Morgunblaðið - 29.07.2004, Blaðsíða 20

MINNSTAÐUR
20 FIMMTUDAGUR 29. JÚLÍ 2004 MORGUNBLAÐIÐ
Egilsstaðir | Á Útnyrðingsstöðum,
rétt fyrir innan Egilsstaði, reka
þau Stefán Sveinsson bóndi og
Ragnheiður Samúelsdóttir
tamningamaður víðtæka hestaþjón-
ustu. Það eru ekki margir sem hafa
hestamennsku sem aðalatvinnu, en
þeim hefur tekist að gera út frá
staðnum um hríð og þjónusta á
margan hátt áhugafólk um hesta-
mennsku.
Frá því 1989 hafa þau ræktað
hesta undir slagorðinu gæði framar
magni. Þau hafa ræktað hesta og
lagt áherslu á litbrigði og gæði frá
því þau hófu ræktunina. Þau hafa
einnig boðið upp á námskeið, bæði
fyrir byrjendur og lengra komna,
og þegar blaðamann bar að garði
var að ljúka námskeiði fyrir börn,
ásamt með því að þýskur hópur
kom ríðandi í hlað.
Börnin voru ánægð og sýndu vel
hvernig Ragnheiður hagar kennslu
sinni. Hún segist gera miklar kröf-
ur til barnanna og að þau fái frá
fyrstu stund að kynnast öllum hlið-
um hestamennskunnar, leggja á og
sinna hrossunum á alla lund frá því
lagt er af stað og þar til heim er
komið. Börnin sýndu skemmtilega
takta, riðu berbakt og stóðu upp-
rétt á hestunum um stund, sátu á
hækjum sér í hnakknum og voru
hin kátlegustu.
Hestaferðir á vísnaslóðir
Þau Ragga og Stefán bjóða upp
á ýmislegt. Á veturna bjóða þau
upp á tamningu og ýmsa þjónustu
sem snertir hestamennsku. Á
sumrin er meðal annars boðið upp
á sjö til átta daga hestaferðir í
Borgarfjörð og Loðmundarfjörð, á
vísnaslóðir. Þar er gist í glæsilegri
aðstöðu, nýjum kofum með alla að-
stöðu.
Ragnheiður segir að víða sé
ónumið land í þessari þjónustu. Til
dæmis væri hægt að búa til reið-
stíga til Egilsstaða, eða víðar þann-
ig að fólk geti kynnt sér á hestbaki
þetta skóglendi og þá náttúru sem
einkennir landið á Héraði. Hún
segir einnig að það séu ekki bara
erlendir ferðamenn sem hafi af því
nautn að ríða um Hérað, heldur
hafi Íslendingar einnig mikið gam-
an af að upplifa náttúruna sem er
stundum eins og handan seilingar.
Þau Ragnheiður og Stefán eru
með 70–80 hross sem vel er sinnt
og af natni, meðal annars af þýsk-
um dreng og danskri stúlku sem
leiðsegja fólki og sinna hestunum.
Mikið starf fer fram á Útnyrðings-
stöðum, hestarækt, tamningar,
skipulagðar ferðir um landið, bæði
á rútum og á hestum. Matseldin er
í höndum Stefáns sem er lærður
kokkur.
Knúsa hestana
Það er auðséð á þeim sem koma
ríðandi í hlað, að þeir eru ánægðir
með þá þjónustu sem þeir fá, hvort
heldur sem um er að ræða börn á
reiðnámskeiði eða þýska ferða-
menn. Börnin teygja sig fram á
hestinn sinn, faðma hann og knúsa
áður en þau fá að renna stutta ber-
baksferð og sinna síðan hestunum,
kemba þá og kveðja á kurteislegan
og kankvísan hátt. Þýsku ferða-
mennirnir fá unga leiðsögumann-
inn sinn til þess að taka af sér
myndir, skælbrosandi og ánægðir,
og fólk fer sælt heim til sín.
