24 stundir - 12.01.2008, Blaðsíða 39

24stundir LAUGARDAGUR 12. JANÚAR 2008 39
É
g taldi að þessar tvær
ráðningar væru farsæl-
astar fyrir þessar tvær
stofnanir sem standa
báðar á tímamótum og
þarfnast þess nauðsynlega að fá
nýtt blóð inn í hjarta og æðakerfi
sitt,“ segir Össur Skarphéðinsson
iðnaðarráðherra um umdeildar
embættisveitingar, en hann réð
Guðna A. Jóhannesson í starf
orkumálastjóra og Ólöfu Ýri Atla-
dóttur sem ferðamálstjóra.
„Í tilviki orkumálastjóra var
prófessor Guðni hæfastur og upp-
fyllti best þær kröfur sem gerðar
voru í starfsauglýsingunni. Hann
hefur alla kosti til að bera til að
veita nýju blóði inn í stofnunina,
hún þarf að ganga í endurnýjun líf-
daga. Ég ætla henni ekki einungis
það hlutverk að vera stjórnsýslu-
stofnun heldur á hún líka að ýta
undir lifandi orkuvísindi og ekki
má gleyma ráðgjafarhlutverki
hennar gagnvart ríkisstjórninni. Ég
komst að þeirri niðurstöðu eftir að
hafa farið mjög vandlega yfir þessi
mál að hann væri hæfasti umsækj-
andinn. Þá stóð ég frammi fyrir
þessari staðreynd: Prófessor Guðni
er karlmaður. Átti ég að láta hann
gjalda þess? Stjórnarskráin bannar
mér það, lögin banna mér það og
jafnréttisáætlun iðnaðarráðuneyt-
isins bannar mér það líka. Ég tel að
ég hefði verið að brjóta lög á þess-
um hæfasta umsækjanda ef ég
hefði mismunað honum í krafti
þess að hann er karlmaður.
Varðandi embætti ferðamála-
stjóra taldi ég að öllu samanlögðu
að farsælast væri að ráða Ólöfu Ýri
Atladóttur, ekki síst í ljósi þess að
ég hef hugmyndir um ákveðnar
breytingar á stjórnskipulagi ferða-
mála og hennar hugmyndir, eins og
þær komu fram, samræmdust
mjög vel þeim hugmyndum mín-
um. Auk þess hafði ég sérstaklega
tekið fram í auglýsingu að sá sem
ráðinn yrði til starfans þyrfti að
uppfylla skilyrði um hæfni til að
leiða breytingar. Það kom í ljós að
fyrir utan sterka menntun sem nýt-
ist vel í þessu starfi þá hafði Ólöf
Ýrr sérstaklega menntað sig á sviði
breytingastjórnunar og verkefna á
því sviði.“
Fer ekki auðveldustu leiðina
Þessi harða gagnrýni sem þú hef-
ur fengið, truflar hún þig?
„Ég er búinn að lifa svo margt og
súpa svo mikinn sjó á ferli mínum í
stjórnmálum að þetta hefur ekki
gengið nærri mér. Þar ræður mestu
að ég hef djúpa og einlæga sann-
færingu fyrir því að ég sé að gera
rétt. Ég gerði mér grein fyrir því að
þessar ráðningar kynnu að verða
umdeildar og hægur leikur var fyr-
ir mig að taka auðveldasta kostinn.
Ég er ekki stjórnmálamaður sem
fer auðveldustu leiðina – heldur þá
leið sem ég tel besta til að standa
undir þeirri ábyrgð sem mér er fal-
in. Það hefur oft gefið á mitt skip
vegna þess að ég hef tekið ákvarð-
anir af innstu hjartans sannfæringu
sem aðrir hafa verið ósammála.
Það er ekki snefill af vafa í mínum
huga um að ég gerði rétt.“
Hvað segir þú um harða gagnrýni
á skipan Þorsteins Davíðssonar sem
dómara?
„Sem pólitískur faðir sem á börn
sem eru að vaxa úr grasi þá renna
mér til rifja þær hörðu árásir sem
Þorsteinn Davíðsson sætir út af því
einu að hann er sonur föður síns.
Ég tel að það sé hæpin leið að hafa
nefndir sem skipa í raðir dómara
einhverja sem komast í skónúmer
þeirra sem fyrir eru í stéttinni, eins
og til dæmis varðandi Hæstarétt.
Ég og minn flokkur höfum viljað
fara aðrar leiðir. Það er engum
blöðum um það að fletta að Þor-
steinn er hæfur. Það er hins vegar
deilt um hvort hann var hæfastur.
