Morgunblaðið - 15.01.2005, Page 6

6 LAUGARDAGUR 15. JANÚAR 2005 MORGUNBLAÐIÐ
FRÉTTIR
SAMKOMULAG hefur náðst um greiðslur heilbrigðis-
og tryggingaráðuneytisins til SÁÁ vegna lyfjakostnaðar
við meðferð ópíumfíkla, sem SÁÁ sinnir, að því er segir í
fréttatilkynningu frá ráðuneytinu. Mun ráðuneytið
greiða samtökunum 20 milljónir króna á tveim árum,
þessu ári og því síðasta, en það mun samsvara kostnaði
við lyfjameðferð um 30 ópíumfíkla á ári.
Jón Kristjánsson, heilbrigðis- og tryggingamálaráð-
herra, segist fagna því að samkomulag hafi náðst. „Við
höfum þarmeð gengið frá því máli sem hefur hangið að-
eins í lausu lofti,“ segir Jón. En viðræður um þjónustu-
samninginn og meðferð ópíumfíkla hafa staðið um nokk-
urra vikna skeið. Hann segir samkomulagið vera viðauka
við þjónustusamning milli heilbrigðis- og tryggingamála-
ráðuneytisins og SÁÁ frá 29. október 2002 sem sé í gildi.
Ráðuneytið gerir ráð fyrir því að ekki verði dregið úr
þjónustu við ópíumfíkla sem veitt hefur verið af hálfu
hálfu SÁÁ á Vogi undanfarin misseri.
Þórarinn Tyrfingsson, yfirlæknir á Vogi, segist fagna
viðbótinni. „Ráðherrann er að bæta ofan á þjónustu-
samninginn 10 milljónum króna á ársgrunni. Hann ætlar
þessa peninga í þjónustu sem er utan þjónustusamnings-
ins sem hann telur þá líklega vera mikilvæga, og hlýtur
að vera góð viðurkenning fyrir okkur og ágætismál,“ seg-
ir Þórarinn.
SÁÁ fær 20 milljónir vegna
lyfjameðferðar ópíumfíkla
Sjúkrastöðin Vogur.
JAPÖNSK stjórnvöld hafa enn ekki fallist á
boð íslenskra stjórnvalda um að Bobby
Fischer, fyrrverandi heimsmeistari í skák,
fái dvalarleyfi á Íslandi, segir John Bosnitch,
kanadískur blaðamaður í Japan, sem unnið
hefur að því, ásamt stuðningsmönnum
Fischers þar í landi, að fá Fischer lausan.
Engin svör hafa borist
enn við bréfi sem hópur-
inn sendi Koizumi for-
sætisráðherra Japans
seint á síðsta ári.
„Þau segjast enn vera
að íhuga boðið og hafi
enn ekki tekið endanlega
ákvörðun,“ segir hann.
„Ég veit ekki hvenær
þau ætla að gera eitthvað
í málinu.“ Hann telur þó
að boð íslenskra stjórnvalda hafi sett mikinn
þrýsting á japönsk stjórnvöld. „Þetta flækir
málið. Þau verða að gera eitthvað.“
Ekkert svar fengið
Bosnitch og stuðningsmenn Fischers í
Japan sendu forsætisráðherra Japans, Jun-
ichiro Koizumi, bréf hinn 20. desember sl.,
þar sem farið var fram á að forsætisráð-
herrann beitti sér fyrir því að Fischer fengi
að fara til Íslands. „Við höfum enn ekki feng-
ið neitt svar.“ Hann hyggst ítreka bréfið á
næstunni og segir að stuðningshópur Fisch-
ers í Japan sé langt í frá að gefast upp.
„Ef niðurstaðan verður sú að japönsk
stjórnvöld hafna tilboði Íslendinga ætlum
við að óska eftir því að Íslendingar eða aðrar
þjóðir veiti Fischer ríkisborgararétt,“ segir
hann. „Ég veit að það er stórt skref frá því
að bjóða dvalarleyfi, en japönsk stjórnvöld
hafa hingað til haldið því fram að þau muni
senda Bobby til síns heimalands og þau
halda fast við það að heimaland hans séu
Bandaríkin.“
Bosnitch kveðst mótfallinn því að Fischer
verði sendir til Bandaríkjanna. Þar muni
hann ekki hljóta sanngjörn réttarhöld. „Ég
held að Bobby eigi þar yfir höfði sér allt að
tíu ára fangelsisdóm. Bobby er 61 árs og
mun ekki lifa það af ef hann verður svo lengi
í fangelsi.“ Bosnitch segist hafa byrjað að
vinna að því að fá Fischer lausan strax
nokkrum dögum eftir að Fischer var hand-
tekinn á Naritaflugvelli í Tókýó sl. sumar.
