Morgunblaðið - 13.09.2003, Blaðsíða 11
m11
LAMBALÆRI MEÐ FERSKU
KRYDDI OG KARTÖFLUM
Lambalæri, hreinsað og þerrað
4-5 hvítlauksgeirar
handfylli af rósmarín
handfylli af timían
handfylli af óregano
ólífuolía
Maldon sjávarsalt
nýmalaður svartur pipar
nýjar kartöflur, skipt í fjóra hluta
Hreinsið og þerrið lærið og nudd-
ið síðan olíu á það og kryddið vel
með salti og pipar. Nuddið salt-
inu vel og vandlega inn í kjötið.
Skerið í kjötið og stingið hvítlauks-
geirum ásamt rósmarín ofan í sár-
in. Leggið afganginn af kryddinu á
lærið og þrýstið vel niður. Leggið
í ofnskúffu. Bakið við 180 gráður,
notið kjötmæli til að fylgjast með
steikingunni.
Þegar 35 mínútur eru eftir leggið
þá kartöflur í ofnskúffuna. Saltið
þær með grófu salti og bakið þar
til lærið er tilbúið. Það kemur
ótrúlega yndislegt bragð af kart-
öflunum þegar þær hafa mallað í
kjötsafanum. Berið fram með
fersku klettasalati og góðu brauði.
LAMBASKANKAR
MEÐ TÓMATSÓSU OG PASTA
3 dósir niðursoðnir tómatar
1/2 bolli ólífuolía
4 myndarlegir skankar (450 g
stykkið)
4 hvítlauksgeirar
1 gulur laukur, niðurskorinn
2/4 bolli gott rauðvín
3/4 bolli tómatmauk
1 þurrkaður rauður chilipipar
5 stór basilíkublöð
Maukið tómatana í matvinnsluvél,
og setjið í stóran pott. Látið tóm-
atana malla af kátínu.
Steikið skankana í heitri olíu þar til
þeir eru fallega brúnir (í 15 mínút-
ur) og setjið þá í pottinn.
Steikið hvítlaukinn í afganginum af
olíunni ásamt lauknum. Hellið
rauðvíni yfir ásamt tómatmaukinu
og látið malla í 15 mínútur eða
svo og hrærið í með trésleif.
Hellið yfir kjötið og kryddið með
piparflögum. Sjóðið í 1 og 1/2
tíma og kryddið með basilíku.
Berið fram með pasta.
Það er eitthvað við það að sjóða niður grænmeti, maður
verður einhvern veginn hin fullkomna húsmóðir, sem jú er
hinn besti titill. Það er hægt að kaupa núna káta íslenska
tómata og þá er bara að kaupa fulla körfu af ferskum
tómötum og sjóða niður tómatsósu. Þessa sósu er hægt
að setja í plastbox og frysta og það er hægt að nota hana
í spagetti bolognes, á pizzuna, eða blanda henni saman
við spagettí. Sósan geymist í ísskáp í 5 daga og í frysti í
rúmlega þrjá mánuði. Það eina sem þarf að muna er að
setja ekki basilíkum og olíuna í sósuna, það er gert þegar
sósan er hituð aftur.
1 1/2 kg ferskir tómatar (eða niðursoðnir)
1 lítil gulrót,
1/4 rauðlaukur
3 hvítlauksrif
5 fersk basilíkublöð
1/2 tsk salt
3 msk ólífuolía
Flysjið tómatana og fræhreinsið. Skerið tómatana í litla
bita ásamt lauknum, hvítlauknum og gulrótinni. Sjóðið
saman tómatana og grænmetið. Látið sjóða í 20 mínútur
eða svo. Vinnið sósuna í matvinnsluvél. Sósan á að vera
þykk, ef hún er of þunn þá er best að láta hana malla í 10
mínútur í viðbót. Rétt áður en sósan er borin fram er hún
krydduð með basilíku og olíu.
fersk tómatsósa
læri,
skankar &
sítrónubros
SIGURLAUG M. JÓNASDÓTTIR
Haustið er lambakjötstíminn og stundin runnin upp fyrir skanka
og læri. Nýjar kartöflur, niðursoðnar sítrónur og fersk tómatsósa
er meðlæti sem passar allt jafn vel við ljúfa lambakjötið.