Morgunblaðið - 15.01.2005, Síða 23
MORGUNBLAÐIÐ LAUGARDAGUR 15. JANÚAR 2005 23
MINNSTAÐUR
AKUREYRI
NÝ aðalvél var hífð um borð í
frystitogarann Baldvin NC í vik-
unni en skipið hefur legið við
bryggju hjá Slippstöðinni und-
anfarnar vikur. Vélin er þýsk, af
gerðinni MaK og engin smásmíði,
3.000 kW, 4.000 hestöfl og um 40
tonn að þyngd. Ekki er til krani á
Akureyri til að hífa vélina um
borð. Því var fenginn öflugur
krani frá Reykjavík til verksins og
gekk hífingin áfallalaust. Baldvin
NC er í eigu DFFU, dótturfélags
Samherja í Þýskalandi. Fleiri skip
Samherja og tengdra fyrirtækja
eru með MaK vélar og hafa þær
reynst vel, að sögn Kristjáns Vil-
helmssonar útgerðarstjóra Sam-
herja.
Ísfisktogarar Brims, Kaldbakur
EA og Harðbakur EA eru með
MaK vélar en tvær 1.400 hestafla
vélar eru um borð í hvoru skipi.
Stefán Finnbogason verkstjóri á
vélaverkstæði Brims sagði að vél-
arnar hefðu reynst vel og væru
óslitnar eftir 30 ára notkun í tog-
urunum. „Vélarnar hafa ekki vald-
ið okkur vonbrigðum og þær þola
alveg 30 ár í viðbót, enda verið vel
við haldið, “ sagði Stefán.
Það er Framtak, véla- og skipa-
þjónustu í Hafnarfirði, sem er með
umboð fyrir MaK vélar hérlendis.
Morgunblaðið/Kristján
Ný aðalvél Hífð um borð í frystitogarann Baldvin NC við Slippstöðina.
40 tonna aðalvél
hífð um borð
BÆJARRÁÐ Akureyrar hefur lagt
til að nýjar tillögur vinnuhóps um
yfirvinnu starfsmanna bæjarins
verði samþykktar á fundi bæjar-
stjórnar næsta þriðjudag, 18. jan-
úar. Tillögurnar miða einkum að
því að gera kjaramál starfsmanna
gagnsærri og réttlátari með það
fyrir augum að greitt verði fyrir
raunverulegt vinnuframlag. Brýnt
þótti að taka á þessum þætti kjara-
mála hjá Akureyrarbæ þar sem
sýnt er að nokkur mismunun milli
starfsmanna átti sér stað.
Í tillögu vinnuhópsins kemur
fram að ekki er gert ráð fyrir fastri
yfirvinnu hjá starfsmönnum bæjar-
ins og að ekki sé heimilt að greiða
fyrir óunna yfirvinnu. Þá er stefnt
að því að draga sem mest úr yf-
irvinnu í samræmi við fjölskyldu-
stefnu bæjarins. Yfirvinna mun því
framvegis aðeins unnin að beiðni
eða með heimild stjórnenda hverju
sinni. Hámark unninnar yfirvinnu
verður 600 klukkustundir á ári til
loka þessa árs og 500 klukkustundir
á ári eftir það. Lagt er til að lengri
aðlögunartími verði fyrir þá sem
unnið hafa meira en 900 tíma yf-
irvinnu að jafnaði á ári og gert ráð
fyrir að hún verði komin niður í 500
klukkustundir árið 2007.
Þá leggur vinnuhópurinn til að
stjórnendum bæjarins verði greitt
fast stjórnendaálag, 25 þúsund
krónur á mánuði ofan á núverandi
laun miðað við fullt starf og hækkar
upphæðin um 2,5% 1. janúar 2006,
og 2,25% næstu og þar næstu ára-
mót þar á eftir. Þá leggur nefndin
til að þeim stjórnendum sem verða
fyrir allnokkru áreiti utan daglegs
vinnutíma verði ákveðin föst mán-
aðarleg þóknun til að mæta því.
Fram kemur í tillögunum að
þeim sé einnig ætlað að jafn laun
kynjanna.
Dan Jens Brynjarsson sviðsstjóri
stjórnsýslusviðs sagði að tillögurn-
ar tækju m.a. á málum þeirra sem
fengju greidda fasta yfirvinnu óháð
því hvort þeir ynnu hana eða ekki
og eins þeirra sem hafa verið með
óheyrilega mikla unna yfirvinnu, en
á hana yrði nú sett þak. „Við höfum
dæmi, ekki mörg, þar sem menn
eru með mun meiri yfirvinnu en nú
verður leyfð,“ sagði Dan.
Gömlum samningum þar sem
gert er ráð fyrir yfirborgun í formi
óunninnar yfirvinnu verður sagt
upp og í framtíðinni fá menn þá ein-
ungis þá yfirvinnu sem unnin er
upp að ákveðnu hámarki. Dan sagði
að einhverjir starfsmanna bæjarins
myndu í kjölfar breytinganna
hækka í launum en aðrir lækka.
