Morgunblaðið - 29.07.2004, Qupperneq 22

22 FIMMTUDAGUR 29. JÚLÍ 2004 MORGUNBLAÐIÐ
Í Evrópu er löng hefð fyrirsúkkulaðigerð, en innanEvrópusambandsins eru ígildi reglur sem segja til um
hversu hátt hlutfall kakóþurrefna
þarf að vera í vörunni til þess að
hún geti kallast súkkulaði. Kakó-
þurrefni er það efni sem unnið er
úr sjálfri kakóbauninni og skiptist í
kakósmjör og fitusnautt kakóþurr-
efni í mismunandi hlutföllum.
Samkvæmt gildandi reglum Evr-
ópusambandsins (tilskipun 2000/
36) þarf vara að innihalda minnst
35% kakóþurrefna, þar með talið
18% kakósmjör og a.m.k. 14% fitu-
snauðra kakóþurrefna, til þess að
kallast suðusúkkulaði. Þá þarf
mjólkursúkkulaði að innihalda
minnst 25% kakóþurrefna, þar af
2,5% fitusnauðra kakóþurrefna.
Undantekningar gilda um vörur
sem auðkenndar eru sem t.d. spæn-
ir eða hjúpsúkkulaði, en þær þurfa
þó að innihalda ákveðið lágmarks-
hlutfall kakósmjörs og fitusnauðra
kakóþurrefna.
Í ársbyrjun tók gildi reglugerð
um kakó- og súkkulaðivörur (nr.
798) sem seldar eru hér á landi en
samkvæmt henni er súkkulaði-
framleiðendum skylt að geta þess á
umbúðum hvert heildarmagn kakó-
þurrefna er í vörum sem seldar eru
undir heitinu súkkulaði. Þeim er
jafnframt skylt að uppfylla kröfur
um lágmarksinnihald kakóþur-
refna sem tilteknar eru í ofan-
greindri Evrópureglugerð.
Merkingar vantar víða
Við athugun blaðamanns Morg-
unblaðsins á umbúðamerkingum
hreinna súkkulaðivara, þ.e. suðu-
og mjólkursúkkulaðis frá íslensk-
um framleiðendum, kom í ljós að
nokkuð vantar upp á að gildandi
reglum sé framfylgt. Það er því
ekki auðvelt fyrir neytandann
að vita hversu mikið kakó er í
íslensku súkkulaði. Á umbúðum
mjólkur- og suðusúkkulaðis
frá Lindu og Freyju er eng-
ar upplýsingar að finna um
hlutfall kakóþurrefna, en á
umbúðum súkkulaðis frá
Nóa Síríusi og Mónu er
magns kakóþurrefna getið á sum-
um vörutegundum en ekki öðr-
um.
Þegar haft var samband við
framleiðendurna fengust þær skýr-
ingar að unnið væri að því að
skipta út umbúðum með eldri
merkingum, en vegna þess kostn-
aðar sem fælist í að hanna og
prenta nýjar umbúðir tæki ferlið
nokkurn tíma.
„Þetta er lítill markaður og get-
ur kostnaður sem fylgir reglugerð-
um á borð við þessa verið stór biti
fyrir framleiðandann. Við erum
fyrst og fremst að nota þær umbúð-
ir sem þegar var búið að prenta, en
munum að sjálfsögðu fara að sett-
um reglum,“ segir Jakobína Sig-
urðardóttir hjá sælgætisgerðinni
Mónu. Ævar Guðmundsson hjá
Freyju og Helgi Vilhjálmsson hjá
Lindu taka í sama streng og segjast
munu bregðast við kröfum um um-
búðamerkingar á næstunni.
Nói Síríus er kominn lengst á veg
með að breyta merkingum á um-
búðum rjóma- og suðusúkkulaðis,
en finna má upplýsingar um heild-
armagn kakóþurrefna í 200 g
pakkningum Síríus rjómasúkkul-
aðis og ákveðnum stærðum og
gerðum af suðusúkkulaðinu. Rúnar
Ingibjartsson, matvælafræðingur
hjá Nóa Síríusi, segir að unnið sé
að því að koma nýjum merkingum
á allar súkkulaðivörutegundir frá
fyrirtækinu, en sem stendur sé ver-
ið að nota upp eldri umbúðir.
Að sögn Sesselju M. Sveinsdóttur
hjá matvælasviði Umhverfisstofn-
unar er meginmarkmið reglugerð-
arinnar neytendavernd og verndun
ákveðinna gæðastaðla. Íslenska
reglugerðin um súkkulaði er alfar-
ið byggð á Evróputilskipun um
sama efni. „Við gildistöku svona
reglugerða er leitast við að veita
framleiðendum svigrúm til að
breyta umbúðum og nota upp eldri
lager. Reglugerðin kom út í októ-
ber 2002 og var frestur veittur til 1.
janúar 2004 um að koma breyting-
unni á. Vörur sem komu á markað
fyrir þá dagsetningu, þurfa ekki að
hafa nýju merkingarnar, og mega
birgðirnar frá því fyrir 1. janúar
2004 klárast,“ segir Sesselja.
31–70% kakóþurrefni
