Morgunblaðið - 18.01.2005, Blaðsíða 20
20 ÞRIÐJUDAGUR 18. JANÚAR 2005 MORGUNBLAÐIÐ
MINNSTAÐUR
AKUREYRI
LANDIÐ
Hólmavík | Efnt var til mikillar hátíð-
ar á Hólmavík um helgina í tilefni
þess að Íþróttamiðstöðin var form-
lega tekin í notkun. Með því rættist
langþráður draumur margra íbúa
enda hafa verið umræður um bygg-
ingu sundlaugar frá því í seinni
heimsstyrjöldinni.
„Það er orðin almenn krafa í sam-
félaginu að hafa tiltekna þjónustu til
þess að fólk vilji halda áfram að búa á
svona stöðum og flytji til þeirra. Með-
al þess er íþróttahús og sundlaug sem
þjónar einnig ferðafólki og við
kennslu nemenda grunnskólans,“
segir Haraldur V. A. Jónsson, oddviti
hreppsnefndar Hólmavíkurhrepps.
Við vígsluathöfnina klipptu forystu-
menn beggja fylkinganna í hrepps-
nefnd, þeir Haraldur og Eysteinn
Gunnarsson, saman borða til marks
um opnun Íþróttamiðstöðvarinnar og
nutu aðstoðar fulltrúa eldri og yngri
kynslóðanna í hreppnum. Var það
táknrænt fyrir þá miklu samstöðu
sem var um byggingu mannvirkisins.
Við athöfnina var sagt frá byggingu
Íþróttamiðstöðvarinnar, farið í íþrótt-
ir og leiki. Þingmenn og fulltrúar ná-
granna og íþróttahreyfingarinnar
fluttu kveðjur og árnaðaróskir. Að
lokum var boðið upp á tónlist, leiklist
og kaffi í félagsheimilinu.
Haraldur segir að farið hafi verið
að ræða um byggingu sundlaugar á
árinu 1943. „Menn hafa verið að ræða
þetta fyrir hverjar einustu kosningar
síðan. Fyrir síðustu kosningar lét frá-
farandi hreppsnefnd bjóða út Íþrótta-
miðstöð og það var fyrsta verk núver-
andi hreppsnefndar að opna tilboðin,“
segir Haraldur.
Sala Orkubúsins
lagði grundvöllinn
Fyrir rúmum tíu árum var byggður
fjölnota salur, félagsheimili. Þar hef-
ur íþróttakennsla nemenda grunn-
skólans farið fram. Til stóð að tvö-
falda salinn og gera að íþróttahúsi en
horfið var frá því, að sögn Haraldar
vegna þess að ekki hefði náðst lögleg-
ur keppnisvöllur í körfuknattleik í
slíku húsi. Byrjað var á sundlaugar-
bygginu og þjónustuhúsi og síðan
ákveðið að stíga skrefið til fulls og
byggja íþróttahús þar við. „Við höfum
slæma reynslu af því hér að ætla að
ljúka verkunum síðar, eins og sést á
félagsheimilinu,“ segir Haraldur.
Farið var í þessa framkvæmd í
tengslum við sölu Hólmavíkurhrepps
á hlut sínum í Orkubúi Vestfjarða.
Fékk hreppurinn tæpar 150 milljónir
kr. fyrir hann. Var það svipuð fjárhæð
og fyrstu kostnaðaráætlanir fyrir
Íþróttamiðstöðina. Síðar kom í ljós að
áætlunin var röng, Haraldur segir að
ýmislegt hafi vantað inn í hana og
heildar byggingarkostnaður við
Íþróttamiðstöðina varð um 213 millj-
ónir kr. „Já, ég hugsa að við hefðum
gert það. En þá er spurning hvort við
hefðum reynt að byggja ódýrara hús.
Menn sáu að ef þetta yrði ekki gert
núna yrði ekki farið út í slíka fram-
kvæmd á næstu árum,“ segir Harald-
ur þegar hann er spurður að því hvort
hann teldi að ráðist hefði verið í bygg-
ingu Íþróttamiðstöðvarinnar ef menn
hefðu í upphafi vitað að hún myndi
kosta 213 milljónir.
Trésmiðja Guðmundar Friðriks-
sonar í Grundarfirði byggði húsið eft-
ir teikningum Arkís ehf.