Dan sagði að karlmenn væru í
meirihluta þeirra sem fengið hefðu
óunna yfirvinnu, en með tilkomu
nýja fyrirkomulagsins væri gert
ráð fyrir að launabil milli karla og
kvenna jafnaðist og væri það að
hluta til markmið breytinganna.
Tillögurnar hafa verið kynntar
stærstu verkalýðsfélögunum.
Bæjarráð hefur lagt til að bæj-
arstjórn skipi starfshóp sem hefur
það hlutverk að innleiða nýjar verk-
reglur, halda fundi með stjórnend-
um og að skera úr ágreiningsmál-
um sem upp kunna að koma. Lagt
er til hann skipi þau Þórarinn B.
Jónsson, formaður, Gerður Jóns-
dóttir og Valgerður H. Bjarnadóttir
ásamt Höllu Margréti Tryggva-
dóttur starfsmannastjóra og Karli
Guðmundssyni sviðsstjóra fé-
lagssviðs.
Nýjar „réttlátari og gagnsærri“ reglur um yfirvinnu
Föst óunnin yfirvinna
heyrir sögunni til
HELDUR fór að hlýna í sunnanátt-
inni í gærdag og þá var ekki að sök-
um að spyrja, snjórinn tók að
bráðna og mikil hálka myndaðist.
Þar gæti verið að koma fram
draumur félaga í Veðurklúbbnum á
Dalbæ sem var þannig að honum
voru færðar tvær brennivínsflöskur
og átti hann að koma þeim til skila
til ákveðinnar konu á Dalvík, en
brennivín og drykkjuskapur í
draumi er víst fyrir hláku. Annars
telja klúbbfélagar að miklir snún-
ingar verði í veðrinu framundan og
þarf því ekki að koma á óvart að
hann spáir kólnandi.
Fannfergi í bænum hefur verið
með mesta móti og eru menn óvanir
slíku því fara þarf tíu ár aftur í tím-
ann til að finna álíka snjómagn á
Akureyri og nú er.
Öll tiltæk tæki, bæði í eigu bæj-
arins og einkafélaga hafa verið á
ferðinni við að ryðja götur og er
ástandið bara orðið þokkalegt eftir
törnina sem staðið hefur yfir síð-
ustu daga. Hreinsunarstarfið byrj-
ar í býtið á morgnana og er verið að
fram eftir kvöldi. Moksturinn kost-
ar gríðarlega peninga eða allt að
tveimur milljónum á dag þegar
mest lætur og vörubílar eru að auki
á ferðinni með snjófarma sem sturt-
að er beint út í sjó. Á nýliðnu ári var
48 milljónum króna mokað út úr
bæjarsjóði til að greiða snjómokst-
ur og hálkuvarnir og ef fram fer
sem horfir verður kostnaðurinn síst
minni í ár.
Það verður þá bara
að vera þannig
Úlfur Logason sem er í 2. bekk í
Brekkuskóla hefur kannski ekki
verið að velta þessum kostnaði bæj-
arfélagsins fyrir sér á leiðinni heim
úr skólanum í gær. Hann gat þess
þó í samtali að víða væri hálka á
leiðinni og ógreiðfært, „en það
verður þá bara að vera þannig,“
sagði hann og tók hlutunum með
ró. Nefndi einnig að ökumenn væru
flestir hverjir að sínu mati tillits-
samir við gangandi vegfarendur.
Morgunblaðið/Kristján
Brennivínsdraum-
urinn að rætast!
Formannssigur | Gylfi Þórhalls-
son formaður Skákfélags Akureyrar
sigraði á 10 mínútna móti fyrir 45
ára og eldri um síðustu helgi.
Keppendur voru 7 og tefldu allir
við alla.
Gylfi sigraði með fullu húsi, fékk 6
vinninga af 6 mögulegum. Í 2. sæti
varð Sveinbjörn Sigurðsson með 4
vinninga og í 3. sæti Þór Valtýsson
með 3,5 vinninga. Næsta mót er
Fischer klukkumót sunnudaginn 16.
janúar og hefst það kl. 14.
Teflt er í KEA salnum í Sunnuhlíð
og eru allir velkomnir.
Hlutafé í Norðurskel | Bæjarráð
Akureyri hefur heimilað bæjarstjóra
að ganga til samninga við vænt-
anlega hluthafa Norðurskeljar ehf.
um hlutafjárþátttöku Fram-
kvæmdasjóðs Akureyrarbæjar í fyr-
irtækinu. Norðurskel hefur verið
starfandi í Hrísey undanfarin ár og
unnið að uppbyggingu kræklinga-
ræktar við eyna. Félagið keypti á
liðnu ári húsnæði í Hrísey þar sem
vinnslan er til húsa. Innan fárra ára
er stefnt að því að framleiða allt að
1000 tonnum af kræklingi, en slík
vinnsla gæti skapað allt að 20 störf.
Útsala Útsala
Nýtt kortatímabil
Krónunni, 2. hæð, sími 462 3505,
Hafnarstræti 97, 600 Akureyri.
Opið laugardaga kl. 10-16
Alfanámskeiðin
að hefjast
kynntu þér þau á
www.alfa.is