Morgunblaðið - 18.01.2005, Blaðsíða 38

38 ÞRIÐJUDAGUR 18. JANÚAR 2005 MORGUNBLAÐIÐ
FRÉTTIR
MAX Euwe varð heimsmeistari
árið 1935 þegar hann bar sigurorð af
Alexander Aljékín í heimsmeistara-
einvígi sem fram fór í Hollandi. Þessi
niðurlenski stærðfræðingur gerðist
aldrei atvinnumaður í skák þó að
hann næði æðstu metorðum í skák-
listinni. Frá þessum tíma hefur
skáklíf í Hollandi alltaf verið öflugt.
Eftir að peningaflæði jókst í skák-
heiminum eftir heimsmeistaraein-
vígi aldarinnar árið 1972 voru mörg
af sterkustu skákmótum heims hald-
in í landinu þar sem túlípanar vaxa á
hverju strái. Það má segja að Jan
Timman hafi tekið við hlutverki eina
hollenska heimsmeistarans og verið
öðrum þarlendum skákmönnum fyr-
irmynd og hvatning til frekari met-
orða. Hann komst nokkrum sinnum
nærri því að verða heimsmeistari og
til að mynda tefldi hann heimsmeist-
araeinvígi við Anatoly Karpov árið
1993. Hin síðari ár hefur gengi hans
verið brokkgengt þó að hann hafi á
hverju ári fengið tækifæri til að tefla
við þá bestu í heimi á stærstu
skákhátíð Hollendinga sem haldin er
árlega í janúar í sjávarbænum Wijk
aan Zee. Á þessu tímabili hefur nið-
urstaðan jafnan orðið sú að hann hef-
ur vermt neðsta sætið en það hefur
ekki komið í veg fyrir að hann hafi
tekið þátt að ári liðnu. Í ár bregður
hins vegar svo við að þessi mikla
kempa er ekki á meðal keppenda.
Það rýrir þó engan veginn hið glæsi-
lega mannval sem A-flokkur skákhá-
tíðarinnar hefur upp á bjóða. Með-
alstig flokksins eru hvorki meira né
minna en 2.721 stig! Næstu flokkar
fyrir neðan eru ekki heldur af verri
kantinum, í B-flokknum eru meðal-
stigin 2.564 og í C-flokknum eru þau
2.422 stig. Augu flestra beinist að
keppninni í A-flokki en þar tefla allir
tíu stigahæstu skákmenn heims fyrir
utan Garry Kasparov, Etienne Bacr-
ot og Alexey Shirov. Fyrstu tvær
umferðir mótsins lofa svo sannar-
lega góðu. Baráttan hefur verið í fyr-
irrúmi og óvænt úrslit hafa litið
dagsins ljós. Heimsmeistarinn, Vlad-
imir Kramnik, þurfti að láta sér
lynda jafntefli í fyrstu umferð gegn
stigalægsta keppandanum, Lazaro
Bruzon (2.652) frá Kúbu, en önnur
umferðin varð þó honum þungbær-
ari þegar hann mætti búlgarska
stórmeistaranum Veselin Topalov
sem er númer þrjú á stigalista
FIDE.
Hvítt: Vladimir Kramnik (2.754)
Svart: Veselin Topalov (2.757)
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 a6 6. Be3 e6 7. f3 b5
8. g4 h6 9. Dd2 b4!? 10. Ra4 Rbd7 11.
0–0–0 Re5
Þetta ku vera nýjung en áður hef-
ur 11. … Dc7 sést. Hvítur afræður að
taka áskoruninni og hirða peðið á b4.
Sú ákvörðun er rökrétt en halda
verður rétt á spöðunum í framhald-
inu ella reynast gagnfæri svarts of
öflug.
12. Dxb4 Bd7
Nú þegar er komin upp afar flókin
staða og virðist sem Topalov hafi
verið mun betur undir hana búinn en
Kramnik. Viðbrögð heimsmeistar-
ans reynast afar fálmkennd.
13. Rb3?
Þessi órökrétti leikur gengur út á
það að ná tökum á b6-reitnum og
varna því að svartur nái að notfæra
sér b-línuna. Hins vegar gengur
þetta ekki upp. Nauðsynlegt var að
leika 13. Rc3 og eftir 13. … d5 14.
Db7 er staðan óljós.
13. … Hb8 14. Da3
Staða hvítu mannanna er afar hjá-
kátleg og hlutverk drottningar á a3
getur vart verið annað en það að
koma í veg fyrir að hún falli. Kramn-
ik ku hafa misst af því að eftir 14.
Rb6 Rc6 15. Da4 Hxb6 16. Bxb6
Dxb6 17. Dxa6 De3+ stendur svart-
ur vel að vígi.
14. … Rxf3 15. h3?
