Morgunblaðið - 13.09.2004, Blaðsíða 11
MINNSTAÐUR
MORGUNBLAÐIÐ MÁNUDAGUR 13. SEPTEMBER 2004 11
Borgarnes | „Hver á að standa í
þessu ef ekki ég,“ segir Kristján
Rafn Sigurðsson, framkvæmdastjóri
Eðalfisks hf. í Borgarnesi, en nýlega
var tekin fyrsta skóflustunga að
nýju húsnæði fyrir fyrirtækið. ,,Það
hefur lengi staðið Eðalfiski fyrir
þrifum að vera ekki í hentugu hús-
næði fyrir starfsemina. Þegar skoð-
aðir voru aðrir valkostir s.s. að
kaupa annað hús kom í ljós að fórn-
arkostnaðurinn var of mikill.“
Hinn 1. mars urðu eigendaskipti á
laxvinnsluhluta Eðalfisks hf. Að
sögn Kristjáns var í upphafi stofnað
fyrirtækið Eðalfang ehf. en samfara
kaupunum höfðu félögin nafnaskipti
þannig að Eðalfiskur hf. tók nafnið
Stjörnusalat og Eðalfang ehf. tók
nafnið Eðalfiskur ehf. Stjörnusalat
fluttist þá í húsnæði Borgarness-
Kjötvara í Brákarey. Í ágúst stofn-
aði síðan Eðalfiskur ehf. fasteigna-
félagið Eðalfang ehf. sem mun eiga
atvinnuhúsnæðið undir starfsemi
Eðalfisks ehf. Ekki er enn ljóst hver
byggir húsið en verið er að afla til-
boða í framkvæmdina. Húsið verður
540 fm að flatarmáli og verður sér-
hannað m.t.t. vinnslu og framtíð-
arþarfa. Byrjað verður að grafa fyr-
ir grunni þegar byggingarleyfi
verður staðfest.
Sóknarfærin liggja
í vörumerkinu
Hjá Eðalfiski starfa nú 12 manns
og mun störfum líklega ekki fjölga á
þessu ári. Framtíðaráætlanir gera
ráð fyrir töluverðri stækkun fyrir-
tækisins og auknum umsvifum strax
á næsta ári. Helstu framleiðsluvörur
eru reyktur og grafinn lax og sil-
ungur. Útflutningur er um 20% af
árlegri veltu en að sögn Kristjáns er
fyrirhuguð aukning útflutnings á
næsta ári um 5–10% af veltu. ,,Eð-
alfiskur hefur sterka stöðu á innan-
landsmarkaði og kemur þar helst til
að neytendur þekkja vel vörurnar
sem kunnar eru að gæðum og fersk-
leika. Meginhluti útflutnings er til
Bandaríkjanna en í vaxandi mæli til
Evrópu. Helstu sóknarfæri fyrirtæk-
isins liggja í vörumerkinu, og vöru-
nýjungum því tengdu, en helsta ógn-
in sem við stöndum frammi fyrir í
dag er lítið framboð á silungi og
mikill dreifingarkostnaður.“
Kristján segist þó vera bjartsýnn á
framtíðina: „Vissulega verður dýr-
ara að leigja húsnæði fyrir Eðalfisk
en á móti kemur haganlegra hús-
næði sem skilar meiri framleiðni
vinnuafls, betra vinnsluferli, staðl-
aðri afurðum, aukinni afkastagetu
og meiri sveigjanleika í framleiðslu
nýrra vara,“ segir Kristján og bætir
við að lengi hafi legið fyrir að Borg-
arplast, sem er undir sama þaki og
Eðalfiskur, þyrfti á auknu húsnæði
að halda undir starfsemi sína.
Mæðir mikið á konunni
Kristján Rafn er menntaður iðn-
rekstrarfræðingur frá Tækniskóla
Íslands, og hefur fiskiðnaðar- og
fisktæknimenntun frá Fiskvinnslu-
skólanum. Ennfremur stundar hann
MBA-fjarnám í fjármálum í HWatt-
háskóla í Skotlandi. Hann hefur
starfað við fiskvinnslu frá unglings-
aldri fyrir utan fáein ár í trygg-
ingum. Eiginkona Kristjáns er
Dagný Hjálmarsdóttir hjúkr-
unarfræðingur og eiga þau þrjár
dætur. Að sögn kunnugra hefur
hann unnið langan og strangan
vinnudag eftir að hann tók við fram-
kvæmdastjórn í mars sl. ,,Auðvitað
er minni tími með fjölskyldunni og
ræddum við hjónin það í upphafi áð-
ur en ákvörðun var tekin. Það mæð-
ir mikið á henni Dagnýju minni og
er ég alveg hissa á þolinmæðinni
stundum.“ Kristján bætir við að
starfið sé gefandi þótt launin séu
mjög lítil miðað við vinnuframlagið.
