Morgunblaðið - 15.01.2005, Qupperneq 36
36 LAUGARDAGUR 15. JANÚAR 2005 MORGUNBLAÐIÐ
MINNINGAR
ekki efni á að sækja námskeiðið.
Kirkjan reynir að mæta þörfum
þeirra sem ekki hafa efni á að sækja
Alfa og greiðir niður kostnaðinn.
Kennarar: Sr. Örn Bárður Jóns-
son og dr. Sigurður Árni Þórðarson.
Fjöldi sjálfboðaliða kemur að hverju
Alfanámskeiði.
Alfanámskeið II
í Óháða söfnuðinum
Á ÞRIÐJUDAGINN kemur 18. jan-
úar kl. 19:00 hefst Alfanámskeið II í
Óháða söfnuðinum. Verður Fjall-
ræðan tekin fyrir, og næstu níu
þriðjudagskvöldin verður farið í
Fjallræðuna frekar.
Hefst námskeiðið með mat á
þessu kynningarkvöldi, þá sungið
og fræðsla í hálftíma. Siðan er skipt
upp í hópa til að ræða efni kvölds-
ins, og endað á bænastund í kirkj-
unni, rétt fyrir klukkan 22.00.
Þeir, sem ekki hafa farið á Alfa-
námskeið I, grunnnámskeiðið, geta
vel mætt á þetta námskeið, og notið
þess, þar sem grunnatriðin eru líka
tekin fyrir á þessu námskeiði.
Kvöldvaka í Frí-
kirkjunni í Hafnarfirði
FYRSTA kvöldvakan á nýju ári
verður í Fríkirkjunni í Hafnarfirði
annað kvöld kl. 20 en kvöldvökur
með léttu sniði eru haldnar í kirkj-
unni einu sinni í mánuði. Sérstakt
umfjöllunarefni kvöldvökunnar að
þessu sinni er lífsgleði og hamingja
og mun Almar Grímsson flytja hug-
leiðingu um efnið ásamt prestum
kirkjunnar. Hljómsveit kirkjunnar
og kór munu leiða sönginn undir
stjórn Arnar Arnarsonar og þá mun
Erna Blöndal syngja tvö einsöngs-
lög. Að lokinni góðri stund í kirkj-
unni er svo boðið upp á kaffi í safn-
aðarheimilinu.
Messa með þátttöku
fermingarbarna
í Hallgrímskirkju
SUNNUDAGINN 16. janúar verður
hefðbundin messa og barnastarf kl.
11.00. En með þessari messu hefst
aftur fermingarfræðslan og þátt-
taka fermingarbarna í messuhald-
inu. Þau verða messuþjónar, lesa
ritningarorð og bænir. Eftir messu
fá fermingarbörnin léttar veitingar
og fræðslustund, þá kemur Þor-
steinn tollvörður í heimsókn með
hundinn Bassa og fræðir um fíkni-
efni og skaðsemi þeirra. Fræðslu
dagsins lýkur með ratleik um kirkj-
una, en þar fá börnin að kynnast
kirkjuhúsinu og búnaði þess.
Sr. Sigurður Pálsson prédikar í
messunni og þjónar fyrir altari
ásamt sr. Jóni D. Hróbjartsssyni og
Magneu Sverrisdóttur. Hörður Ás-
kelsson verður organisti og stýrir
sönghópi félaga úr Mótettukór Hall-
grímskirkju. Boðið er upp á mola-
sopa eftir messu.
Mannrækt
í Laugarneskirkju
ÞRIÐJUDAGSKVÖLDIN í Laug-
arneskirkju eru helguð mannrækt.
Kl. 19:45 er trúfræðsla þar sem sr.
Bjarni Karlsson sóknarprestur ým-
ist leiðir íhugun og umræður um þá
Biblíutexta sem eru prédikunarefni
næsta sunnudags eða íhuguð er líf-
reynslusaga einhvers sem kemur og
segir frá ögurstund í lífi sínu.
