Morgunblaðið - 15.01.2005, Blaðsíða 2
SVARTFUGLINN DREPST
Ætla má að mörg hundruð ef ekki
allt að þúsund svartfuglar hafi drep-
ist í Skagafirði en þetta er fjórði vet-
urinn í röð sem vart verður við
hungurdauða svartfugls. Ekki er
ljóst hvort ástæðan er skortur á átu
eða hvort eitthvað hamli því að hann
komist í hana.
Tíu ár frá snjóflóðunum
Á morgun eru liðin tíu ár frá snjó-
flóðunum í Súðavík en á þeim tíma
hefur verið lokið við að færa byggð-
ina sunnar þar sem nú búa 180
manns.
Háþrýstingsfaraldur
Fram kemur í skýrslu, sem birt
verður í dag, að háþrýstingur muni
vera orðinn að heimsfaraldri árið
2025. Þá muni rúmur hálfur annar
milljarður manna þjást af honum
eða um þriðji hver jarðarbúi. Er
meginástæðan sögð óheilbrigðir lífs-
hættir, reykingar, hreyfingarleysi,
of mikið feitmeti og of mikið salt.
Aukin hryðjuverkavá
Hnattvæðingin getur orðið til að
auka hættu á hryðjuverkum um all-
an heim og hugsanlegt er að við-
brögð við henni verði til að grafa
undan grundvallarforsendum vest-
rænna samfélaga. Kemur þetta fram
í skýrslu um framtíðina, sem Þjóð-
arupplýsingaráð Bandaríkjanna hef-
ur gert.
450 Íslendingar ráðnir
Frá upphafi framkvæmdanna við
Kárahnjúka hafa verið ráðnir 2.585
starfsmenn, þar af 1.701 Evrópubúi,
450 Íslendingar og 434 frá löndum
utan Evrópu. Þetta kom fram á
fundi félagsmálanefndar Alþingis
með málsaðilum við Kárahnjúka.
Y f i r l i t
2 LAUGARDAGUR 15. JANÚAR 2005 MORGUNBLAÐIÐ
FRÉTTIR
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%&' (
)***
ÓVENJUMIKIÐ álag hefur verið
á Landspítala – háskólasjúkrahúsi
(LSH) undanfarna daga vegna
inflúensu og annarra pesta sem
herja á landsmenn. Framkvæmda-
stjórn LSH ákvað því í fyrradag að
bæta við 24 aukarúmum á spítalan-
um í Fossvoginum og við Hring-
braut. „Það er búið að vera rosa-
lega mikið að gera og við ákváðum
að bregðast við því með þessum
hætti,“ sagði Anna Stefánsdóttir,
framkvæmdastjóri hjúkrunar
LSH, í samtali við Morgunblaðið í
gær. „Þannig komum við í veg fyrir
að fárveikir sjúklingar þurfi að
liggja frammi á gangi.“
Álagið náði hámarki á fimmtu-
dag og þurfti þá að leggja um
fimmtíu sjúklinga inn á bráðadeild-
ir spítalans, umfram skráð rúm.
Vegna þessa hefur m.a. þurft að
fresta skurðaðgerðum á spítalan-
um.
Til að koma aukarúmunum fyrir
hefur gæsludeild í Fossvoginum
verið stækkuð og herbergjum sem
eru til annarra nota verið breytt í
sjúkrastofur. Þá hefur dagdeild við
Hringbraut, sem venjulega er opin
frá kl. 8 til 16, verið breytt í legu-
deild, sem þýðir að hún verður opin
allan sólarhringinn.
Að sögn Önnu munu þessar ráð-
stafanir gilda fram á mánudags-
morgun, en þá verður ástandið
endurmetið.
Flensan leggst þungt
á eldra fólk
Til að mæta fjölgun rúma hefur,
að sögn Önnu, þurft að biðja starfs-
fólk spítalans, aðallega lækna og
hjúkrunarfræðinga, að bæta á sig
vinnu. „Við höfum þurft að kalla
inn fólk til að ráða við þetta álag,“
segir hún. „Við höfum t.d. beðið
fólk um að mæta til vinnu sem átti
frí um helgina.“
Anna segir að inflúensan, sem nú
geisar, geti lagst þungt á eldra fólk
sem og þá sem eru með langvinna
sjúkdóma. Slíka hópa þurfi stund-
um að leggja inn á spítala fái þeir
inflúensu. „Fólk getur einnig feng-
ið lungnabólgu upp úr inflúensu, þá
þurfum við að leggja það inn.“ Auk
þess hefur, að sögn Önnu, borið á
iðrasýkingu, en hún getur sömu-
leiðis lagst þungt á aldraða og þá
sem eru veikir fyrir.
Óvenjumikið álag á Landspítala – háskólasjúkrahúsi
Nauðsynlegt að kalla
starfsfólk úr fríum
Morgunblaðið/Árni Torfason
Mikið álag hefur verið á starfsliði
Landspítalans síðustu daga.
TÖLUVERT var um umferðaróhöpp
víða á landinu í gær og fyrrakvöld í
fljúgandi hálku sem var víðast hvar
á landinu og nóg var að gera hjá
starfsmönnum Gatnamálastofu
Reykjavíkur við að bera sand á göt-
ur og gangstéttir borgarinnar í gær-
morgun og fram eftir degi. Mjög
hált var eftir að hitastig hækkaði og
breytti snjóalagi í ísbreiðu sem
reyndist stórvarasöm þeim sem leið
áttu um.