Útreiðar: Bæði Íslendingar og útlendingar hafa nautn af því að ríða út og upplifa náttúruna á Héraði.
Morgunblaðið/Sigurður Ingólfsson
Fimi: Krakkana á reiðnámskeiðinu munar ekki um að standa á hestbaki á lítilli ferð.
Kynna allar hliðar
hestamennskunnar
TENGLAR
.....................................................
www.gaedingatours.is
AUSTURLAND
Skorradalur | Sunnudaginn 18. júlí
s.l. fermdist Guðmundur Sverris-
son í Fitjakirkju, en ekki hafði far-
ið fram fermingarathöfn í kirkj-
unni síðan á vordögum 1966.
Athöfnin var hin hátíðlegasta, en
sr. Helga Soffía Konráðsdóttir
fermdi.
Að lokinni athöfn í kirkjunni var
eftirminnileg athöfn í kirkjugarð-
inum, þegar hinir fjölmörgu kirkju-
gestir slógu hring í kringum leiði
Sverris Einarssonar, fyrrum rekt-
ors Menntaskólans í Hamrahlíð, en
hann var faðir fermingarbarnsins,
og sungu sálm undir stjórn Sr.
Helgu Soffíu og Huldu Guðmunds-
dóttur, móður fermingardrengsins.
Morgunblaðið/Davíð Pétursson
38 ár á milli ferminga
í Fitjakirkju
Skagafjörður | Rauði krossinn
gekkst fyrir sumarbúðum á Löngu-
mýri í Skagafirði fyrir fatlaða ein-
staklinga og voru námskeið fyrir tvo
hópa í sumar. Að venju var dagskrá-
in mjög fjölbreytt og spennandi með
mörgum ögrandi viðfangsefnum.
Sem dæmi má nefna flúðasigling-
ar á vegum Ævintýraferða, sjóferð
með Eyjaskipum og fjallgöngu upp í
Gvendarskál fyrir ofan Hóla í
Hjaltadal. Báðir hóparnir fóru í fjall-
göngu, og voru einstaklingar bornir
upp í sérhönnuðum burðarstól sem
smíðaður var á Ólafsfirði. Auk
starfsfólks við búðirnar kemur
Rauða kross fólk og aðrir sjálfboða-
liðar til að aðstoða við fjallgönguna,
ýmist við að halda undir stólinn eða
bara til að slást í hópinn og vera
þátttakendur í skemmtilegri fjall-
göngu. Síðari ferðin var farin um
síðustu helgi og tóku níu göngumenn
og tíu aðstoðamenn þátt í ferðinni.
Lífgar upp á tilveruna
Eitt er víst að þeir sem í burðar-
stólnum sitja eru bæði þakklátir og
ánægðir með þetta framtak sem svo
sannarlega lífgar upp á tilveruna og
gefur þeim góðar og ógleymanlegar
minningar. Undanfarin sumur hefur
fjallganga með fatlaða verið árviss
viðburður og hefur meðal annars
bæði verið gengið á Mælifellshnjúk,
eitt hæsta fjall Skagafjarðar og
Tindastól.
Þær sem fóru upp í burðarstóln-
um að þessu sinni voru Kristbjörg
Jóhannesdóttir frá Akureyri og
Anna Kristín Jensdóttir frá Sel-
tjarnarnesi. Einnig má geta þess að
Jón Grétar Höskuldsson frá Reykja-
vík og Guðmundur Friðrik Pálma-
son úr Mosfellsbæ komust alla leið
og nokkrir aðrir fóru næstum alla
leið.
Sumarbúðir Rauða krossins fyrir fatlaða einstaklinga
Flúðasiglingar, sjóferð
og fjallganga á dagskrá
Morgunblaðið/Björn Björnsson
Lagt á brattann: Karl Lúðvíksson (t.v.), Theódór Karlsson, Ivano Tasin frá
Ítalíu og Joseph O. Ajayi frá Nígeríu hjálpa Kristbjörgu Jóhannesdóttur.
LANDIÐ