Morgunblaðið - 11.12.2004, Blaðsíða 4

4 LAUGARDAGUR 11. DESEMBER 2004 MORGUNBLAÐIÐ
FRÉTTIR
BRÓÐIR húsfreyjunnar á Geiteyj-
arströnd I í Mývatnssveit var að
gefa á garðann þegar gólf brast
undan fjórðungi fjárhússins þannig
að það féll ofan í haughúsið. Má
hann teljast heppinn að sleppa nán-
ast ómeiddur. Hann fór ekki á kaf í
forina og gat skriðið upp eftir garð-
anum þar sem annar endi hans
hékk enn fastur.
Rúmlega 100 fjár féllu niður, 19
kindur drápust samstundis eða
fljótlega og ein ær til viðbótar gaf
upp öndina í fyrrinótt.
Héðinn Sverrisson, bóndi á Geit-
eyjarströnd I, segir að húsið hafi
verið byggt árið 1979 eftir þeim
kröfum sem gerðar voru til fjár-
húsa á þeim tíma. Hann hefur það
eftir ráðunauti að kröfur um burð-
arþol hafi ekki verið nægilega mikl-
ar og því líklegt að burðarþoli gólfa
í fjárhúsum sé víða ábótavant. Þörf
sé á því að gera úttekt á þessum
málum á landsvísu.
Syntu út úr húsinu
Héðinn segir að aðkoman á
fimmtudag hafi verið hrikaleg.
Sumar kindurnar svömluðu um í
forinni en aðrar voru skorðaðar
undir spýtnabraki og gátu sig
hvergi hreyft, komu kannski rétt
snoppunni upp úr til að anda.
„Mitt fyrsta verk var að stökkva
upp í traktorinn og keyra á hurðina
á haughúsinu og brjóta hana úr. Þá
kom strax nokkuð góður hópur
syndandi út,“ sagði hann. Lára
Ingvarsdóttir húsfreyja, þýska
vinnukonan Katarina Wiesch-
orkowsky og vinnumaðurinn sem
fyrr er nefndur, Jóhann Ingvars-
son, stóðu ásamt fleirum í ströngu
við að ná fénu út. Ísköld forin var
um mittisdjúp og þar var erfitt að
athafna sig vegna spýtnabraks og
ísklumpa. Kippur kom í björg-
unarstörf þegar björgunarsveitin
Stefán kom á vettvang þar sem
margir björgunarsveitarmanna
voru klæddir í vatnshelda galla.
Hrútarnir fljótir að ná sér
Þá kostaði það talsverð átök að
ná hrútunum 13 sem féllu niður
upp úr forinni. „Þar var einn helvít-
is voða dólgur, grár, kollóttur. Þeg-
ar ég kom að honum var hann
skorðaður undir garðanum og bara
með nefið upp úr smáholu. Þannig
náði hann andanum. Ég gat síðan
troðið honum niður og náð honum
upp á betri stað,“ segir Héðinn.
Tveir hrútar drápust en ellefu
lifðu. Héðinn segir að hrútarnir
hafi verið fljótir að ná sér.
Um leið og tekist hafði að draga
féð út úr haughúsinu var það drifið
í volgt bað, ýmist með því að dýfa
þeim í fiskikar eða sprauta á þær
volgu vatni úr slökkvibíl.
Gat skriðið upp eftir garðanum
Morgunblaðið/Birkir Fanndal
Lára Ingvarsdóttir og Héðinn Sverrisson þurftu ásamt öðrum að hafa
hraðar hendur við að bjarga fé sem féll ofan í haughús.
Maður féll niður í haughús þegar fjárhúsgólf brast á Geiteyjarströnd I
HÉRAÐSDÓMUR Reykjaness
dæmdi í gær tvo menn, tæplega
fimmtugan Ísraelsmann og Pólverja
um tvítugt, fyrir innflutning á sam-
tals um 300 grömmum af hassi sem
þeir földu innvortis. Mennirnir við-
urkenndu að hafa ætlað að selja
hluta af hassinu hér á landi.
Ísraelsmaðurinn er í dómnum
sagður hafa skipulagt, fjármagnað
