Morgunblaðið - 20.11.2004, Blaðsíða 2

2 LAUGARDAGUR 20. NÓVEMBER 2004 MORGUNBLAÐIÐ
FRÉTTIR
SKATTAR LÆKKA
Ríkisstjórnin hefur samþykkt að
leggja fram frumvarp um 4% lækk-
un tekjuskatts einstaklinga, 8%
hækkun persónuafsláttar, afnám
eignarskatts og hækkun barnabóta
um 2,4 milljarða.
Lofa friði í S-Súdan
Stjórn Súdans og uppreisnar-
menn í sunnanverðu landinu undir-
rituðu í gær samkomulag um að
binda enda á stríð sem staðið hefur í
tvo áratugi. Öryggisráð Sameinuðu
þjóðanna samþykkti ályktun þar
sem þess var krafist, að komið yrði á
friði í suðurhlutanum og Darfur-
héraði en talsmenn hjálparstofnana
gagnrýna ályktunina og segja hana
allt of veika.
Óvenjumikið frost
Frost mældist víða 15–20 stig í
fyrrinótt og dæmi var um 23 stiga
frost. Umhverfis- og heilbrigðisstofa
Reykjavíkur hefur ráðlagt fólki með
öndunarerfiðleika að halda sig sem
mest innandyra vegna mengunar.
Y f i r l i t
Kynningar – Morgunblaðinu í dag
fylgir auglýsingablaðið Slökkviliðs-
maðurinn frá Landssambandi
slökkviliðs- og sjúkraflutnings-
manna.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl

 




 


 
 



  

 

  

 


 


 !

"
# 

 
 
 
 $ 

 
 

%&' (

 )***



 


















 





