Morgunblaðið - 08.01.2005, Síða 23

MORGUNBLAÐIÐ LAUGARDAGUR 8. JANÚAR 2005 23
MINNSTAÐUR
Grindavík | „Það verður sjálfsagt
enginn kraftur í þessu fyrr en
loðnan kemur í mars, ef þeir
verða þá ekki búnir að veiða
hana alla, loðnubátarnir,“ segir
Viktor Jónsson sjómaður í
Grindavík. Hann var ásamt fé-
laga sínum, Brynjólfi Gíslasyni,
að greiða flækjur úr netum á
bryggjunni á Grindavík.
Þeir félagarnir komu í fyrra-
dag úr fyrstu vitjun í netin á
nýju ári, með um eitt tonn. Voru
þeir ekkert óánægðir með það
miðað við árstíma, sérstaklega
af því fiskurinn var stór og fal-
legur, eins og Viktor tók til
orða. Þeir höfðu hins vegar ekki
mörg orð um ástæður þess að
netið var svona flækt, mátti
skilja að það væri eitthvert sjálf-
skaparvíti.
Þeir félagarnir keyptu
Hraunsvík GK-75, 14 brúttólesta
bát, og hófu útgerð frá Grinda-
vík í október síðastliðnum. Þeir
höfðu lengi verið saman á sjó á
svipuðum bát. „Við fáum sjálf-
sagt bjartsýnisverðlaunin fyrir
að byrja útgerð á þessum tíma,“
segir Viktor. Báturinn er kvóta-
laus en þeir hyggjast kaupa á
hann kvóta. „Við ætlum að byrja
rólega og kaupa kvótann smám
saman,“ segir Viktor.
Ekki leynir sér hvaða knatt-
spyrnulið á Englandi á stuðning
Viktors. Arsenal er skrifað með
stórum stöfum á bak vinnugall-
ans. „Ég hef haldið með Arsenal
frá því ég man eftir mér,“ segir
Viktor og upplýsir að Brynjólfur
félagi hans sé einnig Arsen-
alaðdáandi.
Fáum sjálfsagt
bjartsýnisverðlaunin
Morgunblaðið/Helgi Bjarnason
SUÐURNES
Sandgerði | Fulltrúar meirihluta
bæjarstjórnar Sandgerðis hafna
sameiningu við önnur sveitarfélög að
svo komnu máli. Fulltrúar minni-
hlutans vilja að íbúunum verði gefinn
kostur á að kjósa um sameiningu.
Sameiningarnefnd félagsmála-
ráðuneytisins hefur lagt til að íbúum
allra sveitarfélaganna fimm á Suð-
urnesjum verði gefinn kostur á því
að greiða atkvæði um sameiningu
síðar í vetur. Af því tilefni kaus bæj-
arstjórn Sandgerðis starfshóp til að
fara yfir kosti þess og galla að sam-
einast. Fulltrúarnir voru sammála
um reifun málsins en klofnuðu eftir
meirihlutalínum í bæjarstjórn um
túlkun þeirra í niðurstöðum.
Fulltrúar Samfylkingar og óháðra
og Sjálfstæðisflokks töldu ekki tíma-
bært eða réttlætanlegt að sameina
sveitarfélögin að svo komnu máli. Í
rökstuðningi er meðal annars vísað
til verkefna sveitarfélagisins, hárra
tekna sveitarfélagsins og að þjón-
ustugjöld íbúa í Sandgerði myndu
væntanlega hækka. Þeirri skoðun er
lýst að sameining við Reykjanesbæ
sé ekki góður kostur og vísað í því
efni til umræðna um fjárhagsstöðu.
Fulltrúar Framsóknarflokksins
og Sandgerðislistans röktu í sinni
niðurstöðu kosti og galla sameining-
ar. Þeir sögðust styðja það að íbúar
Sandgerðisbæjar fengju tækifæri til
þess að skoða kosti þess og galla að
sameinast öðrum sveitarfélögum og
gætu lýst afstöðu sinni í kosningum.
Bæjarstjórnin samþykki sam-
hljóða að senda skýrsluna til samein-
ingarnefndar ráðuneytisins.
Skiptar
skoðanir á
sameiningu
Reykjanesbær | Stjórn Heimis, fé-
lags ungra sjálfstæðismanna í
Reykjanesbæ, hefur ályktað gegn
breytingum á niðurgreiðslum vegna
dagvistar í heimahúsum og afnámi
ferðastyrks námsmanna. Báðar
breytingarnar voru ákveðnar af bæj-
arfulltrúum Sjálfstæðisflokksins við
afgreiðslu fjárhagsáætlunar ársins.
Fram kemur í ályktun stjórnar
Heimis að mörkuð hafi verið sú
stefna að fjölga menntuðum íbúum
og störfum. Það skjóti því skökku við
að hætta öllum stuðningi við náms-
menn sem vilji búa í bænum en þurfi
að leita út fyrir bæjarmörkin í nám.
Leggur stjórnin til að fallið verði frá
áformum um afnám ferðastyrkja.
Stjórn félagsins hvetur bæjar-
stjórn til að endurskoða áætlaðar
breytingar á niðurgreiðslu vegna
dagvistar barna í heimahúsum.
Breytingarnar hafi í för með sér fjár-
hagslegar þrengingar hjá stórum
hluta ungs barnafólks og séu úr takti
við fjölskyldustefnu meirihlutans. Þá
er hvatt til þess að tekjuviðmiðið,
sem er áformað 200 þúsund kr. á
mánuði, verði hækkað.
Álykta gegn
ráðstöfunum
meirihlutans
♦♦♦