og undirbúið brotið og fengið Pól-
verjann til að taka þátt í því. Fram
kemur fram að Pólverjinn hefur
þekkt Ísraelann frá barnsaldri og
fengið fjárhagsstuðning frá honum.
Mennirnir komu með sömu flugvél
frá Kaupmannahöfn þann 4. desem-
ber. Annar var handtekinn á Kefla-
víkurflugvelli en hinn var gómaður
á leiðinni til Reykjavíkur. Pólverjinn
játaði sinn þátt í málinu, aðstoðaði
lögreglu við að upplýsa það og naut
hann þess við ákvörðun refsingar.
Hlaut hann 30 daga skilorðsbundið
fangelsi. Ísraelinn var á hinn bóginn
ekki samvinnufús og það, auk þess
að hann átti upptökin að smyglinu,
skipulagði það og fjármagnaði, varð
til þess að hann hlaut 30 daga óskil-
orðsbundinn fangelsisdóm.
Eyjólfur Kristjánsson, fulltrúi
sýslumannsins á Keflavíkurflugvelli
flutti málið f.h. ákæruvaldsins. Verj-
endur voru hæstaréttarlögmenn-
irnir Jóhannes Albert Sævarsson og
Sveinn Andri Sveinsson. Ingiríður
Lúðvíksdóttir kvað upp dóminn.
Smygluðu hassi
innvortis og
hugðust selja
LAGT hefur verið til að fargað verði
rúmlega 400 fjár á bænum Austur-
hlíð í Biskupstungum þar sem riða
greindist í byrjun vikunnar í tveimur
ám. Sigurður Sigurðarson, dýra-
læknir hjá rannsóknadeild yfirdýra-
læknis í smitsjúkdómum að Keldum,
segir að riða sé því komin upp í öllum
þremur varnarhólfum Biskups-
tungna. Náist samstaða um aðgerð-
irnar í Austurhlíð má búast við að
fénu verði lógað í næstu viku.
Siguður sagði riðu á þessu svæði
ekki koma á óvart vegna fyrri sögu
um riðuveiki annars staðar í Bisk-
upstungum, nú síðast í haust.
Hlíðarbæirnir svonefndu eru í
efsta varnarhólfi Biskupstungna en í
hinum hólfunum tveimur, Ytri-
Tungu og Eystri-Tungu, hefur kom-
ið upp riða. Er þannig nýverið búið
að lóga fé frá Gýgjarhólskoti vegna
riðu sem greindist þar í haust. Sig-
urður segir riðuveikina, sem þar
kom upp, af gerð sem greindist fyrst
í Noregi árið 1998 og er að því leyti
frábrugðin eldri tegund riðuveiki að
hún leggst fremur á eldri ær og
stundum ekki nema á eina kind á bæ
og virðist því ekki eins smitandi. Sig-
urður segir hins vegar að veikin í
Austurhlíð sé af eldri gerðinni en þar
greindist hún eins og fyrr segir í
tveimur ám.
Fénu líklega
lógað í næstu viku
KARLMAÐUR um fertugt kast-
aði gashylki úr Soda Stream-tæki í
gegnum rúðu á vesturgafli skála
Alþingis, sem stendur við hlið al-
þingishússins, um miðjan dag í
gær. Hann hljóp á brott en lögregl-
an í Reykjavík hafði hendur í hári
hans í Þingholtunum skömmu síð-
ar. Hann hefur áður verið handtek-
inn fyrir að ónáða ráðherra og fleiri
ráðamenn landsins.
Hylkið kom inn um rúðu á
mannlausri skrifstofu Guðlaugs
Ágústssonar yfirþingvarðar. Guð-
laugur sagði í samtali við Morgun-
blaðið að engin truflun hefði orðið á
þingstörfum vegna rúðubrotsins
og ekki hefði verið gripið til ann-
arra ráðstafana en að hringja á lög-
reglu og skipta síðan um rúðu.
Starfsmaður Alþingis sá til manns-
ins fyrir utan skálann og gat gefið
lögreglu lýsingu á honum.