SLÁTURFÉLAG Suðurlands og
Myllan standa fyrir einstakri
heimsmetstilraun í Kringlunni í
dag kl. 14 þegar búin verður til
stærsta pylsa í brauði sem sést hef-
ur í heiminum til þessa. Núverandi
met er 10,5 metrar og var sett í
Pretóríu í Suður-Afríku 18. október
2003 og er stefnt að því að bæta
metið um einn og hálfan metra. Til-
efnið er að Heimsmetabók Guinn-
ess, Guinness Book of World Re-
cords, fagnar nú hálfrar aldar
afmæli sínu en afmælisútgáfa bók-
arinnar kemur nú út á íslensku hjá
Vöku-Helgafelli.
Kjötiðnaðarmenn Sláturfélagsins
hafa lagt nótt við dag að búa til
pylsu sem er 12 metrar og skákar
því öllum pylsum sem hingað til
hafa verið búnar til. Ekki aðeins er
pylsan lengsta pylsa allra tíma,
heldur er hún jafnframt sett ofan í
lengsta pylsubrauð sem bakað hef-
ur verið.
Landbúnaðarráðherra
tekur fyrsta bitann
Metið þarf að staðfesta sam-
kvæmt reglum Guinness Book of
World Records og verður því pyls-
an nákvæmlega mæld um leið og
hún er komin í brauðið ásamt öllu
meðlæti. Í brauðið fara því 12
metra lengjur af tómatsósu, sinn-
epi, remúlaði, hráum lauk og steikt-
um. Vottar heimsmetstilraunar-
innar verða þau Guðni Ágústsson
landbúnaðarráðherra og Guðrún
Kristmundsdóttir, eigandi Bæjarins
bestu, og mun landbúnaðarráð-
herra taka fyrsta bitann af pylsunni
eftir að hún hefur verið mæld og
metið staðfest. Á eftir verður pyls-
an skorin niður þannig að allir sem
koma nógu snemma fá bita.
Byrjað var að flytja pysluna frá
Hvolsvelli klukkan átta í morgun í
42 feta gámi og stórum flutninga-
bíl, fánum skreyttum. Komið verð-
ur við hjá Myllunni og pylsubrauðið
sótt en að því búnu haldið í Kringl-
una þar sem atburðurinn verður
undirbúinn frá opnun Kringlunnar,
en klukkan 14 verður pylsunni síð-
an lyft í brauðið.
Heimsins lengsta pylsa í brauði
Ljósmynd/Gunnhildur H. Kristjánsdóttir
Kjötiðnaðarmennirnir Jón Þorsteinsson og Viktor Steingrímsson unnu við pylsuna í gær.
RJÚPNANEFND hefur nú lokið
fyrsta áfanga starfs síns og skilað til
ráðherra hugmyndum að lagabreyt-
ingum sem verða lagðar fyrir þingið
og virðist sem nefndin hafi samein-
ast um að leggja til sölubann á rjúpu
þótt fleiri en ein tillaga hafi verið um
aðra þætti.
Þetta kemur fram í dagbókar-
færslu Sigmars B. Haukssonar, for-
manns Skotveiðifélags Íslands.
„Ég verð að lýsa mikilli ánægju
minni með störf nefndarinnar, eink-
um það að góð sátt var í nefndinni þó
að menn hefðu vitaskuld misjafnar
hugmyndir. Þá náði nefndin að sam-
einast um eina tillögu. Vitaskuld er
þungamiðja þessarar tillögu hug-
mynd okkar um sölubann á rjúpu og
er afar mikilvægt að tillögur ráð-
herra í þessum efnum sem byggðar
eru á starfi nefndarinnar verði sam-
þykktar á þingi sem fyrst. Nefndin á
hins vegar eftir að vinna að hug-
myndum um veiðitíma og annað slíkt
þegar veiðar hefjast aftur á hausti
komanda,“ skrifar Sigmar.
Ingimar Sigurðsson, formaður
rjúpnanefndar, segir málið nú vera í
höndum ráðherra sem taki ákvörðun
um það hvort hann geri tillögur
nefndarinnar að sínum. Það skýrist
fljótlega þar sem stefnt sé að því að
kynna málið í ríkisstjórn strax í
næstu viku. Ekki sé því hægt að
greina frá einstökum tillögum að svo
stöddu. „En það var fullur einhugur í
nefndinni um tillögurnar.“
Rjúpnanefnd skilar ráðherra tillögum
Leggja til sölu-
bann á rjúpu
HÉRAÐSDÓMUR Reykjavíkur
dæmdi í gær Annþór Kristján Karls-
son í tveggja og hálfs árs fangelsi
fyrir hrottalega líkamsárás gegn
rúmlega tvítugum manni í apríl 2003.
Félagi Annþórs sem tók þátt í árás-
inni, Ólafur Valtýr Rögnvaldsson,
var dæmdur í tveggja ára fangelsi
fyrir sinn þátt.
Báðir eiga ákærðu að baki nokk-
urn sakaferil og rufu skilorð að
þessu sinni vegna fyrri dóma.
Þeir viðurkenndu báðir að hafa
fengið beiðni frá leigusala á Skóla-
vörðustíg um að hafa afskipti af
leigutaka sem endaði með miklum
misþyrmingum. Annþór viðurkenndi
að hafa lamið leigjandann með tré-
kylfu en neitaði að hafa handleggs-
brotið hann eins og hann var sakaður
um. Leigjandinn hlaut fleiri áverka
m.a. í andliti og á fótum. Ólafur við-
urkenndi að hafa kastað keramik-
diski í manninn með þeim afleiðing-
um að undan blæddi. Vitni að
atlögunni sagði að Annþór hefði bar-
ið manninn með kylfunni, bæði með
því að ganga að honum inni í íbúðinni
sem og inni í svefnherbergi þar sem
hann var lagstur upp í rúm. Fórn-
arlambið breytti framburði sínum
fyrir dómi á þann veg m.a. að hann
hefði ekki handleggsbrotnað í árás-
inni og gerði þannig minna úr árás-
inni en lýst var í ákæru. Sagðist hann
hafa handleggsbrotnað við að detta í
stiga fyrr um daginn. Héraðsdómur
taldi þetta ótrúverðugt og gerði
ákærðu ábyrga fyrir handleggs-
brotinu.
Dómurinn taldi afbrot ákærðu al-
varleg og ófyrirleitin. Hvað Annþór
snerti var horft til þess að hann hefði
veist að leigjandanum að beiðni
þriðja aðila með hrottafengnum
hætti og valdið honum umtalsverðu
líkamstjóni. Hefði hann ráðist í för-
ina við þriðja mann og staðið að at-
lögunni með ofurefli liðs þar sem
leigjandinn stóð höllum fæti vegna
meiðsla í kjölfar umferðarslyss. Lýs-
ir slík atlaga miskunnarleysi að mati
dómsins.
Málið dæmdi Símon Sigvaldason
héraðsdómari. Einar Þór Sverrisson
hdl. flutti málið fyrir Annþór og
Hilmar Ingimundarson hrl. fyrir
Ólaf. Sækjandi var Katrín Hilmars-
dóttir, fulltrúi Lögreglustjórans í
Reykjavík.
Handrukkarar dæmdir í fangelsi fyrir gróf ofbeldisbrot
Atlagan talin hrottaleg
og miskunnarlaus
FUNDI samninganefnda leikskóla-
kennara og sveitarfélaganna sem
fram fór hjá ríkissáttasemjara í gær
lauk fyrir hádegi. Hefur annar fund-
ur verið boðaður á miðvikudag í
næstu viku.
„Við ákváðum að setja kraft í við-
ræðurnar og taka upp þráðinn þar
sem frá var horfið fyrir um hálfum
mánuði og vinna áfram að því að viða
að okkur upplýsingum og fikra okk-
ur áfram,“ sagði Björg Bjarnadóttir,
formaður Félags leikskólakennara,
um fundinn í gær. Hún sagði að ekki
væri farið að ræða launaliði nýs
samnings.
Viðræðuáætlun samningsaðila
gerir ráð fyrir að viðræðum ljúki 26.
nóvember nk. Takist það ekki átti
málið að fara til sáttasemjara.
Samningafundur Félags
leikskólakennara
Næsti fundur
boðaður á
miðvikudag
Í dag
Sigmund 8 Forystugrein 30
Fréttaskýring 8 Kirkjustarf 34/35
Úr verinu 12 Minningar 36/40
Viðskipti 16/17 Skák 42
Erlent 18 Brids 44
Minn staður 20 Dagbók 46/48
Akureyri 21 Myndasögur 46
Suðurnes 21 Staður og stund 48
Árborg 22 Leikhús 50
Landið 22 Af listum 51
Daglegt líf 23 Bíó 54/57
Ferðalög 24 Ljósvakamiðlar 58
Menning 34, 49/57 Veður 59
Umræðan 28/33 Staksteinar 59
* * *