Morgunblaðið - 13.09.2003, Blaðsíða 37

m38
Hvar og hvenær?
Undir Vínbúðir er að finna mjög aðgengilegt kort og lista með
upplýsingum um allar vínbúðir fyrirtæksins og afgreiðslutíma, og
mjög hentugt er að smella á hnapp sem sýnir vöruúrval hverrar
vínbúðar fyrir sig. Það getur sparað manni sporin og snúninga.
Þrúgur og þjóðir
Einn skemmtilegasti hluti vefjarins er Fróðleikurinn, fræðandi og
áhugaverður lestur um allt sem tengist vínum. Hvernig á að
umhella víni? Hvernig er best að geyma rauðvín? Hvað er skylt
með koníaki og hvítvíni? - hvað eina sem komið gæti upp í
hugann þegar rætt er um vín er hér að finna. Berjategundum eru
gerð skil, hér eru uppskriftir að ýmsum góðum fordrykkjum,
sérfræðingar gefa góð ráð um rétta vínið með fínu steikinni. Hér
er líka mjög yfirgripsmikið yfirlit yfir vínlönd og vínræktarhéruð
og skemmtilegar og fróðlegar greinar eftir vínsérfræðingana
Einar Thoroddsen og Steingrím Sigurgeirsson.
Það nýjasta í búðinni:
Á síðunni má líka sjá það sem vínáhugamönnum þykir oft einna
mest spennandi: hvaða vín er komið í reynslusölu? Neðarlega
vinstra megin á forsíðu birtist mynd af víni sem er í reynslusölu
ásamt stuttri lýsingu sem hægt er að smella á og fá nánari
upplýsingar. Skipt er um mynd af tegund reglulega svo hægt er
að fylgjast með þeim tegundum sem eru að koma inn í
reynslusölu.
www.vinbud.is
Leitin að rétta víninu
verður auðveld og fróðleg í senn