,,Þetta er erfiður rekstur en það er
virkilega gaman að takast á við
krefjandi verkefni við að auka um-
svifin. Fyrirtækið er og verður aldr-
ei meira en það starfsfólk sem hjá
því starfar. Hér er duglegt, hæft fólk
sem er tilbúið að efla fyrirtækið til
lengri tíma.“
Fyrsta skóflustungan tekin: Páll S. Brynjarsson bæjarstjóri t.v. segir fáein
orð og Kristján Rafn Sigurðsson, framkvæmdastjóri Eðalfisks, hlýðir á.
Eðalfiskur byggir
nýtt húsnæði
Búðardalur | Námsver með fjar-
námsbúnaði og háhraðatengingu var
vígt við hátíðlega athöfn í Grunn-
skólanum í Búðardal laugardaginn
11. september. Námsverið er sam-
starfsverkefni Dalabyggðar og Sí-
menntunarmiðstöðvarinnar. Þessi
nýja fjarnámsaðstaða mun gefa
Dalamönnum tækifæri á að stunda
nám í heimabyggð. Þorsteinn Gunn-
arsson, rektor Háskólans á Akur-
eyri, Þorsteinn Jónsson, oddviti
Dalabyggðar og Inga Sigurðardótt-
ir, framkvæmdastjóri Símenntunar-
miðstöðvarinnar á Vesturlandi,
skrifuðu undir samning um rekstr-
arfræðinámið.
Átta nemendur hafa nú þegar haf-
ið nám í rekstrarfræði við Háskólann
á Akureyri og eru þeir ánægðir með
þessa nýjung. Auk rekstrarfræði-
námsins er einnig hægt að stunda
nám á framhaldsskólastigi nota að-
stöðuna til fundarhalda og nám-
skeiðahalds ýmiss konar.
Þessi athöfn markaði upphaf
„Viku símenntunar“ á Vesturlandi
sem stendur yfir dagana 12.–18.
september. Eftir athöfnina var boðið
upp á veitingar, í boði Mjólkursam-
lagsins í Búðardal og Símenntunar-
miðstöðvar, og einnig voru námskeið
haustsins kynnt og gestum gefinn
kostur á að skrá sig. Þar sem náms-
verið er til húsa í Grunnskólanum í
Búðardal eru það ekki einungis þeir
fullorðnu sem njóta góðs af, heldur
hefur þetta áhrif á tölvunotkun og
kennslu barnanna í grunnskólanum
þar sem netsambandið, sem var áður
mjög slæmt, er orðið eins og það ger-
ist best og þráðlaust um allan skól-
ann.
Eflir vonandi búsetu
Ólafur Kristjánsson er einn þeirra
átta sem hafa nú hafið nám í rekstr-
arfræði við Háskólann á Akureyri í
gegnum þennan fjarfundabúnað.
„Það er kannski erfitt fyrir fólk að
átta sig á hvað þetta er stórkostlegt
tækifæri fyrir okkur að geta stundað
þetta nám á okkar heimaslóðum og
losna þar með við að rífa fjölskyld-
una upp og þurfa að flytja með öllu
því róti sem fylgir slíku. Hins vegar
geri ég mér grein fyrir að það er
krefjandi að stunda háskólanám með
fullri vinnu en mér sýnist að í Há-
skólanum á Akureyri séu ákaflega
færir og góðir kennara sem geta
vafalaust haldið okkur við efnið. Við í
rekstrarfræðihópnum heimsóttum
þá á nýnemadögum um daginn og
sögðu þeir okkur að við skyldum
reikna með að þurfa u.þ.b. 10
klukkustundir á viku í hverja náms-
grein en okkur sýnist að þær verði
mun fleiri bara vegna þess hve net-
tengingar í Dalabyggð eru ákaflega
lélegar. Það er von mín að allir legg-
ist á eitt til að koma þeim málum til
betri vegar því að eins og við sjáum á
því að það sé orðið að veruleika að
hægt sé að stunda háskólanám í
Búðardal þá geta hlutirnir gengið
hratt fyrir sig ef menn koma að mál-
unum með jákvæðu hugarfari eins
og raun var á í þessu máli. Verður
þetta stóra framfaraspor vonandi til
að efla búsetu hér á svæðinu.“
Háskólanám í Dalabyggð
Morgunblaðið/Helga H. Ágústsdóttir
Námsverið tekið í notkun: Margt góðra gesta sótti athöfnina í Grunnskólanum í Búðardal.