Að sögn lögreglunnar gaf mað-
urinn þá skýringu á athæfi sínu að
hann væri ósáttur við hversu illa
væri mætt í þingið. Læknir var
fenginn til að ræða við hann.
Kastaði gashylki
í gegnum rúðu
á skála Alþingis
ÞAÐ sem af er árinu hafa 66 sótt um
hæli hér en í fyrra sóttu 80 einstak-
lingar frá 30 löndum um hæli. Aðeins
einu sinni hefur verið samþykkt um-
sókn um stöðu flóttamanns hér á Ís-
landi en oft hafa hælisumsækjendur
fengið dvalarleyfi af mannúðar-
ástæðum. Þó virðist sem dregið hafi
verulega úr slíkum veitingum á und-
anförnum árum: árið 1998 sóttu 24
um hæli og þar af fengu 13 dvalar-
leyfi af mannúðarástæðum, 1999
sóttu einnig 24 um hæli og fengu þá
12 dvalarleyfi, árið 2000 voru 25 um-
sóknir en þá fengu aðeins sex dval-
arleyfi, 2001 sóttu 53 um hæli en að-
eins átta fengu dvalarleyfi. Árið 2002
voru 117 umsóknir en aðeins sex
fengu dvalarleyfi og í fyrra voru 80
umsóknir en þar af fengu aðeins þrír
dvalarleyfi.
Þetta kom fram í máli Katrínar
Theódórsdóttur lögmanns á mál-
þingi í Norræna húsinu um málefni
flóttamanna og hælisleitenda á Ís-
landi. Hún sagði að tregðan við að
viðurkenna stöðu flóttamanns hér á
landi væri alþekkt en sagðist þó von-
ast til þess að þessar tölur um veit-
ingu dvalarleyfa af mannúðarástæð-
um fælu ekki í sér stefnubreytingu af
hálfu Íslands gagnvart flóttamönn-
um. Auk Katrínar héldu framsögu
þær Katla Þorsteinsdóttir, fram-
kvæmdastjóri Reykjavíkurdeildar
Rauða kross Íslands, Jóhanna K.
Eyjólfsdóttir, framkvæmdastjóri Ís-
landsdeildar Amnesty International,
og Rósa Dögg Flosadóttir, forstöðu-
maður leyfasviðs Útlendingastofn-
unar. Sagðist Rósa Dögg telja að
þessi þróun væri tilviljunin ein, það
væri undantekningaregla að slík
leyfi væru veitt. „Ég held að það sé
tilviljun ein að tölurnar rokki svona
upp og niður. Það þýðir ekki endi-
lega að það verði færri á næsta ári.“
Nokkrar umræður urðu um stöðu
þeirra sem sækja um hæli á Íslandi
og kom fram veruleg gagnrýni á
„stefnu“ stjórnvalda í málefnum
flóttamanna sem aftur birtist í af-
greiðslum Útlendingastofnunar. Þá
var það og gagnrýnt að hælisleitend-
ur fengju ekki lögfræðiaðstoð á
fyrstu stigum heldur aðeins síðar
eftir að skýrslutökur hefðu farið
fram.
Færri dvalarleyfi af
mannúðarástæðum
 













 

!
"
##
  # " #
$

%




RÍKISSAKSÓKNARI hefur ákært
karlmann fyrir tilraun til mann-
dráps með því að skera leigubíl-
stjóra á háls í Vesturbæ Reykjavík-
ur í júlí í sumar. Hæstiréttur
staðfesti í gær gæsluvarðhald yfir
manninum fram til 16. febrúar nk.,
eða þar til dómur gengur í máli
hans. Maðurinn hefur ekki tjáð sig
um árásina í yfirheyrslum hjá lög-
reglu eða fyrir dómi og borið því
við að hann sé haldinn minnisleysi
um þessa nótt sökum mikillar
áfengisneyslu. Vitni sem lögregla
hefur rætt við vegna málsins beri á
hinn bóginn öll um að hann hafi
ráðist á leigubílstjórann. Brot sem
þetta varðar allt að 16 ára fangelsi.
Ákærður fyrir til-
raun til manndráps