15. Bxa6 hefði kannski frekar veitt
mótspyrnu.
15. … Rxe4 16. Be2 Re5 17. Hhe1
Dc7 18. Bd4 Rc6 19. Bc3 d5 20. Rbc5
Da7 og hvítur gafst upp þar eð eftir
21. b4 a5 22. Rxd7 axb4 er staða hans
að hruni komin. Þessi byrjun hjá
heimsmeistaranum lofar ekki góðu
og gerðu sumir netmiðlar ómeðvitað
þau mistök að kalla hann fyrrverandi
heimsmeistara! Það er vissulega of
snemmt að fullyrða þetta en sá sem
gerði harða atlögu að heimsmeist-
aratign hans sl. haust, Peter Leko,
mætti frískur til leiks gegn öðrum
stigahæsta skákmanni heims, Ind-
verjanum Viswanathan Anand.
Hvítt: Viswanathan Anand (2.786)
Svart: Peter Leko (2.749)
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 e5 6. Rdb5 d6 7.
Bg5 a6 8. Ra3 b5 9. Bxf6 gxf6 10.
Rd5 f5 11. c3 Bg7 12. exf5 Bxf5 13.
Rc2 0–0 14. Rce3 Be6 15. Bd3 f5 16.
0–0 Ha7 17. a4 Re7 18. Rxe7+ Hxe7
19. axb5 axb5 20. Bxb5 d5 21. Ha6 f4
Svesnikov-afbrigðið í Sikileyjar-
vörn er svo sannarlega orðið eitt af
þrætubókarafbrigðum skáklistar-
innar. Það þykir standa vel að vígi í
fræðunum og hefur reyndin einnig
verið sú í skákum bestu skákmanna
heims.
22. Rc2!?
Alþjóðlegi meistarinn Jón Viktor
Gunnarsson benti á það á Skákhorn-
inu að í skákbók eftir stórmeistarann
Dorian Rogozenko var sú hugmynd
nefnd að fórna skiptamun þar eð eft-
ir 22. Hxe6 Hxe6 23. Dxd5 Dxd5 24.
Rxd5 Kh8 25. b4 væri staðan hugs-
anlega aðeins betri á hvítt. Texta-
leikurinn undirbýr komu riddarans á
b4 en Leko svarar því með að ská-
setja hvítreita biskup sinn og koma
drottningu sinni fyrir á d6.
22. … Bc8 23. Ha8 Dd6 24. Rb4
Bb7 25. Ha7?
Afdrifarík mistök. Það má leiða að
því líkum að hvítur standi betur að
vígi eftir 25. Hxf8 Kxf8 26. Dh5.
Leko hefur afbragðsskilning á takt-
ískum færum afbrigðis þess og verð-
ur Anand fyrir barðinu á því.
25. … d4! 26. Ba6
26. … Bxg2!
Einfalt og áhrifaríkt. Hvítur getur
ekki tekið hrókinn á e7 vegna 27. …
Dg6! Anand taldi sig geta leikið 27.
Db3+ en þá hefði komið 27. … Bd5!
28. Rxd5 Hxa7 og svartur hefur
skiptamun meira og fráskákir hvíts
með riddara leiða ekki til neins. Ind-
verjinn snjalli reynir í framhaldinu
að berjast um á hæl og hnakka en
það gat ekki bjargað skákinni.
27. Bc4+ Kh8 28. Ha6 Dc5 29.
Kxg2 f3+ 30. Kh1 Dxc4 31. Hc6 Db5
32. Hd6 e4!
Peð svarts á miðborðinu eru orðin
óárennileg svo hvítur afræður að
fórna skiptamun til að blíðka goðin.
33. Hxd4 Bxd4 34. Dxd4+ De5 35.
Dxe5+ Hxe5 36. Rc2 Hb8 37. Re3
Hc5 38. h3 Hxb2 39. c4 Hg5 40. Kh2
Kg8 41. h4 Hg6
Endataflið er unnið á svart en það
tekur nokkurn tíma að innbyrða
vinninginn.
42. Kh3 Kf7 43. Rf5 Hc2 44. Re3
Hd2 45. c5 Ke6 46. c6 Hg8 47. c7
Hc8 48. Kg3 Hxc7 49. Kf4 Hd4 50.
Ha1 Hf7+ 51. Kg3 Hd8 52. Ha6+
Ke5 53. Rg4+ Kd5 54. Rf6+ Hxf6
55. Hxf6! Ke5 56. Hh6 Hg8+ 57. Kh3
e3 og hvítur gafst upp.
Michael Adams hefur ásamt Peter
Leko einn og hálfan vinning eftir
fyrstu tvær umferðirnar en Veselin
Topalov leiðir mótið með fullu húsi.
