Morgunblaðið - 08.01.2005, Síða 10

Mest fer til hjálparstarfs
á Sri Lanka
FRAMLAG stjórnvalda, sem samþykkt var í gær,
skiptist þannig:

5 milljónir króna til Rauða kross Íslands sem lagð-
ar voru fram strax í kjölfar náttúruhamfaranna.

35 milljónir króna í hjálparflug til Taílands í byrj-
un árs þar sem slasaðir Svíar voru fluttir til síns
heima.

25 milljónir króna í þróunaraðstoð við Sri Lanka
sem þegar hafði verið ákveðið að Þróunarsam-
vinnustofnun Íslands hefji á árinu.

50 milljónir króna sem aukaframlag í þróun-
araðstoð og enduruppbyggingarstarf á Sri Lanka.

10 milljónir króna til Matvælaáætlunar Samein-
uðu þjóðanna.

10 milljónir króna til Barnahjálpar Sameinuðu
þjóðanna.

6 milljóna króna aukaframlag til Rauða kross Ís-
lands.

4 milljónir króna til Barnaheilla á Íslandi.

5 milljónir króna til Hjálparstarfs kirkjunnar.
10 LAUGARDAGUR 8. JANÚAR 2005 MORGUNBLAÐIÐ
FRÉTTIR
TAÍLENSKA dagblaðið The Nation, sem gefið
er út á ensku, fjallaði nýlega um erlenda aðstoð
sem Taílendingum hafði borist vegna nátt-
úruhamfaranna á annan dag jóla. Meðal annars
er rætt við Poul Weber, ræðismann Íslands í
Taílandi, og sagt frá því að Íslendingar hafi
sent flugvél með neyðargögn til Phuket, dúka í
skýli og vatn til þeirra sem urðu fyrir skaða af
völdum hafnarbylgjunnar. Þá var sagt frá flugi
Íslendinga með 200 sænska ferðamenn og
sjúkraflugi með 38 slasaða og sjúka Svía.
Anurak Chureemas, ráðherra menningar-
mála í Taílandi, hefur lagt til að lögreglu-
varðbátur, sem barst með flóðbylgjunni um 1
km inn í landið, verði gerður að minnismerki
um þennan atburð. Hann vill að safnað verði
ljósmyndum og öðrum heimildum um hamfar-
irnar sem ollu að minnsta kosti fimm þúsund
manns bana í Taílandi. Þá verði einnig safnað
upplýsingum um hafnarbylgjur og aðrar flóð-
bylgjur svo Taílendingar geti betur brugðist við
slíkum fyrirbærum í framtíðinni.
Morgunblaðið/Sverrir
Lík sem fannst á Khao Lak-ströndinni borið til greiningarstöðvar. Í baksýn er varðbáturinn sem taí-
lenskur ráðherra vill gera að minnismerki. Báturinn barst um 1 km inn í landið með flóðbylgjunni.
Sagt frá aðstoð Íslendinga
RÍKISSTJÓRNIN samþykkti
á fundi sínum í gær að framlag
Íslands til hjálparstarfa á
flóðasvæðunum í S-Asíu yrði
alls 150 milljónir króna, jafn-
virði 2,5 milljóna dollara. Mest
fer til hjálpar- og þróunar-
starfs á Sri Lanka. Jafnframt
var samþykkt tillaga utanrík-
isráðherra að hækka framlag
Íslands til Alþjóðaframfara-
stofnunarinnar (IDA) um 30%
þannig að framlagið á árunum
2006–2008 verður samtals 616
milljónir króna.
Halldór Ásgrímsson for-
sætisráðherra og Davíð Odds-
son utanríkisráðherra segjast í
samtali við Morgunblaðið vera
afar ánægðir með þann sam-
hug og stuðning sem Íslend-
ingar hafa sýnt í verki vegna
hamfaranna á flóðasvæðunum.
Halldór sagði að hér væri
um miklar náttúruhamfarir að
ræða og mikilvægt að Íslend-
ingar sýndu því fullan skilning.
„Við ákváðum að byrja á
þróunaraðstoð á Sri Lanka. Í
áætlun Þróunarsamvinnustofn-
unar Íslands var gert ráð fyrir
25 milljónum en nú höfum við
bætt 50 milljónum við og farið
upp í 75 milljónir. Síðan er
önnur neyðaraðstoð aukin,“
sagði Halldór.
Sem fyrr segir lagði utanrík-
isráðherra til aukið framlag Ís-
lands til Alþjóðaframfarastofn-
unarinnar, IDA. Halldór sagði
þessa ákvörðun mikilvæga en
stofnunin veitir fátækustu ríkj-
um heims styrki og vaxtalaus
lán og mun gegna stóru hlut-
verki í aðstoð á því svæði þar
sem náttúruhamfarirnar áttu
sér stað. Minnti Halldór á að
Ísland og önnur Norðurlönd
hefðu gegnt forystuhlutverki
við stofnun IDA á sínum tíma.
Vel heppnað sjúkraflug
Spurður hve fljótt fjármunir
Íslendinga mundu skila sér í
hjálparstarfið sagði Halldór að
það ætti að gerast á næstu vik-
um og mánuðum.
