Morgunblaðið - 11.12.2004, Blaðsíða 33

MORGUNBLAÐIÐ LAUGARDAGUR 11. DESEMBER 2004 33
MENNING
Jólablað Leonard
fylgir Morgunblaðinu á miðvikudag
og skoðaðu blaðið á www.leonard.is
www.leonard.is
Taktu forskot á sæluna
Jólab
lað L
eona
rd
…er
komi
ð á n
etið
Viltu vinna gjafakort?
Sendu SMS skilaboðin
LEONARD í númerið
1900 og þú gætir unnið
25.000 kr. gjafakort
í Leonard
Dregið 23. desember 2004
Sá einstaki viðburður verður á morgun aðnýtt íslenskt tónverk, Stjarnan mín ogstjarnan þín, eftir Hildigunni Rúnars-
dóttur verður flutt á tveimur stöðum með aðeins
klukkustundar millibili. Sinfóníuhljómsveit
Norðurlands frumflytur verkið á jólatónleikum
sínum í Akureyrarkirkju kl. 16, undir stjórn
Guðmundar Óla Gunnarssonar, en Hildigunnur
stjórnar sjálf Sinfóníuhljómsveit áhugamanna í
Seltjarnarneskirkju kl. 17.
„Það var Sinfón-
íuhljómsveit Norðurlands
sem pantaði þetta verk hjá
mér,“ segir Hildigunnur.
„Hún á því frumflutningsréttinn. En ég spurði
hvort ég mætti nota það hér í borginni á sama
tíma – eða klukkustund síðar, og þeim fannst
það góð hugmynd. Það er óvenjulegt, og ég veit
ekki til þess að verk hafi verið frumflutt áður á
Íslandi á tveimur stöðum í einu svo að segja sam-
tímis.“
  
Stjarnan mín og stjarnan þín er jólasaga fyriralla fjölskylduna að sögn Hildigunnar. Sag-
an er lesin, milli þess sem hljómsveitin leikur,
eins og margir þekkja til dæmis úr Pétri og úlf-
inum.
„Þetta er saga um lítinn strák sem fær kart-
öflur í skóinn, en uppgötvar svo hvers vegna það
gerist. Ég vonast til að fullorðnir hafi gaman af
þessu líka. Óþekki strákurinn á sitt stef sem
heyrist nokkrum sinnum í ýmsum tilbrigðum og
jólasveinninn á líka sitt stef. Þar nota ég þekkt
jólasveinastef eftir Ingunni Bjarnadóttur – vitna
í hana, og stjörnustefið er fyrst svolítið undarleg
útgáfa af stefinu Bjart er yfir Betlehem – í moll
og svolítið sorglegt, en undir lokin – þegar
strákurinn er búinn að átta sig, heyrist stjörnu-
stefið á sinn eðlilega hátt – stjarnan er orðin fal-
leg. Engillinn í verkinu á líka sitt stef. Það á að
vera auðvelt að fylgja sögunni í músíkinni.“
  
Þau tímamót verða fyrir Hildigunni á tón-leikum Sinfóníuhljómsveitar áhugamanna,
að þar verður hún í fyrsta skipti að stjórna sin-
fóníuhljómsveit opinberlega. Ingvar Jónasson
víóluleikari er aðahljómsveitarstjóri SÁ, en
gestastjórnendur hafa líka fengið tækifæri með
hljómsveitinni. Hildigunnur er menntuð úr tón-
fræðadeild Tónlistarskólans í Reykjavík, hefur
líka próf í söng upp á vasann, en lærði þó fyrst af
öllu á fiðlu, og hefur reyndar leikið með hljóm-
sveitinni.
„Þetta er mjög gaman og ég fæ vonandi að
stjórna einhverntíma aftur. Ingvar er að draga
sig í hlé vegna aldurs, og nú er bara verið að
máta mögulega arftaka við hljómsveitina. Hann
hringdi í mig fyrir nokkrum mánuðum og spurði
hvort ég sæti, og bað mig að setjast þegar ég
sagði honum að ég stæði. Hann bauð mér þetta,
en ég sagði ekki já alveg strax – vildi aðeins spá í
þetta. Ég hef ekki lært mikið til stjórnunar, en
sótti þó tíma í hljómsveitastjórn í eitt ár. Takts-
lagið þvælist svosem ekkert fyrir mér – þetta er
spurning um hvað maður hefur að gefa og segja
í tónlistinni.“
Fjölskyldutónleikar er ekki óalgeng yfirskrift
tónleika á aðventu, og fyrir Hildigunni eru tón-
leikar hennar sannkallaðir fjölskyldutónleikar,
því tvö systkini hennar Hallveig og Ólafur
syngja með hljómsveitinni í verkum eftir Mozart
og Händel.
Þá leikur Fífa Jónsdóttir, 12 ára dóttir Hildi-
gunnar á fiðlu með hljómsveitinni. „Jú, þetta eru
sannarlega fjölskyldutónleikar hjá mér, en það
var reyndar lagt upp með það. Ingvar bauð mér
strax upp á þetta – sagði að ég þyrfti ekki að
leita langt eftir söngvurum. Þau eru bæði mjög
frambærilegir söngvarar – ég hef engar áhyggj-
ur af því.“
Jólatónverk Hildigunnar frumflutt
á tveim stöðum í einu á landinu
’Þetta er saga um lítinn strák sem fær kartöflur í
skóinn, en uppgötvar svo hvers
vegna það gerist.‘
AF LISTUM
Bergþóra Jónsdóttir
begga@mbl.is
Morgunblaðið/Árni Sæberg
Hildigunnur Rúnarsdóttir