Morgunblaðið - 29.07.2004, Side 17

MINNSTAÐUR
MORGUNBLAÐIÐ FIMMTUDAGUR 29. JÚLÍ 2004 17
Ferðalag út úr bænum (þ.á.m. sundlaugarferð) í lok hvers námskeiðs.
Ferðin er frá kl. 09.30 - 17.00.
Kennarar eru m.a. Broddi Kristjánsson íþróttakennari,
Írena Óskarsdóttir íþróttafræðingur,
Jónas Huang badmintonþjálfari,
Arnar Bill Gunnarsson íþróttafræðingur,
Árni Þór Hallgrímsson badmintonþjálfari o.fl.
Innanhúss: Badmintonkennsla, borðtennis, minni tennis, körfubolti, bandý
og leikir
Úti (við TBR-hús og í Laugardalnum): Knattspyrna, sund, frjálsar íþróttir
á Laugardalsvelli, t.d. spretthlaup, langstökk, spjótkast, kúluvarp og hástökk.
Leikir, svo sem hafnabolti, ratleikur o.fl.
Farið er í Fjölskyldu- og húsdýragarðinn í Laugardal
Upplýsingar og innritun í TBR húsinu Gnoðavogi 1 og í síma 581 22 66.
Sumarskóli TBR 2004
Íþróttaskóli fyrir 6 - 13 ára börn í sumar
Námskeiðin eru virka daga kl. 9-13 eða kl. 13-17.
Fjölbreytt íþróttakennsla á dagskrá með áherslu á badminton.
3. ágúst - 16. ágúst
Námskeiðin eru 10 virka daga í senn sem hér segir:
Verð er kr. 7800. Skipt er í hópa eftir aldri.
Veittur er systkinaafsláttur.
Einnig er veittur afsláttur ef farið er á fleiri
en eitt námskeið.
AKUREYRI
„BLÍÐA og aftur blíða hér á
Norðurlandinu, lítil rigning og
litlar breytingar í heildina,“
segir í veðurspá sem félagar í
Veðurklúbbnum á Dalbæ
sendu frá sér í gær. Þar kemur
sem sagt fram að áfram verði
blíðviðri norðanlands út alla
hundadagana eða til 23. ágúst.
Þó geta veðurspámenn á
Dalbæ þess að alltaf megi búast
við einum og einum vætusöm-
um degi. Þeir verði þó fáir.
Sömuleiðis verði litlar svipting-
ar í veðri annars staðar á land-
inu. Svo sem vera ber beina
spámenn sjónum sínum að
verslunarmannahelginni og
halda sig þar við hlýindi á
Norðurlandi „og teljum öruggt
að besta veðrið verði fyrir norð-
an,“ segja þeir í spánni. Heldur
kaldara verði fyrir sunnan og
þar eiga þeir von á rigningu.
Veðurklúbbsmenn telja rétt
að benda fólki á að taka tillit til
náttúruaflanna og ganga hægt
um gleðinnar dyr um helgina.
Tungl verður fullt á laugardag,
31. júlí og þá verði stórstreymt
á mánudag, 2. ágúst.
Blíða og
aftur blíða
Hádegistónleikar | Hljómsveitin
Icelandic Sound Company (ISC)
heldur tónleika í Ketilhúsinu á
morgun, föstudaginn 30. júlí, í há-
deginu kl. 12.
ISC er sveit sem einbeitir sér að
tónlist þar sem hreint hljóð hefur
sterka þungamiðju. Hljóðfæraskip-
unin er gong og tam-tam ásamt öðr-
um ásláttarhljóðfærum, rafgítar og
saxófón. Hljóðbreytitæki leika síðan
stórt hlutverk í hljóðmyndun ISC,
en með þeim er upphaflegu hljóði
hljóðfæranna breytt, oft þannig að
erfitt er að rekja þau til upprunans.
Um er að ræða afar sérstakar
hljóðstemningar og hljóðmyndir
sem meðlimir ISC hafa verið að þróa
undanfarið ár. Sveitin hefur leikið á
Norðurlandi og mun ljúka ferðinni
með sérstæðum tónleikum í einum
af tönkunum á Hjalteyri.
