Morgunblaðið - 25.09.2004, Blaðsíða 6

6 LAUGARDAGUR 25. SEPTEMBER 2004 MORGUNBLAÐIÐ
FRÉTTIR
Í ERINDI sem Helgi Jóhannesson
hæstaréttarlögmaður sendi stjórn
Lögmannafélags gagnrýnir hann að
lögmannsreynsla sé nánast að engu
höfð í umsögnum Hæstaréttar: „Nú
liggur fyrir umsögn Hæstaréttar um
umsækjendur um starf dómara við
dómstólinn. Ljóst er að í þeirri um-
sögn er lögmannsreynsla nánast að
engu höfð og einum reyndasta lög-
manni landsins og prófessor í lögum
skipað í þriðja sæti umsækjenda.
Þetta er alvarlegt mál og óska ég
eftir að Lögmannafélagið láti málið
til sín taka,“ segir í erindi Helga.
Í svari framkvæmdastjóra Lög-
mannafélagsins (LMFÍ) fyrir hönd
stjórnar þess segir að LMFÍ telji
mikilvægt að reynsla af lögmanns-
störfum sé metin að verðleikum við
ákvörðun um skipun dómara, hvort
heldur er í Hæstarétt eða héraðs-
dóm. Þá hefur félagið einnig haldið
fram því sjónarmiði að mikilvægt sé
að í hópi dómara, í héraði sem
Hæstarétti, séu menn með reynslu
af lögmennsku. „Þessi sjónarmið eru
í fullu gildi og undir þau tók Hæsti-
réttur í umsögn sinni um umsækj-
endur fyrir síðustu skipun dómara í
réttinn. [–] Stjórn LMFÍ hefur farið
yfir nefnda umsögn Hæstaréttar og
getur ekki tekið undir það sjónarmið
að í henni sé „lögmannsreynsla nán-
ast að engu höfð“. Stjórnin sér því
ekki efni til viðbragða vegna erindis
Helga Jóhannessonar hrl.,“ segir í
svarinu.
Um 120 lögmenn hafa tekið þátt í
undirskriftasöfnun til stuðnings Jóni
Steinari Gunnlaugssyni hæstarétt-
arlögmanni og eins umsækjenda um
embætti hæstaréttardómara sem
losnar um næstu mánaðamót að
sögn Sveins Andra Sveinssonar sem
er í hópi þeirra hæstaréttarlög-
manna sem hratt undirskriftasöfn-
uninni af stað. Í texta undirskrifta-
söfnunarinnar er settur
dómsmálaráðherra, Geir H. Haarde,
hvattur til að leggja sjálfstætt mat á
kosti umsækjendanna um embætti
hæstaréttardómara þegar hann veit-
ir embættið.
Stjórn LMFÍ segir ekki litið
fram hjá lögmannsreynslu
Um 120 lögmenn hafa tekið þátt í undirskriftasöfnun
FYRIRTÆKIÐ 3-PLUS var stofn-
að árið 1999 í kringum hugmynd að
gagnvirku þroskaleiktæki, sem not-
ast við tölvutækni og sjónvarp, fyrir
ung börn. Hugmyndin er nú orðin
vinsæl vara í Bandaríkjunum,
Frakklandi og víðar í Evrópu og er
seld undir merkjum þekktra leik-
fangaframleiðanda, Fisher Price í
Bandaríkjunum og Berchet í Evr-
ópu. Tækið mun koma á markað á
Íslandi 20. október og samtímis í
Skandinavíu. Mun Myndform sjá um
dreifingu á Íslandi og Nordisk Film í
Skandinavíu.
Um er að ræða þráðlaust leiktæki
sem breytir venjulegum DVD-
spilara í leikjavél fyrir gagnvirka og
þroskandi leiki sem ætlaðir börnum
frá 3 ára aldri. Í leikjunum eru það
þekktar teiknimyndapersónur sem
leiða barnið í gegnum ýmsar þrautir,
t.d. fíllinn Babar, skjaldbakan
Franklín og Doddi. Þrautirnar
þjálfa börnin m.a. í því að stafa, lita,
teikna, reikna, púsla og að læra á
klukku svo fátt eitt sé nefnt.