Að sögn Guðjóns Jónssonar, verk-
stjóra hjá Gatnamálastofu, voru sjö
bílar að störfum frá því kl. fjögur í
gærmorgun og fram á kvöld. Ísing
var á stofnbrautum og svellhált í
húsagötum. Þá voru gangstéttir
sömuleiðis glerhálar og stór-
varasamar gangandi vegfarendum
áður en búið var að sandbera þær.
Að sögn Sigurðar Geirssonar,
verkstjóra hjá Gatnamálastofu og
umsjónarmanns með sanddreifingu
á gangstéttir, voru ellefu traktorar
að störfum í gær. Um 50–60 tonn af
sandi eru borin á gangstéttir borg-
arinnar á hverjum degi þegar hált
er og allt upp undir 100 tonn þegar
hálka er mikil.
Stór flutningabíll með tengivagn
fór út af þjóðveginum við Gljúfurá í
Austur-Húnavatnssýslu í roki og
mikilli hálku í fyrrakvöld og valt
tengivagninn á hliðina. Enginn slas-
aðist. Á Selfossi varð óhapp um há-
degisbilið í gær þegar vörubíll með
malarvagni, sem ætlaði að aka út af
til þess að koma í veg fyrir árekstur,
snerist þess í stað á veginum og lok-
aði fyrir umferð. Ökumaður fólks-
bifreiðar sem kom á móti reyndi að
beygja framhjá en rakst á vagninn.
Að sögn lögreglu skemmdist bíll-
inn töluvert en engin slys urðu á
fólki. Fimm minniháttar árekstrar
urðu á Akureyri í gær, en að sögn
lögreglu var þar fljúgandi hált. Þá
urðu fjögur umferðaróhöpp í um-
dæmi lögreglunnar í Keflavík, eitt í
Grindavík og þrjú í Keflavík. Engin
slys urðu en eignatjón var töluvert. Morgunblaðið/Jim Smart
Víða umferðar-
óhöpp í hálkunni
STJÓRNENDUR Alcan á Íslandi,
sem rekur álverið í Straumsvík, hafa
ákveðið að sækja bætur á hendur ol-
íufélögunum vegna skaða sem félag-
ið telur sig hafa orðið fyrir af sam-
ráði olíufélaganna um viðskipti við
álverið, sem leitt sé í ljós í skýrslu
samkeppnisráðs um ólögmætt sam-
ráð olíufélaganna.
Tilbúnir að fara dómstólaleið-
ina ef ekki semst við félögin
Hrannar Pétursson, upplýsinga-
fulltrúi Alcan á Íslandi, staðfesti
þetta í gær. Að sögn hans er félagið
reiðubúið að sækja bætur fyrir dóm-
stólum semjist ekki um bætur við ol-
íufélögin.
Hrannar segir erfitt að segja til
um á þessu stigi hversu miklu tjóni
álverið hafi orðið fyrir vegna sam-
ráðs olíufélaganna en ljóst sé að þar
sé um verulegar fjárhæðir að tefla,
sem geti hlaupið á tugum milljóna.
„Við kaupum vörur af olíufélögunum
fyrir 200 til 250 milljónir króna á ári.
Menn sjá því í hendi sér að þarna
getur verið um háar tölur að ræða,“
segir hann.
„Það er niðurstaða lögfræðinga
okkar að félögin séu skaðabótaskyld
gagnvart okkur,“ segir Hrannar.
„Þessu verður haldið til streitu.“
Alcan vill bætur
frá olíufélögunum
Morgunblaðið/Þorkell
HÉRAÐSDÓMUR Reykjaness
dæmdi í gær hálffertugan mann í
tveggja mánaða fangelsi fyrir að
hafa í fórum sínum 173,5 grömm af
maríjúana, hálfa E-pillu, 0,11
grömm af tóbaksblönduðu hassi,
145,73 grömm af kannabisstöngl-
um og 1,35 grömm af amfetamíni.
Efnin fundust við húsleit lög-
reglu á heimili mannsins í Kópa-
vogi í október.
Ákærði játaði brotið skýlaust en
hann hefur tvisvar áður sætt refs-
ingu vegna brota gegn lögum um
ávana- og fíkniefni. Annars vegar
á árinu 1993 og hins vegar 2000.
Þótti refsing mannsins hæfilega
ákveðin fangelsi í tvo mánuði en
fullnustu refsingarinnar var frest-
að og fellur hún niður að liðnum
þremur árum haldi hann almennt
skilorð.
Ólöf Pétursdóttir dómstjóri
dæmdi málið. Verjandi var Hilmar
Ingimundarson hæstaréttarlög-
maður og sækjandi Karl Vilbergs-
son, fulltrúi lögreglustjórans í
Kópavogi.
2 mánaða
fangelsi
fyrir fíkni-
efnabrot
Í dag
Fréttaskýring 8 Forystugrein 26
Úr verinu 11 Messur 34/35
Viðskipti 12 Skák 44
Erlent 16/17 Brids 39
Akureyri 23 Dagbók 48
Landið 24 Víkverji 48
Árborg 24 Velvakandi 49
Daglegt líf 25 Staður og stund 50
Ferðalög 26/27 Menning 51/57
Listir 28 Ljósvakamiðlar 58
Umræðan 29/33 Staksteinar 59
Bréf 33 Veður 59
* * *