Kl. 20:30 er kvöldsöngur í kirkj-
unni. Þar leiðir Þorvaldur Hall-
dórsson gospelsöng ásamt Ásgeiri
Páli Ágústssyni, Kristjönu H. Thor-
arensen, Guðmundi Sigurðssyni og
Gunnari Gunnarssyni, sem leikur á
píanó.
Í kvöldsöngnum mætast þau sem
sækja trúfræðsluna og eins þau sem
sækja tólf spora starf kirkjunnar,
sem er í beinu framhaldi þetta
kvöld. Eins er margt fólk sem ein-
ungis nýtir sér kvöldsönginn milli
20:30 og 21:00.
Það er stór hópur reyndra leið-
toga sem stendur að mannrækt-
arkvöldum Laugarneskirkju og
næstkomandi þriðjudag er kynning-
arfundur á 12 spora starfinu. Hvetj-
um við allt fólk til að koma ann-
aðhvort kl. 19:45 eða kl. 20:30 og
kynna sér aðstæður, því hér er um
gott tækifæri að ræða fyrir alla sem
langar í andlegt samfélag í gagn-
legu og græðandi umhverfi.
Samkirkjuleg
helgistund í
Karmelklaustri
MÁNUDAGSKVÖLDIÐ 17. janúar
nk. fer fram samkirkjuleg helgi og
bænastund í Karmelklaustrinu á
Ölduslóð í Hafnarfirði. Stundin
hefst kl 20.00 og er hún liður í helgi-
haldi í alþjóðlegri bænaviku.
Undirbúningur bænavikunnar er
í höndum samstarfsnefndar krist-
inna trúfélaga. Meginefni hennar að
þessu sinni er: „Kristur er eini
grundvöllur kirkjunnar“. Karmel-
nunnur munu syngja og leika á
hljóðfæri í helgistundinni. Gunnar
Eyjólfsson leikari les valin ljóð. Kór
Öldutúnsskóla syngur undir stjórn
Egils Friðleifssonar og Andri Eyj-
ólfsson leikur einleik á gítar. Prest-
ar í Hafnarfirði munu lesa ritning-
arorð og leiða bænir.
Helgistundin mun einkennast af
þeirri lífslotningu og gefandi trúar-
trausti og gleði sem einkennir helgi-
hald í Karmelklaustrinu. Þess er
vænst að fólk sem þráir frið og sam-
lyndi meðal manna, trúarbragða og
þjóða sæki þessa helgistund á bæna-
viku í Karmelklaustrinu í Hafn-
arfirði.
Karmelnunnur og prestar
í Hafnarfirði.
Alfa-námskeið
í Grafarvogskirkju
BOÐIÐ verður upp á Alfa-námskeið
í Grafarvogskirkju á vormisseri.
Námskeiðið hefst fimmtudaginn 20.
janúar nk. kl. 19:00. Um er að ræða
10 vikna fræðslunámskeið um
kristna trú. Hvert kvöld hefst með
léttum kvöldverði. Síðan er efni
kvöldsins útskýrt og rætt í umræðu-
hópum. Innritun fer fram á skrif-
stofu Grarfarvogskirkju fyrir há-
degi virka daga í síma 587 9070.
Biblíuleg íhugun
í Grafarvogskirkju
NÁMSKEIÐ í Biblíulegri íhugun
mun hefjast mánudaginn 17. janúar
nk. í Grafarvogskirkju. Um er að
ræða 8 skipti, klukkutíma í senn.
Námskeiðinu lýkur 7. mars. nk. Sr.
María Ágústsdóttir hefur umsjón
með þessu námskeiði. En hún mun
kenna ýmsar aðferðir í kristinni trú-
ariðkun. Innritun fer fram á skrif-
stofu Grafarvogskirkju fyrir hádegi
virka daga í síma 587 9070.
Lykilinn að
Da Vinci lyklinum
ÁRIÐ 2004 kom út á íslensku bókin
Da Vinci lykillinn og varð hún strax
metsölubók.
