24 stundir - 09.05.2008, Blaðsíða 34

34 FÖSTUDAGUR 9. MAÍ 2008 24stundir
Eftir Sigurð Boga Sævarsson
sigbogi@simnet.is
Þeir sem að verkefninu koma telja
ávinning þess margháttaðan. Hér
heima gegnir Þjóðskrá að mörgu
leyti þýðingarmiklu hlutverki í
samstarfinu og er þar horft til
þeirrar reynslu sem starfsmenn
hennar hafa á sviði rafrænna sam-
skipta við flutninga fólks milli
Norðurlandanna. Verkefni þetta
tekur þó til margra fleiri þátta í
rafrænni stjórnsýslu, enda er hún
í örri þróun.
Allt er rafrænt
Í byrjun síðasta árs tók gildi
nýr Norðurlandasamningur um
almannaskráningu er varðar
flutninga fólks milli landanna.
„Meðan gamli samningurinn
gilti varð fólk sem fluttist milli
Norðurlandanna að hafa með sér
flutningstilkynningu og leggja
hana fram hjá sveitarfélagi í því
landi sem flust var til. Síðan sendi
það sveitarfélag annað eyðublaðið
til baka til sveitarfélagsins sem
flust var frá í hinu landinu. Þá
fyrst var hægt að ljúka formlegum
flutningi milli landa,“ segir Skúli
Guðmundsson, skrifstofustjóri
Þjóðskrár.
„Áratugum saman hefur Norð-
urlandaskráning fólks verið mið-
læg á Íslandi og hafa því hin
löndin einungis þurft að hafa
samskipti við Þjóðskrá. Við höf-
um aftur á móti þurft að hafa
samskipti við fleiri hundruð sveit-
arfélög ytra. Með nýja samn-
ingnum tóku hin Norðurlöndin
upp, ef svo má segja, hið íslenska
fyrirkomulag svo nú fara öll sam-
skipti fram með rafrænum hætti
milli höfuðstöðva landanna. Í
reynd þýðir þetta nú fyrir fólk að
það þarf ekki að hafa með sér
neina pappíra við flutninga milli
Norðurlandanna. Þarf einungis að
gera grein fyrir sér í viðkomandi
sveitarfélagi sem skráir flutning-
inn, sem verður um leið sýnilegur
í hinu landinu.“
Aukið öryggi
„Á næstunni eru væntanleg raf-
ræn skilríki, þar sem örflögu með
persónugreinanlegum upplýs-
ingum verður komið fyrir. Það
mun auka allt öryggi í gagn-
virkum samskiptum og er að
margra mati grundvöllur áfram-
haldandi þróunar á því sviði,“
segir Þorvarður Kári Ólafsson,
skilríkja- og öryggissérfræðingur
Þjóðskrár.
„Evrópusambandsverkefnið er
til þriggja ára og einn af undir-
þáttum þess er þróun á flutnings-
tilkynningum þar sem fólk notar
rafræn skilríki. Þar verðum við í
samstarfi við Portúgala, Slóvena,
Spánverja, Svía og Eista sem eru
mjög framarlega í rafrænni stjórn-
sýslu og útgáfu rafrænna skilríkja.
Ætlun okkar er sú að þróa þá
lausn að fólk geti sest við tölvuna,
gert þar grein fyrir sér með raf-
ræna skilríkinu og tilkynnt um
nýtt heimilisfang. Með því færi þá
af stað ferli þar sem þú færðist
sjálfkrafa inn í skrá viðkomandi
lands og sem brottfluttur úr hinu
landinu,“ segir Þorvarður.
Miðlæg íslensk þjóðskrá fyrirmynd í ESB-verkefni
Pappírslausir
þjóðflutningar
➤ Víðtækt samstarf í gagn-virkum samskiptum
➤ Engir pappírar í Norð-urlandaflutningum.
ÞJÓNUSTANÍslendingar eru aðilar að
samstarfi fjórtán Evrópu-
landa sem hafa stofnað
til tilraunaverkefnis á
sviði gagnvirkra sam-
skipta. Verkefnið byggir á
notkun rafrænna skil-
ríkja.
Gott samstarf Þorvarður Kári
Ólafsson, skilríkja- og öryggis-
sérfræðingur Þjóðskrár, til vinstri, og
Skúli Guðmundsson skrifstofustjóri.
Mynd/sbs
Á vefsíðu breska forsætisráðu-
neytisins sem finna má á http://
www.number-10.gov.uk má finna
ýmislegt áhugavert og gagnlegt.
Meðal annars má þar horfa á
gamlar ræður fyrrverandi for-
sætisráðherra eins og Churchill og
Margaret Thatcher.
Saga hússins
Á vefsíðunni má lesa ýtarlega
sögu ráðherrabústaðarins en fyrsta
húsið sem vitað er um reis á lóð-
inni árið 1581. Var eigandi þess Sir
Thomas Knyvet, sem þekktastur
var fyrir að handtaka Guy Fawkes
og var því í miklum metum hjá El-
ísabetu fyrstu drottningu. Fyrsti
forsætisráðherrann settist að í
húsinu árið 1735 sem hefur síðan
þá verið aðsetur forsætisráðherra.
Í gegnum tíðina hafa miklar end-
urbætur verið gerðar á húsinu en
það skemmdist til að mynda
nokkuð í seinni heimsstyrjöldinni.
