Morgunblaðið - 25.11.2004, Page 1

STOFNAÐ 1913 322. TBL. 92. ÁRG. FIMMTUDAGUR 25. NÓVEMBER 2004 PRENTSMIÐJA ÁRVAKURS HF. mbl.is
Kalkúnn
með öllu
Veisluborðin svigna undan
kræsingunum | Daglegt líf
Innrásin í Bretland 16 síðna aukablað
með Viðskiptablaði Morgunblaðsins
Viðskipti, Úr verinu, Íþróttir
STJÓRNARANDSTAÐAN í Úkra-
ínu hvatti í gær til allsherjarverkfalls
og hótaði að loka öllum þjóðvegum,
flugvöllum og járnbrautum í landinu
eftir að yfirkjörstjórn landsins lýsti
forsætisráðherrann, Viktor Janúkó-
vítsj, sigurvegara í forsetakjörinu á
sunnudag. Fékk Janúkóvítsj 49,46%
atkvæða að sögn kjörstjórnar en
Viktor Jústsjenkó, forsetaefni stjórn-
arandstöðunnar, 46,61% atkvæða.
Jústsjenkó og stuðningsmenn hans
hafa neitað að viðurkenna úrslitin og
segja þau byggð á víðtækum svikum.
Rússneska fréttastofan Interfax
hafði í gær eftir Janúkóvítsj að við-
ræður við stjórnarandstöðuna myndu
hefjast í dag, fimmtudag. Sagðist Jan-
úkóvítsj ekki vilja að stjórnarand-
stæðingar teldu sig hafa verið beitta
svikum. Jústsjenkó og fráfarandi for-
seti, Leoníd Kútsjma, sögðu báðir í
gær að vaxandi hætta væri á borg-
arastyrjöld í landinu, aðrir benda á að
landið gæti klofnað. Kútsjma studdi
Janúkóvítsj í forsetakosningunum en
báðir aðilar saka nú hvor annan um að
reyna að hrifsa völdin með valdaráni.
„Ólögmæt ákvörðun yfirkjör-
stjórnar hefur hrakið Úkraínu á barm
borgarastyrjaldar,“ sagði Jústsjenkó
við tugi þúsunda stuðningsmanna
sinna á Sjálfstæðistorginu í Kíev. „Við
munum leysa málið í orrustu. Stjórn-
völd vilja að átökin harðni enn og
hafna pólitískri lausn,“ sagði hann.
Júlía Tímósjenkó, einn talsmanna
stjórnarandstöðunnar, sagði í gær að
kosningarnar yrðu kærðar til hæsta-
réttar landsins í dag, fimmtudag, og
lagðar fram ítarlegar sannanir fyrir
ásökunum um svindl. Hins vegar var
haft eftir stjórnarandstöðuþingmann-
inum Petro Porosjenkó að öll lög-
fræðileg úrræði til að leysa vanda-
málið væru þrotin. „Nú mun fólkið tjá
hug sinn,“ sagði hann.
Vestræn ríki hafa hvatt báða aðila
til að forðast allt ofbeldi en gagnrýnt
framkvæmd kosninganna. Rússar,
sem studdu Janúkóvítsj, hafa hins
vegar fagnað úrslitunum og segja að
öll gagnrýni að utan sé óviðeigandi af-
skipti af innanríkismálum Úkraínu.
Colin Powell, utanríkisráðherra
Bandaríkjanna, sagði í gær að Banda-
ríkjamenn gætu ekki samþykkt kosn-
ingaúrslitin, svo miklar misfellur
hefðu verið á framkvæmdinni. Hvatti
Powell ráðamenn í Kíev til að gera
upp við sig „hvort þeir styðji lýðræð-
ið“ og bætti við að ef þeir gerðu það
ekki þegar í stað myndu afleiðingarn-
ar verða slæmar fyrir samstarf Úkra-
ínu og Vesturveldanna. Jose Manuel
Barroso, nýr forseti framkvæmda-
stjórnar Evrópusambandsins, tók í
sama streng í gær.
Janúkóvítsj lýstur sigurvegari en stjórnarandstaðan neitar að viðurkenna niðurstöðuna
Reuters
Stjórnarandstæðingurinn Viktor Jústsjenkó býr sig undir að ávarpa fólkið á Sjálfstæðistorginu í Kíev í gær.
