikið und-
anfarin ár, og virðist sem
þeir hafi hitt í mark hjá
álfaþjóðinni íslensku. Að
sögn Sigrúnar Brynjólfs-
dóttur hjá Blómavali, sem
er meðal þeirra sem selja
garðálfana, hefur Blóma-
val flutt inn mikið af garð-
álfum í sumar, og þeir
rokselst.
„Við höfum verið með
þrjár stærðir af álfum, og sú stærsta hefur verið vinsælust,“ segir Sigrún.
„Fólk spáir mikið í svipinn á þeim og hvað þeir eru að gera. Það virðist búa
mikil hugsun að baki hjá mörgum þegar kemur að því að velja sér álf í garð-
inn,“ bætir hún við.
Hún segir fólk skipa sér í tvær fylkingar hvað varðar álfana; ýmist þyki því
þeir afskaplega flottir eða það skilur ekkert í þessum vinsældum álfanna.
„Það eru alveg til dæmi um að fólk verji miklum tíma í að velja sér álf, skoði
litina á fötum hans og hvað hann er að gera, hvort hann er að moka, höggva,
vökva eða saga, svo dæmi séu nefnd,“ segir Sigrún að lokum.
Allir vilja álf í garðinn
Íbygginn álfur bíður þess að komast í garðinn.
Morgunblaðið/Sverrir
Eldur í
sumarbústað
TILKYNNT var um eld í gaskúti í
sumarbústaði sem er á landi Minna-
Grindils í Skagafirði til lögreglunnar
á Sauðárkróki á níunda tímanum í
gærkvöld.
Lögregla fór á staðinn en þá voru
brunavarnir Skagafjarðar komnar
þangað og búið að ráða niðurlögum
eldsins. Hvorki skemmdir né eigna-
tjón urðu af völdum hans.
Á 183 km hraða
í Kollafirði
KARLMAÐUR á fertugsaldri var í
gær sviptur ökuréttindum til bráða-
birgða eftir að bifreið hans mældist á
183 kílómetra hraða á klukkustund í
Kollafirði.
Maðurinn gaf lögreglu þær skýr-
ingar að hann hefði ekki fylgst með
hraðamælinum.
♦♦♦
♦♦♦
Eldur í togara
ELDUR kom upp í togaranum Arn-
arborg í Hafnarfjarðarhöfn í gær-
morgun. Var talsverður eldur er
slökkvilið bar að en greiðlega gekk að
slökkva hann, samkvæmt upplýsing-
um Slökkviliðs höfuðborgarsvæðis-
ins, sem reykræsti svo skipið.
Arnarborg er 60 metra langur og
820 tonna togari, skráður í Lettlandi.
Hann hefur legið í Hafnarfjarðarhöfn
um nokkurra mánaða skeið en verið
var að undirbúa hann til veiða þar.