Judit Polgar vann góðan sigur á Pet-
er Svidler í fyrstu umferð en þurfti
svo að lúta í lægra haldi gegn Ruslan
Ponomarjov. Keppni í B-flokknum
byrjar einnig fjörlega og hefur
undrabarnið norska Magnus Carl-
sen einn og hálfan vinning af tveimur
mögulegum. Azerinn og nýstirnið
Shikhriyar Mamedyarov (2.657) og
hollenski stórmeistarinn Daniel
Stellwagen (2.524) leiða mótið með
tvo vinninga. Í C-flokknum er Nat-
alia Zhukova (2.465) efst með tvo
vinninga en nokkrir skákmenn koma
í humátt á eftir með 1½ vinning.
Hægt er að fylgjast með gangi mála í
beinni útsendingu á Netinu. Bæði
býður skákþjónninn ICC upp á slíkt
sem og heimasíða mótsins http://
www.coruschess.com/.
Skákveisla
í Hollandi
SKÁK
Wijk aan Zee
daggi@internet.is
Helgi Áss Grétarsson
CORUS-SKÁKHÁTÍÐIN
14. janúar – 30. janúar 2005 Anand og Leko að tafli.
Kramnik og Topalov við upphaf sinnar stuttu viðureignar.
Ekki sett ofan í
við Tryggingastofnun
VIÐ vinnslu fréttar um niðurstöðu úrskurðarnefndar
almannatrygginga um mál starfsmanns ferðaskrif-
stofu sem slasaðist, og birtist í blaðinu sl. sunnudag,
urðu þau mistök að vitnað var í greinargerð lögmanns
kæranda sem niðurstaða nefndarinnar væri. Hið rétta
er að úrskurðarnefndin setti ekki ofan í við Trygg-
ingastofnun fyrir að mótmæla Hæstarétti, eins og stóð
í undirfyrirsögn og niðurlagi fréttarinnar, heldur voru
þau orð úr greinargerð lögmanns kæranda. Er beðist
velvirðingar á þessum leiðu mistökum.
Úrskurðarnefndin féllst á það með Tryggingastofn-
un að meta verði sjálfstætt í málinu hvort skilyrði al-
mannatryggingalaga um bætur séu uppfylltar að lög-
um. Dómur Hæstaréttar hafi snúist um bótarétt
kæranda gagnvart ábyrgðartryggingu vinnuveitanda
og hafi því ekki fordæmi í málinu. Hins vegar telur úr-
skurðarnefndin að leggja beri til grundvallar atvikalýs-
ingu í dómi Hæstaréttar og mat á framburði vitna og
mat réttarins á stöðu stefnenda gagnvart fyrirtækinu
er slysið varð.
Ingveldur Ó. Björnsdóttir
ÞAU mistök urðu við birtingu minningargreina um
Ingveldi Ó. Björnsdóttur laugardaginn 15. janúar að
niður féll nafn sonarsonar Ingveldar, Skarphéðins
Freys Ingasonar einkaþjálfara, f. 26. mars 1977. Hlut-
aðeigandi eru beðnir afsökunar á mistökunum.
LEIÐRÉTT
HÁSKÓLINN í Reykjavík (HR) brautskráði
samtals 63 nemendur frá tölvunarfræði- og
viðskiptadeildum við hátíðlega athöfn í HR
sl. laugardag. Af þeim útskrifuðust alls 28
kandídatar með BS í tölvunarfræði, 10 úr
kerfisfræði, 23 með BS í viðskiptafræði og
tveir með diplómu í viðskiptafræði.
Þór Sigfússon, framkvæmdastjóri Versl-
unarráðs Íslands, flutti hátíðarávarp við at-
höfnina, en auk hans fluttu Guðfinna S.
Bjarnadóttir, rektor HR, og Valdimar Að-
alsteinsson, fulltrúi útskriftarnema, ávörp.
Verslunarráð Íslands veitti verðlaun fyrir
framúrskarandi námsárangur og að þessu
sinni hlutu þrír kandídatar verðlaun. Pétur
Runólfsson hlaut verðlaun fyrir fram-
úrskarandi námsárangur í tölvunar-
fræðideild, en hann útskrifaðist með ein-
kunnina 9,54, sem er hæsta einkunn sem
nemandi í tölvunarfræðideild HR hefur
hlotið frá upphafi. Þá hlutu Grímur Gríms-
son og Valdimar Aðalsteinsson verðlaun
fyrir hæstu einkunn í viðskiptadeild, en
þeir voru báðir með einkunnina 8,58.
Morgunblaðið/Golli
Þór Sigfússon, framkvæmdastjóri Verslunarráðs, Jón Karl Ólafsson, formaður Verslunarráðs, Guðfinna S. Bjarnadóttir, rektor HR, og
Gísli Hjálmtýsson, forseti tölvunarfræðideildar HR.
Brautskráning frá Háskólanum í Reykjavík