Hönnun tækisins og leikja í
höndum Íslendinga
Tækið og leikirnir eru þróaðir af
fyrirtækinu 3-PLUS en stofnendur
þess eru Helgi G. Sigurðsson og Jó-
hannes Þórðarson. Þá eru umbúðir
þeirra og útlit einnig hannað af 3-
PLUS. Tækið fyrir Evrópumarkað
er framleitt í Kína en tækið fyrir
Bandaríkjamarkað er framleitt í
verksmiðjum Fisher Price.
„Fyrirtækið var eiginlega stofnað
í kringum þetta verkefni,“ segir Jó-
hannes en þeir Helgi hófu samstarf
árið 1998. „Við þróuðum þessa hug-
mynd og fórum síðan í það verkefni
að finna aðila til að fjármagna það.“
Hægt og bítandi bættust hluthafar í
hópinn og eru þeir í dag á þriðja tug.
Eftir að fyrirtækið hafði verið
stofnað hófst þróunarvinnan fyrir al-
vöru. „Fyrsta vandamálið var að fá
rétthafa teiknimyndapersóna til
samstarfs við okkur,“ útskýrir
Helgi. Þeir félagar settur markið
strax hátt og vildu að leikirnir yrðu
byggðir á þekktum teiknimynda-
persónum. „Vandamálið fólst einnig
í því að rétthafarnir vildu ekki fara í
samstarf við okkur fyrr en við vær-
um komnir með dreifingaraðila og
öfugt,“ segir Jóhannes.
„Menn vissu ekki hvað þetta var,
þetta var svo nýtt, þó að þetta
byggði á tækni sem var þegar
þekkt,“ segir Helgi.
Búið var til tæki í tilraunaskyni,
svokölluð proto-týpa, til að koma
hugmyndinni betur á framfæri. „En
þegar þetta náðist fór allt að rúlla,“
segir Helgi.
Það líða því aðeins fjögur ár frá
því fyrirtækið er stofnað og þangað
til búið er að ganga frá samningum,
finna framleiðendur í Kína og koma
tækinu á markað í Frakklandi sem
gerðist á síðasta ári. Samt segja þeir
Helgi og Jóhannes að þeim hafi
stundum fundist hlutirnir ganga
hægara fyrir sig en þeir hefðu kosið.
„Íslendingar eru sér á báti með að
vilja alltaf gera allt strax,“ segir Jó-
hannes. „Þannig virkar þetta ekki
endilega úti. En það hefur örugglega
haft sitt að segja að við höfðum aðr-
ar hugmyndir hvað tímasetningar
varðar en samstarfsaðilarnir. Við
mættumst á miðri leið.“
Allt það ferli sem verkefnið fór í
gegnum, frá því að vera hugmynd í
kolli stofnenda 3-PLUS og til þess
að vera leiktæki selt í verslunum
víða um heim, hafði þó engin áhrif á
upprunalegu hugmyndina, þ.e. að
útbúa þroskandi og gagnvirkt leik-
tæki sem ung börn gætu notað án
hjálpar foreldra. „Þetta er alveg eins
og við ætluðum okkur í upphafi,“
segir Jóhannes. „Alveg nákvæm-
lega,“ bætir Helgi við.
„Við vildum fá þá bestu og
stærstu í heimi til samstarfs og sú
hugmynd er orðin að veruleika, bæði
varðandi leikina og dreifiaðila,“ seg-
ir Jóhannes.
Flókin réttindamál
Réttindamál í þessum iðnaði eru
flókin og margslungin, að sögn
Helga og Jóhannesar. Rétthafar
teiknimyndapersónanna vildu hafa
ýmislegt um það að segja hvernig
persónan kom fyrir í leikjunum og
var tekið tillit til margra slíkra at-
hugasemda. „Tilfinningin er sú að
rétthafarnir séu að láta okkur hafa
barnið sitt og við síðan fáum það
hlutverk að þroska það,“ segir
Helgi. Ákveðið var að einn leikurinn
yrði hannaður af réttindaaðilanum
en annars eru leikirnir sprottnir úr
smiðju 3-PLUS. Það er eitt þeirra
atriða sem gætu átt eftir að breytast
og hugsanlega verður leitað til ut-
anaðkomandi tölvuleikjaframleið-
anda við gerð einhverra leikja í
framtíðinni.