Úkraína sögð
vera á barmi
borgarastríðs
Vestræn ríki hvetja deilendur til þess
að forðast ofbeldisverk en segjast
ekki telja kosningarnar lögmætar
Kíev, Brussel, Washington. AFP, AP.

Úkraína/14
FULLTRÚAR þeirra átta ríkja, sem
aðild eiga að Norðurskautsráðinu,
undirrituðu Reykjavíkuryfirlýsingu í
gær en í henni skuldbinda ríkin sig til
þess að stuðla að áframhaldandi þró-
un og verndun umhverfisins á norð-
urslóðum. Á fundinum var rætt um
hugsanleg viðbrögð við hlýnun lofts-
lags og sagði Sergei Lavrov, utanrík-
isráðherra Rússlands, að Rússar, sem
nú taka við formennsku ráðsins,
hygðust auka aðgerðir sem miðuðust
að því að vinna gegn mengun á norð-
urskautinu.
Davíð Oddsson, utanríkisráðherra
og formaður Norðurskautsráðsins,
sagði vinnu þess hafa skilað áþreif-
anlegum árangri og menn væru að
taka skref í þá átt að vernda náttúru-
auðlindir og koma í veg fyrir mengun.
Náttúruverndarsamtök Íslands
segja viðbrögð fundarins við skýrslu
vísindamanna um öra hlýnun á norð-
urslóðum hafa verið rýr í roðinu. Rík-
in segi ekkert um bindandi aðgerðir
til að draga úr útstreymi gróðurhúsa-
lofttegunda sem sé orsök vandans;
þar með hafi ríki Norðurskautsráðs-
ins undir formennsku Íslands misst af
tækifæri til að veita forystu aðgerðum
til að bregðast við þeirri ógn sem
steðjar að lífríki norðursins.
Skrifað undir Reykjavíkuryfirlýsingu á ráðherrafundi Norðurskautsráðsins
Unnið verður
gegn mengun
Morgunblaðið/Golli
Sigríður Anna Þórðardóttir umhverfisráðherra, Davíð Oddsson, utan-
ríkisráðherrra og formaður ráðsins, og Gunnar Pálsson sendiherra.
Rannsóknum/Miðopna
MEÐ nýrri stafrænni tækni er
hægt að greina persónulegt
handbragð hvers einasta list-
málara og slá því föstu hvort til-
tekin málverk séu eftir hann.
Tæknin byggist á myndavél og
tölvuforriti og með hana að
vopni er auðvelt að afhjúpa
falsanir og leysa ýmsar gátur,
að sögn The New Scientist.
Myndavélin og tölvan greina
til dæmis í hvaða átt pensilförin
liggja, lengd þeirra og hver
þrýstingurinn á pensilinn var.
Rannsökuð var mynd Ítalans
Pietros Peruginos, „Madonna
með barn“, frá um 1500.
Var hægt að sýna fram á, að
þrjú höfuð væru máluð af sama
manni, líklega Perugino, en að
hinum unnu þrír menn, einn
þeirra var e.t.v. sjálfur Rafael.
Snúið á
falsara
MIKILL mannfjöldi hefur safnast saman í miðborg höf-
uðstaðar Úkraínu, Kíev, undanfarna þrjá daga þrátt
fyrir kulda og snjókomu og krafist þess að stjórnarand-
stæðingurinn Viktor Jústsjenkó yrði lýstur sigurvegari
forsetakosninganna. Allmargir stuðningsmenn keppi-
nautar hans, Viktors Janúkóvítsj, voru einnig á torginu
í gær og skiptust hóparnir á skammaryrðum. Há-
skólanemar hafa verið í fararbroddi stuðningsmanna
Jústsjenkós en fréttamenn sögðu í gær að sá andi kjöt-
kveðjuhátíðar og rokktónleika sem einkenndi mótmæl-
in fyrstu dagana væri að hverfa.
Janúkóvítsj var í gær lýstur sigurvegari í kosning-
unum en seinni umferð þeirra fór fram um sl. helgi.
Stjórnarandstæðingar og erlendir eftirlitsmenn segja
að mikið hafi verið um kosningasvik, auk þess munu
stuðningsmenn Janúkóvítsj víða hafa beitt hótunum til
að hræða andstæðinga sína frá því að kjósa.
Útifundur í vetrarkuldanum
Tugþúsundir Úkraínumanna tóku í gær þátt í mótmæl-
um í Kíev gegn meintum kosningasvikum stjórnvalda.
AP