24 stundir - 30.04.2008, Blaðsíða 14

14 MIÐVIKUDAGUR 30. APRÍL 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Virðingarleysi einhvers hóps fólks fyrir eignum og starfi annarra ríður
ekki við einteyming. Nokkrar fréttir frá síðustu dögum sýna vel fram á það.
Átján til nítján ára gamlir menn (svokallað fullorðið fólk) eru grunaðir
um að hafa kveikt sinuelda í Hafnarfirði, þannig að 5.000 tré og mikil vinna
skógræktarfólks fór í súginn.
Morgunblaðið birti myndir af veggjakroti tveggja stráka, sem höfðu skil-
ið eftir sig slóð skemmdarverka neðan úr miðbæ Reykjavíkur og upp í
Hlíðahverfi. Það fylgdi sögunni að flestir krotarar sem lögreglan grípur
væru stálpaðir, á aldrinum sextán til tuttugu og eins árs.
24 stundir sýndu myndir af leikvöllum barna á nokkrum stöðum í borg-
inni. Þeir eiga það sameiginlegt með flestum öðrum leikvöllum í borginni
að umgengnin um þá er skelfileg, leiktækin útkrotuð og búið að skemma
þau mörg. Ekki einu sinni umhverfi yngstu borgaranna fær að vera í friði.
Í Morgunblaðinu segir Benedikt Lund lögreglumaður: „Þetta eru eigna-
spjöll og ekkert annað. Og það sem meira er, þetta eru einu eignaspjöllin
sem ég veit um þar sem menn fara að heiman frá sér, oft og tíðum með leyfi
foreldra, með það fyrir augum að skemma.“
Það er reyndar ótrúlegt að foreldrar, sem eiga að bera ábyrgð á börnum
sínum, viti af því að þau stundi skemmdarverk í formi veggjakrots án þess
að gera neitt í því. En því miður veit lögreglan um hvað hún er að tala.
Talið er að það kosti Reykjavíkurborg 100 milljónir á ári að hreinsa
veggjakrot af eignum almennings. Þá er ótalinn kostnaður, sem borgararnir
hafa af að verja einkaeignir fyrir skemmdarvörgum.
Hvað er til ráða gegn þessu virðingarleysi, sem veð-
ur uppi? Eru þetta ekki bara einhverjir vitleysingar?
spyrja margir, verður einhverju tauti við þá komið?
Svarið er jú, reyndar eru þetta líklega vitleysingar. Þeir
eru samt líklegir til að skilja það ef heimskupör þeirra
koma illa við budduna.
Það er leiðinlegt að fullorðið eða hálffullorðið fólk
skuli ítrekað vera gripið fyrir skemmdarverk. En það
jákvæða við þá staðreynd er að það er hægt að skikka
það til að borga skemmdirnar eða vinna við að lagfæra
þær. Tími umburðarlyndisins í þessum efnum hlýtur
að vera liðinn.
Virðingarleysi
vitleysinganna
SÆKTU LEIÐARANN Á WWW.MBL.IS/PODCAST
En að hlusta á ráðherra Samfylk-
ingar bæði hæstvirtan utanrík-
isráðherra og viðskiptaráðherra
hvernig þau tala
niður gjaldmiðil
þjóðarinnar.
Ingibjörg Sólrún
gekk raunar alveg
fram af mér í
Silfri Egils á
sunnudag þegar
hún taldi að það
væri alveg hægt
að ganga í Evrópusambandið á
þessu kjörtímabili.
Hvað er að þessu fólki, virðir það
ekki gerða samninga eins og rík-
isstjórnarsáttmálann, eða á bara
að stunda hentistefnu? Halda þau
að það dugi til þess að öðlast trú-
verðugleika?
Það held ég tæplega!
Vilborg G. Hansen
villagunn.blog.is
BLOGGARINN
Hentistefna
Samningsaðilar hafa lært sína
lexíu og feta friðarslóðann í þetta
skiptið. Það er gott, gott fyrir
skólastarf, gott
fyrir börnin í
borginni – gott
fyrir kennara. Ég
hlakka til að
kynna mér samn-
inginn betur,
vonandi boðar
hann nýtt upphaf
fyrir menntun ís-
lenskra barna og unglinga. Von-
andi boðar hann betri tíma fyrir
kennara þessa lands sem allt of
lengi hafa unnið frábært starf - á
lágum launum. ...heyrði af stórri
alþjóðlegri rannsókn meðal
kennara þar sem leitað var eftir
svari við því hvers vegna fólk
valdi sér kennslu að ævistarfi.