3-PLUS á réttinn á dvd-kids
leikjaformattinu, sem notað er við
gerð leikjanna, svo allir leikir fyrir
leiktækið fara í gegnum fyrirtækið
með einum eða öðrum hætti.
Þegar eru komnir á markað 14
leikjatitlar á samanlagt átta tungu-
málum og fleiri leikir eru í vinnslu.
Raunhæft er að áætla að árlega bæt-
ist 4–5 leikir í safnið á hvoru mark-
aðssvæði. Tækið mun kosta 5.900
krónur á Íslandi og hver leikur 2.400
krónur. Verðið er því litlu hærra en
verð á kvikmynd á mynddiski.
Ótal möguleikar
Þó að leikirnir séu hannaðir með
börn á aldrinum 3–7 ára í huga er
þegar ljóst að eldri börn hafa ekki
síður gaman af þeim. Tækið kom á
markað í Bandaríkjunum í sumar og
fer salan vel af stað. Stefnt er að því
að selja milljón tæki þar í landi fyrir
jól.
„Fisher Price lítur svo á að þeir
geti selt tækið, tiltölulega óbreytt,
næstu tuttugu árin,“ segir Jóhannes.
Ótal möguleikar eru á framtíð-
arþróun leikjanna. T.d. má hugsa
sér að tvö börn geti spilað saman og
fleiri teiknimyndapersónur munu
bætast í safnið. Einnig má gera ráð
fyrir því að persónur sem þegar eru í
aðalhlutverkum í útkomnum leikjum
komi aftur við sögu í nýjum leikjum í
framtíðinni.
Nú þegar hefur 3-PLUS stofnað
til dýrmætra tengsla við dreifiaðila
og rétthafa leikja beggja vegna Atl-
antshafsins sem gefa aukna mögu-
leika á frekari útfærslum á leikjum í
framtíðinni.
LEIKTÆKIÐ frá 3-PLUS er framleitt í tveimur út-
færslum, eftir því hvar það fer á markað og einnig eru
leikirnir byggðir á ólíkum teiknimyndapersónum, allt
eftir vinsældum þeirra á hvoru markaðssvæði. Í Banda-
ríkjunum er tækið selt undir nafninu InteracTV en í
Evrópu undir DVD-kids.
Tækið er í raun þráðlaust stjórnborð sem barnið hef-
ur í höndunum. Eftir að hafa sett leik í DVD-spilarann
birtast valmyndir á sjónvarpskjánum og velur barnið
þraut með því að þrýsta á fleti á stjórnborðinu. Barnið
skiptir svo um stýrispjöld sem sett eru ofan á stjórn-
borðið, allt eftir því hvaða þraut er valin.
Tækið þarf auðvitað að standast þær kröfur sem
gerðar eru til vandaðra barnaleikfanga. Helgi G. Sig-
urðsson, annar stofnandi 3-PLUS, nefnir sem dæmi að
svokallað fallpróf sé framkvæmd sem felur í sér að
tækið, sem og leikirnir, séu látnir falla úr eins metra
hæð niður á steingólf.
Áður en það fór á markað í Frakklandi, fór það í
gegnum nálarauga fjölda fjölskyldna sem prófuðu það í
ákveðinn tíma. „Við fengum mjög góðar móttökur úr
því, bæði frá foreldrum og börnum, og það sama má
segja um umsagnir sem við höfum fengið vestanhafs.
Við höfum verið að fá fimm stjörnur af fimm mögu-
legum,“ segir Helgi.
Hvernig virkar
leiktækið?
Íslenska fyrirtækið 3-PLUS hannar og framleiðir gagnvirkt leiktæki fyrir börn á heimsmarkað
Breytir venjulegum DVD-spilara í leikjavél
Morgunblaðið/Golli
Litríkur vinnustaður: Helgi G. Sigurðsson og Jóhannes Þórðarson, stofnendur fyrirtækisins 3-PLUS, með afurð
margra ára þróunarvinnu fyrir framan sig: leiktæki sem nú er á markaði beggja vegna Atlantshafsins.
Fyrir framan sjónvarpið: Börn frá þriggja ára aldri
geta notað þroskaleiktækið dvd-kids ein og óstudd.