Til að rannsaka sannleiksgildi Da
Vinci lykilsins verður haldið nám-
skeið í Hafnarfjarðarkirkju undir
heitinu Lykillinn að Da Vinci lykl-
inum. Þetta er eins konar
leynilögreglunámskeið þar sem tek-
ið verður á stóru spurningunum
sem fram koma í bókinni gagnvart
kirkjunni, kristinni trú og sögunni.
Farið er í leynilögregluferð aftur í
tímann til að leita að sönnurgögnum
og heimildum í fortíðinni.
Á námskeiðinu verður kannað
hvenær Nýja testamentið varð til,
hverjir völdu textana í það og
hvernig. Þá verða einnig teknar fyr-
ir spurningar á borð við þær hvort
Jesús geti hafa verið giftur, hvort
hann hafi eignast börn og hvort það
myndi breyta einhverju fyrir
kristna trú ef svo væri. Staða
kvenna innan frumkirkjunnar verð-
ur skoðuð og þá sérstaklega hlut-
verk Maríu Magdalenu. Einnig
verður rannsakað á námskeiðinu
hverjir Musterisriddararnir, Jó-
hannesarriddararnir og Tevtónsku
riddararnir voru og hvort það geti
verið rétt að þær hafi varðveitt
leyndar upplýsingar sem kirkjan
vildi halda frá almenningi. Nám-
skeiðið verður haldið dagana 17.,
24. og 31. janúar og hefst það klukk-
an 20.00. Hægt er að skrá sig í síma
891 7562 eða á thorhallur.heim-
isson@kirkjan.is.
Sr. Þórhallur Heimisson.
✝ Vilhjálmur Ósk-arsson fæddist í
Hamarsgerði í Lýt-
ingsstaðahreppi í
Skagafirði 18. októ-
ber 1910. Hann lést
8. janúar síðastlið-
inn. Foreldrar Vil-
hjálms voru Óskar Á.
Þorsteinsson bóndi í
Hamarsgerði, f. 6.12.
1873, d. 20.2. 1967,
og kona hans Sigríð-
ur Hallgrímsdóttir,
f. 1.12. 1872, d. 3.9.
1953. Systkini Vil-
hjálms eru Laufey, f.
25.7. 1898, dó ung, Helga, f. 22.1.
1901, d. 27.1. 1998, Steingrímur, f.
1.5. 1903, d. 18.11. 1990, Petrea, f.
30.6. 1904, d. 27.12. 1998, Sigurð-
ur, f. 6.6. 1905, d. 10.8. 1995, Ingi-
björg, f. 20.12. 1906, d. 4.10. 1924,
Margrét, f. 1.6. 1908, d. 30.12.
1926, Skafti, f. 12.9. 1912, d. 7.8
1994, Ármann, f. 1.1. 1914, d.
27.11. 1987, Guttormur, f. 29.12.
1916, og uppeldisbróðir Ragnar
Örn, f. 7.10. 1921, d.11.1. 2005.
Vilhjálmur kvæntist 16. júní
1945 Elísabetu Friðriku Bjarna-
dóttur frá Suðureyri, f. 19.10.
vík. Börn þeirra eru: a) Sigrún
Alda, gift Róbert Petersen, búsett
í Reykjavík, börn þeirra Rebekka
Rut, Aron Freyr og Sveinn Sölvi.
b) Sigurður Bjarni, sambýliskona
Valgerður Ósk Sigurjónsdóttir,
búsett í Kópavogi. c) Óskar Sig-
urður, f. 31.3. 1955, búsettur á
Sauðárkróki. 4) Elísabet Bjarn-
fríður, f. 27.2. 1958, búsett í
Reykjavík. Dóttir hennar og Kára
Sveinssonar er Inga Rún, sam-
býlismaður Abayom Michael Ban-
joko, búsett í Reykjavík. Dóttir
hennar og Þráins Péturssonar er
Helga Bríet.
Vilhjálmur var í Hamarsgerði til
1919 er foreldrar hans fluttust í
Kjartansstaðakot í Staðarhreppi.
