Morgunblaðið - 29.07.2004, Qupperneq 14

ERLENT
14 FIMMTUDAGUR 29. JÚLÍ 2004 MORGUNBLAÐIÐ
UM 70 manns létu lífið og fjöldi
manna særðist í Baquba í Írak í
gær er bíll var sprengdur upp við
lögreglustöð í bænum. Var þar
fjöldi manna saman kominn til að
sækja um starf hjá lögreglunni. Þá
féllu einnig sjö íraskir öryggislög-
reglumenn í átökum við skæruliða í
sjítabænum Sueira suður af Bag-
dad.
Haft er eftir vitnum, að um
sjálfsmorðsárás hefði verið að ræða
og að sögn lækna á sjúkrahúsi bæj-
arins var búið að flytja þangað lík
68 manna og 56 særða. Meðal
þeirra, sem létust, var 21 maður í
fólksflutningabíl, sem átti leið hjá
er sprengjan sprakk.
Skelfilegt var um að litast eftir
sprenginguna. Látið og illa sært
fólk lá um allt í blóði sínu og alls
konar braki og jafnvel líkamshlut-
um rigndi yfir nágrennið. Svo öflug
var sprengingin, að fjöldi nálægra
bíla eyðilagðist, rúður brotnuðu í
húsum í allmikilli fjarlægð og fram-
hlið sumra húsa hrundi.
Ekið inn í mannþröngina
Foringi í írösku lögreglunni
sagði, að von hefði verið á 600 um-
sækjendum um störf í lögreglunni í
gær og hefði sjálf lögreglustöðin
verið yfirfull og margir beðið utan-
dyra. „Við reyndum að fá marga til
að fara og koma síðar en það var
ekki til neins,“ sagði lögreglufor-
inginn. Annar lögreglumaður
kvaðst hafa séð bílinn koma, fara
fram úr fólksflutningabílnum og
keyra síðan beint inn í mannþröng-
ina.
Allt að 120 manns
í valinn á einum degi
Átökin í Sueira í Kut-héraði þar
sem sjö öryggissveitarmenn féllu
koma nokkuð á óvart en þar hefur
allt verið með kyrrum kjörum síðan
sjítaklerkurinn Moqtada Sadr
hætti andófi sínu gegn Bandaríkja-
mönnum. Talið er, að um 35 skæru-
liðanna hafi verið felldir.
Í Balad Ruz, norður af Bagdad,
féll einn bandarískur hermaður og
þrír særðust er ráðist var á bílalest
þeirra og tveir Írakar létust í
sprengingum í Bagdad og þrír í ol-
íuborginni Kirkuk í norðurhluta
landsins. Eitthvert mannfall var í
átökum annars staðar í landinu.
Sprengingin í Baquba er sú
mannskæðasta í Írak frá 24. júní
síðastliðnum er 89 manns týndu lífi
í samræmdum aðgerðum skæruliða
í norður- og miðhluta landsins.
Ljóst er þó, að óöldin í Írak kostaði
allt að 120 manns lífið í gær.
Tugir manna féllu
í sjálfsmorðsárás
Blóðvöllur eftir öfluga bílsprengingu í Baquba í Írak
Baquba. AFP.
% )$
*+,-./01

2,3./01
4,/0
*516-
/,/74/ 389:6

&'()
%*+
;( $  ! <  = '&
>)=$'!(  = ? 
@    &




+,-.+ /  0++00
+.

1+,%*+ &
 1
STJÓRNVÖLD í Portúgal hafa ósk-
að eftir aðstoð Evrópusambandsins,
einkum Spánverja, við að slökkva
skógarelda sem geisa víða í landinu.
Um 1.300 her- og lögreglumenn taka
þátt í slökkvistarfinu í Portúgal og
nota 340 bíla og 39 flugvélar. Stjórn-
in óskaði eftir fleiri flugvélum frá
Spáni.
Stærstu eldarnir geisa nálægt
Braga og Braganca í norðanverðu
landinu, Viseu í miðhlutanum og
Faro og Beja í suðurhlutanum. Einn
stærstu eldanna er í Geres-fjöllum í
norðanverðu landinu, nálægt
stærsta þjóðgarði Portúgals, en þar
eru margar fágætar plöntu- og dýra-
tegundir. Áætlað er að allt að 30.000
hektarar skóglendis hafi eyðilagst í
Portúgal.
Mikill skógareldur geisar einnig
nálægt Huelva í suðvesturhluta
Spánar og tveir menn létu þar lífið í
fyrradag þegar bíll þeirra varð eld-
inum að bráð.
Yfirvöld í Frakklandi sögðu í gær
að tekist hefði að hefta útbreiðslu
skógarelds sem hefur valdið miklum
spjöllum á náttúrunni nálægt borg-
inni Nimes í sunnanverðu landinu.
Óska aðstoðar
vegna skógarelda
Lissabon. AFP.
 
