24 stundir - 22.01.2008, Blaðsíða 20
20 ÞRIÐJUDAGUR 22. JANÚAR 2008 24stundir
Eftir Hildu H. Cortez
hilda@24stundir.is
„Við spáum 9 prósenta lækkun á
fasteignaverði á árinu,“ segir Edda
Rós Karlsdóttir hjá greiningardeild
Landsbankans. „Við áttum ekki
von á því að það færi að hægjast
um á fasteignamarkaðnum fyrr en
um mitt þetta ár, en krafturinn í
hækkunum síðastliðið haust kom á
óvart.“
Það dró úr veltu á fast-
eignamarkaði í lok síðasta árs en í
annarri viku desembermánaðar
var skrifað undir færri kaupsamn-
inga en gert hafði verið frá því í
janúar 2007. Á vefsíðu Fast-
eignamats ríkisins kemur fram að
kaupsamningum fækkaði um
29,7% á milli desember og nóv-
ember 2007 og velta minnkaði um
25,8%. Í byrjun þessa árs var fjöldi
þinglýstra kaupsamninga á höf-
uðborgarsvæðinu 71 talsins frá 4.
janúar til og með 10. janúar.
Metframboð á nýjum íbúðum
Í hagspá Landsbankans frá því í
september er gert ráð fyrir auknu
framboði nýrra fasteigna á árinu
þrátt fyrir skerta kaupgetu, en í
könnun fyrirtækjasviðs bankans á
líklegu framboði íbúðarhúsnæðis á
höfuðborgarsvæðinu kemur fram
að 3.000 nýjar íbúðir verði tilbúnar
í byrjun þessa árs og um 1.100 á
svæðinu í kring. Þessi aukning á
íbúðarhúsnæði bendir til þess að
metframboð verði á nýjum fast-
eignum á árinu og útlit er fyrir að
framboð nýrra íbúða aukist enn á
næsta ári. Verði svo þarf að
minnsta kosti 20.000 nýja íbúa á
svæðið til að fylla þessar íbúðir.
„Við teljum að það séu heldur fleiri
íbúðir að koma á markaðinn en
þörf er á og að þó nokkur hætta
skapist á offramboði fasteigna.
Menn munu líklega klára þau
verkefni sem eru í gangi á árinu en
síðan hægist verulega á.“
Framboð meira en eftirspurn?
Greiningardeild Landsbankans
telur að draga muni úr þenslu á
fasteignamarkaðnum á þessu ári
með tilliti til verðþróunar og ný-
bygginga. Það hefur neikvæð áhrif
á hagnaðarvon byggingarfyrirtækja
og þar með framboð nýbygginga.
„Háir vextir draga meðal annars
úr þenslu vegna þess að það þýðir
aukna greiðslubyrði, þannig að það
er dýrara fyrir fólk að kaupa. En
þetta stafar líka af því að framboð
er meira en eftirspurn,“ segir Edda.
„Þó að þessi lækkun verði á mark-
aðnum þá verður fasteignaverðið
bara svipað því og það var um mitt
ár í fyrra þannig að þetta er engin
heimsendaspá hjá okkur.“
Árvakur/Gísli Sigurðsson
Veruleg hætta á offramboði á íbúðamarkaði
Fasteignaverð
lækkar á árinu
➤ Fjöldi íbúða í nýbyggðumíbúðarhúsum á árunum
2000 til 2005 var alls 13.412
á landinu öllu, þar af voru
9.015 á höfuðborgarsvæð-
inu samkvæmt upplýsingum
frá Fasteignamati ríkisins.
➤ Samkvæmt spá orkuspár-nefndar um fjölda íbúða á
landinu má búast við því að
þær verði 122.132 árið 2010
en þær voru rúmlega
104.000 árið 2004.
NÝBYGGINGARGreiningardeild Lands-
bankans segir að draga
muni úr þenslu á fast-
eignamarkaði á árinu.
Skert kaupgeta og of-
framboð nýrra fasteigna
hefur þar áhrif. Lækkandi
fasteignaverð dregur úr
hagnaðarvon bygging-
arfyrirtækja.
Nýbyggingar Hætta hefur
myndast á offramboði nýrra
íbúða á höfuðborgarsvæðinu.
Íslendingar þurfa ávallt að fara
vel undirbúnir inn í veturinn en
hann hefur verið sérstaklega kald-
ur síðustu vikur. Sem betur fer er
þó mestallt húsnæði vel varið fyrir
kuldanum með ofni í hverju her-
bergi.
Minniháttar pípulagnir
Góð ráð geta verið ansi dýr
þegar í ljós kemur að ofninn er
ískaldur þrátt fyrir ítrekaðar til-
raunir til að stilla rétt hitastig. Við
vitum flest að píparar koma ekki í
heimsókn nema þú sért tilbúinn
með þykkt seðlaveski og biðin er
líka oft óþarflega löng. Það er því
gott að athuga fyrst hvort þú getir
ekki lagað ofninn áður en þú
borgar fúlgu fyrir létt verk.
Algengt er að erfitt sé að fá
ofna aftur í gang eftir að lokað
hefur verið fyrir þá lengi. Ástæð-
an fyrir þessu getur verið sú að
bakrennslislokinn sé fastur. Þetta
hljómar mjög ógnvekjandi fyrir
flesta en það er þó engin ástæða
til að hringja strax í píparann. Til
þess að laga þetta þarf að fjarlægja
hitastillinn en hann er festur með
skrúfu að neðanverðu. Þegar still-
irinn er farinn af kemur í ljós
pinninn sjálfur en hann þarf að
losa til þess að ofninn fari aftur í
gang. Þetta er gert með því að
banka létt á pinnann og toga
hann svo aftur út með töng. Ef
pinninn dettur úr sullast vatn á
gólfið og því er gott að vera með
skál undir honum. Að lokum er
gott að hreyfa pinnann vel í gat-
inu til þess að öruggt sé að hann
sé vel laus.
iris@24stundir.is
Pípulagnir fyrir byrjendur
Einföld lausn við köldum ofnum
Sjóðheitur Það er lítið
mál að hita upp ofninn.
Járn & Gler ehf. - Skútuvogur 1h.
Barkarvogsmegin. - 104 Reykjavík
S: 58 58 900. www.jarngler.is
Gler-rennibrautir
Hawa Junior 80 eru glæsilegar
rennibrautir fyrir 8-10-12 mm
hert gler eða timburhurðir.
Eigum einnig rennibrautir frá
fyrir skápa og
tréhurðir.
Útvegum hert gler eftir máli..
Atlantskaup ehf. Bæjarflöt 6,112 Reykjavík S: 533 3700
Upplýsingar á www.atlantskaup.is
STIGAR OG HANDRIÐ ÚR GLERI OG STÁLI
ÚTI SEM INNI