Oddný Sturludóttir
oddny.eyjan.is
Friðarslóði
Fyrir réttu ári (já þessir litlu
hlutir taka tíma!) kom fram
hugmynd frá foreldrafélagi
Foldaborgar í
Grafarvogi um
að Leikskólasvið
léti leikskóla
borgarinnar í té
strætókort til að
auka möguleika
starfsfólks og
barna að fara í
vettvangsferðir.
Auðvitað eru
leikskólabörn að ferðast frítt í
strætó en það er oftar en ekki
þannig á góðum heimilum og
góðum leikskólum að ekki er til
aur í strætó eða miðar fyrir
kennara og starfsfólk leikskóla
sem að sjálfsögðu fylgja þeim
hvert fótspor.
Þorbjörg Helga Vigfúsdóttir
thorbjorghelga.eyjan.is
Strætókort
Ólafur Þ.
Stephensen
olafur@24stundir.is
Verðhækkanir á vöru og þjónustu ganga nú
hraðar yfir samfélagið en væntingar stóðu til.
Nú skiptir mestu máli öflugt samstarf ríkisstjórnarinnar og
fulltrúa vinnumarkaðarins í baráttunni við verðbólg-
una.Snörp gengislækkun, þrengingar á fjármálamörk-
uðum, mikil skuldsetning almennings og fyrirtækja á fáum
árum og hækkanir á hrávöruverði á heimsmarkaði ýta
bratt undir verðbólguskotið. Sumpart voru þessar hækk-
anir fyrirsjáanlegar en þær hafa komið hraðar og harðar
fram en vonast var til. Ríkisstjórnin vinnur nú að því að
gera það sem hægt er að gera til að halda aftur af verðlags-
hækkunum og að verðbólgan gangi hratt til baka. Fyrstu
aðgerðir gagnvart verðlagsþróun voru kynntar í vikunni og
á næstu dögum funda oddvitar stjórnarflokkanna með
fulltrúum vinnumarkaðarins og verða þá frekari fram-
kvæmdir í þeim málum ræddar.
Meginefni þeirra aðgerða sem ríkisstjórnin hefur þegar til-
kynnt er að ríkisstjórnin felur hagdeild Alþýðusambands
Íslands að framkvæma sérstakt átak í verðlagseftirliti, fylgj-
ast með þróun vöruverðs með tíðari hætti en áður og
miðla niðurstöðum sínum til almennings. Þá mun Neyt-
endastofa fara í sérstakt átak í eftirliti með verðmerkingum
á vöru og þjónustu og endurskoða þær reglur sem gilda
um verðmerkingar. Stefnt er að því að kveðið verði á um
viðurlög í formi sekta í þeim tilvikum þegar reglum er ekki
fylgt.
Skipaður verður sérstakur starfshópur fjármálaráðuneytis
og viðskiptaráðuneytis til að endurskoða reglur um net-
verslun, einkum frá öðrum löndum EES, með það að
markmiði að auka samkeppni og lækka verð. Ráðist verður
í kynningarátak í samstarfi við Neytendasamtökin til að
virkja neytendur betur á vörumarkaði, hvetja þá til að gera
verðsamanburð, koma ábendingum til
Neytendastofu og Neytendasamtaka og
gæta að eigin hagsmunum við innkaup.
Meginmarkmið þessara aðgerða er að
auka virkni neytenda og auðvelda þeim
að veita öflugt aðhald gegn verðhækkun-
um. Þær eru að sjálfsögðu aðeins einn
þáttur þess viðamikla verkefnis að vinna
bug á verðbólgunni en engu að síður af-
ar mikilvægur. Enginn gætir hagsmuna
neytenda betur en þeir sjálfir
Höfundur er viðskiptaráðherra
Upphaf aðgerða í verðlagsmálum
ÁLIT
Björgvin G.
Sigurðsson