„Mér finnst stórkostlegt að
sjá hve einstaklingar og fyr-
irtæki hafa komið vel inn í
þennan stuðning. Það er mik-
ilvægt að halda áfram á þeirri
braut, að þetta sé ekki ein-
göngu ríkið heldur við öll sem
eitthvað getum látið af hendi
rakna. Þetta hefur lengi verið
okkar aðalsmerki, Íslendinga,“
sagði Halldór.
Hann hitti að máli þann hóp
lækna og hjúkrunarfólks sem
flaug með slasaða Svía heim
frá Taílandi. Ljóst væri að það
flug hefði heppnast mjög vel
og vakið athygli hvernig flug-
vélin var útbúin. Íslendingar
væru nú færir um að útbúa
neyðarmóttöku í flugvél á
mjög stuttum tíma. Halldór
sagði Svía vera mjög þakkláta
fyrir þessa aðstoð Íslendinga.
„Í öllum þessum málum hefur
komið fram hin norræna sam-
hygð og samstaða, sem mik-
ilvægt er að varðveita.“
Hvort íslensk stjórnvöld
ætluðu að leggja fram frekari
fjármuni til hjálparstarfsins
þegar liði á árið sagði Halldór
það liggja ljóst fyrir að starfið
við Indlandshaf tæki mörg ár.
Nú væru Íslendingar til dæmis
að hefja starf sitt á Sri Lanka
og þörf fyrir frekari aðstoð
ætti eftir að koma í ljós.
Reynslan hefði sýnt að fjár-
framlög dygðu ekki ein og sér.
Miklu skipti að peningum væri
vel ráðstafað en „því miður
hefur það stundum gerst að
ýmislegt hefur gufað upp í
svona hjálparstarfi. Það má
ekki gerast,“ sagði Halldór Ás-
grímsson.
Hjálpin vonandi varanleg
Davíð Oddsson sagði aðstoð-
ina í raun tvíþætta, annars
vegar í garð Svía og þeirra
hörmunga sem yfir þá dundu,
og hins vegar til þeirra fátæku
þjóða sem upplifa nú hrikaleg-
ar afleiðingar náttúruhamfar-
anna.
„Með þessum aðgerðum telj-
um við okkur hafa fyllt bæri-
lega þann hóp þjóða sem mest
leggja til. Við vonumst til að
með stuðningi til hjálparsam-
taka og þróunarstarfs okkar
þá komist hjálpin til skila,
verði varanleg og komist að
gagni. Hluti af þessu gerist
sem fyrst og annað ætti að
verða viðvarandi bót, einkum
það sem Þróunarsamvinnu-
stofnunin tekur að sér á Sri
Lanka,“ sagði Davíð.
Davíð tók undir með Hall-
dóri að ánægjulegt væri að
finna hve Íslendingar hefðu
tekið vel við sér í stuðningi við
hjálparstarfið.
„Fólk er bersýnilega mjög
snortið yfir því sem gerðist og
það er mikið fagnaðarefni hvað
menn eru vakandi fyrir því að
rétta fólki aðstoð í þessari
neyð. Hún hefur verið að birt-
ast okkur smátt og smátt,“
sagði Davíð og benti á að ís-
lensk stjórnvöld hefðu í upp-
hafi verið meðal fyrstu þjóða
sem ákváðu aðstoð. Þá hefðu
menn talið atburðinn afar smá-
an miðað við hver raunin hefur
orðið.
„Ég tel okkur hafa gert
þetta með skynsamlegum
hætti. Ekki bara hér, heldur
annars staðar í veröldinni, þá
eru safnanir stærri og meiri en
dæmi eru um. Margvísleg neyð
hefur birst mönnum af völdum
styrjalda, þurrka og sjúkdóma
en þetta er með þeim hætti að
það slær alla mjög sterkt. Það
er mjög gott að sjá hvað Ís-
lendingar ætla að leggja af
mörkum. Sem betur fer erum
við efnuð þjóð og það er við-
eigandi að við látum eitthvað
til okkar taka þegar svona at-
burðir gerast,“ sagði Davíð
Oddsson utanríkisráðherra.
Ríkisstjórnin samþykkir framlög upp á 150 milljónir króna til hjálparstarfa á flóðasvæðunum
Ráðherrar ánægðir
með samhug Íslendinga
Davíð
Oddsson
Halldór
Ásgrímsson
Aðstoð ÞSSÍ gjörbreytist
VEGNA flóðanna við Indlandshaf er ljóst að áður
ákveðin þróunaraðstoð Íslendinga á Sri Lanka mun
breytast verulega. Nú hefur ríkisstjórnin hækkað
framlag Þróunarsamvinnustofnunar Íslands (ÞSSÍ)
upp í 75 milljónir króna og segir í tilkynningu frá
stofnuninni að fljótlega muni fulltrúi hennar fara til
Sri Lanka til viðræðna við þarlend stjórnvöld.
Í fyrstu var ætlunin að aðstoð Íslendinga sneri að
sjávarútveginum en ljóst er að átta af hverjum tíu
vélbátum á Sri Lanka eyðilögðust eða löskuðust í
flóðunum. Fátæk fiskimannasamfélög urðu einna