Meðlimirnir, Gunnar Kristinsson,
slagverk, Ríkharður H. Friðriksson,
gítar, og Guido Bäumer, saxófón,
hafa allir áratuga reynslu á tónlist-
arsviðinu.
FJÖLDI gesta var kominn til Ak-
ureyrar í gær, en nú um helgina
verður þar í fjórða sinn haldin
fjölskylduhátíðin Ein með öllu.
„Við gerum fastlega ráð fyrir
miklum fjölda fólks í bænum um
helgina,“ sagði Bragi Bergmann
talsmaður Vina Akureyrar sem
standa fyrir hátíðinni. Á liðnu ári
taldist mönnum til að um 12 til 14
þúsund manns hefðu tekið þátt í
hátíðarhöldum um verslunar-
mannahelgina og átti Bragi allt
eins von á að þeir yrðu fleiri í ár.
„Bæði er að dagskráin er enn öfl-
ugri en í fyrra og þá leika veð-
urguðirnir við okkur Norðlend-
inga og spáin er okkur mjög
hagstæð.“
18 ára aldurstakmark
á tjaldstæði
Tjaldstæðin í bænum, við Þór-
unnarstræti og á Hömrum voru
þéttskipuð í gær og straumurinn
stöðugur. „Fjölskyldufólk er í
meirihluta gesta,“ sagði Bragi, en
18 ára aldurstakmark er á tjald-
stæðin í bænum. „Það eru allir
aldurshópar velkomnir til Ak-
ureyrar, en þeir sem eru undir
lögaldri hafa ekki leyfi til að gista
á tjaldsvæðunum nema í fylgd for-
ráðamanna. Það verður strangt
tekið á þessum málum.“
Haldinn hefur verið samráðs-
fundur allra sem á einhvern hátt
tengjast hátíðarhöldum, en þar má
nefna fulltrúa frá slysadeild Fjórð-
ungssjúkrahússins og lögregl-
unnar en mikill viðbúnaður verður
á hennar vegum um komandi
helgi, allir tiltækir lögreglumenn
að störfum. Bragi benti á að þrátt
fyrir þann mikla fjölda gesta sem
var í bænum um verslunarmanna-
helgi í fyrra hefði ástandið verið
eðlilegt á slysadeildinni og ekki
sérlega mikið að gera. Aukin
gæsla verður á tjaldsvæðum og þá
verður hreinsunardeild bæjarins
að störfum alla helgina. Stræt-
isvagn mun ganga á hálftíma
fresti milli miðbæjar og tjaldsvæð-
anna við Þórunnarstræti og upp
að Hömrum.
Morgunblaðið/Margrét Þóra
Fjöldi gesta er á tjaldstæðinu við Þórunnarstræti á Akureyri.
Stöðugur straum-
ur norður í land
HÖFUÐBORGARSVÆÐIÐ
Hlíðar | Í Norðurkjallara Mennta-
skólans við Hamrahlíð er rými sem
löngum hefur verið kallað Texas. Þar
hljóma í sumar iðulega nokkur
hlátrasköll og skraf, því í Texas starf-
ar nú samnefnt verkefni á vegum
Hins hússins; Texas, sem er atvinnu-
tengt tómstundaúrræði fyrir fötluð
ungmenni frá sextán ára til tvítugs.
Verkefnið er angi af starfi Sérsveit-
arinnar, sem starfar innan Hins húss-
ins og er það unnið í samstarfi við
Vinnuskóla Reykjavíkur og Miðgarð.
„Unga fólkið er hálfan daginn í
Vinnuskólanum við ýmis vinnu-
skólastörf, sem felast mest í garð-
yrkju og hreinsun og hinn helminginn
er það hér hjá okkur,“ segir Kristinn
Ingvarsson, deildarstjóri Sérsveit-
arinnar. „Við erum að skoða vinnu-
markaðinn út frá þessu sjónarhorni,
að þau geti prófað ýmis störf sem þau
sjálf langar til að prófa, í bland við
uppbyggilegar tómstundir.
