24 stundir - 22.01.2008, Blaðsíða 23

24stundir ÞRIÐJUDAGUR 22. JANÚAR 2008 23
Það getur tekið ótrúlega langan
tíma að klára smáatriðin á heim-
ilinu eftir að flutt er í nýtt hús-
næði eða þegar verið er að end-
urbæta það gamla. Framkvæmdir
eiga það til að dragast á langinn
og mestu púðri er eytt í stærstu
og kostnaðarsömustu verkin eins
og lagningu gólfefna eða uppsetn-
ingu innréttinga. Þessar fram-
kvæmdir taka oft mikinn tíma og
kraft frá fólki og margir verða
hvíldinni fegnir og geyma smærri
framkvæmdir til betri tíma, eins
og lagningu gólflista eða annað
slíkt. Engu að síður getur verið
gott að drífa í hlutunum.
Gott skipulag
Til þess að ganga ekki fram af
sér þarf að skipuleggja sig vel og
taka fyrir eitt atriði í einu til þess
að ljúka við. Setjið ykkur raunhæf
markmið og takið eitt rými fyrir í
einu. Byrjið á því sem mest liggur
á og setjið ykkur ákveðin tíma-
mörk þannig að ekki sé stöðugt
verið að fresta óloknu verki til
morguns. Ef ómögulegt reynist að
vinna verkið sjálfur þá er um að
gera að fá iðnaðarmenn til þess og
snúa sér að léttari verkefnum á
meðan.
Ekki setja ykkur óraunhæf
markmið og reiknið með tíma til
þess að sinna skemmtilegri verk-
efnum inn á milli.
Forgangsröðun
Áður en hafist er handa er gott
að setjast niður og búa til lista.
Farið yfir hvert herbergi og skráið
hvað þarf nauðsynlega að gera og
hvernig þið viljið að rýmið líti út.
Forgangsraðið og reiknið út
hversu miklu þið getið eytt í
framkvæmdirnar. Fáið tilboð frá
iðnaðarmönnum í erfiðustu verk-
in og berið saman efniskostnað
og aðra kostnaðarliði. Látið svo
hendur standa fram úr ermum.
Best að ljúka smáatriðunum af sem fyrst
Skipuleggið og forgangsraðið
Árvakur/Árni Sæberg
Framkvæmdir Stundum getur verið gott að ljúka smærri verkum af en gott
skipulag skiptir höfuðmáli.
Gulur er mjög áberandi litur og
því ekki allir sem þora að hafa heil-
an gulan vegg inni á heimili sínu.
Eins og myndin hér að ofan sýnir
eru það óþarfa áhyggjur. Gulur
tekur sig mjög vel út á vegg, er
sumarlegur og líflegur auk þess
sem herbergið verður bjart og fal-
legt. Það hentar einkar vel að hafa
mikið af hvítu í kringum gula
vegginn, enda henta þessir tveir lit-
ir mjög vel saman og guli liturinn
er aðeins minna áberandi.
Sumarlegur og
líflegur veggur
Fimm af tíu dýrustum borgum
heims til að leigja húsnæði í eru í
Asíu. Borgirnar eru Seúl, Mumbai,
Sjanghai, Hong Kong og Tókýó.
Hinar fimm eru New York,
Moskva, London, Caracas og París.
Hátt verð í Tókýó, New York, Seúl,
Moskvu, London og París helst í
hendur við háan framfærslukostn-
að í borgunum. Í borgum á við
Mumbai og Sjanghai orsakast hátt
verð hins vegar af húsnæðisskorti.
Húsaleiga hæst
í Asíulöndum
Þegar kemur að því að finna sér
leiguíbúð er gott að hafa í huga
það sem mestu skiptir. Þó þú hafir
ekki efni á draumaíbúðinni eins og
stendur skaltu einbeita þér að já-
kvæðum hugsunum um hvernig
þú getir gert hana kósí með því að
bjóða heim vinum og ættingjum.
Þröngt mega sáttir sitja og svo
lengi sem tveir geta setið í eldhús-
króknum ættir þú að vera í góðum
málum.
Kósí eldhúshorn
fyrir tvo dugar
Verslunin Rúmgott · Smiðjuvegi 2 · Kópavogi · Sími 544 2121. Opið virka daga frá kl. 10-18 - laugardaga kl. 11-16
www.rumgott.is
GEL OG
ETHANOL
ELDSTÆÐI
BYLTING Í SVEFNLAUSNUM
SPRENGIÚTSALA
EITT BESTA ÚRVAL LANDSINS Á HEILSUDÝNUM
20-50% AFSLÁTTUR
VAXTALAUS LÁN Í 6 MÁNUÐI