Ungur fór hann að heiman í vinnu-
mennsku og önnur tiltæk störf. Á
sínum yngri árum starfaði Vil-
hjálmur meðal annars við jarðar-
bótastörf og fór víða um sveitir því
tilheyrandi. Búskap hóf Vilhjálm-
ur á Mælifellsá árið 1944. Árið
1949 flutti hann síðan í Reiðholt og
bjó þar til 1976 er hann brá búi og
fluttist til Sauðárkróks. Árin þar á
eftir vann Vilhjálmur hjá kaup-
félagi Skagfirðinga, þar til hann
hætti störfum aldurs vegna. Sam-
hliða bústörfum í Reiðholti var
hann lengi meðhjálpari í Mælifells-
kirkju.
Útför Vilhjálms verður gerð frá
Mælifellskirkju í dag og hefst at-
höfnin klukkan 11.
1924, d 27.2. 1958.
Foreldrar hennar
voru Bjarni Guð-
mundur Friðriksson
og Sigurborg Sumar-
lína Jónsdóttir. Börn
Vilhjálms og Elísabet-
ar eru: 1) Karl Ingi-
mar, f. 1.6. 1945,
kvæntur Guðrúnu
Kristmundsdóttur,
búsett á Sauðárkrók.
Börn þeirra eru a)
Kristmundur búsettur
í Reykjavík. Dóttir
hans og Sigurbjargar
Guðjónsdóttur er
Helga Jóna. b) Elísabet, sambýlis-
maður Björgólfur Hávarðarson,
búsett í Noregi, dóttir þeirra er
Andrea. c) Vilhjálmur, sambýlis-
kona Erla Ösp Ingvarsdóttir, bú-
sett í Mosfellsbæ. 2) Laufey Þór-
hildur, f, 16.4. 1950, gift Árna
Pétri Björgvinssyni, búsett á Ak-
ureyri. Börn þeirra eru: a) Vil-
hjálmur, búsettur í Reykjavík. b)
Þorgerður Helga, gift Inga Rafni
Ingasyni, búsett á Akureyri. c)
Sævar Már, búsettur á Akureyri.
3) Sigurlína, f. 10.2. 1953, gift
Sveini Árnasyni, búsett í Reykja-
Elsku afi.
Komin er kveðjustund. Við höfum
notið þess í langan tíma að hafa þig
hjá okkur. Þú tókst alltaf vel á móti
okkur, fyrst á Sæmundargötunni og
nú hin seinni ár á Dvalarheimilinu á
Sauðárkróki þar sem vel var hugsað
um þig. Við færum starfsfólki Dval-
arheimilisins sérstakar þakkir fyrir
umhyggjuna.
Nú hefur þú fengið hvíldina. Nú
ertu kominn aftur til Elsu ömmu. Þó
að það sé erfitt að kveðja vitum við að
þér líður vel. Við erum afar þakklát
fyrir allar samverustundirnar og biðj-
um góðan Guð að varðveita þig.
Þótt ég sé látinn, harmið mig ekki með tárum,
hugsið ekki um dauðann með harmi eða ótta.
Ég er svo nærri, að hvert eitt tár ykkar snert-
ir mig og kvelur, þótt látinn mig haldið. En
þegar þið hlæið og syngið með glöðum hug,
lyftist sál mín upp í mót til ljóssins. Verið glöð
og þakklát fyrir allt sem lífið gefur og ég, þótt
látinn sé, tek þátt í gleði ykkar yfir lífinu.
(Kahlil Gibran.)
Blessuð sé minning þín Villi afi.
Vilhjálmur, Þorgerður Helga
og Sævar Már.
Elsku besti afi.