Hann segist tala við Fischer í síma á hverj-
um degi. „Bobby er ákveðinn í því að gefast
ekki upp,“ segir hann.
Ætla að hitta sendiherra
Japans á Íslandi
Nokkrir velunnarar Fischers hér á landi
funduðu um stöðu mála í fyrrakvöld. Sæ-
mundur Pálsson segir að ákveðið hafi verið
að óska sem fyrst eftir fundi með sendiherra
Japans hér á landi. „Við viljum fá að vita
hvernig málin standa,“ segir Sæmundur.
Hann segir ekki eðlilegt að Bobby Fischer
sé enn haldið föngnum í Japan, úr því búið sé
að bjóða honum að koma hingað.
John Bosnitch, stuðnings-
maður Bobby Fischers
Ekkert svar
borist frá
Koizumi
Bobby Fischer
AÐALFUNDUR Félags sjálf-
stæðismanna í austurbæ og Norð-
urmýri mótmælir harðlega fyr-
irhuguðum fyrirætlunum
borgaryfirvalda um breytt skipu-
lag svæðisins í kringum Hlemm-
torg, að því er fram kemur í
ályktun félagsins.
Segir þar að með nýju leiða-
kerfi Strætós bs. sé fyrirhugað að
draga aukna strætisvagnaum-
ferð inn í miðborgina og fjölga
þeim leiðum sem hafi endastöðv-
ar á Hlemmi. Loka eigi Hverf-
isgötu milli Snorrabrautar og
Rauðarárstígs og breyta þeim
hluta götunnar í stæði fyrir
strætisvagna. Telja sjálfstæð-
ismenn að lokun Hverfisgötu á
þessum kafla sé til mikillar
óþurftar og það spilli ásýnd
hverfisins að taka enn stærri
hluta þess undir strætisvagn-
astæði.
Hvetja til samráðs við íbúa
„Ljóst er að ef núverandi hug-
myndir borgaryfirvalda um
svæðið verða að veruleika, munu
þær hafa mikil áhrif á gatna-
kerfi, umferðarmál og ásýnd á
stóru svæði í kringum Hlemm og
í miðborginni.“
Þær muni m.a. hamla eðlilegri
umferð á Hverfisgötu og Lauga-
vegi, beina aukinni umferð inn í
íbúahverfi og stórauka umferð á
Skúlagötu, sem sé íbúðargata,
með fyrirséðum truflunum, m.a.
vegna hljóðvistar, án nokkurra
tillagna um úrbætur, segir í
ályktuninni.
Minnt er á að Hlemmur og
svæðið umhverfis hann sé mik-
ilvægt fyrir miðbæinn og borgina
alla. Svæðið sé „eins konar hlið
að miðborginni, bæði nú og í
sögulegu ljósi. Þær róttæku
breytingar á umferðarskipulagi
svæðisins, sem fyrirhugaðar eru,
bera öll merki þess að hafa verið
unnar í flýti og ljóst er að það
grundvallarviðhorf hefur ekki
verið haft að leiðarljósi að gera
hverfið í kring ákjósanlegra til
búsetu fyrir fjölskyldufólk.“
Verði hugmyndir R-lista að veru-
leika, muni þær vafalaust skapa
margvísleg vandamál á svæðinu.
„Aðalfundurinn skorar á borg-
aryfirvöld að falla frá núverandi
hugmyndum en þess í stað eiga
samráð við íbúa og félagasamtök
á svæðinu um heppilegar breyt-
ingar á svæðinu í kringum
Hlemm og skipulag þess til fram-
tíðar.“
Umferð fyrir framan
lögreglustöð bönnuð
Tillaga að breytingu á deiliskipu-
lagi fyrir Hlemm og nágrenni var
afgreidd í nóvember sl. Ekki er
reiknað með breytingu á núver-
andi byggingu á Hlemmi en
áformað er að fyrir allt svæðið
umhverfis Hlemm verði unnið
deiliskipulag aðlægra reita á
næstu mánuðum og verði þá jafn-
framt settir ítarlegir skilmálar
fyrir Hlemm.
Tillagan að breyttu deiliskipu-
lagi var í kynningu fram í sept-
ember á síðasta ári. Athugasemd-
ir bárust m.a. frá Sjálfsbjörgu
þess efnis að tillögur um Hlemm
skertu verulega aðgengi að húsi
Tryggingastofnunar ríkisins.
Var fallið frá breytingum á svæð-
inu fyrir framan húsið.