Þannig hafa þau meðal annars
prófað að vera myndlistarmenn. Þá
hafa þau teiknað og málað og við sett
upp gallerí hér, þar sem sýning er á
verkunum þeirra. Svo hafa þau farið í
svokallaða atvinnu með stuðningi, þar
sem þau hafa farið í heimsóknir á
ýmsa staði og fræðst um störf og
prófað ýmislegt.“ Meðal þeirra starfa
sem unga fólkið hefur fræðst um í
Texas eru störf leikskólakennara,
sundlaugarvarða, strætóbílstjóra,
skipstjóra á hvalaskoðunarskipi og
dýraumsjónarmanna á dýrahóteli.
Kristinn segir atvinnu með stuðn-
ingi unna með hjálp vinnuveitenda,
sem séu mjög viljugir að leyfa unga
fólkinu í Texas að prófa sig áfram. Þá
sé nálgunin á starfið einstaklings-
miðuð, en ekki sé reynt að smíða dag-
skrá utan um þarfir hópsins heldur
hvers einstaklings fyrir sig, þar sem
þátttakendur hafa afar mismunandi
þarfir, þroska og persónuleika.
Traustari grunnur æskilegur
Texas hefur starfað í fjögur ár og
er fjármagnað af viðbótarfjárveitingu
frá Vinnumiðlun ungs fólks. Kristinn
segir mikið þakklæti ríkja í garð
Vinnumiðlunarinnar, en um leið fylgi
þessu ástandi mikil óvissa, þar sem
verkefnið er háð slæmu atvinnu-
ástandi hjá ungu fólki. Segir hann að
ákjósanlegra væri ef verkefnið gæti
fengið traustari fjárhagslegan grunn.
Verkefnið er í raun framhald Regn-
bogans, verkefnis sem rekið er í
Hlíðaskóla fyrir fötluð börn í áttunda
til tíunda bekk. „Það verkefni naut
svo mikilla vinsælda hjá þátttak-
endum að það var strax eftirspurn
eftir starfinu í Texas,“ segir Kristinn.
Sara Hrund Finnbogadóttir, yf-
irmaður Texas, segir líka mjög mik-
ilvægt að í Texas sé unga fólkinu
hjálpað að halda áfram að þroskast
og gera hluti sem „venjulegir“ jafn-
aldrar þeirra gera. „Þannig erum við
til dæmis að hafa okkur til og prófa
alls konar naglalakk og snyrtivörur
og spá í strákum. Svo kaupum við
tískublöð og önnur tímarit og spáum í
strákum og öðrum hlutum. Þetta er
mjög mikilvægt,“ segir Sara.
Á dögunum var haldin sýning í
Regnboganum. Var þar mikið um
dýrðir og mættu ungmennin úr Texas
og fluttu atriði og hjálpuðu til. Sara
segir hátíðina hafa verið afar vel
heppnaða. „Það komu fjölmargir
gestir, foreldrar, leikskólabörn, hóp-
ur úr vinnuskólanum og stúlknaband-
ið Nylon,“ segir Sara, sem er mjög
ánægð með árangurinn af starfinu
hjá Texas. „Við höfum verið mjög
dugleg í sumar að fara út um allt.
Þetta snýst mjög mikið um hvað þau
langar sjálf til að gera. Einn hafði
rosalegan áhuga á því að heimsækja
Morgunblaðið. Það var rosalega gam-
an og krakkarnir fengu frábærar
móttökur. Síðustu viku vorum við
mikið að undirbúa hátíðina, en í
næstu viku förum við aftur á fullt í
starfinu, svo verður grillpartý á
föstudaginn, en það er venjan að
grilla hérna á föstudögum.“
Helga Sigríður Jónsdóttir er ein af
því unga fólki sem vinnur í Texas.
Hún segir starfið afar skemmtilegt.
„Við förum í heimsóknir og gerum
ýmislegt. Mér finnst skemmtilegast
að fara í Regnbogann. Það er í Hlíða-
skóla,“ segir Helga Sigríður, sem
þykir afar gaman að syngja og dansa.
Atvinnutengt tómstundastarf í Texas
Morgunblaðið/Þorkell
Ungir skemmtikraftar: Helga Sigríður Jónsdóttir og Bjarki Fannar Vikt-
orsson tóku söng og dansatriði á sviðinu í Texas.
Unnið með þarfir
einstaklinga
Starfsmenn: Þau Kristinn Ingvarsson og Sara Hrund Finnbogadóttir telja
afar mikilvægt að vinna með ólíkar þarfir mismunandi einstaklinga.