Morgunblaðið leitaði eftir upp-
lýsingum um magn kakóþurrefna í
hreinum súkkulaðivörum frá ís-
lensku framleiðendunum, en þeir
reyndust allir standast kröfur
reglugerðarinnar um heildarmagn
kakóþurrefna í bæði suðusúkkulaði
og mjólkursúkkulaði (sem oft er
nefnt rjómasúkkulaði hér á landi).
Hreint rjómasúkkulaði frá Nóa
Síríusi inniheldur að lágmarki 33%
kakóþurrefni. Síríus suðusúkkulaði
inniheldur 46% kakóþurrefni að
heildarmagni, en meira magn, þ.e.
70% er að finna í Síríus 70% súkku-
laði. Í páskaeggjunum frá Nóa Sír-
íusi er heildarmagn kakóþurrefna
35%. Valencia-mjólkursúkkulaði
frá Freyju inniheldur 36,8%
kakóþurrefna en 52,7% eru í Petit-
suðusúkkulaðinu. Rjómasúkkulaði
frá Mónu inniheldur 31% kakóþurr-
efni, en 44% er í Lúxus suðusúkku-
laði og svipað magn í öðru suðu-
súkkulaði frá fyrirtækinu. Þá er
36% kakóþurrefna í páskaeggjum
frá Mónu. Ekki fengust nákvæmar
upplýsingar um hlutfall fitu-
snauðra kakóþurrefna og kakósm-
jörs í súkkulaði frá Síríusi, Freyju
og Mónu en að sögn þeirra aðila
sem rætt var við standast þær fylli-
lega kröfur reglugerðarinnar.
Samkvæmt upplýsingum frá
Góu-Lindu inniheldur Lindu rjóma-
súkkulaði 36% kakóþurrefni. Þar
af eru 29% kakósmjör. Í suðu-
súkkulaðinu frá Lindu eru 42%
kakóþurrefni, þar af 16% kakósm-
jör.
Upplýsingar fengust um sykur-
magn í súkkulaði frá Lindu og Nóa
Síríusi, og er það á bilinu 38–50%.
Enginn framleiðendanna sagðist
nota jurtafitu í sína vöru, en sam-
kvæmt reglugerðinni er óheimilt
að nota meira en 5% jurtafitu í
súkkulaði og er þá skylt að geta
þess á umbúðunum.
heida@mbl.is
Morgunblaðið/Þorkell
Íslenskt súkkulaði: Hvernig
stenst það Evrópustaðla?
 SÚKKULAÐI | Athugun á merkingum og gæðum íslensks súkkulaðis
Hversu mikið kakó
er í súkkulaði?
GÖNGUKORT yfir öræfin við Snæ-
fell kom nýlega út hjá Eddu útgáfu,
en kortið er gefið út í samvinnu við
Augnablik og eru ábyrgðamenn og
ritstjórar þær Ásta Arnardóttir og
Ósk Vilhjálmsdóttir.
Við gerð kortsins, sem nefnist
Öræfin við Snæfell – Landið sem
hverfur ef..., eru öræfin við Snæfell
kortlögð upp á nýtt og að þessu
sinni, að því er segir í fréttatilkynn-
ingu, „ekki sem virkjanasvæði held-
ur sem göngu- og útivistarsvæði á
heimsmælikvarða.“
Kortið geymir gönguleiðir, ör-
nefni og fróðleik um svæðið sem að
sögn þeirrar Ástu og Óskar er ein-
stakt vegna nálægðar við jökul,
gróðursældar og dýralífs. Tilgang-
urinn er þá að vekja athygli á þessu
göngusvæði og auðvelda fólki að-
gang að náttúruperlum á svæðinu,
en öræfin við Snæfell voru fram til
ársins 2001 stærsta ósnortna víðerni
Vestur-Evrópu.
Helstu gönguleiðir eru merktar
með GPS punkutum á kortið, sem er
í mælikvarðanum 1:100.000, auk lýs-
inga á leiðum ásamt fróðleik um
jarðfræði, sögu, gróður og dýralíf.
Margir lögðu hönd á plóginn við
gerð göngukortsins og lögð var
áhersla á að safna örnefnum á svæð-
inu.
Kortinu er dreift um allt land og
er útsöluverð þess 200 kr. en það
mun einnig fylgja bók Guðmundar
Páls Ólafssonar Víðerni Snæfells
sem Edda úgáfa gaf út sl. sumar.
 FERÐALÖG
Öræfin
kortlögð
upp á nýtt
Morgunblaðið/RAX
Gljúfrabúinn: Steinþursinn við
Jöklu er að finna á svæðinu.
DAGLEGT LÍF
Coppola Rosso
Ekta grill- og steikarvín
þar sem uppistaðan er
zinfandel-þrúgan blönduð
með syrah og cabernet
sauvignon.
Coppola Bianco
Endurspeglar ítalska arfl eifð
Coppola. Til helminga úr
hinni ítölsku pinot grigio og
chardonnay en einnig
svolitlu af sauvignon blanc.
Tilvalið með pasta.
Francis Ford Coppola kynnir
Opið alla daga frá 12.00-22.00
20% afsláttur
Akið nú varlega á þjóðvegum landsins
og gefið frekar í hjá okkur...
Sími: 565-9595 • icekart.com
Erum
fyrir
ofan
Smárlind
















 



 








   

 

1 4 4 4
w w w. g u l a l i n a n . i s