Félag sjálfstæðismanna í austurbæ og Norðurmýri
mótmælir fyrirætlunum um framkvæmdir við Hlemm
Morgunblaðið/Sverrir
Hafa mikil áhrif á stóru svæði
INGIBJÖRG Sólrún Gísladóttir,
varaformaður Samfylkingarinnar,
segist tilbúin til þess að fallast á að
landsfundur flokksins verði haldinn í
vor, en ekki í haust, eins og hingað til
hefur verið rætt um. Hún bendir á að
framkvæmdastjórn flokksins þurfi
að taka afstöðu til þessa máls hið
fyrsta.
Ingibjörg segir að sér finnist rök
sveitarstjórnarmanna fyrir því að
halda landsfundinn í vor veigamikil.
Það sé að mörgu leyti hagfelldara
fyrir flokkinn og það fólk sem þurfi
að huga að undirbúningi fyrir næstu
sveitarstjórnarkosningar, að halda
landsfundinn í vor. Þannig sé hægt
að fara inn í sumarið með hreint
borð og hefja að fullu undirbúning
fyrir næstu sveitarstjórnarkosningar
þá um haustið. „Ég get því alveg séð
þessi rök,“ segir hún, „og tel að
framkvæmdastjórn flokksins þurfi
að taka afstöðu til þessa hið fyrsta.“
Fellst á að lands-
fundi verði flýtt
STURLA Böðvarsson samgöngu-
ráðherra segir loftskip sem sam-
göngutæki á milli lands og Eyja ekki
vera til sérstakrar skoðunar hjá
ráðuneytinu sem mögulegur sam-
göngumáti. Fram kom í Morg-
unblaðinu sl. þriðjudag að nem-
endur í Viðskiptaháskólanum
Bifröst hefðu nýlokið verkefni sem
gengi út á að skoða samgöngur til og
frá Vestmannaeyjum, og fóru nem-
endurnir yfir kosti og galla loftskips
sem mögulegs samgöngumáta.
Sturla segist ekki hafa fengið nein
gögn um skoðun nemendanna við
Bifröst. Ráðuneytið sé ávallt að leita
að nýjum kostum í samgöngukerfinu
og því geri hann ráð fyrir að nefnd,
sem vinni að samgöngumálum milli
lands og Eyja, muni taka loftskipið
til skoðunar eins og alla aðra kosti.
En meðal þeirra kosta sem verið er
að skoða er endurnýjun á Herjólfi
auk þess sem verið er að rannsaka
möguleika á því að koma upp höfn á
Bakkafjöru með nýrri ferju þar.
Loftskip ekki í
sérstakri skoðun
GEIR H. Haarde fjármálaráðherra
sótti, í fjarveru Davíðs Oddssonar
utanríkisráðherra, samráðsfund ut-
anríkisráðherra Norðurlanda og
tíu Afríkuríkja í Finnlandi. Á fund-
inum, sem fram fór í gær og fyrra-
dag, var m.a. fjallað um öryggis-
mál, stjórnarfar og stöðu
mannréttindamála í Afríku og
svæðisbundna samvinnu Afr-
íkuríkja. Þá voru málefni einstakra
Afríkuríkja einnig rædd, m.a.
ástandið í Darfur héraði í Súdan,
Zimbabwe og Mið-Afríku, skv. upp-
lýsingum utanríkisráðuneytis.
Ræddu stöðu
mannréttinda
í Afríku
HÉRAÐSDÓMUR Reykjaness
dæmdi í fyrradag karl og konu frá
Eþíópíu í 30 daga fangelsi fyrir að
framvísa vegabréfum annars fólks
við komu hingað til lands milli jóla
og nýárs.
Fólkið var á leið til Bandaríkj-
anna þegar það var handtekið á
Keflavíkurflugvelli. Það hefur setið í
gæslu síðan.
Þriðji maðurinn, Eþíópíumaður
með sænskan ríkisborgararétt, er
talinn hafa skipulagt för fólksins
vestur um haf og útvegað því vega-
bréfin. Hann var handtekinn um leið
og förunautar hans og segir Eyjólf-
ur Kristjánsson, fulltrúi hjá sýslu-
manninum á Keflavíkurflugvelli, að
rannsókn máls hans sé á lokastigi.
Maðurinn hefur verið úrskurðað-
ur í gæsluvarðhald fram á miðviku-
dag í næstu viku. Grunur leikur á að
hann hafi áður smyglað fólki vestur
um haf.
Gunnar Aðalsteinsson héraðs-
dómari dæmdi málið. Verjandi var
Sveinn Andri Sveinsson hrl. og
sækjandi Eyjólfur Kristjánsson,
fulltrúi sýslumannsins á Keflavíkur-
flugvelli.
Þrjátíu daga fangelsi
fyrir vegabréfasvindl