Félagsmiðstöð
í pottunum
Sundlaugin sem er 25 metra úti-
laug með heitum potti, gufubað og
þjónusta tilheyrandi henni var tekin í
notkun um miðjan júlí í sumar. Mikil
aðsókn var að sundlauginni frá fyrsta
degi og fram til 10. ágúst en á þessum
tíma komu 190 til 250 gestir í laugina
á hverjum degi. Eftir það minnkaði
aðsókin. „Það var eins og vegurinn við
Brú hefði verið grafinn í sundur,
ferðafólkið hætti að koma,“ segir
Gunnar S. Jónsson, forstöðumaður
Íþróttamiðstöðvar og félagsheimilis.
Hann áætlar að um helmingur gest-
anna í sumar hafi verið ferðafólk.
Haraldur oddviti telur að sundlaugin
muni styrkja ferðaþjónustu sem farið
Hólmvíkingar voru í hátíðarskapi þegar Íþróttamiðstöðin var formlega tekin í notkun
Þjónusta sem krafist
er í samfélaginu
Morgunblaðið/Helgi Bjarnason
Kollhnís Við vígsluathöfnina voru sýndir fimleikar. Börnin biðu stillt eftir
því að röðin kæmi að þeim.
FJÖLDI fólks var á skíðum og snjóbrettum í Hlíðarfjalli um
helgina og þá sérstaklega á laugardag. Guðmundur Karl
Jónsson, forstöðumaður Skíðastaða, sagði að 600–800 manns
hefðu verið á skíðum á laugardag og mikið fjör. Sunnudag-
urinn fór vel af stað en eftir hádegið snerist vindur í suð-
vestanátt og þá varð að loka svæðinu. Nýtt færiband fyrir
börn og byrjendur var tekið í notkun á laugardag. Færiband-
ið er 42 metra langt og er rétt ofan við skíðaskálann. „Þetta
er mikil bylting fyrir yngstu börnin og eykur sjálfstraust
þeirra til mikilla muna. Þessi óvönu þurfa ekki lengur að
reyna að hanga í toglyftunni, eða að foreldrar þurfi að vera
með þau á milli fóta sér í toglyftunni með misjöfnum ár-
angri.“
Guðmundur Karl sagði að skíðavertíðin færi vel af stað og
að sala á árskortum hefði gengið vel. Lyftan í Strýtu var
gangsett á laugardag, þótt enn vanti þar aðeins meiri snjó.
„Þetta er spurning um að toppa á réttum tíma. Í fyrra topp-
uðum við fyrstu vikuna í febrúar og svo var allt búið.“
Morgunblaðið/Kristján
Skíðakennsla Fjöldi fólks var á skíðum í Hlíðarfjalli um helgina og m.a. voru um 20 börn á námskeiði í skíðaskólanum.
Nýtt færiband í Hlíðarfjalli
Bylting fyrir yngstu börnin
Morgunblaðið/Kristján
Nýja færabandið í Hlíðarfjalli er bylting fyrir börnin.
Grýtubakkahreppur | Átta kindur, tvær ær og sex lömb,
voru sóttar í Fjörður á sunnudag en vélsleðamenn sem
voru á ferð í Þorgeirsfirði á laugardag urðu þeirra varir.
Þórarinn Ingi Pétursson bóndi í Laufási og einn leiðang-
ursmanna sagði að ferðin hefði gengið ágætlega en færið
hafi verið nokkuð þungt. Sex menn á vélsleðum fóru eftir
kindunum, sem voru við eyðibýlið Botn og voru fjórar
þeirra ferjaðar til byggða í þotu aftan í vélsleða en hinar
fjórar voru reiddar á öðrum sleðum. Þórarinn sagði að
vel hefði gengið að nálgast kindurnar, sem voru hinar ró-
legustu. „Kindurnar voru ágætlega á sig komnar en
hefðu ekki mátt vera þarna mikið lengur. Þær voru
ánægðar með að fá hey við heimkomuna og lömbin fóru
strax að éta.“
Þórarinn sagðist vita um átta kindur til viðbótar í
Keflavík. „Við þurfum að ná þeim af sjó en til þess að
það sé hægt þarf veðrið að vera gott en tíðarfarið hefur
verið hundleiðinlegt í nánast allt haust.“
Morgunblaðið/Jónas Baldursson
Kindur sóttar Leiðangursmenn með kindurnar við Botn
í Þorgeirsfirði í Fjörðum.
Átta kindur
sóttar í Fjörður
Skákmót | KB banki og Skákfélag Akureyrar standa
fyrir barna- og unglingamóti laugardaginn 22. janúar í
Lundarskóla.
Mótið hefst kl. 11.00 og veitt verða þrenn verðlaun í 10
aldursflokkum, þar af tveimur stúlknaflokkum. KB banki
mun bjóða upp á veitingar og eru börn og unglingar á
grunnskólaaldri hvött til að mæta.
♦♦♦