Morgunblaðið - 25.01.2005, Blaðsíða 15

MORGUNBLAÐIÐ ÞRIÐJUDAGUR 25. JANÚAR 2005 15
ERLENT


 

     
 
 



 

  


 
 
  


 

   
 ! 
       " 

       # $
%  
 
 

  "
 !





 
 


  




 

 
 
 % $
% "
  

 
 " 

 ' (
 !
)  *
 '  

* (
 

 



 
   
  
    "!

& "
  
  


 
    (
&
   
 !
 
+

#! !  * 
,,! 
!
 

!- !  !

! ./0&,1/0
!"#
+

,,!  !  * 
,0!  

!  ! 
,.  11
 
 
 ! ,0&,#!
Heimsferðir bjóða beint flug til Barcelona alla föstudaga í sumar á hreint
frábærum kjörum. Þú getur valið um flugsæti eingöngu, flug og bíl á frá-
bærum kjörum eða eitt af okkar vinsælu hótelum í hjarta Barcelona.
Bókaðu fyrir 15.mars og tryggðu þér bestu kjörin.
Skógarhlíð 18, sími 595 1000.
www.heimsferdir.is
Verð kr. 23.990
Flugsæti með sköttum. 20.maí.
Verð kr. 48.890
Flug og gisting í 5 nætur, Hotel Silken,
glæsilegt 4 stjörnu hótel. 27.maí.
Munið Mastercard
ferðaávísunina
Morgunflug alla föstudaga í sumar
Salan er hafin
Tryggðu þér besta verðið
til Barcelona í sumar
Barcelona
í sumar
frá kr. 23.990
Heimsferðir kynna glæsileg ný 4 stjörnu hótel í hjarta Barcelona
Kynntu þér málið á www.heimsferdir.is
GERHARD Schröder, kanslari Þýskalands, hefur formlega sett eða
opnað svokallað „Einstein-ár“ en þess er nú minnst, að 100 ár eru liðin
síðan Albert Einstein setti fram þrjár af þeim fjórum kenningum sínum,
sem breytt hafa allri heimsmyndinni.
„Einstein-árið“ í Þýskalandi ber upp á „Ár eðlisfræðinnar“, sem er á
vegum Sameinuðu þjóðanna og er ætlað að auka áhuga á þessari fræði-
grein. Verður Einsteins minnst með ýmsum hætti en þó einkum sem
„frjálshuga manns, friðarsinna, heimsborgara og sjáanda“, sem bylti
allri heimssýn vísindanna aðeins 26 ára gamall.
Einstein fæddist árið 1879 í borginni Ulm og 1905 setti hann fram
þrjár af grundvallarkenningum sínum. Þá lýsti hann hreyfingu hluta,
svokallaðri brownshreyfingu, stærðfræðilega og gerði með því kleift að
sanna tilvist frumeinda með tilraunum. Einstein skilgreindi einnig ljós-
ið sem orkueindir, ljóseindir, og fyrir það hlaut hann Nóbelsverðlaunin
í eðlisfræði 1921. Þriðja afrekið á þessu merka ári var takmarkaða af-
stæðiskenningin en almennu afstæðiskenninguna setti hann fram 1916.
Einstein var af gyðingaættum og eftir að nasistar komust til valda í
Þýskalandi 1933 flýði hann til Bandaríkjanna og gerðist kennari við
Princeton-háskóla.
„Einstein-ár“ í Þýskalandi
Berlín. AFP.
BRESKI Íhaldsflokkurinn hyggst
segja upp aðild landsins að Flótta-
mannasáttmála Sameinuðu þjóð-
anna frá 1951 og setja þak á fjölda
fólks sem fær pólitískt hæli í Bret-
landi á hverju ári ef hann sigrar í
næstu kosningum, að sögn Michaels
Howards, leiðtoga flokksins. „Millj-
ónir manna í öðrum löndum myndu
vilja fá að koma hingað og setjast hér
að. Bretland getur ekki tekið við
þeim öllum,“ sagði Howard þegar
hann kynnti hugmyndirnar í ræðu í
gær. Hann vísar því á bug að hug-
myndin sé merki um kynþáttafor-
dóma.
Sjálfur er Howard sonur gyðinga
sem komu til Bretlands 1939 eftir að
hafa flúið ofsóknir í Rúmeníu. „Ég
held að flest fólk sé sammála því að
komið sé að þáttaskilum í Bretlandi,“
sagði Howard. „Fólk veit að sam-
félag okkar getur ekki með góðu
móti tekið við jafn mörgu nýju fólki
og reyndin er núna. En ríkisstjórn
[Tonys] Blairs hefur hunsað áhyggj-
ur almennings.“ Howard segir að
nær 160.000 manns frá öðrum lönd-
um setjist að í Bretlandi ár hvert og
telur að tillögurnar geti orðið til þess
að brjóta á bak aftur glæpahópa sem
flytja innflytjendur til Bretlands
gegn gjaldi.
Farið verði yfir umsóknir
í flóttamannabúðum SÞ
Auk þess að setja þak á fjölda inn-
flytjenda og flóttamanna vill Howard
að tekið verði upp punktakerfi þegar
veitt er landvist. Er þá m.a. tekið til-
lit til menntunar umrædds innflytj-