Við kveðjum þig með miklum sökn-
uði, um leið og við þökkum þér fyrir
allar yndislegu stundirnar sem við
áttum saman, við getum ekki talið
upp allar þær frábæru og notalegu
stundir sem við fengum að njóta með
þér. Þú varst alltaf svo hress og léttur
í lund, hafðir lag á því að láta öllum
líða svo vel í kringum þig. Það var
alltaf svo gaman hjá okkur þegar við
komum og gistum hjá þér. Þú tókst
alltaf á móti okkur með glæsilegu
hlaðborði af heimabökuðum kökum
og gerðir þú heimsins bestu rúllu-
pylsu. Við eigum um þig svo ótal
margar skemmtilegar minningar í
hjörtum okkar, sérstaklega eru okk-
ur eftirminnilegar ferðirnar sem þú
fórst með okkur í sveitina þína, ekki
skemmtir þú þér síður en við krakk-
arnir. Nú ert þú loksins búin að hitta
hana ömmu aftur og eftir því varst þú
búin að bíða lengi. Minning þín er ljós
í lífi okkar.
Þín náðin, Drottinn, nóg mér er,
því nýja veröld gafstu mér,
í þinni birtu’ hún brosir öll,
í bláma sé ég lífsins fjöll.
(Einar H. Kvaran.)
Við kveðjum þig með söknuði,
elsku afi Villi.
Sigrún Alda og Sigurður Bjarni.
Í dag verður til moldar borinn að
Mælifelli í Skagafirði öðlingsmaður-
inn og öldungurinn Vilhjálmur Ósk-
arsson, fyrverandi bóndi að Reiðholti
í Lýtingsstaðahreppi, síðar búsettur
á Sauðárkróki. Vilhjálmur var
tengdafaðir Sveins sonar míns, sem
er kvæntur Sigurlínu dóttur Vil-
hjálms. Sameiginleg auðlegð okkar
Vilhjálms, sem ávallt tengdi okkur
sterkum vináttuböndum, eru afa-
börnin okkar, börn og barnabörn
Sveins og Sigurlínu, auk hins hlýja
vinarþels er ég og Sigríður heitin
kona mín urðum ávallt aðnjótandi þá
er við sóttum hann heim í Skagafirði
eða nutum samverustunda með hon-
um á öðrum vettvangi. Genginn er
góður og mikils virtur heiðursmaður,
faðir, tengdafaðir, afi og langafi, sem
dáður var og elskaður af börnum sín-
um, ættingjum og vinum.
Fjölskylda mín vottar öllum ætt-
ingjum Vilhjálms dýpstu samúð og
biður honum blessunar almættisins
er hann nú, eftir langt og farsælt ævi-
starf, hverfur héðan til hins þráða
fyrirheitna lands ljóss og friðar þar
sem bíða hans í varpa og taka á móti
honum ástkær eiginkona, sem hann
hefir saknað frá því hún lést árið
1958, tryggðarband sem aldrei var
rofið, og margir aðrir kærir vinir
hans og samtíðarmenn.
Blessuð sé minning Vilhjálms Ósk-
arssonar.
Árni Kr. Þorsteinsson.
Á árunum milli 1972 og 1976 áttu
litlir fætur oft brýnt erindi spölinn
stutta til Villa í Reiðholti til að horfa á
barnatímann áður en sjónvarp kom í
Mælifell, eða til að spjalla og þiggja
góðgerðir. Við systkinin, Lalli og
Maja, nutum þeirrar gæfu að fá að
alast upp undir vernd Vilhjálms Ósk-
arssonar, sem var okkur afi og amma
í senn, meðhjálpari í mörgum skiln-
ingi. Hann var sú manneskja, sem
stóð hjarta mínu næst þessi bernsku-
ár í Skagafirðinum. Alltaf var Villi
glaður og góður við börnin prests-
hjónanna, þolinmóður og þrautgóður
í raun, barnfóstran besta heima og
heiman. Hann var að sönnu ekki rík-
ur að veraldlegum auð, en því auðugri
að ástúð og elskusemi. Ber ég afkom-
endum hans kveðju foreldra minna
og bróður, sem sakna vinar í stað.