Ráðherrann átti völina og kvölina,
eins og ég þekki.“
Eins og urriðinn
Það hefur komið fyrir í þessu rík-
isstjórnarsamstarfi að þú hafir viðr-
að skoðanir sem eru mjög á skjön við
skoðanir Sjálfstæðisflokksins. Af
hverju ertu stundum að pota í sjálf-
stæðismenn?
„Þú ert væntanlega að vísa til
þess að ég held úti örmiðli á
heimasíðu minni. Þar læt ég
gamminn geisa og er ekkert að
skafa utan af skoðunum mínum.
Ég er í samstarfi með Sjálfstæðis-
flokknum í ríkisstjórn en ég er ekki
giftur honum. Ég hef aldrei gagn-
rýnt ríkisstjórnina, en ég hef húð-
skammað hina frægu sexmenninga
í borgarstjórninni. Ég tel að þessi
ríkisstjórn sé mjög góð og hafi ver-
ið besti kosturinn í stöðunni. Mér
líður vel í þessari ríkisstjórn, ég á
þar vinum að fagna og hef eignast
nýja. Milli mín og Þorgerðar Katr-
ínar hefur til dæmis tekist mjög
gott samstarf en við vorum eins og
hundur og köttur þegar ég var í
stjórnarandstöðu og hún í ríkis-
stjórn og vorum á stundum full-
vond hvort við annað. Það kemur
ugglaust mörgum á óvart að við
Björn Bjarnason erum vinir. Eitt
það eftirminnilegasta á mínum
ferli í stjórnmálum var frábært
samstarf okkar við að koma Þing-
völlum á heimsminjaskrána. Það
var þó í miðju fjölmiðlamálsins
þegar við slógumst eins og hundar
á daginn en unnum saman á kvöld-
in að þeim stórmerka áfanga.
Sjálfstæðismenn hafa til þessa
sýnt ýmsum sjónarmiðum mínum
skilning og ég hef goldið í sömu
mynt. Í þessari ríkisstjórn eru fyrr-
um höfuðandstæðingar í íslensk-
um stjórnmálum að vinna saman
og það hefur gengið mjög vel. Þessi
ríkisstjórn er allt öðruvísi en sú
sem ég sat í áður því í henni geta
menn rætt um alla skapaða hluti og
það er algengt að ráðherrar komi
inn á ríkisstjórnarfundi með mál til
að leita ráða. Ég geri það til dæmis.
Ég gæti þess líka að kanna afstöðu
til mála sem gætu verið umdeild
þannig að ég sé ekki að koma nein-
um á óvart. Ég veit að í samskipt-
um við fólk hefur mér stundum
hætt til, sérstaklega á yngri árum
mínum, að vera óbilgjarn en ég er
meðvitað að reyna að vera það
ekki. Ég vil vera góður liðsmaður.“
Sumir gagnrýna bloggið þitt og
segja að þú sért að skrifa það þegar
þú ættir að vera sofnaður, það er að
segja um nætur.
„Ég kem af svefnléttri fjölskyldu
og er meira að segja ekki svefn-
léttasti maðurinn innan hennar. Ég
hef alltaf þurft mjög lítinn svefn.
Þetta er kynfylgja. Stjórnmála-
menn sem eru töluvert skyldir mér
hafa sama eiginleika. Ég nefni
Svavar Gestsson. Eitt af því sem ég
er stoltastur af þegar ég horfi til
HELGARVIÐTALIÐ
Eftir Kolbrúnu Bergþórsdóttur
kolbrun@24stundir.is
a
Það hefur oft
gefið á mitt skip
vegna þess að
ég hef tekið ákvarðanir af
innstu hjartans sannfær-
ingu sem aðrir hafa verið
ósammála.
www.neytendastofa.is
Komdu hreyfingu á hlutina
Ábending með einum smelli
Neytendum eru tryggð margvísleg réttindi í lögum.
Hlutverk Neytendastofu er að tryggja að réttindi neytenda séu virt og stuðla
að bættum hag þeirra.
Með samstilltu átaki geta neytendur haft áhrif á að leikreglum sé fram-
fylgt. Vissir þú að það hefur aldrei verið auðveldara en núna?
Á vef Neytendastofu finnur þú leið til þess: Rafræn Neytendastofa er
þjónustugátt sem öllum stendur opin, alltaf.
Þar getur þú komið á framfæri ábendingum án fyrirhafnar, með skráningu
eða nafnlaust – um það sem vel er gert eða betur mætti fara.
Bætt neytendavernd er hagur allra. Ábending frá þér getur komið
hreyfingu á hlutina!