24 stundir - 22.01.2008, Blaðsíða 32
32 ÞRIÐJUDAGUR 22. JANÚAR 2008 24stundir
LÍFSSTÍLLFERÐIR
ferdir@24stundir.is a
Okkur fannst miðjan eiga skilið að við
gerðum þetta almennilega og við
ákváðum því að endurtaka ferðina þegar
skilyrðin verða betri.
Eftir Írisi Ölmu Vilbergsdóttur
iris@24stundir.is
Ferðaklúbburinn 4x4 ferðast um
landið allt árið um kring og slæmt
veður er engin fyrirstaða. Agnes
Karen Sigurðardóttir, formaður
klúbbsins, var nýkomin úr enn
einni ævintýraferðinni þegar 24
stundir náðu tali af henni. „Við
komum í bæinn klukkan 7 í morg-
un eftir ferðalag að miðju Íslands.
Við snerum reyndar við um 10 km
áður en við komum að miðjunni
vegna þess að klukkan var orðin
svo margt og færðin bauð ekki upp
á lengri ferð að sinni.“
60 manns að miðju Íslands
Tilgangurinn með ferðinni var
að vígja stuðlabergsstein sem farið
var með á miðjuna í fyrra í við-
urvist gesta. „Þeir sem sáu um að
setja steininn upp fóru á undan
okkur og hann verður því tilbúinn
þegar við endurtökum ferðina.
Okkur fannst ómögulegt að halda
áfram og halda athöfnina í flýti.
Okkur fannst miðjan eiga skilið að
við gerðum þetta almennilega og
við ákváðum því að endurtaka
ferðina þegar skilyrðin verða
betri.“
Hópur jeppaáhugamanna var
með í för en meðal þeirra voru þau
Siv Friðleifsdóttir, Kolbrún Hall-
dórsdóttir, Róbert Marshall og
Ólafur Helgi, sýslumaður á Sel-
fossi. Alls voru um 60 manns í
ferðalaginu en öllum félagsmönn-
um var boðið að koma með.
Ferðir allt árið
Jeppabakterían verður stöðugt
algengari hér á landi enda býður
landslagið upp á sérstaklega
skemmtilegar leiðir. „Við í klúbbn-
um ferðumst allt árið um kring og
það er varla hægt að segja að það sé
árstíðarbundið. Við erum með
skipulagðar ferðir í klúbbnum sem
eru árviss viðburður en þar á með-
al er kvennaferðin sem verður
stöðugt vinsælli og paraferðin sem
kom ný inn á síðasta ári. Einnig er
mikið um að einstaklingar innan
klúbbsins skipuleggi ferðir á eigin
vegum en það er til dæmis vinsælt
að fara í ferðalag á milli jóla og ný-
árs og á páskunum.“
Það er aldrei of seint fyrir jeppa-
áhugamenn að komast inn í þetta
samfélag enda þarf ekkert nema
jeppa og ævintýraþrá til að teljast
gjaldgengur.
Veðurblíða Ekta ís-
lenskt jeppaveður.
Ferðaklúbburinn 4x4 fer ótroðnar slóðir
Smitandi jeppabaktería
Á meðan margir Íslend-
ingar kvarta sáran yfir
því að þurfa að moka bíl-
inn út úr stæðinu á
morgnana taka aðrir því
sem merki um að nú sé
kominn tími til að fara í
ferðalag upp um fjöll og
firnindi.
➤ Er ferðaklúbbur fyrir áhuga-fólk um jeppaferðir og ís-
lenska náttúru.
➤ Er opinn öllum þeim sem hafaáhuga en hægt er að skrá sig
og fá upplýsingar um gjöld á
vefsíðunni www.f4x4.is.
4X4
Alþingiskonur Siv
Friðleifsdóttir og Kol-
brún Halldórsdóttir
ásamt hundinum Tindi.
Ferðafélagar Freyr Jónsson og Magni
Þorvaldsson pumpa í dekkin.
Jólafríinu er nýlokið en það er
ekki seinna vænna að fara að huga
að sumarfríinu. Um þessar mundir
hrúgast bæklingarnir inn um
bréfalúguna en flestar ferðaskrif-
stofur bjóða upp á afslátt fyrir þá
sem bóka sig fyrstir.
Sólarlandaferðir eru yfirleitt
fremur dýrar og því er alltaf gott að
reyna að halda kostnaðinum í lág-
marki með því að skoða vel hvað er
í boði og vera duglegur við að bera
saman verð.
Annar kostur við að bóka sum-
arfríið snemma er að þá er yfirleitt
auðveldara að fá umbeðinn frítíma
í vinnunni. Á meðan aðrir eru enn
að jafna sig eftir jólin fær sá skipu-
lagði besta tímann. Margar spenn-
andi sumarleyfisparadísir eru í
boði og allir ættu að finna eitthvað
við sitt hæfi. iris@24stundir.is
Sumarfrísbæklingarnir eru byrjaðir að berast
Sumarfrí á ströndinni
Janúar færir sjaldnast mikla gleði
í hjörtu Íslendinga enda með ein-
dæmum myrkur og kaldur. Það
er því enn mikilvægara en ella að
finna upp á einhverju skemmti-
legu til að stytta stundirnar.
Fátt er skemmtilegra og notalegra
en að fara með fjölskyldunni í
sumarbústað þar sem hægt er að
renna sér á snjóþotu og hafa það
gott með heitu kakói. Flestir hafa
aðgang að bústað í gegnum
vinnustað eða verkalýðsfélag og
því er um að gera að skella sér í
helgarferð með fjölskyldunni.
Helgarferð með
fjölskyldunni
Árlegur Bókamarkaður Félags
íslenskra bókaútgefenda verður
Í Perlunni 27. febrúar til 9. mars
næstkomandi.
Útgefendur sem vilja bjóða
bækur sínar á markaðinum er
bent á að hafa samband við
Félag íslenskra bókaútgefenda
sem fyrst í síma 511-8020 eða
á netfangið baekur@simnet.is
Aðeins verður tekið á móti
bókum sem komu út 2006
eða fyrr.
F É L A G Í S L E N S K R A
B Ó K A Ú TG E F E N D A
BÓKAMARKAÐUR 2008
Gamlir starfsmenn og fastakúnnar Brauðbæjar ætla að
hittast í Perlunni þann 16. febrúar á milli kl. 16-19. Boðið
verður upp á léttar veitingar. Þátttökugjald er 1.000 kr.
Tilkynnið um þátttöku með tölvupósti til:
fludir@icehotels.is eða maj@islandia.is.
Auglýsingasíminn er
510 3744
stundir
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins - viðurkenning frá matur úr héraði - localfood