2,# 34
+,
5


   6.  7. 1
++,
A'


. 
68'9:(;
)$
*A500
( / 4
+
<=*+ > *'>'=
  
YFIRVÖLD í Suður-Kóreu fluttu
227 norður-kóreska flóttamenn
með leiguflugi til landsins í gær, til
viðbótar við þá 230 sem komu til
landsins í fyrradag. Í frétt á vef
breska ríkisútvarpsins BBC segir
að flogið hafi verið með fólkið frá
Víetnam.
Samkvæmt þessum tölum hefur
457 norður-kóreskum flóttamönn-
um verið hleypt inn í landið en það
mun vera stærsti flótti íbúa norð-
urs til suðurs í sögu Kóreu.
Stjórnvöld S-Kóreu hugðust
halda komu flóttamannanna
leyndri en sjónvarpsstöð þar í landi
náði myndum af fólkinu við komu
þess á þriðjudag. Koh Yu-hwan,
suður-kóreskur sérfræðingur í
málefnum nágrannaríkisins, sagði
að fólksflóttinn myndi að öllum lík-
indum leiða til þess að kommún-
istastjórnin herti takið á þeim
landsmönnum sem þættu líklegir
til flótta.
Fólksflótti hefur aukist gríðar-
lega undanfarin ár yfir landamæri
landsins að Kína þaðan sem fólk
sækir til annarra nágrannalanda.
Um 5.000 hafa flúið til suðursins
frá því Kóreustríðið geisaði 1950-
53 en tæp 1.300 komu til S-Kóreu í
fyrra.
Reuters
Norður-kóresku flóttamennirnir ganga frá borði er þeir komu til Seoul, höfuðborgar Suður-Kóru, í gær.
227 flóttamenn til við-
bótar til Suður-Kóreu
SAMTÖKIN Læknar án landa-
mæra (MSF) tilkynntu í gær að þau
myndu verða á brott frá Afganist-
an, þar sem þau hafa starfað í 24 ár.
Átöldu samtökin stjórnvöld í land-
inu fyrir að hafa ekki veitt hjálp-
arstarfsmönnum vernd og ekki
reynt að hafa uppi á vígamönnum
sem myrtu fimm starfsmenn sam-
takanna.
Fréttaskýrendur segja að brott-
för samtakanna frá Afganistan sýni
svo ekki verði um villst í hversu
miklum ólestri öryggismál í landinu
séu, en forsetakosningar fara þar
fram í október.
MSF gagnrýndu ennfremur al-
þjóðaherliðið í landinu, er lýtur for-
ystu Bandaríkjamanna, fyrir að
nota hjálparstarfsemi til að ná póli-
tískum og hernaðarlegum mark-
miðum. Afleiðingin væri sú, að upp-
reisnarmenn teldu réttmætt að
ráðast á hjálparstarfsmenn.
Breytir engu um friðargæslu
Gunnar Snorri Gunnarsson,
ráðuneytisstjóri í utanríkisráðu-
neytinu, segir brottför MSF ekki
hafa áhrif á veru íslensks friðar-
gæsluliðs í Kabúl. MSF störfuðu
víða um landið og það hefði alltaf
verið vitað að utan borgarinnar
Kabúl væri nánast stjórnlaust land
þó löggæsla væri þokkaleg á
ákveðnum stöðum.
Læknar án landamæra
fara frá Afganistan
Kabúl. AFP.
JAPÖNSK yfirvöld ákváðu í
fyrradag að hafna áfrýjunarbeiðni
Bobbys Fischers, fyrrum heims-
meistara í skák, og framselja
hann til Bandaríkjanna.
Ákvörðunin var tekin eftir
tveggja daga yfirheyrslur yfir
skákmeistaranum, að sögn John
Bosnitch, kanadísks blaðamanns,
sem var ráðgjafi Fischers meðan
á yfirheyrslunum stóð.
„Hann lítur á þessa þrekraun í
heild sinni sem hreinasta mann-
rán, algjörlega ólöglega aðgerð
bæði af hálfu Bandaríkjanna og
Japana,“ sagði Bosnitch. Fischer
haldi því fram að hann hafi verið
beittur ofbeldi. „Hann var marinn
í andliti og það sáust bólgurákir á
handleggjum hans,“ sagði Bosn-
itch.
Fischer hefur rétt á því að
áfrýja öðru sinni, að þessu sinni til
dómsmálaráðherra Japans og
rennur frestur til þess út á föstu-
dag. Hann var handtekinn á al-
þjóðaflugvelli í Japan fyrir tveim-
ur vikum með ógilt vegabréf.
Fischer er eftirlýstur í Banda-
ríkjunum fyrir að hafa teflt við
Boris Spasskí í Júgóslavíu árið
1992 og þar með brotið alþjóðlegt
viðskiptabann sem hvíldi á land-
inu.
Stjórn Skáksambands Íslands
skoraði á forseta Bandaríkjanna
að fella niður ákærur á hendur
Fischer föstudaginn s.l. og bað ut-
anríkisráðuneyti Íslands að koma
sjónarmiðum sambandsins á
framfæri við Bandaríkjastjórn.
Gunnar Snorri Gunnarsson,
ráðuneytisstjóri í utanríkisráðu-
neytinu, segir bestu kveðjum hafa
verið komið til Fischers og honum
vottuð virðing Íslendinga. Málið
sé í þeim farvegi að íslensk stjórn-
völd geti ekki gripið inn í það að
öðru leyti en því, að koma á fram-
færi við bandarísk stjórnvöld og
Fischer sjálfan, að hann sé mikils-
virtur af Íslendingum fyrir fram-
lag sitt til skáklistarinnar hér á
landi. Fischer háði frægt skákein-
vígi við þáverandi heimsmeistara,
Borís Spasskí, í Reykjavík árið
1972 og bar sigur úr býtum.
Gunnar bendir á að Sameinuðu
þjóðirnar, og þ.a.l. Ísland, hafi
staðið að viðskiptabanninu á
Júgóslavíu á sínum tíma og það
beri að virða. Ekki sé flötur á
frekari aðgerðum af hálfu utan-
ríkisráðuneytisins. Málið sé í
höndum Bandaríkjanna og þeirra
því svigrúmið að taka tillit til
breyttra aðstæðna og sýna
Fischer ákveðna mildi.
Áfrýjun Bobbys
Fischers hafnað
Tókýó. AP.