Forsætisráðherrann
Á síðu ráðuneytisins má einnig
kynna sér ferilskrá núverandi for-
sætisráðherra, Gordons Browns,
og finna upplýsingar um það
hvernig megi hafa samband við
hann vilji maður koma einhverju á
framfæri. Þá er sérstakur hluti
hennar tileinkaður börnum þar
sem þau geta á aðgengilegan hátt
lesið sér til um sögu hússins og
það sem hæst ber í fréttum
maria@24stundir.is
Fyrrverandi breskir forsætisráðherrar á YouTube
Fróðleikur og skemmtun
Downingstræti 10
Er vandlega gætt af
laganna vörðum.
Inna er upplýsingakerfi fram-
haldsskóla á Íslandi en vorið 2007
var gerður samningur á milli
menntamálaráðuneytis og Skýrr
um kaup og yfirtöku Skýrr á Innu.
Jafnframt var hafin smíði nýs
gagnagrunns, Skinnu, sem mun
geyma þau gögn sem ráðuneytið
þarfnast til að rækja hlutverk sitt.
Grunnurinn er viðmótslaus,
gögn berast eftir fyrirfram skil-
greindri vefþjónustu frá skólakerf-
um og gögn skoðuð í gegnum
vöruhússviðmót.
Stefnir menntamálaráðuneytið
nú að því að þau gögn sem það
geymir í Skinnu verði aðgengileg
þeim sem þar eiga námsferil.
„Hugmyndin er að veita aðgengi
að námsferlum á vefsíðunni Isl-
and.is þar sem geymdar verða per-
sónulegar síður fyrir hvern ein-
stakling. Þegar eru til rafræn gögn
um námsferla í framhaldsskólum
talsvert aftur í tímann, en nú er
unnið að því að setja þau í
splunkunýjan gagnagrunn,
Skinnu, sem er mjög staðlaður
þannig að gögnin verða skýrari og
auðveldara að lesa úr þeim,“ segir
Sigurður Davíðsson, sérfræðingur
hjá skrifstofu menntamála.
Hæg heimatökin
Sigurður segir að upplýsingar
um námsferla í grunnskóla og
lokapróf frá þeim séu á vegum
sveitarfélaga og háskólarnir séu
sjálfstæðir með sína námsferla. Því
geti menntamálaráðuneyti ekki
ákveðið að veita aðgang að þeim
upplýsingum. Það muni hins vegar
beita sér fyrir því að svo verði í
samvinnu við sveitarfélögin og há-
skólana. Þannig verði náms-
ferilskrá frá lokum grunnskóla upp
í háskóla á einum stað og auð-
kenning fari fram með rafrænum
skilríkjum. „Það vill svo til að nán-
ast öll sveitarfélög landsins nota
sama kerfið, Mentor, þannig að
það eru hæg heimatökin ef vilji er
fyrir hendi að veita aðgang að upp-
lýsingum frá mismunandi skóla-
stigum. Þessi hugmynd er hluti af
þeim verkefnum sem við leggjum
fram í nýrri stefnu ríkisstjórnar
um upplýsingasamfélagið. Fram-
vindan og hraðinn ræðst síðan af
því hvaða fjárveitingar við fáum en
hugmyndin er að ráðast í þetta
verkefni í haust,“ segir Sigurður.
Í þessu skrefi er hugmyndin
fyrst og fremst sú að nemendur
eigi allan sinn námsferil rafrænan
á einum stað. Innritun í fram-
haldsskóla er þegar orðin rafræn
og ýmsir möguleikar að opnast
fyrir breytingar í framtíðinni.
maria@24stundir.is
Ýmsir möguleikar á breytingum að opnast
Námsferill brátt aðgengi-
legur á rafrænu formi
Umhverfisstofnun hefur sótt um
styrk til að koma á fót umsókna-
og spurningagrunni á vefsíðu sinni.
„Það sem við viljum gera er í raun
tvíþætt en fléttast þó saman. Ann-
ars vegar viljum við setja upp
spurningagrunn á netinu um skot-
vopn og veiðidýr þannig að fólk
geti tekið æfingapróf áður en það
fer í prófið og á námskeið. Með
þessum grunni mun fólk geta æft
sig í að svara spurningum og lært
um leið þar sem svörin birtast við
lok hvers prófs svo og lokaeinkunn.
Hins vegar viljum við að menn geti
skráð sig rafrænt á námskeiðin hjá
okkur og erum nú að prófa okkur
áfram með það. Það fara 500 til 700
manns á námskeið hjá okkur árlega
og töluvert mikið af upplýsingum
sem þarf að skrá inn t.d. nafn og
kennitölu tveggja meðmælenda en
þær upplýsingar fara síðan inn í
sameiginlegan grunn sem lög-
reglan yfirfer,“ segir Áki Ármann
Jónsson, sviðsstjóri fræðslu- og
upplýsingasviðs Umhverfisstofn-
unar.
Rafræn veiðidagbók
Árið 2000 fékk stofnunin styrk
til að koma á fót rafrænum skilavef
og segir Áki að þar í gegn fari 90%
af skilum á veiðiskýrslum og um-
sóknum um veiðikort og hrein-
dýraveiðileyfi sem spari gríðarlegan
pappírs- og tímakostnað. Hann
segir ekki sérlega flókið að koma
grunnunum tveimur á fót þar sem
þeir séu settir upp með sama kerfi
og viss hagræðing sé fólgin í því.
„Spurningagrunnurinn er dálítið
flóknari í uppsetningu en aðalgald-
urinn er að hann verði ekki of stór
og hægvirkur þar sem fólk vill helst
ekki að hlutirnir taki meira en 10
sekúndur á netinu,“ segir Áki.
maria@24stundir.is
Tvíþættur gagnagrunnur sem fléttast saman
Sparar gríðarlegan papp-
írs- og tímakostnað