Við eldavélina í eldhúsinu í Reið-
holti var gott að sitja. Þarna bjuggu
þeir saman feðgar, Villi og Óskar, eft-
ir sviplegt fráfall húsfreyjunnar, sem
hann Villi minn elskaði afar heitt alla
tíð. Sjálfur var hann prýðis húsmóðir
og hélt heimili af miklum myndar-
brag. Gestrisni hans naut ég og eftir
að þeir feðgar fluttu á Sæmundargöt-
una. Ferðin upp stigann bratta var
sannarlega erfiðisins virði, því þegar
upp var komið bar Villi á borð kræs-
ingar og mikið var spjallað um menn
og málefni.
En Mælifell varð ekki samt eftir að
hann fór frá Reiðholti. Það var mikil
sorg átta ára telpu að missa hann
Villa sinn út á Krók, svo hlýjan og
hugsunarsaman. Tómlegt var að
horfa út eftir, þar sem áður var ljós öll
kvöld, viðbrigðin mikil. Ljósið, sem
Vilhjálmur Óskarsson hafði kveikt
innra með mér, hvarf þó ekki, ljós
umhyggjunnar, ljós þess, sem lætur
sér annt um litla sál og veitir henni
skjól ef á bjátar.
Alltaf héldust tengslin, þó fyrst höf
og svo heiðar skildu að eftir að við
fluttum úr Skagafirðinum. Lengi vel
hringdi Villi í mig á Þorláksmessu og
var það alltaf jafn skemmtilegt og
gefandi. Svo kom að því að hann hætti
að hringja, en auðvitað heimsótti ég
hann ef leiðin lá norður á Sauðárkrók
og átti stundum það erindi brýnast.
Síðast sá ég þennan aldavin minn um
Jónsmessuna sumarið 2003 og kom
þá til hans daglega á ellideildina á
meðan ég dvaldi á Króknum. Þá tal-
aði Villi mikið um konuna sína elsku-
legu, og var auðheyrt að hann var far-
inn að hlakka til endurfundanna.
Verður hann lagður til hinstu hvílu
við hlið hennar í Mælifellskirkju-
garði, rétt við húsið á holtinu, sem
lýsir nú aftur upp næturmyrkrið með
komu nýrra kynslóða.
Um nýliðin jól hugsaði ég mikið til
Villa míns, en fregnaði að ekki myndi
hann geta talað við mig í síma, minnið
bilað meira en síðast, þó enn væri lík-
aminn hraustur. En nú er hann kom-
inn þangað sem hjarta hans þráði, í
faðm frelsarans, sem hefur hann
hólpinn leitt inn í sitt himneska ríki.
Vilhjálmur Óskarsson var sonur
ljóssins og sonur dagsins. Lof sé Guði
fyrir lífið hans.
María Ágústsdóttir
frá Mælifelli.
VILHJÁLMUR
ÓSKARSSON
Morgunblaðið birtir minningar-
greinar alla útgáfudagana.
Lengd Minningargreinar séu ekki
lengri en 2.000 slög (stafir með
bilum - mælt í Tools/Word Count).
Ekki er unnt að senda lengri grein.
Hægt er að senda örstutta kveðju,
HINSTU KVEÐJU, 5-15 línur, og
votta þeim sem kvaddur er virð-
ingu sína án þess að það sé gert
með langri grein. Ekki er unnt að
tengja viðhengi við síðuna.
Formáli Minningargreinum fylgir
formáli, sem nánustu aðstandend-
ur senda inn. Þar koma fram upp-
lýsingar um hvar og hvenær sá,
sem fjallað er um, fæddist, hvar og
hvenær hann lést, um foreldra
hans, systkini, maka og börn og
loks hvaðan útförin fer fram og
klukkan hvað athöfnin hefst. Ætl-
ast er til að þetta komi aðeins fram
í formálanum, sem er feitletraður,
en ekki í minningargreinunum.
Undirskrift Minningargreinahöf-
undar eru beðnir að hafa skírnar-
nöfn sín en ekki stuttnefni undir
greinunum.
Minningar-
greinar
KIRKJUSTARF