verst úti í hamförunum. Tala látinna er komin yfir
30 þúsund, um 3 þúsund manns er enn saknað, 100
þúsund hús eru ýmist skemmd eða ónýt og hátt í ein
milljón manna er heimilislaus og hefst við í neyð-
arskýlum. Vatnsból eru víða menguð og matur er af
skornum skammti.
Fyrir náttúruhamfarirnar voru um 27 þúsund
bátar til í landinu sem notaðir voru til fiskveiða, þar
af var um helmingur vélbátar. Lítið sem ekkert er
eftir af tíu af 15 fiskihöfnum og gerir ÞSSÍ ráð fyrir
að bátasmiðjur og fiskvinnslustöðvar við ströndina
hafi orðið fyrir skemmdum. Um 250 þúsund manns
komu beint eða óbeint að sjávarútvegi á Sri Lanka
og um ein milljón manna hafði lifibrauð af fisk-
veiðum, segir í tilkynningu Þróunarsamvinnustofn-
unar Íslands.
Alls var tilkynnt um
227 Íslendinga
ALLIR Íslendingar sem voru á flóðasvæðunum í S.-
Asíu þegar flóðin urðu á annan dag jóla hafa látið vita
af sér og er því ljóst að enginn Íslendingur fórst í
hamförunum. Í tilkynningu frá utanríkisráðuneytinu
segir að alls hafi verið tilkynnt um 227 Íslendinga
sem talið var að gætu verið á svæðinu.
„Ráðuneytið var í sambandi við ræðismenn Ís-
lands í Taílandi, Indlandi og Sri Lanka, ferðaskrif-
stofur sem hugsanlega væru með hópa á sínum veg-
um á þessum slóðum, Icelandair, ræðismann
Taílands á Íslandi, dönsku utanríkisþjónustuna o.fl.
Reglulega voru sendir uppfærðir listar til ræð-
ismanna, haft samband við þá sem höfðu tilkynnt um
þá sem saknað var og einnig til margra Íslendinga
sem staddir voru eða búsettir á umræddum svæðum.
Listinn styttist hratt fyrstu tvo dagana og þann 29.
desember var hann kominn niður í 10 manns og vís-
bendingar um að þeir væru allir á svæðum þar sem
ekki hafði orðið mannfall vegna flóðanna. Ákveðið
var í samráði við aðstandendur þeirra sem saknað
var að gefa ekki upp nöfn þeirra, enda nokkuð ljóst
að þeir væru ekki á hættusvæði. Þann 5. janúar bár-
ust þær fregnir að sá síðasti sem var á listanum hefði
haft samband við ættingja sína og var þá heill á húfi,“
segir í tilkynningunni.
STEINUNN Valdís Óskarsdóttir borgarstjóri kom í
húsakynni Rauða kross Íslands við Efstaleiti í gær og
afhenti samtökunum 10 milljónir króna, framlag
Reykjavíkurborgar til neyðarhjálpar vegna flóðanna
við Indlandshaf. Sigrún Árnadóttir, framkvæmda-
stjóri RKÍ, veitti hinum veglega styrk viðtöku.
Morgunblaðið/RAX
Tíu milljónir frá borginni
Alþjóðablak-
sambandið veitir
þriggja milljóna
dollara styrk
VEGNA hinna hræðilegu atburða
er fylgdu í kjölfar jarðskjálftanna
í Indlandshafi hefur Alþjóðablak-
sambandið (FIVB) ákveðið að láta
af hendi rakna 3 milljónir Banda-
ríkjadala til hjálpar- og uppbygg-
ingarstarfsins í Asíu. Markmiðið
með framlagi FIVB er að stuðla
að endurbyggingu skóla og
íþróttaaðstöðu í þeim ríkjum sem
urðu hvað verst úti.
Forseti FIVB, dr. Rubén
Acosta, sagði af þessu tilefni að
þessar hörmungar hefðu snert
hann djúpt, sem og æðstu stjórn
sambandsins. FIVB hefur 218 að-
ildarþjóðir innan sinna vébanda
og er stærsta einstaka al-
þjóðasérsambandið og veitir yfir
550 milljónum manna íþróttalega
forystu.
Alþjóðablaksambandið hefur á
undanförnum áratugum unnið
mikið með alþjóðastofnunum eins
og UNICEF, UNHCR og WHO að
einstökum verkefnum, jafnt á
átakasvæðum sem í flótta-
mannabúðum.
FIVB hefur alltaf litið á það
sem hluta af alþjóðlegum skyld-
um og ábyrgð, að sinna mann-
úðarstörfum um heim allan, segir
í fréttatilkynningu. FIVB rekur
árlega þróunarstarf þar sem
íþróttin er kennd markvisst í
mörgum af vanþróuðum ríkjum
heimsins.
„Það er von okkar að fram-
lagið verði til þess að börn og
fullorðnir fái aftur trú á það sem
framtíðin ber í skauti sér og lífs-
vilja til þess að vinna sig út úr
þeim erfiðleikum sem framundan
eru,“ segir í tilkynningunni.