anda og þess hvort hann á ættingja
fyrir í Bretlandi. Einnig yrði farið yf-
ir umsóknirnar um pólitískt hæli í
flóttamannabúðum á vegum SÞ, en
ekki í Bretlandi. Andstæðingar mik-
ils innflutnings á fólki benda á að
þegar fólk sé á annað borð komið til
Bretlands geti það auðveldlega látið
sig hverfa í mannhafið. Vilja íhalds-
menn að sett verði lög sem heimili að
flóttamenn sem augljóslega hafi
skrökvað til um aðstæður sínar verði
þegar í stað fluttir úr landi.
Framkvæmdastjórn Evrópusam-
bandsins sagði í gær að það myndi
vera í andstöðu við reglur sambands-
ins að segja upp sáttmálanum frá
1951 en í honum er kveðið á um
skyldu aðildarríkjanna til að veita
hæli fólki sem elur með sér „vel rök-
studdan ótta við ofsóknir“. Að sögn
Howards myndi nýja kerfið sem
hann leggur til gagnast betur raun-
verulegum flóttamönnum, þ.e. fólki
sem raunverulega óttast ofsóknir en
notar þær ekki sem yfirvarp, en gild-
andi reglur. Sagði hann að aðeins
20% þeirra sem bæru fyrir sig of-
sóknir í heimalandinu reyndust vera
raunverulegir flóttamenn. Eitt af því
sem hefur verið gagnrýnt mjög er
hve langan tíma það taki að fara yfir
umsóknir og sannreyna upplýsingar
fólksins.
Yfirmaður nefndar sem á að vinna
að jöfnum rétti allra kynþátta, Trev-
or Phillips, var hvassyrtur um tillög-
ur Howards. „Þetta snýst í reynd
ekki um aðra Evrópumenn. Þetta
snýst um að halda fyrir utan fólki
sem er með annað litaraft eða úr öðr-
um menningarheimi,“ sagði hann í
viðtali við breska ríkisútvarpið,
BBC, í gær, að margir kjósendur
myndu segja með sjálfum sér.
Howard sagði um þessa gagnrýni
að um ógeðfelldar dylgjur væri að
ræða. „Þetta kemur ekkert kynþætti
við. Þetta snýst um að ræða á heið-
arlegan og opinskáan hátt fjölda inn-
flytjenda.“ Skoðanakannanir hafa
gefið til kynna að almenningur í
Bretlandi hafi miklar áhyggjur af
fjölda innflytjenda og er talið að mál-
ið gæti aukið stuðning við Íhalds-
flokkinn í næstu þingkosningum sem
gert er ráð fyrir að verði í vor.
Howard vill kvóta á
fjölda innflytjenda
Segir Breta ekki geta tekið við milljónum manna
London. AFP.
Reuters
Michael Howard, leiðtogi Íhaldsflokksins, á leið af fundi í London í gær þar
sem hann greindi frá tillögum sínum um takmarkanir á fjölda innflytjenda.
GRÆNLENSKA heimastjórnin
heldur fast við áætlanir um að leyfa
ferðamönnum að veiða hvítabirni og
fá feldinn sem minjagrip, þrátt fyrir
mótmæli frönsku leikkonunnar Brig-
itte Bardot. Ráðherra sjávarútvegs
og dýraveiða, Rasmus Frederiksen,
sagði í gær að reglurnar um veiðarnar
yrðu birtar í sumar þegar búið væri
að ákveða hve marga birni mætti
veiða.
Um 2.700 atvinnuveiðimenn eru á
Grænlandi og hafa þeir á síðustu ár-
um reynt að fá fjárhagslegan stuðn-
ing frá stjórnvöldum vegna þess að
veiðidýrum hefur fækkað í kjölfar
hlýnandi loftslags.
Brigitte Bardot sendi Margréti
Danadrottningu, þjóðhöfðingja
Grænlendinga, nýlega bréf og sagðist
hafa barist fyrir því árum saman að
selveiðar Kanadamanna og Norð-
manna yrðu stöðvaðar. „Nú virðist
þjóðin þín einnig vilja skilja eftir sig
ummerki á ísnum með því að láta blóð
þessara saklausu bjarna renna,
bjarna sem er þegar ógnað vegna
hnattrænnar hlýnunar.“
Talið er að allt að 27.000 hvítabirnir
lifi nú í grennd við norðurheimskaut-
ið. Formaður samtaka fiskimanna og
atvinnuveiðimanna á Grænlandi, Leif
Fontaine, sagði bréf Bardot sýna að
hún hefði ekki minnsta vit á því
hvernig aðstæður væru á slóðum
bjarnanna. „Tegundin er svo sannar-
lega ekki í útrýmingarhættu vegna
riffla grænlenskra veiðimanna sem
lifa í sátt við náttúruna heldur stafar
hættan frá þeim sem bera ábyrgð á
mengun og hlýnandi loftslagi á jörð-
unni,“ sagði Fontaine.
Grænlendingar og ísbjarnaveiðar
Hyggjast selja
ferðafólki skotleyfi
Kaupmannahöfn. AFP.