24 stundir - 09.05.2008, Blaðsíða 9

24stundir FÖSTUDAGUR 9. MAÍ 2008 9
Tap FL Group á fyrsta ársfjórð-
ungi nam 47,8 milljörðum króna. Á
sama tímabili í fyrra nam hagnaður
félagsins 15,1 milljarði króna. Eignir
félagsins að frádregnum skuldum í
lok ársfjórðungsins námu 115,2
milljörðum, og handbært fé nam
18,9 milljörðum.
„Þetta er bara dapur sannleikur,“
segir Vilhjálmur Bjarnason, fram-
kvæmdastjóri Samtaka fjárfesta.
Hann segir ljóst að FL Group geti
ekki haldið áfram með þessum
hætti til lengdar. Bendir hann á að
það hafi orðið að selja veðsettar
eignir, en söluandvirðið ekki dugað
fyrir lánunum sem hvíldu á eign-
unum. „Ég ætla bara rétt að vona að
það sé búið að hreinsa þarna upp.“
Í fréttatilkynningu frá FL Group
segir að stærstan hluta tapsins megi
rekja til 21,4% lækkunar á gengi
hlutabréfa í Glitni (20,6 milljarða
króna tap), lækkunar gengis í öðr-
um skráðum félögum (13,8 millj-
arða króna tap) og sölu á eftirstand-
andi hlutum í Commerzbank,
Finnair og Aktiv Kapital (11,3 millj-
arða króna tap).
Þetta er ekki í fyrsta skipti sem
fréttir berast af tapi FL Group, en á
síðasta ári nam tap félagsins 67,3
milljörðum króna. Þar af töpuðust
63,2 milljarðar á fjórða ársfjórð-
ungi. Var það Íslandsmet í tapi fé-
lags á einu ári, en þar áður átti met-
ið Dagsbrún sem tapaði rúmum 6,9
milljörðum árið 2006.
hlynur@24stundir.is
FL Group tapaði 47,8 milljörðum króna á fyrsta fjórðungi ársins
„Gengur ekki mikið lengur“
Hreyfing meðal framhalds-
skólanema eykst talsvert, ef marka
má rannsókn sem unnin var af
Rannsóknum og greiningu og
kynnt í gær.
Í svörum könnunarinnar, sem
lögð var fyrir alla framhaldsskóla-
nema sem mættir voru til skóla
tiltekinn dag í október á síðasta
ári, kemur fram að 14% stelpna
og 10% stráka segjast nær aldrei
eða sjaldnar en vikulega reyna á
sig líkamlega þannig að þau mæð-
ist verulega eða svitni. Til sam-
anburðar var þetta hlutfall tæp-
lega 28% meðal stelpna og tæp
20% meðal stráka árið 2004.
„Að sama skapi hefur þeim
fjölgað sem segjast reglulega
reyna á sig líkamlega þannig að
þau mæðist verulega eða svitni,“
segir í útdrætti rannsóknarinnar.
hos
Færri unglingar segjast hreyfa sig sjaldan
Letibikkjum fækkar
Eftir Þóru Kristínu Þórsdóttur
thorakristin@24stundir.is
Jóhanna Sigurðardóttir, félags- og
tryggingamálaráðherra, hefur skip-
að starfshóp til að kanna kosti þess
að á fót verði sett stofnun velferð-
ar- og vinnumála með því að sam-
þætta starfsemi Tryggingastofnun-
ar ríkisins og Vinnumálastofnunar.
Hagkvæmari rekstur
„Verkefnið er að efla þá starf-
semi sem fyrir er og nýta betur þá
fjármuni sem í málaflokkana er
varið,“ segir ráðherra.
„Með breytingu á verkaskipt-
ingu milli heilbrigðis- og félags-
málaráðuneytisins um síðastliðin
áramót opnast þetta tækifæri, sem
hvorttveggja í senn gefur tækifæri
til að auka og bæta þjónustu við
fólkið í landinu, tryggja betri heild-
aryfirsýn og faglega framkvæmd og
ráðgjöf við almenning,“ segir hún.
Er markmiðið að á einum og
sama stað sé öll sú velferðarþjón-
usta sem eru á sviði vinnumála- og
tryggingamála með sameiginlegum
þjónustuverum um land allt.
„Með þessu gerum við hvort-
tveggja í senn, einföldum og bæt-
um alla þjónustu við fólkið í land-
inu og stuðlum að hagkvæmni í
ríkisrekstri,“ segir ráðherra.
Við skoðun á möguleikum sam-
þættingar starfsemi stofnananna
tveggja verður unnið í góðri sam-
vinnu við starfsfólk stofnananna
og þá sem koma þurfa að stefnu-
mótun á þessu sviði, m.a. hags-
munaaðila umbjóðenda stofnan-
anna tveggja.
Þá er ætlunin að litið sé til þess
sem best hefur verið gert á þessu
sviði í öðrum löndum, eins og til
dæmis í Noregi.
Starfsfólki ekki fækkað
Ráðherra leggur áherslu á að
þótt samþættingin sé í skoðun sé
ekki víst að af sameiningunni verði
né hægt að tímasetja hvenær henni
verður lokið, ef til þess kemur.
„Ég legg hins vegar áherslu á að
vinna starfshópsins gangi hratt fyr-
ir sig og hún verði í svipuðum takti
og aðrar breytingar á umhverfi líf-
eyristrygginganna sem nú eru í
skoðun. Reiknað er með að ör-
orkumatsnefnd forsætisráðherra
og endurskoðunarnefnd almanna-
tryggingakerfisins sem starfar á
mínum vegum skili niðurstöðum
áður en árið er allt. Starfshópurinn
um stofnanaskipulagið á að geta
unnið enn hraðar,“ segir hún.
Aðspurð hvort starfsmönnum
stofnananna verði fækkað segir
hún að það sé ekki ætlunin.
„Báðar þessar stofnanir þurfa á
því að halda að þær verði efldar en
ekki úr þeim dreginn þróttur,“ seg-
ir ráðherra.
Vill nýta
féð betur
 Félags- og tryggingamálaráðherra vill
sameina TR og Vinnumálastofnun
➤ Tryggingastofnun ríkisins sérum framkvæmd almanna-
tryggingakerfisins. Til þess
teljast slysatryggingar,
sjúkratryggingar og lífeyr-
istryggingar.
➤ Vinnumálastofnun fer t.d.með yfirstjórn vinnumiðlunar
og afgreiðslu Atvinnuleys-
istryggingasjóðs.
STOFNANIRNAR TVÆR
Hagkvæmni Ráðherra vill
hagkvæmari stjórnsýslu.
24stundir/Frikki
Sími 5600 900 l www.akarlsson.is
Til hamingju með nýjan og glæsilegan
veitingastað!
Nýr stíll og nýir straumar í óviðjafnanlegri
upplifun.
Öll húsgögnin og barinn á veitingastaðnum
Ó við Óðinstorg eru frá A. Karlssyni.
RESTAURANT
Til hamingju!